سؤال الرابع في القطعة
 

انا مقتنع انه جوزها
بس المدرس بتاعي كان قالي قطعة الفرنساوي مفيهاش فهم و متحاولش تستنتج
اللي تلاقيه حطه
و بصراحة ان حليت حوالي 60 قطعة قبل الامتحان و مفيش قطعة واحدة طلبت مني استنتاج
ثانيا مش ممكن تفترضي انه يكون اخوها طب ليه مش ابنها لو هي كبيرة سنا شويه؟؟؟؟؟؟؟
مكنش فيه اشارة واحدة في القطعة

الاجابة ان شاء الله

تـــــــــــــــونــــــــــــس

يا عم اللى حصل حصل وحسبنا الله ونعم الوكيل فيهم وربنا ينتقم منهم ايه ده احنا نذاكر عشان ننقص عشان مش عارفين اخوها ولا ابوها

علي فكرة اللي حطه السؤال ممكن تكون فكرت ببساطة كبيرة
ان هي محطتش اشارة في القطعة
فعملت سؤال و حست انه سهل اي حد هيقول منعرفش و ياخد الدرجة
هي كتوقعتش البلبلة ديه

انا اعدت ادور على الاختيار ده وللاسف مش لقيته

........

كبروا دماغكم بقي
زي ما المستشارة هتقول
المفروض يعملوا اعتصام زي بتوع العربي

انا شايف ان السؤال سهل مهو لو كتو ادربتو على الحاجات ده !!!!!!!!!!!!!!!!!!!!!!!!!! وركزوا فى الانجلش احسن

لما نجاوب (on ne sait pas ) هي الصح
لأن ممكن يكون اخوها وممكن يكون زوجها لكن غير مذكور في الوثيقة .

يا جدعان افترض ممكن يكون ابنها طاب هيبقوا شغالين نفس الشغلانة و هي مطلعتش على المعاش مثلا

و امها و ابوها هيبقو عايشين او فيهم روح يعملو غدا و يستنوها في المحطة

و في اكمل قال son pere يعني ابوها مش ابوهم

شكرا على الردوود

هي فكره ان هنا في فرندعادي زي فرنسا كل واحد وتعليمه

صدقني كنت متدرب و حالل بالعبيط

و بعدين حضرتك انا لو بليد و متدربتش هبكي على درجة

شكرا للرد

انتي كده دخلت في دائرة التخمين و التوقع و بعدتي عن اليقين
و ده الدليل علي ان الاجابة on ne sait pas

سؤال سهل للطالب المتوسط اللى قعد يقول يلا بالبركة
اما الطالب اللى يفكر لا مش تفكر تانى غلط التفكير اعمل اللى قدامك
........
لو كنتوا ادربتوا .... انا ادربت طول السنة وحليت فوق ما تتصور عمرى ما قبلت اجابة فيها معرفش

.......
لما نلاقى استاذ بتاع فرنسى يقول اجابة غير استاذ تانى
هل ده تعليم وتجى حضرتك تقول اتدربتو على الحاجات دى

كفاية كآبة بقا يا حماده
خليك في اللي جاي
من البديهي جداً اننا لا نعرف دا اخوها ولا ابوها ولاسكرتيرها ولا ابنها ولا الولا بتاعها يا عم صلى ع النبي وركز ع اللي جاي.
انت غريب قوي
كنت خد ايطالي أو ألماني وريحت دماغنا

هو ده الكلام

لو مذكرتش صراحة يبقى قطعة فهم ازاي

يبقى على كدة الي جابها صح طالب متوسط لانه مترجمش قطعة بس قعد يدور على كلمة mari ‎ و frere ‎ ملأهمش اختار الاخيرة . في اللجنة عندي مجبهاش غير واد بليد و في غارب كلها مجبوهاش غير تلاتة

انا سمعت اشاعة ان في نية للغي السؤال ده هل ده صحيح

عاوز تعرف مين على


اسال علي شخصيا انت مين يا عمو على ؟؟؟


وهو هيقولك ؟؟؟؟ او اتصل بــــــ 0900


مسيو / عبدالسلام عاشور

القطعة مش عاوزة اللى بيفهم عاوزة اللي شغال بالحتة

المفروض في جزئية chercher يمشوا اي اجابة تعطي معنى صحيح حت لا يظلم احد ومكنش المفروض يجيب la و فعل chercher مش علينا في المنهج عشان نعرف مباشر ولا لأ و المتعارف عليه في سؤال زي كدة نقيسها على العربي او الانجليزي و في الحالتين غير مباشر فلازم الطالب اللي بيفكر يحلها من خارج الوثيقة فمن الظلم يلغوا الجرامير الواضح في ظل سؤال كهذا الذي يحمل خطأ فني ومبني على معلومة مش علينا ولذلك لابد من منح الدرجة لكل اجابة تحمل معنى سليم و المفروض كله يطالب بده سواء حلها او لا والله يوفق الجميع

هيا الوزارة عايزانا بهايم منفكرش بدل مقلش ضاربين ورقا عرفي يبقو مش متجوزين

السياسه بتاعة الوزاره ان الفرند حلال وبتشجع علي الرزيله هوده التعليم الجديد من مستشارة الوزاره المنحله
هي بتعرف الشباب ان هي بتمشي مع شاب وبتسافرمعاه وده العادي بتعها

يا جماعة من اول السنة و المدرس بتاعى بيقولى لا اسنباط فى اسئلة الوثيقة مدام مش موجودة يبقى بلاش استذكاء لان دة اللى مصر عايزاة

شكرا جداااااا

يا جماعة قطعة الفهم فى الفرنساوى ( عامة ) لازم يكون الواحد غبى عشان يعرف يحلها انا كنت الحمد لله خلصت كل امتحانات السنين السابقة و عارف ايه نظام قطعة الفهم !

هقولك حاجة الحمد لله النتيجة طلعت بس ممكن يبقى أخوها تخيل انك مثلا انك عندك أخت اسمها منى و انت بتكتب جواب لوالدك او والدتك فكل شوية هتكتب منى و مش هتكتب أختي منى عشان و مثلا انتو الإتنين في وظيفة واحدة عشان كدا لازم الإجابة الي هى منعرفش على يبقى مين :d