ثلاثاء الغضب
 

يا جماعة عايزين نتحد بكرة أمام المشيخة حرام اللى بيحصل فينا ده ولا حس ولا خبر عننا خالص الناس دى مستهترة بينا ولا أيه كله أتثبت إلا أحنا أنا مش عارف الأزهر ده بيعمل إيه بالظبط
لازم يكون لينا رأى وصوت هما مش حاسين بينا خالص
وسكتونا بالكام شهر المكافئة
أهم مطلب لينا دلوقتى هو التثبيت على درجة مالية
أنا مستعد للذهاب بكرة أمام المشيخة وهأكلم زمايلى برضه أن شاء الله عشان يجوا معانا الموزانة خلصوها ولا حس ولا خبر عننا خالص الدور الأكبر على معلمى القاهرة والجيزة و6 أكتوبر وحلوان والقليوبية والشرقية عشان هما أقرب ناس للمشيخة عايزين رجالة زهقنا من الإنتظار
إيميلى أهو للى عايز يتواصل معاى ونرتب مع بعض هنعمل أيه بكرة
Alqaed_84***********على الياهو
ورقمى 01527822628
أخوكم إبراهيم عطية منطقة الشرقية الأزهرية
وكله يخش على رابط كلنا متعاقدين نطالب بالتثبيت على الفيس بوك

ماشي ياسيدي
بس حضرتك شايف في حاجة اسمها انا رايح بكرة المشيخة واللي عاوز ييجي معايا يكلمنى ولا نتفق على ميعاد وليكم 15\6 وساعتها الامور هتكون وضحت اكتر للناس اللي لسة عندها امل وبالمرة يعرف اكبر عدد ممكن

أنا كنت هناك إمبارح وكنا حوالى عشرة وأتفقنا على العودة تانى بكرة أن شاء الله عشان نسمع صوتنا أكتر بس عايزيين أكبر عدد من المتعاقدين ينضم لينا

طيب كان في استاذ هنا في المنتدى اسمه ضويحى كان بيقول انه معه عدد وكان تارك رقم تليفونه لو ممكن التواصل معه على فكرة هو كان متحمس جدا لكن تقريبا مالاقاش حد يشجعه

يا ريت أعرف رقمه وأنا أتصل عليه
يا جماعة خليكم إيجابيين شوية وأتحركوا إحنا بينضحك علينا

يا متعاقدين أكسروا الخوف والكسل بقى

بلاش نتفق يا ام رهف بلاش تعدد التواريخ عشان ينجح ولو مرة وحدة

بكرة يعنى بكرة وايه المانع ان يبقى اعتصام مفتوح والعدد يزيد كل يوم ايه رايكم

يا ريت يا جماعة اللى يقرأ الموضوع يرد عليه
واللى عازم أن شاء الله يروح بكرة يتصل عليا أو يكتب رقم تليفونه وأنا هتصل عليه

برافو عليك يا نجدى هو كده الصح أنا بأفكر فى كده برضوا أن شاالله نبات قدام المشيخة أنا مستعد والله
كلمنى على الإيميل
alqaed_84 على الياهو

تمام
انا بس مستغربة على عدد المتعاقدين في الازهر اللي مش بيسعو انهم يطالبو بحقهم باقول يمكن علشان المواعيد مفاجأة انما ماشي كلامك

و الله شباب رجالة وبنات زي الفل ..... هو كدة الصح ... حتي لو كنا عشرة عشرين ...او واحد ... المهم نبطل كسل ... لكن الخوف مش موجود لان ما فيش حاجة يتخاف منها طالما مش بنكسر حاجة.....ومش مهم نقول المعاد قبلها بسنة ... ما احنا لينا سنين بنتكلم .. وما حدش بيروح



فبلاش الناس اللي كل مرة بتتلكك بالمعاد تتكلم و اللي كسلان يروح .... خلاص خليه ... احنا حانجيب له العقد الجديد لغاية البيت علشان يمضيه .... مش انتوا كنتم بتتمرطوا كل سنة علشان تمضوا العقد


