انا البرادعى : رد على كل اشائعات على لسان البرادعى
 

قال الدكتور محمد البرادعي رئيس هيئة الطاقة الذرية والمرشح المحتمل لرئاسة الجمهورية إنه لن ينتمي لأي حزب على الإطلاق بما في ذلك حزب العدل .


وأكد البرادعي أن المادة الثانية من الدستور هي المبادئ والأسس، وليس هناك خلاف عليها، والله أمرنا بالتفكير والعقلانية ولابد أن نعترف بقيم الشريعة الإسلامية، والإسلام هو مرجعيتنا، وغير المسلمين لهم الحق في تطبيق شريعتهم.


جاء ذلك خلال حواره مع برنامج بلدنا بالمصري مع الإعلامية ريم ماجد .
واعتبر البرادعي أن فترة ما قبل الثورة كانت صعبة للغاية بالنسبة له، ، حيث تم محاربته هو ودعاة التغيير من إعلام النظام هو وكأنهم شياطين .

ودعاة التغيير من إعلام النظام هو وكأنهم شياطين .
و أكد أن العناية الإلهية كانت مع دعاة الإصلاح لأنهم كانوا على حق، والمواطن بعد الثورة يشعر بأن لديه كرامة وعزة نفس.
واعتبر البرادعي أن تفجير الثورة أسهل بكثير من إدارتها، لأن إدارة الثورة فيها يتم بناء البلاد .
وقال البرادعي ” أوقفت حملتي في للتركيز في تحديات الانفلات الأمني، ومتى يكتب الدستور، وموعد الانتخابات، والشباب في كل محافظة تشرح للناس التحديات .
وأضاف ” الدعوة لانتخاب محمد البرادعي ليس وقتها الان، لأن كل مرحلة ولها دورها”.
وأشار البرادعي إنه يجلس يومياً مع الشباب لبحث كيفية مواجهة الانفلات الأمني والتحديات الصعبة التي تواجه مصر.
وقال البرادعي إنه لا يعمل بشكل فردي إطلاقا، وإنه في كل يوم يقابل شباب وأشخاص في مجالات مختلف يتحاورون لوضع تصور للتعليم و الرعاية صحية، ولعلاج مشكلة السكن .
وأكد البرادعي إنه يرغب في الترشح كي يفيد البلد، وأشار أن حملته لم تبدأ بعد لكي تفشل.
وأوضح إنه قبل أن يرشح نفسه لابد أن يعرف صلاحيات المنصب الذي سيترشح له ومواصفات الوظيفة التي سيشغلها من خلال صياغة دستور جديد.
وأستنكر البرادعي عدم سيطرة وزارة الداخلية على الانفلات الأمني معتبرا أن هناك” لغز” في موضوع عدم عودة الأمن .
وعن استفتاء 19 مارس قال البرادعي انه كان يجب أن يكون هناك حوار قبل الاستفتاء فالمواد التي قمنا بالتصويت عليها تم تغييرها وعندنا إعلان دستوري ولم يتم التصويت عليه من جانب الشعب ” .
وانتقد البرادعى المحاكمات العسكرية، مؤكدا أن الشعب المصري مؤهل للديمقراطية، وأضاف ” من سيقول المواطن المصري غير مؤهل للديمقراطية سالقيه من الشباك “.
وأشار المدير السابق للوكالة الدولية للطاقة الذرية الى نصدر غاز بأسعار غير أسعاره العالمية مضيفا ” كل إللي أنا سامعه من الخبراء إننا لازم نستخدم الغاز لينا إحنا قبل ما نفكر نصدر لبره، نوصل الغاز للصعيد الأول قبل ما نصدره لإسرائيل “.
وأوضح البرادعي أن موضوع تصدير الغاز لإسرائيل أمر يعود للبرلمان والشعب، لكن إذا كانت إسرائيل ستستمر في بناء مستوطنات فلسنا ملتزمين بتصدير أي شيء لها.
ورداً على سؤال ماذا سيفعل لمواجهة عمليات التشويه الممنهج لصورته، قال البرادعي إنه لن يفعل شئ لأن الشعب المصري ذكي ويدرك أن من قالوا ذلك الآن في سجن طره.
وقال المرشح المحتمل لرئاسة الجمهورية محمد البرادعي إنه لم يقل إطلاقاً على جماعة الإخوان أنهم جماعة محظورة فهم جزء من الشعب المصري، وأشار إلى إنه عمل معهم قبل الثورة على جمع توقيعات بيان التغيير و ساعدوه كثيرا.

