|
من هو المستشار هشام البسطويسيى؟
http://www.elfagr.org/Portal_News/Bi...2011315148.jpg المستشار هشام البسطويسى من هو المستشار هشام البسطويسى؟ كل الناس بتسأل مين المستشار هشام البسطويسى اللى مرشح نفسه للرئاسة ،وايه هو برنامجه الانتخابى؟ كل الاجابات دى هتلاقوها هنا باختصار علشان انا مش عايزة اتعبكم بس قبل ماتقروا عايزة اقولكم حاجتين مهمين جدا : اولا: فى محاولات كتيرة جدا لازاحة المستشار هشام البسطويسى من طريق بعض المرشحين اللى بيدعوا الديمقراطية ، وبيطالبوه بالانسحاب من الترشح ثانيا: فى تجاهل اعلامى كبير اوى لسيادة المستشار ..وده يخلينا نفكر لمصلحة مين كل ده ؟ ده دليل على انه منافس قوى جداااا السيرة الذاتية: http://3.bp.blogspot.com/-aKOxWjcdZJ...lE/s1600/h.jpg المستشار هشام البسطويسيى في 23 مايو عام 1951 ولد هشام محمد عثمان البسطويسي، على عكس الأطفال لم يكن يحلم بأن يصبح ضابطاً ؛ وإنما أن يعمل بالقانون مثل أبيه المحامي، وهو ما تحقق عام 76 بتخرجه من حقوق القاهرة.. وأثناء تدربه بمكتب أستاذه المحامي صلاح السهلي تعرف على حب عمره ورفيقة دربه ألفت صلاح السهلي، فتزوجها وسافرا إلى الإسكندرية حيث بدأ ...حياته العملية كوكيل نيابة بالجمرك.. ثمان سنوات قضياها تنقل فيها من نيابة الجمرك لنيابة الأحداث ثم قاضي بالمحكمة الجزئية، وخلالها رزقا بثلاثة أبناء محمد، وأحمد، ومصطفى، في عام 1988 رجعت الأسرة إلى القاهرة ليعمل البسطويسي في نيابة النقض ويقضي بها عشرة سنوات حتى عام 1998 عندما اختارته الجمعية العمومية لمحكمة النقض – عدا واحد – مستشاراً لمحكمة النقض، وفي عام 2000 تم ترقيته بفضل تقاريره القضائية الممتازة إلى نائب رئيس محكمة النقض. اهم انجازاته: http://www.almushahidassiyasi.com/ar...9df2de8371.jpg *كان واحدا من القضاة الذين وقفوا فى وجه النظام الظالم واكثر القضاة معارضة للحكومة *اهم المنادين باستقلال القضاء *تم تشويه صورة المستشار عدة مرات بسبب معارضته للتدخل النظام فى شئون القضاء *في عام 1992 أعير البسطويسي للعمل في الإمارات، وهناك قاد أول إضراب للقضاة المصريين احتجاجاً على وقف قاضيين مصريين عن العمل واستمر هذا الاضراب لمدة 25 يوما،لكنهم رغم كل الضغوط رفضوا فض الإضراب إلا بعد إعادة القاضيين المصريين إلى العمل والالتزام بكل شروط القضاة المصريين *ثلاثون عاما من العمل القضائى لم يشرف فيها لبسطويسي على انتخاباتهم المزورة *إلا اشرافه مرة واحدة في الثمانينات، في دائرة مينا البصل، كان وكيلاً للنيابة وقتها، مشرفاً في اللجنة العامة بصحبة القاضي محمد بيومي درويش، وإزاء التدخلات الأمنية والتلاعب في الصناديق قرر القاضيان – بسطويسي ودرويش – إلغاء الانتخابات في الدائرة، ورغم كل الضغوط التي مارسها وزير العدل ومجلس القضاء الأعلى وتلويحهم لهما بالتفتيش القضائي إلا أنهما لم يرضخا للضغوط ولجئا إلى نادي القضاة بالإسكندرية، ومن يومها لم يتم انتداب المستشار هشام البسطويسي للإشراف على أي انتخابات كما لم ينتدب لوزارة أو شركة لأداء عمل غير قضائي *عندما جاء دوره للانتداب لمحكمة القيم ؛ اعتذر عنه رافضاً بذلك زيادة في المرتب الشهري قدرها 1200 جنيه، لكن القاضي الحر أقر في اعتذاره المكتوب أنه " لا يشرفني العمل في محكمة استثنائية طالب القضاة مراراً بإلغائها " * فى عام 2003 تقضي محكمة النقض برئاسة المستشار حسام الغرياني وعضوية المستشار هشام البسطويسي ببطلان نتائج انتخابات دائرة الزيتون – دائرة د.