امتحان الانجليزي وسقطة اخلاقية
 

السلام عليكم ورحمة الله وبركاته
طبعاً ياجماعة استمراراً لمسلسل السقطات التي وقع فيها هذا الانسان الذي وضع اسوأ امتحان في تاريخ الثانوية العامة
انظروا إلى هذه القطعة التي تتحدث عن علاقة الحب وكأن كل المواضيع في الدنيا خلصت ومفيش موضوع واحد ينفع يتكلم فيه او ينقله من كتاب غير الحب والعلاقة بين الجنسين طيب ده ايه اهميته في ثانوية عامة نفسي افهم ؟!
انا مش ضد الحب ابداً لكن عايز اعرف وجهة نظره في الموضوع
بس الحقيقة مش ديه المشكلة
المشكلة الكبرى في الجملة اللي كتبها في اخر القطعة
ترجمتها
ياراجل بلا جواز بلا وجع قلب كل ماتبعد وتقلد القصص ديه يبقى حبك اقوى لكن لو اتجوزت وبقيت جنب مراتك هتكره شكلها.
ايه رأيكم ؟؟
فين بقى القيم التربوية والمعايير والكلام اللي فالقين دماغنا بيه ؟
يمكن انا مفهمتهاش , فهموني !!

أوافقك تماما

طيب الحمد لله يااستاذ وتشرفت بمرورك
والحمد لله ان حضرتك مدرس المادة وبالتالي اذا كنت انا فهمتها غلط اكيد حضرتك لأ

يارب ..............................
انا مش عارف اقول ايه والله حتى قيمنا كده ؟؟؟؟؟؟؟؟؟؟؟؟؟
ده غير الاختلافات الى فى الامتحان والجدل هو كل امتحان كده واحنا الى بنشرب فى الاخر احنا واهلينا

مش عارف انا العبقري اللي حاطط الامتحان كان قاصده امتحان
ولا زي مااتضح في الاخر انه كان اعلان للـ United Mining

يعني أيه united mining

اكيد حضرتك اذا مدرس او طالب لازم تبقى عارفها
ديه اللي مارتن لندر قال لليلى عليها
الحمد لله اننا ارتحنا من القصة السخيفة ديه

انا علقت الصبح علي هذة القطعة علي الفيس بوك
القطعة الاولي في الامتحان النهاردة (عن الحب
نتيجة طبيعية لغزو المسلسلات التركية

ههههههههههه بجد كوميدى :d ,, بالله عليك فيها حاجة اسمها كدة :D ,, المهم اولاً بالنسبة للقطعة الصراحة دى حاجة تافهه اوى :006et4::006et4: يعنى من امتى ان شاء الله و انت ولا انا ولا غيرنا بتأثر ولا بيهمة مضمومنها :av4056bb7jp3: ,, هو هنا امتحان ولا ملزمة نقتضى بها ,, ده موضوع و وجهه نظر سبحان الله ,, احنا ملنا اصلن كاتب ايه يا جدع! ,, المهم بلاش الموضوع بتاع القطة علشان انا مش عارف المشكلة ايه الصراحة :bosyht9:

بالنسبة الل United Mining ,, حضرتك سؤال اتفهه من التفاهه ,, و انت بتقول اعلان :D ,, اعلان ايه ؟؟ ,, اسئلة القصة اسهل سؤال فى الامتحان كله ,,

و كفاية كدة و لو عاوزنى اقولك اجابة السؤال قولى :) :078111rg3:

ماهو من تفاهته وسخافته بعد العناء اللي عانيناه في دراسة القصة السخيفة ديه يبقى لازم اتريق عليه وعلى الامتحان
بالنسبة لموضوع القطعة في معايير وقيم انت مش بتتأثر بالمضمون غيرك بيتأثر , لإن المفروض ان اللي حاطط الامتحان ده معلم يعني قدوة
كانوا بيقولولنا كده زمان واحنا صغيرين يعني بس اكتشفنا ان اللي ينفع يكون قدوة نسبة قليلة من المعلمين للأسف
الباقيين معلمين ( بفتح الميم )

اه صحيح يااستاذ عندك حق ههههههههه

حسبى الله و نعم الوكيل
 

اتفق مع حضرتك تماما
ما فيش مانع ان واضع الامتحان يتحدث عن الحب حيث ان كل الديانات السماوية تنادى بالحب و السلام
لكن ليس بهذة الطريقة المبتذلة

باين الي حاط الامتحان حبيب قديم وبيتفرج علي سنوات الضياع التركي علشان يجيب قطعه عن الحب
وتقريبا ما لحقشي يقرا الفصه فوضع اسئله قشور
زي مايكون حد حاكيهاله بالليل

