|
حملة شباب ضد الغش - هااااااام جدااا لمساعدتكم
السلام عليكم أطللقنا حملة جديدة علي الفيس بوك بعنوان "شباب ضد الغش" بعدما كثرت الشكاوى من طلاب الثانوية العامة بوجود حالات غش جماعي في لجان المراقبة هدف الحملة إننا نجمع من الطلبة أسماء المدارس اللي فيها غش جماعي وتسيب ونبلغ الوزارة حتي يتم تدارك الأمر ... إحقاقا للحق ولكي يتم إمتحان جميع الطلاب تحت نفس الظروف وتتحقق المساواة ويتم التحقيق مع المراقبين اللي بيسمحوا بكده ده لينك الشكاوى علي موقع وزارة التربية والتعليم اللي بيوضح تعدد الشكاوى وجدية الأمر http://www.facebook.com/topic.php?ui...484&topic=3808 إحنا أنشأنا الحملة في محاولة لتوصيل صوتنا للوزارة وبالفعل معانا أسماء لأكثر من 25 مدرسة في مختلف المحافظات ومعانا مسؤول من وزارة التربية والتعليم المصرية مهتم بالموضوع والتحقيق مع لجان المراقبة في المدارس ... إحنا في حاجة لمساعدتكم في نشر الصفحة بشكل سريع جدا لتدارك الأمر قبل إمتحان الفيزياء والكيمياء والأحياء وباقي الإمتحانات .... تذكر إن الطالب هو المتضرر الأول والأخير من موضوع الغش سجل في الصفحة وإكتب إسم مدرستك والإدارة التابع ليها وإيه حالة الغش في المدرسة بالظبط ده لينك صفحتنا .... منتظرينكم شباب ضد الغش http://www.facebook.com/Againstcheating |
الموضوع لازم يتثبت لو فيه خير في المنتدى ده والموقع ده لأن ده احسن موضوع في الفترة الأخيرة كل المواضيع بتتكلم عن المرتب والحد الأدنى والمكافأة
هايل ياشباب ... لقدم هرمت والله ولكنى لم أيأس ابدا ............ أنا معكم وعلى بركة الله |
الف شكر يا مستر .... وياريت لو حضرتك تقدر تقدم أي مساعدة أو إقتراحات لينا لدعم الحملة أكون شاكر جدا لحضرتك
|
اه ياجماعه ياريت اداره المنتدى تثبت الموضوع دا تحديدا لانه السبب الاساسى فى حاجات كتير جدا مش كويسه بتحصل فى مجتمعنا دلوقت
|
اه ياجماعه ياريت اداره المنتدى تثبت الموضوع دا تحديدا لانه السبب الاساسى فى حاجات كتير جدا مش كويسه بتحصل فى مجتمعنا دلوقت
|
طب يا جماعه معلش أنا جديد شوية في المنتدي ومعرفش إزاي أتواصل مع إدارة المنتدي .... ياريت لو حد يقدر يساعدنا في أسرع وقت قبل باقي الإمتحانات
|
فعلاً لابد من التصدى لهذه الظاهرة وبقوة ... وفعلاً تم فى بعض المدارس أخذ سماعات للغش من بعض الطلاب لكن لم يحاسبوا أنا مع هذه الحملة وبقوة لأن لن تجنى البلد فساد اكثر مما نحن فيه ...فضلاً عن جيل فاشل يقود البلاد بتفوق لا يستحقه وتؤتى ثماره الفاسدة فى المستقبل |
الحمد لله رب العالمين وبعد الغش فعلا اصبح شديد لكن لو ما غششناش بنواجه رد فعل عنيف من الجميع
|
اقتباس:
سيدي الفاضل، أحب أسأل حضرتك سؤال وفكر فيه بعمق ... هل تنتظر من الطالب أن يعاملك بإحترام بعد أن سمحت له بالغش ؟؟ وهل ردة الفعل العنيفة التي تلقاها من الجميع عند منع الغش تنقص من إحترام الطلاب لك ؟؟ أم أنها تزيده ؟؟ وفي أي الحالتين تشعر برضا الله وإرتياح الضمير ؟؟ هل ستسأل من الله أم من الناس ؟؟ مش منتظر إجابة ... إنما يكفي مجرد التفكير في السؤال عن ابن عباس ، قال : قال رسول الله صلى الله عليه وسلم : " من أسخط الله في رضا الناس سخط الله عليه ، وأسخط عليه من أرضاه في سخطه ، ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه " . الطالب اللي بيغش بيشيل ذنبه لوحده ... المدرس اللي سمح للطلبة إنهم يغشوا بيشيل ذنبه وذنب كل طالب غش ... يا مستر إعتبرني أخو حضرتك الصغير وده شرف ليا والله ... حضرتك لسه 28 سنة تقريبا ... يعني حضرتك لسه بتكون صورتك عند الناس ... خليهم ياخدوا عن حضرتك صورة كويسة من الأول ... يحترموها في وجودك ويذكروها بالخير في غيابك .... وتذكر دائما أنك الداعية الصامت ... تدعو الناس بأخلاقك وتصرفتاك ويجزيك الله على تلك الدعوة وتقبل مني كل إحترامي وتقديري |
اقتباس:
|
لا .. لا .. لا .. للغــــــش |
اقتباس:
وعلى فكره انا طلعت مراقبه اكتر من مره وراقبت اكتر من مره والحمد لله سمعت كلام كتير يضايق سواء من الطلبه او اولياء الامور او حتى نظرات الناس اللى حواليا لكن طول ماانا مقتنعه انى انا صح طبعا مفيش اى تاثير للكلام دا معايا لكن هيكون فيه تاثير اسوأ بكتير عليا لو انا ساهمت فى عمليات الغش اللى انا عارفه خطورتها كويس جدا كفايه الاحساس انك بتظلم اكتر من طالب متميز ذاكر واجتهد وفى الاخر ببساطه جدا اساوى زمايله اللى متعبوش حتى نفسهم وحاولوا يذاكروا بيه ولا احساسى انى جبانه بغضب ربنا عشان خايفه من ولى امر جاهل باللى حتى بيعمله فى ابنه مش فاهم انه لما يقوله غش ويساعده على كدا اول واحد هيغشه وهيكدب عليه هو للاسف طبعا كتير بيستهونوا جدا بالظاهره دى وكتير بيحاولوا يبرروا افعالهم بعباره اولياء الامور التعبانين على اولادهم طول السنه وبيصرفوا عليهم دروس حرام ان ميكونش فيه فايده لدا لكن زى مابيفكروا كدا المفترض كمان يسالوا نفسهم كان فين ولى الامر دا من متابعه ابنه طول السنه ومش حرام يتساوى مع ولى امر تانى تعبان مع ابنه ومتابعه ومعاه من اول السنه مش بيصرف عليه ماديا وبس وغير كدا مش حرام يساوى طالب اجتهد بطالب كان بيلعب طول السنه وهل لو عنده ابن تعب معاه طول السنه يرضى فى الاخر انه يتساوى مع طالب مهمل لعبى وهو يتساوى مع ولى امر كل علاقته بابنه انه بيصرف عليه ومهمل متابعته طول السنه بجد حسبى الله ونعم الوكيل فى اى مدرس يسهل عمليات الغش او يشارك فيها |
ياريت حد يتواصل مع المشرفين يخليهم يثبتوا الموضوع لأني بجد حاولت كتير ومفيش أي إستجابة منهم
|
ياريت يتثبت يامشرفين
|
موضوع ممتاز أكثر, من رائع.
أرجو الإهتمام والتثبيت |
هذا الموضوع يحتاج لجهود كبيره من القائمين علي العمليه التعليميه لان للاسف هولاء هم المتسببون في هذه الظاهره .
