|
هل يحق للأخ ضرب أخته مهما كانت الاسباب ؟
--------------------------------------------------------------------------------
هل يحق للاخ ضرب أختة مهما كانت الأسباب .. -------------------------------------------------------------------------------- -------------------------------------------------------------------------------- السلام عليكم ورحمة الله وبركاته موضوع حبيت اتناااقش معاكم فيه لأخذ ارائكم . . هل يحق للأخ ضرب أخته مهما كانت الاسباب ؟ للأسف هذه الظاهرة موجودة بيننا رغم التكتم عنها. هذه الظاهرة بدأت تظهر على السطح بسبب وعي المرأة ورفضها إلى القهر والظلم والاستبداد من قبل الرجل. هل يحق للأخ ضرب أخته مهما كانت الأسباب وهل تؤيد ذلك؟ هل يريد الاخ أن يبرهن لنفسه ولاخته على انه سيد البيت المطلق في ضل غياب الاب.. والاخت ليست سوى جاريه تطيع أوامر السيد ؟ هل الاخ الذي يضرب أخته أخ غير ناضج وضعيف الشخصية؟ هل الاخ الذي يلجأ إلى وسيله الضرب ..هو إنسان سوى وواعي و فاهم و متعلم ؟ هل يستمدّ الرجل جبروته من قوّته، أم من ضعف المراه؟ هل المرأة لا يجب ضربها على الإطلاق، مهما كانت الظروف أو الأسباب؟ اسئله للمناقشه |
بصي يا مروج انا عمري ما جربت الموضوع ده
بس انا الحمد لله اخواتي عمرهم ما هيفكروا يعملوا فيا كده لكن انا بعترف لك اني لو عملت حاجه غلط بس كبيره يعني وبابا مش موجود هو لازم يضربني لانه لو مضربنيش ساعتها هيبقي هو الغلطان وهيتلام بعد كده بس شكرا علي فتحك للموضوع ده ومناقشتك ليه ومستنيه اشوف معاكي اراء الاعضاء |
والله كلام زوزو مقنع جدا وهوه ده الصح
بس الاسئله بتاعتك ديه محسساني ان الراجل ده متوحش مش بني ادم |
مممكن لو الاب مش موجود
|
يا أخ احمد انا مبتكلمش علي كل الرجال في ناس محترمين اوي
|
اقتباس:
انا هعلق بس على عنوان الموضوع معتقدتش ان الضرب حل لاى مشكلة من المشاكل وممكن الاخ يكون بديل عن الاب والصديق فى بعض الاحيان انما اسلوب الضرب والقسمة ده فى التعامل مش مقبول تحت اى سبب |
اقتباس:
هو الضرب مش هدف فى ذاتة ولو كان هدف فى ذاتة يبقى مرض انما الضرب هو وسيلة للاقرار قاعدة الثواب والعقاب ممكن واحد يلجا ليها وممكن واحد تانى يكون عندة وسيلة افضل والاتنين مش غلط وبعدين الغاية تبرر الوسيلة والكلام دة عام سواء الى بيتعاقب راجل او مراة وبعدين انا مش شايف ا ن المراة متعرضة لقهر واستبداد الرجل ولا حاجة بل بالعكس المراة واخدة حقها كامل فى مجتمعنا دلوقتى |
الموضوع ده مثير جدا وموجود فى معظم البيوت المصريه يمكن فى معظم العالم العربى ( الشرقيين ) خصوصا بس يمكن فى بعض البنات تستحق ذلك او فى بعض المواقف ولكن نقول نجرب النصيحة الاول افضل |
اقتباس:
ومتستغربيش لو كلامي مدي افلام شوية |
هل يحق للأخ ضرب أخته مهما كانت الاسباب ؟
طب ليه الاخت مش تضرب الاخ ما هى بتحصل برضو؟!! ما كده كده الكبير بيضرب الصغير وخلاص و بيوجهه عشان (مهما كانت الاسباب) ملهاش دعوة بولد ولا بنت ولا راجل شرقى ولا من زحل حتى :) |
هى على فكره الظاهره دى مش فى كل الاخوات
دى شخصيات وشخصيات انا عن نفسى معنديش غير اخ واحد اكبر منى بسنتين وبحبه وبحكيلوا على كل حاجه وبنبقى اكتر من الاصحاب مع بعض وفعلا انا شوفت الحكايه دى مع كتير من اصحابى اخواتهم بيفرضوا عليهم حاجات وبيضربوهم وانا شايفه ان ده غلط جدا فى وجود الاب لان ده بيبقى ضغط عليها من اخوها وباباها وممكن يسببلها مشاكل نفسيه وشكرااا جدا ليك على طرحك للموضوع اختكم آيه |
جزاكم الله خيرا ان شاء الله
|
من ناحيه يحق فاعتقد انه يحق لو كان دى الطريقه اللى هيعالج بيها الموضوع (اى موضوع)
يعنى لو على حق مش فرد عضلات والسلام بس المشكله بقى هنا تكمن فى سرعه رد الفعل يعنى انا شخصيا بدور على اى فازه لو اتحطيت فى موقف زى ده سواء على حق او فرد عضلات:p وربنا ما يجيب زعل عموما..:) |
اكيد الضرب مش كل حاجةيامروج بس احيانا استعمال الضرب حسب التصرفات وفى الاخر والاول دا اخوها وعارف نتيجة لو جبها بالسياسه او بالضرب او بطرق اخرى بس وشكراً ليكى يامروج موضوع جميل جدا وهادف جدا تسلمى |
خلاصة الكلام
اللي هيعمل كده مش هيعمله من فراغ ... في ظروف حكمت كدا سواء غياب الاب او التدليل الزائد من جهة الابوين فلازم الابن يكون له موقف اخته هتحترمه علي الموقف دا لما تكبر وتفهم :) |
انا عندى بضرب ..بس ربنا مش بيسيب حد يمهل ولا يهمل
الرجاله كلهم زى بعض |
فى حاجة فى علم النفس بتتكلم عن الموضوع ده او بمعنى اصح الايذاء النفسى والمعنوى على الانسان ويقول ان الايذاءيكون مفيدا فى بعض المواقف ولكن اذا استمر ذلك العنف يجعل الانسان يميل الى السلوك العنيف ومن رايى ان الضرب مش على طول حتى لا يصيب الانسان بنوع من عدم الثقة و السلبية ويكون الانسان عديم الثقة فى اختياراته وشكررررررررررررا
|
من وجهة نظرى ضرب المرأة عامتاً خطأ . حتى لو عملت حاجة غلط يكون الحل فى الحوار لان الحاجة اللى عاملتها لازم تقتنع انها خطأ و الا حتى لو اضربت ممكن تكررها . و مش قوة من الرجل انه يضرب المرأة ابداً . دى وجهة نظرى و انا لو عندى اخوات بنات عمرى ما هفكر انى اضربهم . لان الضرب عمر ما يتعلم حد منه لان احنا بنتكلم عن انسان له عقل مش حيوان . و البنت اللى هتضرب علشان عملت حاجة غلط و هى مش مقتنعة انها خطأ اصلاً هتحس بالقهر و الاستعباد و مش هتعيش سعيدة ابداً
|
الضرب عمره ما كان طريقة للتفاهم فيه طرق كتيرة الاخ ممكن ينصح بيها اخته غير الضرب لان البنت لو عايزة تعمل حاجة هاتعملها مهما كانت بس اهم حاجة النصيحة اولا
وإذا لم تستجب فالضرب هو الطريق الوحيد بس بلاش بأفتراء ضرب غير مبرح :d |
الف شكر يا جماعه علي الردود وجزاكم الله خيرا بأذن الله
|
هوا الضرب مهم على فكره بس مش فى كل الاوقات حسب المشكله وشكراااااااااااااا على الموضوع المهم ده
|