شكراً ليكي يا صوفيا على الخبر

العفو يا حاتم و ده اقل شئ اقدر اقدمه للبرادعى ..مجرد نقل اخبار

العفو يا كينج ..انا بحترم الرجل ده جدا جدا

العفو يا زوزا ..انتى ايه اخبارك ؟؟

احترم صارحتك جدا :av4056bb7jp3::av4056bb7jp3:

العفو يا مستر ايمن ..ياريت بس حد من المعترضين يقرا ده و يقتنع و مش يرقب دماغه عشان يعارض و بس

انما يقتنع ان ديه اشاعات و اذا لم يقتنع على الاقل يحترمه

مساء الخير

ههههه اتصدق والله فكره عشان يبقى معارضين البرادعى و مصدقين الاشاعات يقروا المقالات ديه و يعرفوا الحق من الباطل

شكرا على مشاركتك

الاشاعات بتطلع على اى حد حتى الانسان العادى زى ما تقال عليا فى المنتدى انى مسيحيه .
طيب اومال مين بقى قد المسئوليه ديه ؟؟


الشيخ الدكتور حازم اسماعيل مثلا ؟؟

و لا ابو فتوح ؟؟

و لا عمرو موسى ؟؟

اتمنى اعرف راى حضرتك و استفيد و يمكن اقتنع

انا عن نفسي من مؤيدين البرادعى و هشام بسوطيسى

طب يا ريت والله كده نستريح ويبقى القسم اسمه البرادعى

اكيد طبعا احترم وجهه نظرك بس ازاى يعنى مرشح اسلامى ندعمه ؟؟؟

مش ممكن يكون لابس عباءه الاسلام و الدين و التقوى لمجرد الوصول للمنصب !!

و ممكن يكون كويس و عظيم

بس انا ضد الدولة الدينية

انا مع دوله مدنية ذات مراجعية اسلامية

احترم وجهه نظرك و اتمنى ان تحترم وجهه نظرى

و شكرا لمشركتك

لا حضرتك الشيخ حازم عايز دوله دينية مش مدنية ذات مرجعيه اسلامية ديه كانت اول جمله فى لقاءه مع الاعلامى عمرواديب صح و لا ايه ؟؟

ثانيا : هو الى مش تربى على يد الاخوان او سلفيين يبقى مش ذو تربيه حميده ؟؟

ثالثا/ مين قال لحضرتك ان امريكا بتعامل المسلمين وحش ؟؟

رابعا : رمضان الى فات كندا خصصت من كل كنيسه نصفها لاقامة المسلمين صلاه التراويج و قيام اليل فيها بسبب قله عدد مساجد و هذا يدل على مدى التسامح بين الاديان

انما فرنسا فهى منعت النقاب و ليس حجاب و الموضوع مش كان على المسلمين و بس ..لا ديه منعت زى يهودى ايضا بيخفى ملامح و ذلك حفظا على الامن العام يعنى الموضوع مش قصرا للمسلمين .

رابعا : ان متفقه معاك ان فى دول فيها عنصريه شديده زى المانيا و مش كلهم اكيد

خامسا لو الشيخ حازم الى انا شخصيا مش عارفه كداعيه ليس جهل منى فى الدين لكن انا افضل معز مسعود-عمرو خالد- مصطفى حسنى ( لانهم يتصفوا بالوسط و حياديه ) مش كله حرام و بدعه و غلط زى ما باقى بيقول

سادسا : دوله دينية يعنى حرب اهليه يعنى دمار شامل يعنى حنقسم و انقسام يعنى مافيش شغل و تعاون و لا تطوير للبلد و حنبقى زى لبنان مظبط

اتمنى معرفة رايك و احترم رايك بشده :078111rg3::078111rg3:

اقتباس:

المشاركة الأصلية كتبت بواسطة sofia adam (المشاركة 3529433) لا حضرتك الشيخ حازم عايز دوله دينية مش مدنية ذات مرجعيه اسلامية ديه كانت اول جمله فى لقاءه مع الاعلامى عمرواديب صح و لا ايه ؟؟ بصراحة مسمعتهوش وهو حضرتك مين الى هينجح ومين الى هيسقط مش بادينا والله قدم برنامجك عجبنى خلاص هديلك صوتى معجبنيش خلاص اشوف الاحسن يعنى الشيخ حازم مش هينجح لوحدة ولا مش هيوفقك لوحدة احنا ال بادينا ثانيا : هو الى مش تربى على يد الاخوان او سلفيين يبقى مش ذو تربيه حميده ؟؟

اقتباس:

المشاركة الأصلية كتبت بواسطة sofia adam (المشاركة 3529433) مين قال كدة دة في ناس ماشاء الله بجد متربية احسن تربية هو حد قال ان الاخوان او السف تربيتهم احسن ناس كل الموضوع انهم بيتكو على الجانب الدينى والاخلاقى اكتر بس فبالتالى معظمهم بيبقا ذو تربية حميدة واخلاق عالية ثالثا/ مين قال لحضرتك ان امريكا بتعامل المسلمين وحش ؟؟ والله دة الى انا شايفة هل مسلمى امريكا يتمتعون بحرية مثلما يتمتع اخونا المسحين او غريهم من الديانات فى مصر؟ رابعا : رمضان الى فات كندا خصصت من كل كنيسه نصفها لاقامة المسلمين صلاه التراويج و قيام اليل فيها بسبب قله عدد مساجد و هذا يدل على مدى التسامح بين الاديان صوابعك مش زى بعضيها اختى اكيد فى دول بتحترم المسلمين زى مفى دول المسلمين هم الد الاعداء ليهم انما فرنسا فهى منعت النقاب و ليس حجاب و الموضوع مش كان على المسلمين و بس ..لا ديه منعت زى يهودى ايضا بيخفى ملامح و ذلك حفظا على الامن العام يعنى الموضوع مش قصرا للمسلمين . دة فى كبت للحريات ومش عازين نساوى المسلمين باليهودى او غيرة لان النسبة الاكبر هما المسلمين فلابد من احترام ليهم ولعقيدتهم وتدينهم مش فرض حظر عليهم وسجن هل ابناء فرنسا يعاملون هكذا فى دول الاسلام؟؟ رابعا : ان متفقه معاك ان فى دول فيها عنصريه شديده زى المانيا و مش كلهم اكيد فى كتير صدقينى خامسا لو الشيخ حازم الى انا شخصيا مش عارفه كداعيه ليس جهل منى فى الدين لكن انا افضل معز مسعود-عمرو خالد- مصطفى حسنى ( لانهم يتصفوا بالوسط و حياديه ) مش كله حرام و بدعه و غلط زى ما باقى بيقول هو حضرتك سمعتى للشيخ حازم ورئتى تشددة؟ يعنى خرج مثلا فى يوم وحرم وكفر وتشدد وتعصب؟ مش كل الدعاة اختى ولو حد عمل كدة يبقى اجتهاد شخصى منة ومن اجتهد واخطا فلة اجر ومن اجتهد واصاب فلة اجران مش عازين ناخد كل الدعاة على اساس انهم متشددين ومش معنى انى مربى دقنى ومكبرها حبتين ابقا متشدد فكر خاطئ سادسا : دوله دينية يعنى حرب اهليه يعنى دمار شامل يعنى حنقسم و انقسام يعنى مافيش شغل و تعاون و لا تطوير للبلد و حنبقى زى لبنان مظبط اتمنى معرفة رايك و احترم رايك بشده :078111rg3::078111rg3:

والله انا استفدت معلومة من حضرتك فى موضوع فرنسا لذلك لازم اشكر حضرتك

انا اقصد بحر اهليه يعنى انقسام المسلمين و المسحين يعنى مش حيبقى فى تقدم و حنبقى زى لبنان كل منطقه مخصصه لديانه معينه و مذهاب و انقسام ده اخرته مش حلوة خالص

ده كان قصدى

و بكرر شكرى لحضرتك :078111rg3::078111rg3: