|
ادبي ولا علمي متأدب..؟؟
يا جماعة انا عندي سؤال بخصوص اسلوب الكاتب في فئة بتقول انه ادبي وف فئة تانيه بتقول انه علمي متأدب بس الجميع متفق انه المفروض يكون علمي متأدب بس اللي عملوه ادبي عملوه كده عشان هي مكتوبة في كتاب الوزارة وهذا النوع من المقال الادبي يحتاج الي ذكاء الكاتب....الخ بس انا اعتقد يا جماعه ان وصف المقال هنا بالادبي هو وصف لطبيعته مش اسلوبه يعني كان من الممكن اننا نقول وهذا النوع من العمل الادبي يحتاج الي ذكاء الكاتب..الخ لان اي فن نثري هو في البداية عمل ادبي المشكلة ان الكل متفق انه علمي متأدب عشان المقال مليان بالادلة والبراهين العلمية وفيه مصطلحات علميه زي النيكوتين والمفاصل والضغط ... بس احنا خايفين من الكلمة المكتوبة في كتاب الوزارة دي وان واضع الامتحان يكون واخدها كده علي بعضها وحاططها في نموذج الاجابة انتوا ايه رأيكم؟ ارجو الرد سريعا.... |
والله انا زيكو عملاها علمي متأدب
لان فكرة المقال علميه والكاتب تناولها بأسلوب أدبي حتى دا كمان أخدناه في الادب من حيث نوع الاسلوب واتفاجئت إن الكتاب عاملها أدبي بعد ما روحت ههههههه |
طب شوية فذلكة بالمرة كدا ،
ما غرض الاسلوب العلمي المتأدب ؟ عرض فكرة علمية باسلوب شائق و الخ الخ . السوال بئا ، هل الكتاب مثلا كان بيتكلم عن فكرة علمية ! جوهر مقاله كان فكرة علمية و لا مناقشة مشكلة اجتماعية ، مش معني انه اورد مصطلحات انه علمي متأدب ، طب ما شوقي اتكلم عن المنجزات العصرية ، هل كان علمي متأدب ؟! و ياريت اللي عنده اغسطس 2004 ، يشوف السوال كان بيقول بالنص ان دا مقال ادبي اجتماعي ، مش علمي متأدب ، و كتاب الوزارة اللي هو مصدر نموذج الاجابة بيقول ادبي ، يعني نجيبلكوا عصام شرف يقولكوا ادبي ، داه دي . |
ههههههههههههه جادعين بس انا عاملها علمى متأدب برده
انا اتخنقت لما رجعت هنا لقيت كل الاختيارات غلط عندى فى النصوص |
ده بالنص من كتاب المدرسة
أدبـــــــــــى هنقعد نألف بقه ونقول نيكوتين وقطران ويحزنون اقولكوا كبروا دماغكوا بقه وكفاية مناقشة فى العربى لحد كده |
يا جماعه انا من رأيى انها ادبى بس انا سمعت ف اللجنه بيقولوا علمى متأدب ف كبرت دماغى وعملت الاتنين
|
يا جماعة الموضوع مش مستاهل كل الكلام دا هو السؤال واضح و كان عايز نوع المقال من حيث( الاسلوووب ) و دي مكتوبة في كتاب الوزارة و كتاب الرسالة انه ادبي لكن لو كان قال في السؤال عايز نوع الاسلوب بس كان يبقي علمي متأدب
|
طيب
سؤال كده فى النصوص الاجبارى تجرى مائه متر فقط.................تدل ع ايييييييييه |
انا عاملها ترغيب اما خدتها بمعنى انو بيرغبوا انو يجري علشان يشوف ايه اثر التدخين عليه
|
اجتماعى اسلوووووووووووووبة ادبى
|
اقتباس:
اظن انها التخويف |
هوا مضاد المشاورة ايةةةةةةةةةةةةةة؟
ومعنى سنة اية ؟؟؟؟؟؟؟؟؟؟؟؟ واللى اخر واحدة فى اختر فى العلم فى الاسلام تعليل ولا نتيجة ولا توضيح ؟؟؟؟؟؟؟؟ |
التخويف
التعليل علمى متادب |
الاجابة بتكون ملتزمة باللى موجود فى كتاب المدرسة
يعنى الاسلوب ادبى و للتخويف |
التخويف وعملى متادب انا سالت المستر بتاعى وجاوبلى عليها قبل الامتحان ودة مستشار اللغة العربية عندنا قلى لا ملكش دعوة باللى فى الكتاب دة غلط هيا علمى متادب اعملها كدة وعليا حرام عليكم بقى كفاية تاليف واستنوا نموذج الاجابة وانتو تتاكدو
|
ملكش دعوة باللى فى كتاب المدرسة ؟؟؟؟؟!!!!!
