تمكن ولا قوة؟؟
 

هتبقى تمكن ولا قوة ........ ويا ريت اللى يجاوب يفسر ليه هيا كده ........... واللى عارف سؤال البلاغة يقوله

قوة لانة تحمل رغم انة يعلم ان ابنه سيموت والبلاغة انا عكة فيها

طب ما تمكن لان تمكن تعنى سيطرة والسيطرة على نفسه عندما علم بموت ابنه.

سؤال آخر يضاف لسلسلة الأسئلة المشكوك فيها فى الامتحان :]
الامتحان كله مشكوك فيه ما شاء الله
هو تقريبا و الله أعلم تمكن

بسم الله الرحمن الرحيم الاجابه قوه

اللى يقول اجابه يفسرها لو سمحتوا

الاجابه ان شاء الله قوه لان التمكن بيكون فى حاجه خارجيه ويكون موقف ايجابى

هو انا طبعا كالعادة محتارة بس قلت قوة وبلاش تفلسف لاني كل اما بتفلسف بغلط وكل اما مابتفلسفش برده بغلط


قوة ليه لانها قوة تحكم في نفسه


لكن تمكن فيها شيء من الاتقان

المستر بتاعي قال قوة بس انا مابثقش في حد خالص ينتمي للغه العربيه

والله المدرس بتاعي بيقول القوة

لان تمكن توحي بالقدره بس ممكن مش يسيطر على نفسه في الموقف دا بالذات !!!!

طيب ما فيش حد يساعدكم من المدرسين بدل ما انتو متشتتين كده ؟

الإجابة ( قوة ) لأنها تدل على قوة التحمل وقوة الشخصية معا والذي يؤكد ذلك في آخر العبارة في قوله ( على أنه مع ذلك جلد مستعد لاحتمال النازلة الدليل الثاني أن كلمة تمكن لا تناسب الموقف لأن التمكن تستخدم في الأمور الفنية فنقول متمنكن في العلم متنكن في اللغة متمكن في التمثيل أو غير ذلك والإنسان يقوى على نفسه لكنه لا يتمكن فيها

ننتظر نموذج الاجابة ويارب يختلفوا عليها اكتر
وده في مصلحتنا ويخلوا الاجابتين صح
حصلت قبل كده في امتحانات الثانوية العامة
بس مش فاكرة فين بس انا شوفتها بنفس لما
كنت بذاكر

كل واحد ليه رأي معين و كل واحد فسر رأيه علي مزاجه و علي حسب فهمه و استحالة نتفق :d :d

و ف الاخر هييجي نموذج في اجابة هيتصحح علي اساسها و برضه محدش هيفهم لييييييييييه؟؟

و دا مش جديد علي العربي عموما
احنا لازم نحمد ربنا دلوقتي اننا خلصنا من المادة دي للأبد (إن شاء الله)

و اللي يختر يدرس عربي بعد كده ف الجامعة يبقي هو حر بقي :d :d

إجابة النحو
ظهور : مبتدأ مؤخر مرفوع بالضمة الظاهرة
التربة : بدل مرفوع بالضمة الظاهرة
قوة : خبر يصبح منصوب بالفتحة
ألف : نائب عن المفعول المطلق
الاستخراج :
1 . الممنوع من الصرف : نتائج أو عقائدها و السبب كل منهما : صيغة منتهى الجموع
2 . خبراً جملة : يوجد خبر جملة فعلية أو هي الأمة خبر جملة اسمية
3 . نعتاً جملة : يخلق في محل رفع أو تؤثر في محل نصب
4 . ضميراً في محل نصب :الهاء في ( يسمونه ) أو الهاء في ( فكأنه ) أو الهاء في ( إنه )

و آخر في محل رفع : ( هي )
جـ . أنت الأعلى شأناً
المثنى المذكر : أنتما الأعليان شأناً
المثنى المؤنث : أنتما العلييان شأناً
د . الربط بين الجملتين ( متى تعف عمن أساء تنل مرضاة الله ) أو بأي أداة ربط أخرى مثل ( إن ..)
هـ . إن الساعين لحل مشكلات الشباب موفقون في سعيهم )
بعد وضع عسى ( عسى الساعون لحل مشكلات الشباب أن يوفقوا في سعيهم )
و . نكشف عن ( مستقل ) في قلل ( ق ، ل ، ل )
و بالتوفيق إن شاء الله

تمكن لانه يتمكن من نفسه وقادر يسيطر عليها
اما القوة هومين قال انها قوة نفسه ما هى ممكن تكون قوة جسدية لكن التمكن انا شايف انها ادق علشان حتى لو قلنا قوة نفسه ده مش شرط انه يثبت امام المصائب بس لازم كمان يكون متمكن منها ومسيطر عليها والله اعلم

قوه طبعا لان الموقف انه بييظهر قوته فى تحمل الالم ولكن التمكن دا من شئ يفعله الانسان

( ليس القوي بالصرعة لكن القوي من يملك نفسه عند الغضب) ده حديث وعلى ذلك فيملك نفسه تدل على القوة

انا عملتها تمكن عشان هوا متمكن من السيطره على نفسه
يارب يعدوا الاتنين صح انا الامتحان فيه حاجات كتييييييييييير اوى اوى متشتته فيها
يارب استر يا رب و يعدوا الاتنين صح ياااااااااااااااااااااااارب

يملك نفسه هنا معناها يتحكم فى نفسه مش قوة
انا قولت تمكن من معنى الحديث يعنى الواحد عنده قوة غضب بس متمكن و مسيطر عليها
;);););););););););););)

يا جماعه دا حتى المدرسين مختلفين ف حاجات كتير ف الاجابات احنا نعمل ايه واحنا كنا قاعدين 3 ساعات غير التوتر والقرف اللى الواحد كان فيه فككو وفكروا ف اللى جاى

اصل قوه تنفع وتمكن تنفع حسب فهم الشخص

كمان ف النصوص ترغيب وتخويف الاتنين ينفعو فاكيد هيراعو الحاجات دى المهم نفكر ف الانجليزى والفزيا والاحياء وكده يا جماعه المهم اللى جاى بالله عليكو

يا جدعان التمكن ماممكن يبقى الانسان قوي بس يبكي مثلا انما التمكن يعني كاتم البكاء دا قادر ان هو يتحكم في نفسو

اي تفسير من طالب او مدرس او حتي موجه ، ملهاش اي معني دلوقتي خاصة في الاختيارات الساذجة دي بتاعة امتحان الثورة ،
‏
الاختيارات بالذات بتيجي حسب كيف كيف سيادة الفاضل واضع الامتحان ،
فخلوها للتصحيح اريح .
كل اختيار عموما عليه ربع درجة من التلاتين درجة .
‏
و عادي جدا ، انا غلطان في اختيارات القراءة و مش قلقان عشان محدش اداني رأي زي التاني في الاختيارات بالذات ،
زيح من ع ودانك يا مان .

بارك الله فيك ......
وشكرا جزيلا لك ...

انا عملتها تمكن وربنا يسترررررررررررررررر

"ليس الشديد بالصرعة ولكن الشديد من يملك نفسه عند الغضب" حديث شريف دى احسن حاجة توضح انها قوة و شكلها كده هتبقى كل الامتحانات هباب وربنا يستر من الفيزياء

و قال الوزير و الوزارة يقولك الامتحان فى مستوى الطالب العادى ده انا جايب 29.5 السنة اللى فاتت وشكلى مش هجيب 28 السنادى. ربنا يستر