اتعبوا يوم واحد وروحوا اهوا المهزلة دي

ممتاز يا إياد يارب تكون معانا بكرة
الساعة 10 امام المشيخة
رقمى 01527822628

والله انشاء الله معاك


وكل معارفي حابلغهم

الهمة يا شباب الحرية على الأبواب
على وعلى وعلى الصوت اللى بيهتف مش هيموت
يا متعاقد فينك فينك على صوتك دول ناسيينك
يا إمامنا يا إمام فين كلامك من زمان
يا إبراهيم يا صادق فين الوعد الصادق
يا متعاقد أصحى وفوق رجالة الأزهر ليه نسيوك

يا اخوانا بلاش من التمني والله ما فيه تثبيت الا لما نعمل حاجة شيخ الازهر خلع ايده من موضوعنا خالص ومش فاضيلنا
لازم نتحد ونعمل زي الناس الدولة ورتنا الطيق وهو الاعتصامات والاضراب حتى عن الاكل والشرب لو عشرة بس قدام المشيخة واضربوا عن الطعام هتتقلب الدنيا
التربية والتعليم ثبتت اللى شغالين بالحصة السنة اللى فاتت
يعنى باين الحككاوى قوى
ربنا معانا وهينصرنا
بس لازم نتحد
الثلاثاء ان شاء الله قدام المشيخة ومش ماشيين بايتين هناك هيعملولنا ايه يعنى ولا حاجة
وهتشوفو النتيجة
ربنا يوفققنا جميعا

بجد بجد ربنا معاكم والله .لولا الواحد من اسوان كان ظبط معاكم ..عشان خلاص الواحد جاب اخره ...........ز

والله العظيم لولا اني من سوهاج لكنت معاكم بس انتوا عملوا اعتصام ليوم واحد واوعدكم بامتداد الاعتصام في سوهاج في اليو التالي

ربنا معاكم بس ياريت تكملوا وكونوا واثقين من حاجه اني العدد بيزداد كل ساعه

يا رب المة دى خير فعلا الاعتصام المفتوح هو الحل زى الثورة كل يوم العدد يزيد وينبهنا انه كان اليوم كذا

يا جماعة توكلوا على الله وتعالو بكرة يارب ماتكسفونا

همتك معانا يا أبو مريومة ويا أستاذ عبد الكريم

التربية والتعليم خدوا قرار

اتنفذ
وتانى مرة وعلى ثقة حيتنفذ

الازهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا معاكم

ربنا معاكم والله انا يامه اتكلمت مع زمايلى فى البحيرة وكلهم مستعدين ومش عاجبنا الوضع المهين ده

بالله عليك يا استاذ حمدى تيجى بكرة أنت وزمايلك
ورقمى اهو 01527822628

فعلا يا جماعة الاعتصام المفتوح هوة الحل
ولازم الصبر وان شاء الله نكونوا الشرارة اللى حتقيد للجميع
وان شاء الله الكل حيفوق لما يلاقى ايجابية وعزم والعدد حيزيد

شباب الازهر للاسف محبطين وكثير منهم سلبين ربنا معاكم

ربنا معاكم

حتى لو كان العدد قليل منيأسش لان كل يوم هيزيد واللى مش عارف هيعرف ان فيه اعتصام مفتوح عند المشيخه واللى كان خايف مش هيخاف اوعوا الفرصه تضيع المره دى لان لو ضاعت هنندم اشد الندم وبعدين البلد داخله على انتخابات مجلش شعب ورئاسه يعنى محدش هيفضى لنا بعد كده ياريت اللى ظروفه تسمح ميتأخرش والله والله لو تسمح لى ظروفى ما كنت اتأخرت أنا نفسى اعمل اى حاجه بس اتعين

بكرة يعنى بكرة وايه المانع ان يبقى اعتصام مفتوح والعدد يزيد كل يوم ايه رايكم

ان شاء الله مش نازل اهمدوا بقه شويه هو كله بقوا رجاله

لو قعدنا نقول لولا اني من اسوان كنت رحت معاكم
لولا اني كنت من سوهاج
لولا اني من اسكندرية

مش حنعمل حاجة

وبتوع القاهرة لو كانوا حيتحركوا كانوا اتحركوا من زمان

ههههههههههههههههههههههههههههههه كل مره تقولوا هنتجمع واروح ولا حد بيجي بطلوا وهدوا شويه انتوا بتكلموا ناس مش فدمخه حاجه اساسا اخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخ

يا جماعه عايزين نتفق على ميعاد نتجمع فيه قدام المشيخه وكفانا كلام