محتارة
 

انا داخلة السنةالجاية تانية ثانوى ان شاء الله
علمى علوم
بس حتى الان انا ما حددتش كيمياء و لا احياء
و تعبت من التفكير و احترت
دى ليها مميزات و دى ليها مميزات و انا مش عارفة احدد
ارجوكم ساعدونى

انا رايحه 2ث انشاء الله وهاخد احيااااء

انا رايح 2 زيك و هاخد كيميا عشان يبقى عندك كل الطرق مفتوحة فى 3 رياضو و علوم
افرض لا قدر الله جبتى مجموع وحش فى 2 و انتى احياء هتعملى ايه لكن انتى لو كيميا ممكن تحولى رياضة
تقبلى مرورى

الشفق القرمذى *
بس الاحياء طويلة فتتاخد ف سنة لوحدها احسن و ف نفس الوقت الكيمياء احسن عشان بتفتح كل المجالات قدامك ذى ما انت قلت بس بيتعبو ف تالته علشا الاحياء تقيلة و الفزيا تقيلة برضو

شكرا ليكم

بصرااااااااااااااااااااااااااااااااحه اه دا موضوع يحير
انا بردو عاوزه اعرف الاحسن ايه

اه ماشي كل اللي قولتوه تمام بس دلوقتي نعمل ايه يعني ناخد كيميا ونضمن ولا ناخد احياء ونرجع تاني نندم ونقول ياريت

ناخد كيميا و انشاء الله مش هنندم كلنا

ايوا انا بفكر في كدا عشان نضمن كل الطرق ومنرجعش نندم تاني

بصو يا جماعة فى حاجة لازم تكونوا عارفنها ان كل واحد لية نصيب هياخدو هياخدو

انا افضل الكيمياء فى 2 علشان يبقى الطريق مفتوح فى 3 وكمان الكيمياء طويلة جدا فهيكون فيزياء معى كيمياء فى 3 كتير اووووووووى
نصيحة خدى الكيمياء فى 2 ومضيعيش ثانية الا فى المزاكرة وهتشوفى فى الاخر هتيجيبى 99

99 مره واحده ايه بس التفاؤل دا

يا رب
ربنا معانا كلنا
بس الاحياء طويلة و كمان كلها حفظ فهى ممكن تخلينا نجيب محموع ف تانية هو ده هدفنا لانها حفظ لكن الكيمياء عايزة تشغيل دماغ شوية و فى بيقول ان الكيمياء سهلة بس محتاجة مذاكرة مش اكتر
الكيمياء بقى مميزاتها انك ممكن تحول و كمان ان امتحاناهتها رخمة شويه فتبقى ف سنة وحدها احسن و ان ف تالته هيبقى مادة حفظ و مادة فهم بدل ما الاتنين فهم و يدخلوا ف بعض بس بيقولوا لا مش بيدخلوا ده بيكملوا بعض
انا احترت اووى
المفروض انى معملش كدة و انى اقرر و مستناش كدة
انا طلبت النصيحة بس شوي يقولوا احياء و شوية يقولوا كيمياء و انا تهت ف وسطهم
احنا محتاجين لربنا
ربنا معانا يا رب و يوفقنا ان شاء الله

بصى اكيد كل واحد عارف مستواه وما تضغطيش على نفسك لو انتى حاسة انك هتقدرى وتجيبى مجموع يبقى تدخلى احياء فى تانية وتتوكلى على الله لكن لو مستواكى مش ولا بد يبقى تدخلى كمياء وتدخلى رياضة 2 ودى صراحة مع نفسك

معاكى حق
كل واحد عارف مستواه
و كل حاجة بالمذاكرة بتبقى سهلة
بس انا مشكلتى انى مش قادرة اخد قرارى بسرعه انا عارفة مستوايا الحمد لله
و ان شا الله هحدد

El a7ia2 ashl fe 3rd secondary , 3n tagroba .
5ody kemia a7san fe tania ,,,

احبتى
انا داخلة ثالثة ان شاء الله ومن تجربتى الشخصية ان اهم ما فى الموضوع هو صلاة الاستخارة لانها علاج للحيرة
على فكرة انا كنت محتارة زيكم تماما بس اخدت كيمياء بعدم اقتناع تام
ونصيحتى ان لو شايفة انك مستحيل تدخلى رياضة وناوية على المذاكرة والاهتمام يبقى احياء
اما لوالاتنين ممكنين يبقى كيمياء اضمن واخف واريح كتير لانها تحتاج مجهود بسيط ان شاء الله
اتمنى انك تشوفى راى الاكبر سنا لانى لسه مجربتش تالتة
لا تنسى صلاة الاستخارة لانك تستخيرين الرحمن ولن تجدى حيرة او ندما ابداا اذا تحليت باليقين

kmyaaaaaaaaaaaaaaa to7fa f 2 bkteeeeeeer balash a7ya2 hatndmy gamdddddd awwwwwwwwwwwy