السلام عليكم ورحمة الله وبركاته الاول احييكى ع الموضوع بجد فكره رائعه بس انا الحمد لله معنديش اخوات صبيان اكبر منى ندخل ف الموضوع ع طول فى وثيقة وداع الرسول عليه الصلاة والسلام قال الرسول فيما معناه "أرقاءكم أرقاءكم ان اذنبوا ذنبا فبيعوا عباد الله ولا تعذبوهم" وكان الرسول عليه الصلاة والسلام يشير الى الخدم والجوارى والضعاف من القوم فهؤلاء الخدم والجوارى فما بالك بعشيرتك الاقربين !!! وان اوصى الرسول الكريم بالارقاء فقد اوصى بالنساء وما أكثر الاحاديث التى اوصى فيها الرسول بحسن معاملة المرأه فقال " أوصيكم بالنساء فهن عوان عندكم " ولم يأمر الرسول بضرب المرأه الا "ضربها او جرحها بما فى يديك" وقصد سواك او ورده وعلى صعيد آخر، فان عقل الرجل يقدر باحترامه للمرأه فكلما زاد احترام الرجل للمرأه زاد حلمه ولى عوده للاجابه ع الاسئله |
بصي أولا كل واحد عارف اخته كويس بمعنى لو هي كشخصية من النوع الي مش بيهمه الكلام وعملت حاجة غلط اوي ووالده مش موجود يبقى لازم تنضرب بس مش الضرب الي بنسمع عنه (التعذيب) والبهدلة و الحاجات الزايدة دي لكن لو هي من النوع الحساس و عندها دم اكيد الغلط الي هي هاتعمله مش هايكون كبير للدرجة وساعتها يبقى هو يستاهل ضرب ال(......) لو مد ايده عليها .
|
الرجولة ادب مش هز كتاف
|
شكرا جدا على الموضوع الجميل ده الضرب احيانا بيكون ضرورى خصوصا فى بنات لما بيكون ولدها مش موجود بتحس انها سيبه ولو مفيش اخ كبير يقدر يحكمها حتى لو وصلت للضرب يبق نقول عليه العوض فيها وربنا يسترها مع كل البنات وفى بنات يقدر اخوها يصحبها وبدون ضرب دى فعلا بنات محترمه وشكرا مره تانيه |
جزاكم الله خير اجمعين
|
اقتباس:
اشكرك يا اختي على رايك الكامل ده رايي من راي الاخت بالضبط في كل شئ |
بصراحة موضوع الضر ب من الأخ ده جديد شوية
ماهو اصله لازم يكون فى تفاهم يعنى أنا لوغلطت مش هاسمح انى أنضرب من أخويا لا فى حاجة اسمها تفاهم ونقاش ولا ايه |
الموضوع مش بالضرب والمفروض ان الاخ يحتوى اخته ويكون صاحبها مش اخوها واي حاجه تتحل بالكلام
بس الضرب فى الضروره الصوي بس ده يبقى اخر الحلول |
السلام عليكم
مافيش حاجه اسمها ضرب لا في التربية ولا في التعليم ولا في العلاقات الاسرية الضرب اسلوب العاجز وقليل الحيلة صار لي في التعليم اكثر من 20 سنة ولي اختان ولي زوجة وثلاث اولاد ذكور لم تمتد يدا يوما ما لي طرق في التربية والتشجيع والتعزيز واساليب تربوية ناجحة بس ده محتاج اطلاع وقراءة وسعة افق منذ الصغر الحمد لله ابو جهاد عودة |
الضرب أكيد أسلوب غير لائق بأنثى
سواء من الأخ أو الأب أو غير ذلك لأن الضرب عمره ما كان وسيلة لحل أى مشكله وإذا كان الأخ بيضرب أخته من باب الرجولة أو فرض السيطرة فأحب أقوله إن دى مش رجولة وبكده عمره ما هيقدر يفرض سيطرته عليها |
| جميع الأوقات بتوقيت GMT +2. الساعة الآن 08:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.