تمام وعلى فكرة ايه اهمية تناول الحب من منطلق العلاقة بين الجنسين في امتحان ثانوية عامة ؟!
كان ممكن يتناول قيمة الحب عامة .. شاكر مرورك

انا ليا تعقيب في الموضوع ده بقول ان الامتحان ده كان اعلان لليونايتد مايننج بس

i think it is the easiest exam and it is a real chance to get the full mark and i agree with u all

واضع الامتحان يميل لفرد العضلات والفزلكه
اللهم لا تؤاخذنا بما فعل السفهاء منا

برافو عليك برافو برافو

معاك في الكلام 100% الجمله دي حيرتني جدا مع معناها في القطعه ومعناها في الواقع
صراحه جمله غريبه انو ينهي بيها القطعه

بس كدا فيه سمول بروبلم يا جماعه :mad:

دلوقتي حسب كلامه في القطعه العلاقات الطويله ممله مش كويسه ..... الخ

يبقى اخر وحده في الاختيارات هتبقى

determined by inner ......

makes u pessimistic


ممكن حد يوضحكلي هتبقى ايه لانه جاب حسب الباسج مش الواقع..؟؟

عن نفسي عاملاها حليين

اقسم بالله العظيم عندك حق مع العلم ان سؤال القصه اسهل سؤال فى الامتحان لكن انا معاك مليون الميه اقولك ليه واحد زى انا اتحداك حد يكون ذاكر القصه قدى انا بذاكرها من وقت ماخلصت امتحان العربى ماقومتش من على الملخص وبعد ده كله ايه ياسيدى يقولى ايه قال يونايتد ماينينج يعنى انا اتعب نفسى واسهر وتطلع عين اهلى عشان يجيب السؤال التافه ده اما بخصوص القطعه يافنان كلمه واحده اقولها للمعلم اللى حط الامتحان بفتح الميم زى ماانت قلت انت راجل مسخره ... ومع العلم انى انا حليتها كلها تانى حاجه المعلم اللى حط الاختيارات بفتح الميم تانى برده شكله لايفقه شئ فى اللغه يااخى انا لولا مامحترم كنت لعنت سلسفيل ابوه ازاى حاطط جمله مش عارف هو نفسه ايه حلها ولا الاساتذه المحترمين اللى كل واحد بيغنى فى وادى غير التانى واحد شمال وواحد يمين المهم انك فى مصر ولازم تعرف كده كويس يعنى تلتزم بالكتاب ولو غلط ازاى تبقى الجمله وود هاف بين وهيا الصح بتاعها المفروض ويل بى المهم انت فى مصر يعنى كل شى متوقع انا كنت داخل الامتحان عشان اجيب 25 وكنت واثق من نفسى وخصوصا انى شاطر فى الترجمه وزى السنه اللى فاتت حليت الترجمه كلها من غير اخطاء المهم بقى انا غلطت فى ايه اقولك انا انا غلط ياسيدى فى اتنين اختيار وواحده فايند مستيك بزمتك انت انا من الاقصر على فكره بزمتك انا فاضى اخد باللى من اخطاء البنى ادم اللى حاطط الامتحان طب قولى انت انا اخد باللى ازاى من ان along غلط اذا كنت انا كنت غرقان من الغرق والحر والتعب اخد باللى ازاى يعنى ان الاجابه الصح هى a long حسبى الله ونعم الوكيل شكلها هترسى على 24 زى السنه اللى فاتت وربنا يخلصنا من ام الثانويه اللى معندهاش دين دى والناس الهبله اللى بتحط الامتحان زى العمى وكلهم شوية مكحكحين راحت عليهم بالاقرف الواحد فيهم عاملى نفسه مستشار وهو بصمجى بينقل كل حاجه من بره ويلزقها فى ورقة الاسئلة وعامل نفسه علينا مستشار بزمتك عدمت عليه قطعه غير دى قال حب قال وقال ايه فى الاخر يقولى كل الرومانسيات الادبية ليست بين اثبين باقيين معا ياعم روح بقى طلعتوا عين اهالينا اذا كان المستشار متخلف واساتذه اللغه اغبيه كلهم ولا واحد ثابت على اجابه متوقعين ايه من اللى زينا نطلع نفيد البلد دى لا والله ماهيحصل انا لو مدخلتش الكليه اللى انا عايزها هافضل ادعى على الثانويه وعلى البلد ىدى كلها ومش كده وبس مش كفايه سهرونا الليل واخرتها الواحد بيطلع من الثانويه زى الحمار اللى استنفد كل قوته فى مطلع ابن كلب اهو المطلع ده بقى الثانويه من الاخر والله العظيم احنا لو الناس اللى فى البلد دى عرفت المقدره بتاعتنا العقليه لكانوا سجدوا لينا على المجهود اللى بنعمله ولكنا احسن بلد فى الدنيا ولكن ارجع اقول زى الاخت المغنيه ماقالت يبقى انت اكيد اكيد فى مصر

