|
عاجل من التنظيم والاداره الفرع الرئيسى الكلام النهائى
السلام عليكم كما وعدتكم زميلى لسه جاى من نصف ساعه من التنظيم والاداره الفرع الرئيسى 1-الدرجات مفيش خالص لم يصدر من التنظيم والاداره او الماليه اى درجات للتربيه والتعليم نهائى 2- الورق اللى اتبعت من التنظيم والاداره والمحافظات غير كامل والاسماء والاعداد ملخبطه خالص ومجاش ليهم اى تعليمات حتى الان بالفرز من الماليه 3-كل اللى اتظاهروا خدوا دراتهم وهم ماشين زى بتوع الرى واحنا بره زى .............. 4- وكمان الازهر درجاتهم خلصت وقرار الدرجه نازل بعد10 ايام وده اوامر صفوت بيه النحاس المتخلف 5-المحافظات ليس لها علاقه بالدرجات وحتى التنظيم والاداره فى المحافظات 6-الدرجات موجوده كتير ولازم نتحرك علشان ناخدها قبل السنه الماليه الجديده 7-واخيرا احنا بره الحد الادنى للاجور وده قطمه الوسط اللى جابت من الاخر ده كلام زميلى لسه واصل من التنظيم والاداره الفرع الرئيسى مدينه نصر اللى مش عاجبه الكلام او مش مصدق ينزل القاهره ويتاكد بنفسه وانا تارك الحل ليكم |
والله معاك حق فى كل كلمه كما قلنا سابقا
نفس الكلام قيل لى عندما سالت وبالفعل الازهر سيكون له اكبر نصيب من الدرجات والدرجات فى ايدي التنظيم والادارة وليس المحافظين فهم من ينظموها ويرسلوها للمحافظين الدرجات فعلا موجودة بس الله اعلم هناخدها والا ولو خدناها امتى كل كلامك صح وتمام واللى عنده دليل على عكس كلامك نحن له منتظرون الحل اننا ننتظر صدورها وياعالم او نطالب بها الحاجة المحيرة جدا عارف ايه القرار75 بثبيت مدرسي الحصة كيف سيتم تثبيتهم دون درجات ومتى سيتم التثبيت ده احنا امتحنا 2009 والى الان لم ناخذ الدرجة موضوع الحد الادنى بعتمد على الدرجة واحنا ما خدنهاش كيف سيتعاملوا معنا |
واللى هيولعوا فى نفسهم بتوع المكافاة الشاملة اللى مكملوش 3 سنين هيتعمل معاهم اية
مع العلم ان وزير التعليم قال ان الحصة والمكافاة والمميز هيدخل الحد الادنى بس طبعا مش مصدقين |
ربنا ينتقم من الظلمة
|
يعنى ايه درجات موجودة ومش حناخدها
حيبيعوها فى السوق السودا مثلا ولا ايه؟ |
والله العظيم اقسم بالله مايبقى فينا راجل لو مش اتحركنا نخوه وكرامه لينا والا منستهلش نكون رجاله مش عارفه وزير التربيه والتعليم ده عايش فى البطاطا ومش فاهم حاجه وهيبهدلنا معاه مفيش حد بياخد حقه وهو قاعد الثوره قامت من ميدان التحير مش من الكيبورد |
والمكافاة الشاملة يا استاذ ادهم هيتعمل معاهم اية
|
اقتباس:
احنا معاك انا فاهمك والله ومصدق جدا شوف عاوزنا نعمل ايه |
اقتباس:
يعنى خليك قاعد فى بيتك وهى هتيجى لحد عندك فى تاكسى ريح دماغك احنا ولاد .................وغلطانين انتوا بس اللى بتفهموا والباقى ................. |
اقتباس:
لاتعليق لاادرى انا اتكلم على الناس اللى اضحك عليهم واتعينوا من غير درجات ماليه واسف انى معرفتش افيدك وانا ادم وليس ادهم |
مبروك علينا الاعدام
|
اقتباس:
احنا ملناش اى حاجة خالص لا درجات ولا حد ادنى |