وللاسف يكون هذا بمقابل |
الغش دمر اخلاق ابنائنا الطلاب حتى انهم اصبحوا معتقدين بانه حق لهم لدرجة اننا سمعنا عن شكاوى ضد المدرسين الرافضين للغش و محاربة الغش رغم انها لها ثمن يدفعه من يصر على عدم الغش ولكن يستطيع الانسان الصبر و التحمل
ولكن ما القول فى مديرى الادارات و المحافظين الذين يصرون على رفع النتيجة بطريقة غير معقولة حتى سمعنا انها رفعت من 30% الى 90% تخيل ماذا يعنى هذا بعض تلاميذى قالوا لى لقد نجحنا و لم نكتب شئ محاربة الغش يجب ان تكون من اولويات النهوض بالتعليم |
أول خطوة لإصلاح التعليم فى مصر
هو منع الغش |
والله ياجماعة المشكلة فينا احنا
يعني الأهالي والطلاب لو مغشش ابنهم ممكن يقتلوا المدرس والمدرسين يبصوا ليه نظرة تانية عامل شيخ ويرقبوه وقتاه يغلط ويضعوا له المشنقة أنا مثلاً أحصائي تطوير لكن مش بغشش في النهاية بقعد في الأمن عقاب ليه علشان مش بغشش وزميلي يقولوا لازم تكون تمام في كل حاجة مش منع الغش فقط طب هو أنا نبي صحيح انا ملتحي بس مش نبي والواحد بيجتهد والغش موجود على مستوى الادارات وليس مدرسة واحدة ولو اشتكيت ممكن تاخد حقك لكن بيحطوك في راسهم ويقفوا لك كل حاجة انا بقول يارب ازل الطلم الى الابد واهدي الناس |
جميع مدارس الدقهلية تعوم في بحار الغش ولا احد يهتم واحاول جاهدا منع الغش في كل مدرسة عملت بها ولكني اظل المدرس الوحيد الذي يكافح الغش ولا اجد اي مساندة لدرجة اني اكره المراقبة على اي امتحان من كثرة المشاكل التي تحدث لي من زملائي في المدرسة واولياء الامور
|
المشكلة الكبرى إن الأهالى يشجعوا أولادهم على الغش وفعلاً كأن هذا من حقهم ...إنهم يخادعون أنفسهم ويدمرون الأبناء وتضيع كل القيم وكل فرحة بالنجاح ... ياريت كل الأمور تؤخذ بحزم شديـــــــــــــــــــــــــــــــــــــد |
الاسهل اننا نعد المدارس اللى ما فيها غش
حتى لا نصعب الامور على نفسنا يجب علينا ان نعد المدراس اللى ما فيهاش غش لان 99 % من المدارس والادارات فيها غش للركب اصبحنا لا نعلم التلميذ كيف يقرأ ويكتب ولكن نعلمه كيف يغش ويفتح دماغة ومن يعترض يصفه زملائه وتلاميذه بانه معقد نفسياً وعايز يسقط العيال حسبى الله ونعم الوكيل http://files.thanwya.com/do.php?img=6179 |
هذه هى الموضوعات البناءه التى تستحق الشاركة
|
انا معاكم يا جماعه انا من محافظه قنا
|
هنقدر إن شاء الله
|
اشكركم علي هذة الدعوة الطيبة و ان كانت ثورة ضحي بها شبابنا لم تنادي فقط باسقاط نظام و لكنها ايضا تنادي باسقاط كل ما هو سيء و خصوصا في التعليم حيث انة انتشرت في القنطرة غرب - الاسماعيلية ان مدرسا معروفا قام بحل ورقة اسئلة المرحلة الثانية و تم بيعها من قبل آخرون علي باب اللجنة بسعر عشرون جنيها للنسخة الواحدة ... يا بلاش
|
بسم الله الرحمن الرحيم
نداء إلى السيد وزير التربية والتعليم والسيد محافظ الإسكندرية ارحمونا من السيد الأستاذ / مصطفى فوزي مدير المرحلة الابتدائية في إدارة و وسط إسكندرية التعليمية حيث انه يقوم بإرسال رسائل للمعلمين بالمدارس ومديري المدارس ويأمرهم بعدم إعطاء أصواتهم لبعض المرشحين لانتخابات النقابة الذين لا ينضمون إليه ويحرض المدارس بعدم السماح لهم بممارسة حقوقهم في الإعلان عن أنفسهم وعدم السماح لهم بعدم الجلوس مع المدرسين في المدارس مستغلا وظيفته في التهديد علما بأنه من فلول الحزب الوطني أنقذونا من هذا الرجل الذي ظل سنوات كثيرة في النقابة دون فائدة للمعلمين ويريد أن يرشح نفسه مرة أخرى للنقابة الفرعية وسوف يحصل على هذا إذا نجح