|
يعنى ايه ثانوية عامة ؟
بسم الله الرحمن الرحيم السؤال اللى بيدور فى دماغ كل واحد مننا .. و لعله اصعب من خمسة اسئلة دارت مسبقاً فى مخيلة الطلاب و هى : 1- هى تمكن ولا قوة ..(( و الاتنين صح )) ! 2- هى تسهيل ولا تخويف (( و الاتنين صح )) ! 3- ال Comprehension دى بتكلم عن ايه ! و طلعت مش ليها علاقة بالاسئلة و يظهر ان المستشار كتب القطعة فى يوم و الاسئلة فى اليوم اللى بعديه 4- افطن .. ما علاقة اسئلة الكوتيشن بتاع القصة بما درسناه من القصة كلها عدا انه سألنى عن اسم بابلو ..! 5- مين اللى قبض على الصحفى ؟؟ الراجل اللى ورا عمر سليمان ؟؟ و لا امن الدولة ؟ و لا المحرر طلع مخبر و قبض عليه ؟؟ طبعاً الاجابة .. تونس ! نرجع لمرجوعنا .. يعنى ايه ثانوى عام .. يعنى بيوت صاحية و مش بتنام .. و يعنى ظلم و قهر و سهر بالايام و فى الاخر ؟؟ حضرى الكنكة يا سهام !! لا فائدة .. يتخرج منها 3 اصناف .. الاول حرامى - غشاش جاب 99 % بالغش و نجح فى حياته عشان بيعرف يضحك على عقول الناس الثانى : الطالب المتوسط .. العامل المشترك فى جميل جمل وزراء التربية و التعليم من ساعة احمد فتحى سرور لحد الاخ الجميل ابو قصة احمد موسى !و الطالب ده بيخش عمتاً تجارة و يطلع عاطل اد الدنيا الثالث غلبان .. بيجيب 94% بمجهوده .. يطلع عين امه و ام الجيران بسببه .. و فى الاخر بيخش طب و يطلع حلو .. و ميلاقيش غل .. يشتغل حرامى .. و تدور الدائرة .. و يجتمع الثلاثة .. و نحصل على 3 اصناف من الحرامية .. لكل منه طريقته .. ! يعنى ايه ثانوى عام ؟؟ يعنى تبقى قاعد فى اللجنة يخشلك رجل يشبه خزاعة بل اضل .. ماى بى شبه الدب القطبى اللى موجود فى جنينة الحيوانات و بيصيعوا علينا و يقولولنا انه قطبى مع انه مرشوش ابيض ! المهم الراجل ده .. يخش يسب و يلعن و اللى هيعمل .. و كل ده قدام رئيس اللجنة .. بعد ما يمشى رئيس اللجنة .. يقلب (( ليه بتدارى كده ولا اهو دارة و لا هو دارى كده ولا هو دارى .. ليه محيرنى )) ! اى روبى .. و الحنية تظهر و يغشش الطلبة .. و يضيع من يذاكر و يختلط الحابل بالنابل .. ارجو ان اكون وصلت وجهة نظرى .. انا اعلم انها خفية فى الاسلوب . لكن من يتمعن فى الموضوع يفهم .. ما قصدت (( اعرب قصدت )) شهيد الثانوية UserNamo |
حسبي الله و نعم الوكيل لا تعليق
انت سابقون و نحن الاحقون |
والله لو حد كان وجهني من البداية ما كنت دخلت ثانوي عام
بلا وجع دماغ بلا قرف |
حسبي الله ونعم الوكيل في التعليم المصري
|
صحيح حد عرف مين اللى قبض عليه هههههههههههههههه :)
يا راجل انا كنت بقرأ اول قطعة وانا ميت على نفسى من الضحك لدرجة ان المراقب افتكرنى مجنون ههههههههههه يعنى فى قطعة فى الثانوية العامه بتتكلم عن الحب والفراق ؟؟!! بس عموما هنستحمل لحد ما نخلص ونرتاااااااااح بقى :) |