انتوا لااااااااااازم تتحركوا بقي مره واحدة اعملوا حاجة الاجر هيتعيين واحنا قاعديين ده انا معايا واحدة اجر هتتعيين خلاص في 1/7 ومش عارفة بتجيب القرارت دي منيين واحنا اللي امتحنا وهم لا امتحنوا ولا عملوا حاجه يعني حرااام والله ده بتوع شهر 4 عنهم امل انهم يتعينوا في 7 ايه ياجماعة لاااازم نعمل حاجه وانا عارفة ان لاحياة لمن تنادي |
اقتباس:
لا درجات ولا تعيين ولا حد ادنى |
اقتباس:
|
مشاهدات الموضوع224
مشاركات 15 لا حياة لمن تنادي |
لاياس مع الحياه ولا حياه مع الياس هنوصل لحل اكيد حتى لو كنا 5 افراد فقط . ربنا كبير
|
يا جماعه الحكايه كده ترعب مش تخوف لازم نعمل حاجه وخصوصا اللى قريبين من الوزاره هما اللى عليهم الحمل الاكبر
وباقى المحافظات لازم تنسق مع بعض لان اللى بيحصل ده حرااااااام |
اقتباس:
ربنا معانا احنا الكل |
يا معلمى مصر كلها وعود وعهود مطاطة اين كرامتنا ودرجاتنا المالية والوظيفية
ولماذا لم تصدر الوزارة حتى الآن جدولاً بالحد الأدنى للأجور بالنسبة للمعلمين إذا كان ينوي بالفعل تنفيذ تصريحه؟ ولماذا يحاول الالتفاف الجواب ان الموازنة هتعتمد بعد ايام |
حسبى الله ونعم الوكيل
|
والله انا من اسكندرية وذهبت امس الى التنظيم والادارة امس بالقاهرة ونفس الكلام لا يوجد درجات ومفيش اى حاجة السنه دى لان مالية لم ترد عليهم وميزانية خلاص يبقى سنه جاية يشوفه المالية تتعطف علينا ودينا درجة ولا لا على العلم ادارة عندنا كتبت درجات ورقم القرار والتاريخ وقال هذا محصلش ده بيتضحكوا عليكم ما فبش درجات
|
اقتباس:
لا داعى للقسم صادق نفس الكلام سمعته برده تشعر انا الكثير منا سعيد بخداعه ويتلذذ بتصديق الوهم لنا الله |
اخر كلام الدرجات حتنزل 1/7 وحييجى نشرة بيهاالادارات 15/7 وحيتم العمل بهاابتداء من 1/7 والله
|
الدرجات فى الطريق
اخر كلام الدرجات حتنزل1/7 وحتوصل الادارات 15/7 وحيتم العمل بها ابتداء من 1/7 والله
|
اقتباس:
ده نشره الترقيات وليست نشره الدرجات |
والله الاجر ومعلمين الحصه انتم ظلمنا خالص احنا زيكم ومتبهدلين اكتر منكم .انا واحده منهم معايا تربيه عام انجليزي وترتيبي العاشر على قسمي ومعايا 2 دبلومه مهنى وخاص .ومش ليه نفس احضر ماجستير بعد البهدله اللى شفتها وفي غيري كتييييييييييير .للاسف لم نجد عقود .مكناش هنقول للعقد لا.انا بقبض 90 وفي شهور كانت 20 جنيه.ومدرستي على بعد مواصلتين . وجيين تقولو بتوع الاجر واللهى انتم مش افضل منا .بس نصيبكم لقيتو عقود واحنا متنيلين ولا عرفين رسنا من رجلينا .ياريت تتكلموا عنه بشويه احترام وبلاش الاستهانه .وربنا يكرمنا جميعا ويوفقنا الى ما يحبه ويرضاه
|
ولماذا التفرقة بين الأزهر والتربية والتعليم؟
|
اقتباس:
|
يا اما نتحرك ونلحق نفسنا يا اما نسكت ونرضى بالخيبه بتعتنا
|
صوتنا اتنبح من المحايلة على الناس انهم يتجمعواايد واحدة ضد صفوت النحاس
رجااااااااااااااااااااااااء من أخ محب فى الله الحل سهل وليس بالصعب والله العظيم ألا وهو الاتحاد