زكريا عزمي ويؤشر المستشار فتحي خليفة رئيس النقض على النسخة الأصلية للقرار بتعييب إجراءات التحقيق والقرار الصادر فيهما طالباً إعادة عرض الطعنين، فترد المحكمة بذات التشكيل في فبراير 2 تعقيب رئيس محكمة النقض على الحكم في الطعن الانتخابي لأنه لا صفة له فيما يطلبه، " فلا صفة لرئيس المحكمة في التعقيب عليها أو إملاء طريق معين للتحقيق، أو توجيه الدائرة أو أحد أعضائها في شأنها". * كأي مواطن مصري بسيط ينتظر البسطويسي أخر الشهر بفارغ الصبر، فبعد ثلاثين عاماً من العمل لا يملك سيارة خاصة أو شاليه في مارينا وإنما يقضي المصيف في شقة والده بالإسكندرية، ولا يملك إلا شقته في 10 ش توفيق وهبي بمدينة نصر، أما ثروته فهي أبنائه الثلاثة محمد – أحمد – ومصطفى * شهراً كاملاً قضاه البسطويسي معتصماً في نادي القضاة، شهراً كاملاً من حصار الأمن، والاعتداء على القضاة بالضرب، وسحل المعتصمين أمام النادي، واعتقال المتظاهرين المتضامنين مع القضاة. * شهراً كاملاً من الضغط العصبي، والتوتر، والقلق سقط في أخره القلب المثقل بهم البلد رغم أن صاحبه لا يعاني من السكر أو الضغط أو حتى زيادة نسبة الكولسترول. توقف القلب 4 دقائق كاملة وأوقظه سبع صدمات كهربائية وعملية قسطرة استغرقت ساعة ونصف أجراها د. أحمد عبد الرحمن بمستشفى كيلوباترا. *بالاضافة الى مواقفه تجاه الثورة وتصريحاته..ودى لوحدها عايزة موضوع برنامجه الانتخابى : هيعلن عن برنامجه الانتخابى قريب جدااااا ان شاء الله ، وهيعمل حوارات تلفزيونية فى الايام الجايه وهو بالفعل اعلن عن بعض هذا البرنامج فى المناظره التلفزيونيه اللى تمت من ايام قليله بينه وبين بعض المرشحين الاخر طبعا مش هقولكم يعنى ايه قاضى يحكم مصر ،قاضى وقف قدام الظلم واتشوهت صورته علشان كده،قاضى بيحكم بالعدل ،وكلنا عارفين ان القضاء كان الحصن الاخير لكل المصريين واللى ماطالهوش الفساد تعرفوا ليه علشان القضاة اللى وقفوا واعتصموا واضربوا واتبهدلوا لمجرد انهم كانوا بيطالبوا باستقلال القضاء واللى سيادة المستشار هشام البسطويسى واحد منهم، اتصوروا لو رئيس مصر مبادئه نفس مبادىء القضاء واولها ((العدل )) .... ويارب الانتخابات تتاجل كام شهر بس علشان اقدر اروح ارشح وارشح المستشار هشام رمز العدل والعفه ربنا يولى من يصلح |
مرسي يا زوزا على الموضوع و انا شخصيا بحترم المرشح ده جدا
|
- من أفضل منجزات ثورة 25 يناير أنها أثبتت أن مصر فيها قامات كبيرة يمكن أن تنافس على منصب رئيس الجمهورية ، على عكس ماكان النظام السابق يحاول أن يقنعنا أنه لابديل لنا اما حسنى مبارك أو جمال مبارك . - هشام البسطاويسى صفحة ناصعة لرجل شريف و قاضى شريف وقف فى وجه النظام السابق فى عز قوته شكرا لكى زوزا على هذا الموضوع |
اقتباس:
شكرا ليكى يا صوفيا والمستشار هشام يستحق من الجميع الاحترام والتقدير نورتى، اقتباس:
اكيد كفايه انا سمعته معلهاش غبار ومافيش فى سيرته الذاته أكذوبه وأكذوبه و.......ألخ نورت، اقتباس:
استاذى الفاضل دايما حضرتك منور انا كنت دايما بسأل ليه مافيش حد محترم كان بيرشح نفسه فى انتخابات الرئاسه بس انا عرفت الاجابه عارف حضرتك ليه؟ علشان الريس الجميل اللى كان حاكماْ كان عمال الرئاسه تفصيل عليه هو وابنه وطبعا مقاصهم صعب ومافيش منه فى السوق بس الحمد لله ان احنا عندنا واحد زى المستشار هشام رجل عدل ومبادئ رجل دين واخلاقيات شكرا حضرتك |
شكرا على الموضوع ..