اقتباس:
والله يا مياه حقولك حاجه وفى نظره الناس والمجتمع عامله ازاى للى مش بيدخل ثانويه عامه يبقى فاشل ومش كويس ومش حينفع فى اى حاجه فى حياته انا عن نفسى افضل ادخل ثانوى صناعى ولا ادخل عام لانى لما ادخل ثانوى صناعى حتعلم حاجه ويمكن اشتغل فى شركه او مصنع شغله كويس ومفيده وعلى الاقل ابقى بشتغل بشهدتى احسن ما اتعب ويطلع عينى فى الثانويه وادخل الكليه ويطلع عينى برضه واقعد فى بيتنا بعد كده بس الناس بقت شايفه ان الثانويه العامه هى الاساس ومافيش غيرها اصلا يلا الحمد لله شيدى انتى بس حيالك وربنا معاكم كلكم |
انتم السابقون ونحن اللا حقون |
اقتباس:
|
اقتباس:
|
اقتباس:
طبعا بس انا وانتى وهو وهى وكلنا بنقول كلام الناس شئ واللى انا عايزه شئ بس اقولك على حاجه مش حتقدر تعيش فى المجتمع ومع الناس وانتى حاسه انك مختلفه عنهم وعن تفكرهم واول سنه حتلاقيها سنه غريبه ووحشه جدا عليكى انا بقولك كده وانا شفت بعينى اختى لما جت تدخل ثانوى مرضتش تدخل ثانوى عام وقالت حدخل ثانوى تجارى ودخلت عارفه ايه اللى حصل اصحابها اللى كانوا بيموتوا فيها اتبخروا وتشفيهم فى الشارع منتهى الغرور والكبرياء وكمان الناس وكلامهم كان كتير اوى وهى تعبت جداااااااااااااااااااااااااااا وماكنتش عارفه تذاكر بس سبحان الله دخلت الكليه وعملت دبلومه كمان فى الجامعه واصحابها دول لسه فى الكليه حتى الان شفتى ان نظره المجتمع وحشه ازاى وحتتعبى علشان تعديا ربنا معايا انا بقى دخله ثانويه عاااااااامه برغبه أهلى |
اقتباس:
|
ربنا يوفقكم ياشهداء الثانوية العامة
|
احم احم
استر يالي بتستر والله انا خايفة من الثانوي ده ___________________ ع فكرة يا عزة كلامك جميل جدا وانا فعلا من الناس الي بتقول كده ان الي مش في ثانوي عام يبقي فاشل الصراحة يعني وانتم السابقون ونحن اللاحقووووووووووووووووووون :( :( :( :( |
:)
و الله انا مش بحب التشاؤم ابدااا .. انا واحدة داخلة على تانية ثانوى و سمعت بلاوى زرقة عن الثانوية العامة و الدروس و القرف و الشحططة و البهدلة و المصاريف الكتييييييييييرة و سهر الليالى .. الخ بس ما زلت على رأيى .. الثانوية العامة دى مرحلة مكونة من سنتين فقط يعنى مش هاتعدى ربع اللى عديته قبل كدا ( على اساس انكـ اخدت 10 بتتعلمـ ! ) السنتين دول عبارة عن سنة تختار فيها ميولكـ اذا كانت ادبى او علمى ( كيميا او احياء ) و سنة تانية تأكد على اختيارك سواء رياضة2 او علمى علوم احياء او يكمله كيميا او ادبى .. يجى واحد يقول : الناس بتقول ان الطالب اللى يدخل ادبى بيبقى بليد ، مش هادخل ادبى ! و واحد تانى : الناس بتقول ان اللى بدخل طب و صيدلة بيبقى شاطر لازم اّخد احياء فى تانية عشان اضمن ! الناس بتقول الناس بتقول .. المشكلة