فيه ايه يا جماعة معلش الراجل كان زعلان شوية مع الست بتاعته وهو بيحط الامتحان وافتكر الجو القديم والحب القديم وكان ناقص يكتب والله مشتاقين يا قلبى للحب القديم .......ههههههههههه

Determined By Inner Chemistry

طبقاً لعنوان القطعة ..^^

everlasting يعني الابدي , فمينفعش يبقى الحب الابدي بيؤدي للتشاؤم

الظاهر كده ده اللي كان ناقص
شرفني مرورك ياباشا وربنا يوفقك وتحقق اللي انت عايزه بس على فكرة المشكلة في الاجابات مش من اساتذة اللغة لإن الاسئلة علقت عليه استاذة بريطانية بتعبير انه ( سخف - ردكلس)
وواوعى تسيب بلدك ولا تددعي عليها هيرحلوا هما

يا جماعة الراجل كان عايز يطرى القعدة هههههههههههههههههه

ههههههههههههههههههههههههه

يا جماعة انا بنبعد عن المواضيع الاهم بمواضيع تافهه يعنى طالب الثانوية العامة هيسيب كراسة الاجابة وهيسيب الحوسة اللى هو فيها والتفكير فى مجموعة ويعد يفكر فى القطعة ياريت نكبر عقلنا شوية

بصراحة انا اول ماقرأت القطعة نزلت ضحك وخفت احسن المراقب يقول البت دى هبلة ولا اية ولا موزعين نكت دول واللى يضحك اكثر انى فى لجان مراقبنها مدرسين انجليزى وفضلوا يحلوا للطلبة ولجان تانية محدش قادر يتنفس بازمة دة مش حرام ناس مابتعرفش حاجة وتجيب مجموع على حساب ناس تانية وانا اكتر واحدة اتظلمت السنة اللى فاتت والمدرسين كانو بيشدوا فى شعرهم ازاى اجيب المجموع دة كدة حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااام

اللى حاطه تعبان نفسيا اصلا وجاى يعقدنا

ربنا يسامحه
امتحان غريب ..
مش شايفة ان اسلوب النقاش بالشكل ده مش مناسب ؟!!
وهل اللي عقله كبير يتناقش كده ؟
عموماً في حاجة اسمها معايير تربوية واخلاقية يجب مراعتها لإن الامتحان من وزارة التربية والتعليم

فاهمه ان معناها كدا

بس على اساس انو مجبش في القطعه انو بيدعو للعلاقات المؤقته !!!!

انا اصلا عاملاها الاول determined by inner ......

هههههههههههههههههههههههههههههههههههههههههههههههههه ههههههههههههههههه
فكرتيني بيا والله يا خوخا انا برده قراتها وقعدت اضحك ولقيت المراقب باصصلي وبيضحك عليا زمانه قال اني مجنونة والله بس هيا قطعة ظريفة والله خففت عننا شوية رخامة الامتحان

ومهما كان الانجاش فا اكيد مش زي العربي يا جماعة انا صدمتي في انت سيد قرارك خلتني مش عارفة احل اي حاجة

وبرده فرق كبيررررررررررررررر بين امتحان الانجلش السنة دي والسنة اللي فاتت لازم نحمد ربنا برده انه مش زي اللي فاتت وعلي الاقل قدرنا نفهم القطعة دي لكن بتاعت الايماءات السنة اللي فاتت قراتها 11 مرة ومش فهمتها برده هههههههههههههههههههههههههههه

مع كامل احترامي لكل من أدلى بدلوه في اجابة السؤال الخامس في القطعة الأولى و اختاروا Determined By
Inner Chemistry ، فهذا تجاهل واضح لكلمة everlasting الملحقة بكلمة love . صحيح أن الحب يتأثر و يؤثر في الكيمياء الداخلية لكن في القطعة ذكر أن الانسان يحب التجديد في الحب لهذا قصص الحب الخالدة (everlasting love ) لم تستمر و تكتمل ، و هكذا فإن الحب الذي يستمر الى الأبد ليس فيه تجديد و لا يعود يعطي optimism بل يقود الى pessimism . بالتالي الاجابه الصحيحة هي الاختيار الأخير رقم ( d ) الذي يقول makes you pessimistic .

انا اعتقد انه بيتكلم عن هذا الحب الابدي من الجانب الايجابي وهو يعتمد على هذه الكيمياء الداخلية.. والله اعلم

ولا سقطة اخلاقية ولا حاجة بالعكس
فعلا معظم القصص الرومانسية مكانتش بين اثنين للأبد

هو هنا بيبنلك اهمية التجديد فى الحب واننا منمشيش على نظام روتينى بارد وانت لو قدرت تحقق ده هتقدر تحقق حب أبدى