وفعلا النظام السابق جعلنا نشعر ان لا أحد يصلح لمنصب الرئاسة خاصة فى سيناريو الانتخابات الرئاسية الاخيرة |
احترمه واقدره جدا
ولكن لن ارشحه ويحميه ربنا من اشاعات المغرضين ام الاستاذ ناصر لما بتقول ان النظام صور ان البلد مفهاش حد يصلح بالاشاعات ليه بتردد الاشاعات وتقول ان البرادعى راديكالى تابع للخمينى وهل انت تعرف يعنى ايه راديكالى |
انا بحترمة جد ا شخصية افخر انها مصرية
وكنت اتمنى لو ينفع يكون ليا صوتين للانتخابات كان واحد للبرادعى والاخر للبسطويسى ربنا يوفقة |
اقتباس:
فuلا اخى الفاضل كان النظام السابق مفصل الرئاسه على مقاس واحد مش موجود فى السوق بس الحمد لله دلوقتى فى معظم المقاسات وربنا يولى علينا من يصلح نورت، |
اقتباس:
اشكرك على احترامك للمستشار هشام بس انا مش فاهمه اشاعات ازاى يعنى ؟ الراجل ده بسم الله ما شاء الله ماشفتش له اى اشاعه وبالنسبه للجزء الثانى من رد حضرتك مش كل الكلام اللى كان بيتقال اثناء النظام السابق اشاعات فالكلام اللى كان بيتقال على المستشار هشام كان كله اشاعات ومعظم وليس كل الكلام اللى كان بيتقال على دكتور البرداعى اشاعات. انا واحده من الناس مش بحب دكتور محمد البرادعى ويمكن احترمى له قليل جدا لكن اشهد له ان الكلام والاشاعات اللى قيلت عليه اثناء النظام السابق بعضها خطأ وليس كلها عموما نورت، |
اقتباس:
اشكرك على كلماتك المحترمه والتقديريه للمستشار هشام فهو رجل يستحق من كل تقدير وان نفخر بيه لان راجل عادل صاحب مبادئ واخلاقيات نورت، |
اقتباس:
بص يا هانى انا من يوم مادخلت المنتدى هنا ونفسى اعرف ايه سبب تاكدك من ان دكتور محمد صادق فعلا وقولا مع انك ماشفتش له حاجه بعنيك مثلا عكس مثلا المستشار هشام واضح جدا انه رجل عدل وحق وكلنا شفنا من كل خير انا فاكره اول ما الدكتور قال انه حيرشح امن الدول طلع مستندات وحاجات فضيحه له وكنت مصدقها بس لما فكرت بعقلى ذكبت اكترها او كلها بس فى حاجات تانيه بقى اشاعات ومش تقولى زى ايه علشان مش فاكره حاجه معينه دلوقتى انا عندى على الجهاز كل اشاعه طلعت عليه وهو رد عليها ازاى ممكن اعرضهم بس انا مش مقتنعه برضه وشايفه انها مش اشاعات هى حقيقه اسفه طولت عليك |
اقتباس:
قولى الاول مبروك علشان برد بعضويتى تانى {رجعتلى تانى والحمد لله} المهم انا مش حتكلم عن البراداعى هنا حتكلم هناك بس لما اركز علشان وشى مش يحمر واطرد من الموضوع وعلى فكره لو الانتخابات اتاجلدت شهر او شهرين بس حروح وانتخب :d بالنسبه للمستشار هشام خبره قوانيه بس وقليله؟ مين قالك يا هانى ده كان نائب محكمه النقض وخبره سياسه كبيره جدا عنده انت شفت البرنامج بتاعه ؟ اكيد لا طبعا اى شخص يشوف حته صغننه من برنامجه يعجب بيه ويبصم بالعشره ان مافيش غيره حتشوفنى هناك ان شاء الله |
البرادعى فى رايى وفى راى اى واحد يكلف نفسه ويبحث بحيادية هيعرف انه عليه اى شاعة طلعت دى كانت مغرضة ولكن المستشار الذى اكدت على احترامى له ان كان رجل قضاء وتلك هى ميزته فلننتخب مرتضة منصور مثلا
|
اقتباس:
بصى بقى يا هانى سبنى اركز كده شويه علشان اعرف ارد عليك علشان انت بتقف على الواحده خصوصا فى موضوع البرداعى سيبك من سياسه دى خليها على جب خلينا فى اداريه اه عنده خبره اداريه وممكن اكون انا كمان عندى خبره اداريه ممكن انت ميكنش عندك خبره اداريه وممكن العضو اللى معدى هناك يكون عنده برضه عارف ليه علشان الخبره الاداريه ممكن تكون عند اى حد وهو كان نائب محكمه النقض واكيد انت عارف ان المنصب ده مش بيتاخد بالادميه ولا السن بيتاخد بالخبره الادارايه للمنصب ده واكيد برضه انت عارف ان مش اى قاضى يكون قاضى جنائى لكن اى قاضى ممكن يكون قاضى مدنى وعلى فكره انا مش بقول كلام من فارغ انا بقرأ كتب قانون كتير وعارفه كويس اوى انها تفرق وعلى فكره ممكن يكون بياع فى سوبر ماركت عنده خبره اداريه وممكن رئيس الدوله ميكنش عنده:d صح ولا ايه رايك يا باشا؟ |
اقتباس:
أما البرادعى ..( وطبعا ده مش موضوعه ).. فما له وما عليه معروف وكل ما كتبته فى موضوع البرادعى مدعم بالروابط وكان ينبغى الرد فى نفس الموضوع بما يثبت كذب ذلك وكلمة راديكالى لم استغربها طالما انها اطلقت على شخصية دينية ايرانية ولم اطلقها على البرادعى وراجع المشاركة واما عن معناها المقصود فتم الرد فى الموضوع ايضا |
اولا شكرا زوزو على الموضوع الرائع والحقيقة المستشار هشام من الشخصيات الرائعه التى تجبر أى فرد على احترامها ولكن لأنه كان ضد النظام تم تهميش دوره وابعاده عن الحياة السياسية واعتقد بأنه لو بقى فى مصر لأنطلقت ضده هو الأخر حمله شرسة من التشوية من اعضاء النظام السابق
ثانيا كنت سمعت من فترة ليست بالقصيرة ان هناك محاولة لعقد تحالف بين المستشار هشام والدكتور البرادعى للدخول للأنتخابات الرئاسية كرئيس ونائب وشخصيا اتمنى ان يحدث هذا لأنه سيكون تحالف كبير جدا جدا واعتقد بأنه وقتها ستكون الفرصة كبيرة لفوزهمها :) |
اقتباس:
اشكرك اخى الفاضل نورت الموضوع بس احب اقول لك ان مافيش شخص يقدر يقول كلمه واحده فى حق المستشار هشام لان كلامه حيكون كذب وبالتالى اللى بيتكلم صح يكون عنده أدله ومافيش اى دليل سئ للمستشار كفايه ان قال للنظام السابق وتزوير الانتخابات "لا" وانا اعتقد ان الفوز فى الانتخابات القادمه يااما للمستشار هشام يااما لدكتور محمد وربنا ولى من يصلح |
والله من وجهة نظرى
لا دة يصلح ولا دة يصلح لكن ان حكمت ما بين البورعى اقصد البرادعى ومابين البسطاويسى اكيد هختار البسطاويسى شكرا يا عزة على الموضوع منورة دائما |
اقتباس:
فنحن حالياً في حاجة لمعرفة المميزات والعيوب لكل شخص لنختار الافضل على الاطلاق ايه اللى شايفه وحش في البسطويسي وموجود عند حد تاني ينقصه خبرة ، علاقات دولية ، ... ؟ |
اقتباس:
|
اقتباس:
بالتأكيد انا شخصيا مش هصدق حاجة تقال عنه ولكن انتى شايفة مثلا فى موضوع البرادعى كل يوم بكدبة شكل ومن نفس الأشخاص ههههههههههههه :confused: ايوه زى ما بتقولى انا عايز واحد قال لأ فى وش النظام مش واحد كان خاايف :) ربنا يولى من يصلح |
اقتباس:
والله يا أسامه انا حابه المستشار هشام علشان شفت منه كل خيــــــــــــــــــــر وانه راجل مبادئ واخلاقيات لكن دكتور محمد عليه شبهوات كتيره اوى وكمان احيانا بحس انه كان مع النظام السابق عموما زى ما بانز قال اللى عنده اى شئ على المستشار هشام يقوله بس ياريت يكون بأدله على نصدق الكلام ده نورت، |
اقتباس:
استاذى الفاضل هشام البسطويسيى قال لا لتزوير انتخابات 2003 فى حد قدر يعمل كده غيره ؟ طالب باستقلال القضاء مثال مشرف للقاضى المحترم انا قولت قبل كده كلمه لـ هانى وهى ان مش اى قاضى يكون قاضى جنائى لكن اى قاضى يكون قاضى مدنى وهشام البسطويسيى قاضى جنائى وربنا ولى من يصلح |
اقتباس:
اعتقد بأنه هانى لديه رأى ان كل شخصية عامه محترمة ليس بالضرورة يصلح لكى يكون رئيس للجمهورية وانا اتفق معه فى هذا الرأى ولكن لا نستطيع ان نجبر احد على عدم الدخول فى النهاية لو اراد ان يدخل الأنتخابات فليفعل |
اقتباس:
استاذى الفاضل انا رديت على هانى بالنقطه اللى قصدها ان هشام البسطويسيى لا يملك الخبره القانونيه والاداريه انت شايف كده ؟ بص هو كان نائب محمكه النقض يعنى اكيد عنده خبره اداريه وزى ما قولت مش اى قاضى يكون قاض جنائى لكن اى قاضى ممكن يكون قاض مدنى وهشام قاض جنائى يعنى عنده خبره قانويه وبعدين ده راجل طول عمره بالقانون ازاى مايكون عنده خبره قانونيه يبقى ازاى مينفعش ؟ وعلى فكره المستشار هشام دخل الانتخابات بنائا على رغبه الشارع المصرى والناس هى اللى طلبت منه الترشيح وان شاء الله حيكسب |
اقتباس:
الحقيقة انا لا افهم ما هى فكرة المعرفة القانونية والادارية فالرئيس عادة يكون له مستشارين بجميع المجالات لكن المستشار هشام شخصية محترمة وفى النهاية فلننتظر نتيجة الانتخابات :) |
اقتباس:
لا ده كان رأى هانى او سؤالها ودى كانت اجابتى وفى انتظار النتجيه مع انها واضحه من دلوقتى :d |
اقتباس:
هههههههههههههههههههههههههههه والله حاجة حلوة لو نظام قديم مكانش اتشوه كده طب واللى وقف على حد قولك ضد التزوير هل عمل حاجة مش برضه زورو وبعدها هرب بره مصر قال ايه مصر خلاص مفيهاش فايدة وبعد ما قبل التزوير قال امشى لو استمرينا فى تشويه مرشحينا اخشى ان نضطر للتشويه على الكل وكل مرشح فضايحه متلتله الاستاذ صوت الامة اظن اسمه البرادعى مش البورعى وسيادتك اسمك صوت الامة مش صوت العمة |
وكيف لمشرف قسم القران الكريم ان يتتريق على خلق الله
|
لا الة الا الله هو انا اتريقت على خلق الله قلت اية مثلا
الراجل دة اصلح واخنف و مش عارفة اية وشنبة اية واية ؟؟؟؟؟؟ كل الموضوع انى قلت البورعى وصلحتها جنبها بالبرادعى ثم هو المشرف دة نبى مثلا؟ منتى اهوة قلت صوت العمة اترقيت على حلق الله لية منتى مسؤل بردة واذا كنت عايز تنصح حد او تعرفة انة خطا متقعش انت فى نفس الخطا لانها بكدة مش هتبقا نصيحة ولا الى قدامك هيتقبلها منك تقبل تحياتى |
علي العموم البسطويسي أحسن من عمرو موسي والبرادعي ولكن بعد كل المرشحين الاسلاميين
|
اقتباس:
ثانيا لو زى مانت بتقول انا بعتذرلك على ظنى بيك الخطا بس كنت تمسحها بس مش مشكلة وبعتذرلك اما حكاية المشرف انت قدوة للاعضاء اللى انت اصلا منهم فلاززم تكون على قد المسئولية ولك تحياتى وربنا يولى الاصلح |
استاذى الفاضل thechampion انتظر ردى المدعم بأدله على كلامك هنا وفى موضوع البرادعى وانا ممكن ارد دلوقتى عليك بس انا حابه اتأكد من كلامى قبل ما اقوله علشان الكلام الصح هو المدعم بادله او اخده من على لسان المستشار هشام شخصياْ انتظرنى ، |
جزاك الله خيرا
|
يا ستى انا بقولك ممكن نقول اشاعات وكلام فارغ طالما انتى من انصار هشام وبتقولى اشاعات على الدكتور فقد يكون الرد بالمثل
لانك قلتى حاجة مستفزة الا وهى انه منالنظام القديم دى بجد جديدة خالص وحكاية العراق مصر كلها شافت الفيديو بتاع العراق انما اللى ممكن يكون من النظام القديم اللى كان قاضى فى هذا النظام واشرف على انتخابات |
اقتباس:
ايه ده هو انا بقول اشاعات ؟ لا حضرتك أكيد مش انا لانى اتعودت ان كل كلمه اقولها يااما اكون متأكده منها يااما اسكت وسورى فى اللفظ احط جذمه فى بؤى وكلامى على دكتور البرادعى مش اشاعات ولو اشاعات انكرها واثبت عكسها بس بشرط يكون بأدله وانا عندى على الجهاز كذا مقال قديم من 2009 و2010 للدكتور محمد والكلام ده كان على لسانه انت لو شايف او عايز تبرئه اتفضل برئه براحتك ودى حريه لك بس ياريت تتكلم باى دليل او اى كلام مقنع انا معايا مقالات وكلام مقنع ومعايا كلام الدكتور اللى مش مقنع أصلا عموما حنتظر ردك على الاربع اشاعات زى ما يتقول بس هنااااااك فى الموضوع التانى اما هنااا وبخصوص المستشار هشام قبل ما ارد على حضرتك احب اقولك حاجه اعتقد انى اصغر من حضرتك طيب لما اختك الصغيره فرضا تقول اشاعه ، تنصحها ولا ترد عليها بأشاعه ؟ ولو افترضنا ان كلامى على دكتور محمد اشاعه تجيى حضرتك تقول كلام غريب ومسيئ على المستشار هشام ؟ وكمان تقول عليه اشاعه ؟ احب اعرف حضرتك حاجه انتخابات 2005 اللى حصل فيها تزوير تعرف دى دائره مين ؟ دى دائره زكريا عزمى ولما رفع قضيه هو والقاضى اللى كان معه شوف اللى حصل له وعلشان مش تقول كلام وخلاص ده مش كلامى الكلام ده هو اللى قاله فى حلقه فى برنامج الميدان على قناه المحور من فتره وكانت المذيعه اعتقد اسمها جيهان كانت جايبه فى الاستديو المستشار هشام وزوجته وهو اللى قال الكلام ده بنفسه تعرف حضرتك ايه الحاجه الوحيده اللى فضلت شريفه والفساد ماقدرش يطولها الـ30 سنه ؟ القضاء واللى المستشار هشام واحد منهم واحد من اللى وقف واعتصم واتبهدل علشان ايه ؟ علشان بيطالب بستقلال القضاء وحتى لو فرضنا جدل مثلا انه كان بيعمل كده علشان يوصل لمنصب { مثلا يعنى } طيب لما سافر خارج بلده مصر وقف ونظم اعتصام مفتوح لحد ما القاضين المصريين يرجعوا للعمل مره تانيه برضع يبقى مش كويس ؟ واحد قلبه وقف 4 دقائق عارف يعنى ايه 4 دقائق يعنى كان بين ايد ربنا عز وجل وبرحمه ربنا رجع تانى رجع علشان يحكم مصر بالعدل ودلوقتى حنقول برضه اشاعات على واحد كان حيموت وقلبه ما استحملش بسبب بلده ؟ ياريت نتقى ربنا ونقول كلمه حق تقبل فائق تحياتى ،،،،،، |
اقتباس:
|
السلام عليكم الرجاء القراءة للرد على الاتهامات الموجهة للدكتور البرادعى
http://www.مترو.com/2011/03/blog-post_23.html رئيس اللجنة الالكترونية للحزب الوطني المنحل يعتذر للبرادعي على الفيسبوك http://www.youtube.com/watch?v=FdU74B9LfuQ بالفيديو الاعتذار الثاني للسلفية الداعية حازم شومان يعتذر للبرادعي http://www.youtube.com/watch?v=JA3FpM40Yb0 اعتذار الشيخ محمد اسماعيل المقدم للشعب المصرى عن موقف الشيخ يعقوب واعتذاره للبرادعى http://www.youtube.com/watch?v=Lsuo23gyHh0 اعتذار د.حازم شومان لـ د.البرادعي - قناة الرحمة http://www.youtube.com/watch?v=N0wOGYpRHG0 اعتذار الشيخ محمد اسماعيل المقدم للشعب المصرى عن موقف الشيخ يعقوب واعتذاره للبرادعى http://www.youtube.com/watch?v=Lsuo23gyHh0 :::::::::: http://www.youtube.com/watch?v=J9gtM...=FL9itIzbsbzYg http://www.youtube.com/watch?v=lmQGt...WLAC5F7579A5BC |
اقتباس:
لالالالالالا استاذى الفاضل انا قولت قبل كده ان احنا ممكن ناخد كلام من على لسان الشخص نفسه وبكده يكون دليل وانا كلامى اللى قلته من على لسانه شخصياْ ممكن تدخل على النت وتشوف الحلقه وكلام دكتور محمد اللى مبرا فيه نفسه برضه عندى ، بس كلام مش مقنع وكمان كلام فيه نقاف انا عندى كذا مقاله موثقه فيها وهو بيقول انه علمانى ودلوقتى بيقول عكس كده طيب ازاى بقى ؟ بص انا مش حتكلم هنا على البرادعى حتكلم عليه هنااااااااك اما هنا فياريت لما تتكلم على المستشار هشام تتكلم بادله عليه او اى حاجه تثبت اى كلام او اشاعات عليه وانتظرى من فيديو جديد على البرادعى |
اقتباس:
انا دلوقتى بقولك يا زوزا هاتى دليل واحد بس ان دكتور محمد مدان فى اى شئ بس يكون مدعم بالفيديو |
استاذى الفاضل thechampion ادخل فى موضوع البرادعى : انا لست علمانى او ليبرالى ,,, وانا مش ضد الحجاب اطلاقا وحالا حتشوف الفيدو اللى الى بيثبت صحه كلامى |
برضه ررديت ووالفيديو ضعيف جدا وغير مقنع عايز ادلة بجد بس فين متلاقيش لان تاريخه ابيض
|
اقتباس:
يافندم حضرتك قولت قبل كده هاتى اى فيديو يثبت صحه كلامك وده فيديو ودلوقتى بتقول الفيديو صعيف صعيف ازاى يعنى ؟ هو مقاله مش قادرين نثبتها؟ ده حوار تلفزيونى ولو على الادله ممكن اجبلك كذا فيديو كمان لو عايز انا فى الخدمه بس نتكلم بعقلنا بقى شويه ونسيب عوطفنا على جب |
ضعيف يساوى لا شئ ولا يدينه ابدا
انا عايز حاجة واضحة زى الشمس زى فيديوهاتنا فيديو البراءة من العراق وغيره وغيره فين الحاجات المواجهة مفيش كلها حاجات تزيده قوة مش ضعف علشان بيدافع عن حقوق الانسان ويرفض تكفير اى شخص لان ربنا اللى بيحاسب |
نعم للمستشارهشام
|
اقتباس:
استاذى الفاضل اانا عارفه ان ربنا اللى بيحاسب شوف عايز فيديو عن ايه وانا اجيب لك بس اعتقد ان الفيديو اللى بيدافع فيه عن الراجل اللى بيقول كلام سئ عن القاران والسنه وكمان لا والحجه مش فريضه امال ايه؟ اتقى الله اخى الفاضل |
يا ستى ياما شيوخ اساءوا للاسف لصورة ديننا الحنيف بتصريحاتهم وفتاويهم الغريبة فخلاص بقى نكفر الكل لو يعجبك
|
عزة .. انتى قدوة لى فى السياسة فعلاً ... موضوع رائع و اقنعنى بواحد انا مكنتش عارف عنه حاجة و طريقتك فى الكلام بتدل انه مش نقل لاده عن اقتناع و انك عايز تشاركى .. المهم...
طبعاً استاذنا البسطويسى من اهم مرشحى الرئاسة .. لكن (( هل سيفوز ؟؟ )) اظن كلنا نعلم انه لن يفوز .. و ان البرادعى لن يفوز .. بإذن الله يعنى هتقوليلى ليه .. اقولك لان انصارهم من النت فقط .. فى الشارع المصرى لا يتقبلون البرادعى و لا يعرفون اصلاً من هو البسطويسى .. سالت مرة امرأة تسير فى الشارع ايه رأيك البسطويسى و لا البرادعى و لا زويل ؟؟ .. قالتلى يبنى ولا واحد منهم .. واحد منهم هيقلب البلد .. (( البرادعى )) انا اصلاً معرفش عنه كتير .. ع الاقل مبارك كان مننا و علينا انما ده واحد شفناه من سنتين تلاتة .. عاملة حركة التغيير و جمع حبة امضاءات .. و بيصلى عشان الناس تصوروا . !! ... قلتلها طب و التانى قالتلى يرضيك رئيسك يبقى اسمه البسطويسى قلتلها .. ايه المشكلة قالتلى معرفوش اصلاً ... قلتلها طب زويل .. قالتلى هيقلب البلد علمى و مش هيحس بالفقراء و محدودى الدخل .. الست دى جابت ملخص ... عن التلاتة .. و انا ابصملكم بالعشرة ان ولا واحد مهم هيكسب الانتخابات .. و هتلاقى واحد من الحكومة هو اللى هيمسك .. عصام شرف .. احمد شفيق .. طنطاوى .. مراد موافى ((رئيس المخابرات )).. سمير رضوان .. و حتى لو مش دول .. هيبقى احد المشاهير .. محمد صبحى .. او احد الاخوان .. و ستقولون قد قالها امجد .. سواء احيانى الله لتلك اللحظة .. او اماتنى |
اقتباس:
يا باشا الست دى مع احترامى ليها لا عايزة علم زويل ولا ديمقراطية البرادعى ووقوفه ضد النظام ومش عاجبها اسم المستشار البسطاويسى يعنى عيبه اسمه غريبة والاغرب انك تقتنع بيها وباللى قالته وكمان عاجبك انها قالت مبارك كان مننا وعلينا نيجى للاسماء اللى قلتها كل دول بلا استثناء الميدان غضبان عليهم باستثناء واحد بس والواحد ده مش هنقبله وانا هنا بعمم وانا بتكلم عن شرف لانه مهما طولة فترته او قصرت مش رئيس الوزراء اللى جاب التايهة كما اننا نعود ونقول انه عضو المجلس الاعلى للسياسات بالحزب الوطنى وده فى رايى احسن واحد فى الاسماء دى ننيجى لشفيق اللى انت مصر انه يتهزق يا راجل يا محترم بزمتك واحد اترفض رئيس وزراء هييجى رئيس مش ملاحظ اختفاءه من فترة من ساعة ما سمعنا ان النائب العام جاب قضاة عسكريين يحققوا معاه لما باع الطيارات وجاب طيارات ايجار جديد والمستندات فى الاهرام جيت شوفها فهو اتكتم وخدها من قصيرها واستخبى وزى ما قلتله فى القصيدة ما تاخدها من قصيرها وترحل يا شفيق ولا انت خلاص مش مبطل تلزيق المشير طنطاوى نقدر دوره اثناء الثورة ولكنه رجل عسكرى والجيش يحتاجه كثيرا كثر من الرئاسة كما انه وبصراحة غير مقبول من اغلب التيارات السياسية نيجى لسمير رضوان بعد اللى عمله فى الحد الادنى اظن انه كفاية انه قاعد فى البلد وزير وكمان كان فى لجنة السياسات ناقص صبحى وده اكتر اسم ضحكنى واستفذنى ده راجل مثالى فى اعماله ولكنه خذلنا ووقف قدام الثورة ومسح كل تاريخه وغير تصريحاته الاخيرة اللى قول ان الجيش بيطبطب وبيحرض الجيش عالشعب الاخوان لن يرشحوا احد وده باختصار ولكن سيؤيدوا مرشحا واظنه واحد من 2 اما دكتور البرادعى او الدكتور حازم حاجة اخيرة توقعاتك يا امجد هتفشل لان محدش منهم هيترشح ولو حد منهم اترشح هيكون شفيق وده هيسقط رسمى نظمى عزمى لانه معاه اصوات لقطاء مبارك وبقايا الفلول اللى هيكسب سيكون وهذ توقع اما دكتور برادعى او موسى او مرشح اسلامى وده هو اللى انا شايفه بعد تحليلات كتيرة والفرص شبه متساوية بينهم اما عن التمنى فاتمنى البرادعى وان لم يكن فليكن مرشحا مش من النظام السابق وافضل دكتور ابو الفتوح المحترم جدا واسف للاطالة |
و انا اجزم لك .. ان البرادعى لن يفوز .. سواء محترم او لم يكن محترم .. فانا لن ارشح احد اختلفت عليه الاقاويل .. فالابيض تعكره نقطة سوداء .. و بخصوص البسطويسى .. منا رديت على الست بنفس الكلمة اللى انت قلتلها بس قالتلى محدش يعرفه و ده فعلاً محدش يعرفه (( زى جمعه بتاع الوفد فى انتخابات الرئاسة سنة 2005 )) الراجل كان 100 100 .. بس مش معروف ! .. يعنى هروح ارشحواحد معرفوش ؟! ... المشير طنطاوى لو رشح نفسه هيكتسح .. الناس بتحبه عشان مش فاهمه ان اللى بيعمله اى حد غيره هيعمله .. لاننا للاسف مش عارفين الصح من الغلط .. احمد شفيق اخى العزيز لو رشح نفسه هيلم اصوات .. كتير جداً كمان .. لو اللى انتخبوا 40 مليون . لوحدوا هياخدلوا بتاع 6 او 7 مليون .. لان فيه ناس حبته فعلاً و مش قليلون .. منهم والدتى و العديد و العديد .. عندك بقى محمد صبحى انا جبته على سبيل المثال .. يعنى هو او غيره .. و الراجل ده طول عمره مش هيسقط من انظار الشعب يا اخى .. لانه مالى و قل المثاليون فى مصر .. او زى ادباء بريطانيا ما قالوا عليه .. (( He is the Idealist of The Idealism )) لا تشوبه شائبة و لو رشح نفسه (( و ها لن يحدث لان الرئاسة ليس طموحه )) انا سأكون اول خمسين مليون سيرشحوه .. كفاية ان مرضاش يشتغل فى مسلسلات العرى .. عمل مسرحيات غيرت مسار شعب كامل .. وقف اعماله من اجل مشروع المليار من اجل العشوائيات .. و لو سألت اى شاب فى مثل عمرى و عمرك .. من ربالك .. ستقول ابى و امى و وونيس و عالم سمسم .. و هذا ليس بمزاح لكنه واقع فعلى .. وضعوا بداخلنا القيم و الاخلاق .. دون ان ندرى ..
سمير رضوان لو رشح نفسه لن يفوز .. لكنه هيلم عدد برو يعنى هيقلل من فرص اخرين .. و الانتخابات تعتمد على العدد يعنى ممكن واحد يخش يلم عدد كان ناوى ينتخب واحد تانى .. و بالتالى يسقط ^^ .. حاجة تانى .. لما لم تأتى بسيرة مراد موافى رئيس المخابرات الحالى ..؟؟ |
| جميع الأوقات بتوقيت GMT +2. الساعة الآن 07:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.