انا رايح تانية ثانوي . وخلاص ظبطت اموري على أحياء طبعا انا لي ظروف خاصة .
1 اني ناوي طب يعني طب و انا مستغلس الهندسة جدا خصوصا بعد هندسة الترم التاني الغلسة دي.
2وجهة نظري ان الاحياء أكبر بكتير من الكيماء وعاوزة مجهود فمن الاحسن للي مطمنين من مستواهم وناوين على طب (بس) يأخدوا احياء ، ويختصروا الطريق .
3 كل اصحابي المتفوقين واخدين الاحياء معايا ما عدا اتنين او تلاتة ،
4 وكمان مدرسي الاحياء أكدولي ان الجمع بين الاحياء والفيزيا صعب شوية . طبعا مش مستحيل ولا صعب لدرجة لكنه صعب شوية 5وبرده الاحياء تعمل توازن في السنتين يعني سنة تانية عندنا عربي ,وانجليش (بس هتبقى كلمات انجليش جديدة كتير وقواعد كبيرة و قواعد نحو تأسيسية مهمة) بالاضافة لفرنساوي والرياضة .
بينما عندنا في تالتة نفس العربي والانجليش بس ممكن أخف سنة لان الكلمات هتقل شوية .وعندنا مادة أدبية بالنسبالي علم نفس ، وعندنا فيزياء بالاضافة للمستوى (حجمه في اي مادة مش صغير ومحتاج مذاكرة ووقت لضمان العشرة).
ولو عملنا ان المادة المستوى هتوازان بين العربي ولانجليش تانية وتالتة . يبقى عندنا الفرنساوي قدامها مادة أدبية وفيزيا قدامها رياضة .أكيد مفيش وجه للمقارنة على النظام ده تالتة أكبر واصعب لان الفرنساوي والرياضة مش محتاجين دح زي المادة الادبية ومراجعات كتيرة وتركيز جامد زي الفيزياء .
يبقى تانية أسهل من تالتة بكل المقاييس. والاحياء _بشهادة الجميع _ أكبر وعاوزة مجهود أكتر من الكيميا وكمان امتحاناتها اصعب ومش مباشرة أكتر . وبالتالي قدامنا منطقين للي عاوزين يرتاحوا شوية في تانية ويكون الطريق عندهم مفتوح ياخدوا كيميا واللي عاوزين يدخلوها جد من الاول ويعملوا توازن بين تانية وتالتة يبقى الاحياء من الاول عشان تسهل تالتة عليهم واللي جمعوه في تانية ميروحش في تالتة (زي ما كتير من الناس بيحصل معاهم )
6 بالنسبة لحكاية اننا نخلي مادة فهم ومادة حفظ في تالتة احنا عندنا في تالتة مادة ادبية غالبا بتكون حفظ بالاضافة للعربي والانجليش حفظ في حفظ فلما يكون عندنا مادتين فهم كويس لان في تانية عندنا رياضة فهم وكمان الفرنساوي خفيف .
في الآخر الاختيار ليكي.

ممكن ده لان مستواها ضعف في ثانوية او هي أهملت . لكن انا اعرف ناس كتير واخدينها في تانية وجابوا درجات كبيرة .بس اللي يقلق ان ممكن الواحد يجيب درجة في تانية مع الكيميا ويجي في تالتة ينزل للارض زي ما هو واضح في موضوع توقعات التنسيق 2011.
على العموم الموضوع مذاكرة في مذاكرة خدنا مادة احياء خدنا كيميا خدنا مادة تفيدة هي مذاكرة .

كلامكم جميل . بس حاجة واحدة الله يخرب بيتكم قلقتوني انا أصلا خدت الاحياء عن عدم اقتناع تام عملتها حسابيا ولقيتها هتعمل توازن وخلاص حجزت وظيطت مواعيد ومستحيل الاقي مدرسين كويسين كيميا ومواعيد كويسة دلوقتي وغير كده انا نفسيا اتهيأت للاحياء (كنت بعشقا أيما عشقا السنادي).
يلا نتوكل على الله .

فعلا ذى ماقلتو كله بالمذاكرة تانية تالته كله هيتذاكر
بس الفكرة انه مين اللى هيبقى اريح لى ف تانيه
و السؤال اللى مش عارفة اسأله
مين اسهل علشان اخده ف تانيه فاجيب مجموع يدخلنى ف الضمان و اجتهد شويه ف تالته
و لا مين اصعب علشان اخده ف تانيه و اخلص منه و ارتاح ف تالته ؟
بس
انا ارتاحت للسؤال الاول مين اسهل لانه هيدينى ثقة ف نفسى اول سنة حتى لو حتعب ف تالته
خصوصا انى بحب الكيمياء اكتر و بكره الاحياء جدا
ربنا معانا كلنا ان شاء الله
ادعوا بقى للى ف ثانوى دلوقتى النتيجة ظهرت ربنا يوفقهم يارب :)