فينا احنا متأثرين بكلام الناس اوى .. فى واحد ربنا يكرمه قالى قبل كدا ان الثانوية العامة دى مرحلة للعقل .. انت\ى هاتختار اللى انت عايزه مش الناس اللى بتقولكـ عليه و بكدا تكون الثانوية العامة دى مرحلة عشان ندرس الحاجات اللى بنحبها مش زى اى سنة مجبورين على اننا نذاكر مواد داخلة ف بعضها ممكن واحد يكون متفوق تمام التمام و يدخل ادبى عشان ميوله حفظ و من كدا نستنتج ان ادبى عادى و مافيهوش مشاكل المشكلة الوحيدة فينا احنا .. احنا الناس اللى بتقول و بتتكلم لازم ندخل و احنا مختارين اللى احنا عايزينه عشان نحبه ( حب ما تعمل تعمل ما تحب ) بحبها اوى الجملة دى و بمشى عليها .. عشان كدا اخترت رياضة 2 رغمـ ان اهلى عايزيينى ادخل اى كلية علمية ( طب او صيدلة ) بحجة ان احنا زهقنا من الميكانيكا و الاستاتيكا و الهندسة الفراغية و التفاضل و .. الخ و فى النهاية بقول ان اذا احنا بدانا بنفسنا نطور من قدراتنا و من واهبنا هانطور التعليمـ بجد :) ربنا يوفق الجميـــــــع و يدخلوا أجمــــل كليات .. اّسفة جدا عالتطويل :) |
اقتباس:
انا مقتنعه ان كل واحد بياخد على قد مجهوده لو انتى تعبتى حتلقى تعبك ده لكن لو لعبتى برضه حتلاقى لعبك ده اشكرك كلامك انتى اجمل بكتير بس اسمح لى ده تفكير غلط كل واحد حسب قدراته وميوله ومش شرط انى مدخلتش ثانويه عامه انى فاشله لا ممكن ادخل حاجه تانيه وابقى حاجه كويسه ويمك اكون حاجه كبيره كمان وانفع بلادى ونفسى يارب الناس تغير فكرها بقى علشان اللى مش بيدخل ثانويه عامه نفسيته بتتعب بسببنا |
كلامك كله مظبوط يايوزرنيمو ، و أكثر حاجة بتحزننى كمدرس هو أن المراقب مايكونشى عنده ضمير ويترك اللجنة تغش ، و دا بيهدر حق الطالب اللى تعب وذاكر طول السنة ، ربنا يوفقك ويوفق الجميع ، و ان شاء الله تحصلون على أعلى الدرجات |
أنا مش عارف ازاي مشرفين اللغة الانجليزية في قسم اللغة الانجليزية المرحلة الثانية سمحوا بوضع امتحان المرحلة الثانية والمتضمن القطعة الأولي في الامتحان بالرغم من أنها تتحدث عن [ الحب ] ومثل هذه الموضوعات ممنوعة في المنتدي :o:o
دا غير ان أخر جملة بالقطعة كارثة , بل أم الكوارث :excl::excl: بصراحة يا دفعة ثالثة ثانوي , دفعتكوا نحس في امتحان الانجليزي من العام الماضي :d:d هو أنتوا أهاليكم دعوا عليكم من الشمال لليمين ؟ :rolleyes::rolleyes: استبشروا خيراً ان شاء الله . ركزوا في المواد القادمة . |
اقتباس:
|