|
اقتباس:
لله في خلقه شئون ,, دا اللي ناقص بئا ,,, انه يكون نموذج الاجابة من كتاب خارجي :o نبئا روحنا في السبنسة !!!! ====================== سنة - طبيعة تعليل مشاورة - استبداد مستقرة مطروحة تخويف ادبـــــــــــــي |
اقتباس:
معلش مع كامل احترامى يعنى ايه ملكش دعوة بكتاب المدرسة :d:d |
انا كنت عارف انها مكتوبه عندي في المذكره ادبي بس مكنتش مقتنع انه ادبي خالص فريحت نفسي وعملت الاتنين :)
فياريت حد يقولي انا ايه نظامي دلوقتي؟؟؟؟؟؟؟؟؟؟؟؟ |
انا كمان عاملاها علمى متأدب
و سنه فيه ناس بتقول طريقه وناس بتقول طبيعه ياريت اى مددرس يرد علينا |
سنة طريقة
ابحث فى مادة سنن فى المعجم بتاع المدرسة (مع انى اتلطشت ومعملتهاش طريقة بس الحمد لله اسلوب واسلوب طلعت اختياراتى صح) |
أدبى
متأكده منها مليون الميه الغريب انى نسيت وكتبت اجتماعى .. وبعدين فى الاخر خالص كتبت جنبها ادبى .. ياترنى هيبقى ايه النظام ؟؟ |
اشطة يا معلم هتعدى ان شاء الله
|
هو فيه رأيي ولازم اقوله والا هطق
في الامتحان طلب اسلوب المقال مش الكاتب اسلوب المقال علمي متأدب اسلوب الكاتب أدبي انتو شايفين ايه والا انا بفكر زياده عن اللزوم |
اول سؤال فى النصوص بتاع خطط الكاتب لاقناع المدخن هل اشرح القطعة تقريبا ولا اقول دول
1 كانت افكاره يسيرة قريبة التناول 2 اتبع كل فكرة بالدليل الحاسم عليها 3 كان متحمسا للموضوغ و حاول جاهدا اقناع القارئ بفكرته |
الأسلوب فى الواقع علمى متأدب وليس أسلوبا أدبيا صرفا ، فكاتب المقال لم يكن منصرفا إلى الاهتمام بالتأنق فى اختيار الألفاظ إو بإبراز قدرته البيانية أو بإثارة انفعال القارىء كما فعل صاحب نص الصغيران ، وإنما انصب اهتمامه على إقناع القارىء بفكرة محددة ساقها إليه بأسلوب سريع حاسم ..
أما العبارة التى جاءت فى الكتاب المدرسى ، وهى أن المقال أدبى ، فلا تعنى تحديدا أن الأسلوب أدبى ، فنص ابن خلدون مثلا " فى تربية الأبناء " المقرر على الصف الثانى الثانوى هو مقال أدبى ، لكنه مكتوب بأسلوب علمى متأدب . |
يا جماعة مكتوبة فى الكتاب نصا ان الكاتب عبر عن افكاره باسلوب ادبى الذى يحتاج الى ذكاء الكاتب و فوة ملاحظته و يقظة الوجدان و حماسه لما يدعو اليه
و فبلها قال ان النص من المقال الادبى يعنى المفروض يبقى مفيهاش اختلاف انا معاكم انها منطقيا علمى متأدب بس احنا لينا الكتاب قال ايه غلط صح بقة ملناش دعوة |
| جميع الأوقات بتوقيت GMT +2. الساعة الآن 11:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.