فالاتحاد قوة والتفرق ضعف بالله عليكم نقف مع بعضنا البعض ولو لمرة واحدة من أجل كرامة المعلم ومن أجل الضغط على النحاس , فانشاء الله موعدنا جميعا كل المحافظات يوم الاحد القادم الموافق 12/6 أمام الجهاز المركز ى للتنظيم والادارة بمدينة نصر الحى السابع أمام مسجد رابعة العدويةالساعة العاشرة صباحا رجاااااء رجااااااء من الاخوة والاخوات التجمع والاتحاد فى هذا اليوم انشاء الله أخيكم عمرو فرج ت/0125467708 |
لو مفيش درجات نزلت فى اول يوليو المفروض اننا ننظم اضراب عن العمل فى امتحانات الدور الثانى وفى بدايه الدراسه احتجاجا على القهر الذى يتعرض له المعلمين
|
والله حرام التعليم اتبهدل لما بهدلوا المدرس المعلم دلوقتي ملهوش لزمه يقعدوه فالبيت يطبخ وخلاص
بس هو هيلاقي ياكل منين والله جننتونا حرام عليكم |
يعني على كده احنا لسه في لعب العيال اللي لنا فيه اكتر من خمس سنين والفراش هياخد حد ادنى واحنا لا يلا على البركه ماهو مفيش دراسه اليومين دول علشان يسالوا فينا بس ياريت اللي في ايده يجمع يعمل كده ونحدد ميعاد ونروح نبات لهم قدام الاذاعه والتليفزيون كده كده العملية عاوزه اعتصام
|
احنا السبب فى كده..الوزارة بتلعب بينا زى ما تحب..طالما احنا مش بندافع عن حقوقنا و كرامتنا يبقى لازم نتوقع كل شئ...الوزاره بتلعب باعصابنا و بتحرمنا من بديهيات حتى لا نطالب بأى شئ وكانها تعاقب المدرسين المسالمين السلبيين لأنهم فكروا فى لحظه انهم يعتصموا و يطالبوا بمساواتهم بالاطباء فى الكادر الخاص..والوزاره بتستخدم البديهيات مثل الدرجه الماليه و المكافأه فى استفزاز المدرسين فمره تهدد بعدم وجود درجه ماليه , و مره تنتشر اخبار بالغاء مكافأة الامتحانات , حتى اذا ما ثار المعلمون يكون رد وزير التعليم هو انه لا مساس بمكافأة الامتحان وان الدرجه الماليه فى منتصف يوليو,,وبهذه الطريقه تتحول البديهيات الى ما يشبه انتصار للوزير ومجهودات جباره من اجل المعلم..وفى نفس الوقت تنتقل مشاعر المعلمين من المطالبه بالحد الادنى 1200 ومن الاحساس بالسخط الى الرضا بالحال والاستكانه والاحساس بان مستقبلنا كان مهدداً وان الوزير (لا بارك الله فيه) هو الذى اعاد لنا حقوقنا.....الاسلوب الآخر الذى تنتهجه الوزاره هو مبدأ (فرق تســـد) وتنتشر الاخبار بان معلمى الحصه سوف يتم تثبيتهم و منحهم الدرجات الماليه, وان الوزاره سوف تزيد من مكافأة المعلمين فى المرحله الثانويه (حتى تمنع الاعتصام ) احنا السبب فى كل اللى بيحصل.لازم نشوف حل لكده..والله لو كنت من الوجه البحرى مكنتش هتأخر فى اى اعتصام..مش عارف المدرسين فى القاهره والجيزه مالهم كده...مش معقول كلهم حيتان دروس..اكيد فيه الاف زينا كده بالحصه والعقد وتعيين جديد.....ايه الحل؟...نقابة المعلمين المستقله مش بتعمل حاجه..اغلب الصفحات على الفيسبوك كلها كلام فى كلام...المنتديات بيكتبوا وخلاص...اللى عنده فكره يقولها. _________________ |
ربنا على الظالم
|
فعلا الدرجات الماليه بتتباع فى السوق السوداء ولا انتوا فاكرين ان الفساد انتهى من البلد احنا بس خلعنا رمز الفساد انا ليه جارى لسه جايله جواب التعيين امبارح ودافع 40 الف قولى منين بقى جت له الدرجه الماليه وهو متخرج من 8 سنوات ولا يعمل وهذه الوظيفه فى غير تخصصه
|
يا جماعه شوفوا ايه اللى لازم نعمله واحنا معاكم
|
40 الف جنية !!!!!!!!!!!!!!!!!!!!1111111
|
السلام عليكم ورحمه الله وبركاته
عندما تحدثت عن موضوع الدرجات الماليه لم اكن ابدا اقصد ان نصل الى هذه الحاله من الاختلاف والجدال والتشتت فى الاراء ولكن كان هدفى هو النصيحه ليس اكثر ولكن الاسلوب خاننى انا اعتذر لكم جميعا . الى جميع اعضاء المنتدى المحترمين والى مشرفى المنتدى وخصوصا الاستاذ محمد عاشور اللى تحدث معايا كثير فى موضوع الدرجات الماليه وساندنى كثير على قناعه وثقه من كون كلام صحيح وان مصدر كلامى موثوق بيه وعلى الاقل انه لن يكذب عليا ويضللنى اعتذر اليكم على مابدر منى من سوء تصرف او سوء حديث لانها عفويه اردت بها ان انبهكم الى ان الحلم ممكن ان ينقلب الى كابوس ارجوا من اى عضو انفعلت عليه فى كلامى او تلفظت بلفظ جارح ان يقبل اسف واعتذارى له شخصيا عما بدر منى ارجوا من كل الاعضاء والمشرفين سواء المتفقين على عدم وجود الدرجات او الغير متفقين على وجودها ان يغلقوا باب الحديث فى هذا الموضوع نهائيا لاننا لن ولم نجتمع على راى خلال المده القصيره المتبقيه على شهر 7 والسنه الماليه الجديده فكل واحد منا له قناعته الشخصيه ورايه الشخصى فى الامر وانا لااملك اى مستند اثبت بيه راى وحسن نيتى فى عدم وجود درجات ماليه للمعينين ادعوا الله عز وجل ان ياتى شهر 7 المبارك ويكون رحيم بنا بقدر حبنا له وطاعتنا له وان يعطينا على قدر نواينا والا نصدم ونظلم من قرارت ظالمه تبدد احلامنا الى كوابيس اكرر اسفى واعتذارى الى كل اخوانى فى منتدى المعلم المساعد وغيره من المنتديات على بوابه الثانويه العامه وارجو ان يقبلوا اسفى |
اقتباس:
احنا عملنا اللى علينا واثارنا الموضوع ولكن هناك الكثير يصدق احلامه واوهامه ربنا يجازبك خير |
[size="7"]مش كدة يا سويركى ما تنفعلشى[/size]
|
ياجماعة الدراسة لن تنتهى وإذالم تنفذ الحكومة وعودها نمتنع جميعا عن العمل وبعدين الفساد لم ولن ينتهى دى وزارة عفنت وريحتها فاحت من زمان وكل ظالم وله نهاية هم بيستهينوا بينا بس الغضب بتاعنا هيكون عنيف خصوصا إنهم عاوزين ياخدوا مننا الرغيف وساعتها مش هيشوفوا مننا الوش اللطيف:040vk0:
|
لو الف واحد اتفقو على مظاهره هتلاقى عشره بينفذو بس مينفعش نجمع توقيعات مدرسين ويكون فى نواب عنهم
|
اقتباس:
|
ودرجاتنا المالية والوظيفية
|
مبروك علينا الاعدام
الاله يبارك فيك |
لا اله الا الله
|
لا الله الا الله
|
مانقعد في الدرجة التالتة وهنشوف الماتش كويس ههههههههههههههههههههههههههههههههه
|
| جميع الأوقات بتوقيت GMT +2. الساعة الآن 11:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.