اساسا الثانويه العامه دي من جذورها حاجه عقيمه جدا ومتخلفه ..واحنا مش بنقول كدا من فراغ ولا ذى الطلبه اللي مش بتذاكر طول السنه و تيجي ف الاخر تعيط ..لا احنا ذكرنا وتعبنا وعرفنا بجد ان نظمها اساسا فاشل..وف امريكا اساسا مفيش حاجه اسمها ثانويه عامه .ولا الاحباط والذل والقهر دا كله.وياريت حد يعدل نظام الثانويه ف مصر..!!لا سيبنها كدا ولا :كأن فيه اي حاجه خالص..مش عارفه شيفنها عيب ولا ايه انهم ينظمو المناهج ..وكمان ف امريكا دلوقتي دراسه لفصل البنين عن البنات لانهم شيفنها بتاثر ع مستوي التحصيل العلمي للطلبه ..فين احنا من كدا كله..؟ع مدار سنين وسنين ..ونفس الذل والمعاناه..واللي زاد وغطا كمان ع دفعتي ..هو ذكي بدر مع حفظ الالقاب:mad:.. اللي هيجيب 85%..هروح ازوره ف بيته..بالذمه دا اسمه كلام؟ و دا كله كمان كان قبل الامتحانات يعني اشارات سلبيه للعقل الباطن كانت رهيبه علينا..وكمان برمجه سلبيه جدا.. والكلام دا كله مش من فراغ..والله .. السنه اللي فاتت شفت الا محدش شافه الا قليل:excl: وربنا يستر ع السنه دي ..لاني مذكرتش ذي السنه اللي فاتت.. لان نظام المواد اتبدل ..واجبرت ع المواد ...اللي بلغي عقلي فيها واحفظ..واصم ..ولا عارفلها هدف من مذكرتها والله لو اتيحت لنا الفرصه ودخلنا الكليات اللي عايزنها وحبنها..هنتطلع حاجه حلوه وكويسه ومشكور ع التوبيك |
اقتباس:
يااااااااااه يا سمر . انتي معبية للدرجة دي من الثانوية العامة ؟ استبشروا خير يا دفعة 3 ثانوي [ دفعة الانجليزي ] :d:d ان شاء الله كل خير ليكم كلكم , بس انتوا ركزوا كويس في باقي المواد . ربنا يوفقكم ويكتب لكم النجاح وبمجموع كبير ان شاء الله . |
احب انى اشارك معاكم الثانويه العامة نظام فاشل بكل المقاييس انا مش عارف ايه الهدف من اللى بندرسو ده وفى الاخر يجلنا الامتحان عامل كدة ويضيع مجهود وفلوس سنة كامله لازم التعليم يتغير فى مصر ده لو عايزين نبقى دوله متقدمة
|
ثانوية عامة .....
يعني تفضل طول السنة تذاكر في حاجات ملهاش لازمة في الحياة والمفروض إنك تصمها"ولما تكون لا قدر الله عايز تفهم تلاقي وحش يقولك كتاب المدرسة عايز كده تبقى كده" وبعد ما تحفظها تيجي في الآخر تلاقي أسئلة غير اللي انت ذاكرته...ويقولوا علشان تميز الشاطر من الخايب لأ لما يبق فيه نظام تعليمي أصلا يبقى فيه أسئلة...والشاطر بيذاكر من الكتاب والخايب ما بيذاكرش مش تسألهم ال2 في حاجة ماخدوهاش تساوي بيها الخايب والشاطر طالبة مصرية |
حسبي الله ونعم الوكيل في كل مراقب شاف واحد بيغش وسابه.... :040vk0: |
والله دا ظلم وحرام امال الثورة اتعملت ليه ايه القرف دا هما عاوزين ايه حسبنا الله و نعم الوكيل فى اللى بيحطوا الامتحانات ربنا ينتقم منهم اشمعنا طلاب السنين اللى فاتت مش عملو ا معاهم كده!!!!!!!!!!1!!!
|
ااه صحيح اعراب كلمة قصدت نسيتها :d
قصد فعل ماضى مبنى على الفتح و التاء تاء الفاعل اتمنى يكون صح :006et4: |
اقتباس:
امين يا مستر.. |
فين الردود استاذ امجد :)
|
| جميع الأوقات بتوقيت GMT +2. الساعة الآن 01:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.