في الانتخابات الأولى المجموعة التي معه ومتضامنة معه مثل الأستاذ / عبد الحليم أحمد عبد الحليم فواز ) من أعضاء النقابة القديمة وعضو في الحزب الوطني المنحل ( والأستاذة / صباح حسن مكاوى ) من أعضاء النقابة القديمة وأمينة لجنة المرأة في الحزب الوطني المنحل( والأستاذ / محمد منصور محمود ) عضو في الحزب الوطني المنحل ( والأستاذ / خميس وجدي السيد ) عضو في الحزب الوطني المنحل ( والأستاذ / حسام محمود معتوق ) عضو في الحزب الوطني المنحل ( والأستاذ / مصطفى إبراهيم مصطفى ) عضو في الحزب الوطني المنحل ( والأستاذ / هشام محمود جبريل ) من أعضاء النقابة القديمة وعضو في الحزب الوطني المنحل ( وغيرهم من الذين ينتمون إلى قائمة الأستاذ عبد الحليم أحمد عبد الحليم فواز) من أعضاء النقابة القديمة وعضو في الحزب الوطني المنحل (ومرشح رئاسة بحيث إذا نجحت هذه المجموعة يحدث الآتي بعد انتهاء انتخابات اللجان الفرعية باب شرق ومحرم بك والعطارين 16 + 16 + 16 = 48 ينتهي دور المعلمين عند هذه المرحلة ثم تأتي انتخابات اللجنة الفرعية بالازاريطة هؤلاء ال 48 عضو فقط هم الذين لهم حق اختيار اللجنة الفرعية بالازاريطة ويحق لأي معلم أن يرشح نفسه فيها ومن هنا يأتي القدامى مرة أخرى لان الذين سوف يختارونهم هم ال 48 عضو فقط ولكي لا يحدث هذا يجب إن نقوم نحن المعلمون بعدم اختيار هؤلاء القدامى أو من ينتمي إليهم حتى تعود نقابتنا إلينا بإذن الله ولن يحدث هذا اللا بالوجوه الجديدة الشريفة والله المستعان جعلكم الله عونا لنصرة الحق |
بارك الله فيك
|
علاج الغش الجذرى يتمثل فى ازاحة العقليات التى تدير التعليم الابتدائى فكل همهم ان تكون النتيجة 99.999مثل انتخابات الحزن الوطنى السابق ولم تغير الثورة شيئاً فيهم فهم عقليات متحجرة تعودت تنفيذ الاوامر دون تحديد الفائدة من الضرر
|
عندك حق فى الكلام ده فى الابتدائى كان كله بيطلع الاول مكرر
المفروض الابتدائى ده تبقى الدراسة فيه سليمة ومفيش غش والكلام ده |
الغش كان عندنا فى الشوبك الغربى
كان فى لجان البنين كان ممكن يراجعوا كل الاجابات مع بعض وبيجيبوا مجاميع عالييييييييييييييييييييييييية |
وعلى فكرة فى البنات برده مش فى البنين بس
يعنى السنة دى اللجان فى 2 ثانوى بنات كانوا بيقعدوا جانب بعض مش حرام؟؟؟؟ |
والله موضوع رائع و هادف
يمكننا بإذن الله وقف هذه المهذلة و العار الملصوق بالتعليم المصرى و المسمى بالغش , و يتم ذلك بأليات فاعلة و تكاتف من كل المعلمين فى كل أنحاء الجمهورية و لنبدأ بجمع الإقتراحات المختلفة لتفعيل مبادرة منع الغش و إليكم متقترجاتى البسيطة التى أرجو أن تساعد فى حل هذة المشكلة 1- صمود كل شخص على موقفة 2- محاولة النقاش مع ( أرباب الغش ) فى مدرستك بغية إقناعهم بجرمانية الغش و أضراره الوقتية و المستقبلية 3- توزيع المدرسين الرافضون للغش على كل اللجان 4- تحرير محاضر غش فورية لكل من يثبت غشه و التبليغ الفورى للمديرية التابعة لها المدرسة و..... |
انا معاك فى الاقتراحات دى بس الحكاية دى عاوزة سنين
وعاوزة وقت طويل |
كمال صادق مانا درس من 79 الفيوم اشكر صاحب الفكرة الحملة على الغش واقول ولله العظيم الغش اكبر آفة افسدت الحياة فى مصر مش النظام السابق وانت وانا لنا دور فى ذلك ولنجاح الحملة يكتب عهد مع الله فى بداية بوابة الثانوية ومن يرغب يوقع ويكون برئ امام الله
|
وانا كمان معاكوا انا ضد الغش مع العلم انى مدرسة ولست طالبة انا ضد الغش فى مختلف المجالات التعليم ياريت ان حد يوقف قدام الطفان بتاع الغش لان الطالب الشاطر اللى طول السنة هو المتضرر الوحيد
حررررررررررررررررررررررررررررررررام |
فعلا نحن اصبحنا نعد الطلاب للغش فاصبحنا من ضعف الطلاب نتعامل مع 4 او 5 طلاب فقط داخل الفصل لانهم هم الوحيدون الذين يعرفون القراءة والكتابة
|
الى كل معلم شريف انضم الى صفحة
(((( المعلمون الاحرار ))))على الفيس بوك )))) لنصل بالعدد ل 100 الف في اسبوع لنرفع الصوت عاليا ليسمعنا من يهمه الامر أرجو من الجميع التفاعل مع تلك الصفحة على الفيسبوك .. من أجل معلمي مصر الأحرار https://www.facebook.com/pages/%D8%A...996552?sk=wall |
|
أول خطوة لإصلاح التعليم فى مصر
هي منع الغش لكن للأسف في ناس بتغشش بالأمر |
بارك الله فيكم وجزاكم خيرا
|
المشكلة الأخوة الأعزاء فى المدرس الذى يبيع ضميره من أجل المال فرض المجموعات والدروس الخصوصية بالإجبار وهؤلاء ليسوا بالقليل بجانب عدم اهتمام المدرس بعمله داخل الفصل واهماله بدوره كمعلم أجيال فى بناء شخصية التلميذ علمياً وأخلاقياً ... وأرى أن الحل يكمن فى أن يبدأ كل واحد فى أصلاح ذاته ويقف وقفة مع نفسه أمام رب العالمين ويتق الله فى هذه البلد المنهارة فى كل شئ بسبب نظام فاسد وأفسد كل شئ وأهمه التعليم فالعبئ الكبير يقع على عاتق المدرس أينما كان فبه تنهض الأمه فعلى كل أنسان مخلص لربه وبلده أن يكون ناصحاً مخلصاً لزملائه ولاييأس مما يسمع فهذه رسالة فى أعناقنا جميعاً ... المشكلة ليست فى الطالب الذى يسعى للغش وأنما فى المعلم الذى وفر له مناخ الغش بل ساعده على ذلك وأصبح قدوة سيئة له ... وفق الله الجميع إلى مايحب ويرضى
|
عدم الغش لازم يبدأ من المرحلة الابتدائية لان الطالب اذا كبر مش متعود ع الغش هيكون الموضوع منتهى
|
هو ده تفكير الشباب الصح
|
تقدم شركة انتل وايباد, حاسوب محمول هدية لفترة محدودة لاول 50000 مشترك فقط وبعد دلك الاجهزة ستصير للبيع ليست هدايا اغتنم الفرصة و لاتضيعها واستفد من النت والفيس بوك طبعاكونك ستعمل شغل على النت بطرق سهلة خالص ستعمل شغل للشركة مقابل دلك انت ستكسب الحاسوب المحمول وجوائز اخرى https://www.facebook.com/Laptop.Intel?sk=app_4949752878
|
انا ضد الغش على طول الخط الموضوع ممتاز جدا وهادف جدا جدا
عملت لايك عالفيسبوك |
الواحد يتمنا ان الكلام ده يحصل لان بجد الغش بئا كتير جدا وحاجة مقرفة حسبنا الله ونعمه الوكيل فى المدرسين الىكانوا بيخلوا الطلاب تغش
|
مدرس + ولى امر+ عامل +رئيس لجنة
اقتباس:
ارجو التفكير فى وسيلة لمنع وجود طبقة العمال اثناء الامتحانات وعلى جميع المدارس ترك المدارس حاهزة لاستقبال اللجان على ان يتواجدوافقط بعد انتهاء اليوم للنظافة وهكذا حتى تنته المهمة وماحدش بقول بيستفيدوا من البيع كفاية عليهم اثناء العام الدراسى دول سبب فشل الاجيال بجانب الفئة معدومة الضمير والجشعة من المدرسين اللى وصلوا انهم يتاجروا بالنتائج ويتقاولوا عليها هاتى 5 جنيه واجيبها لك من الكنترول فئة حقبرة اساءت الى شرفاء كثر |
اقسم بالله العظيم ان هذا الموضوع هو قضيتى الأساسية فى مدرستى ولذلك تعرضت لهجوم شرس من مدير المدرسة وزملائى ولكنى ثابت على موقفى لدرجة أن مدير المدرسة هددنى باستبعادى من التدريس للصف السادس لاننى لا أحضر مع التلميذات الامتحان وأقوم بحل الامتحان لهن مثلما يفعل المدرسون بالمدارس الآخرى. انا معكم
|
اكتر شيئ بيهددمستقبل البلد هو موضوع الغش
اللهم احفظ بلدنا يارب |
| جميع الأوقات بتوقيت GMT +2. الساعة الآن 06:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.