|
بدون عصبية سياسية..لماذا الدستور اولا!!
سلام عليكم..
متى سيحدد النظام السياسي للدولة برلماني او رئاسي؟ كيف سننتخب و كيف سيأتي البرلمان و هو لا يعرف ما هي وظيفته و صلاحياته و هل سيترك له تحديد اذا كان النظام برلماني ام رئاسي (بالطبع سيختار البرلماني ليزيد سلطاته). كيف سيرشح المرشحين للرئاسة انفسهم و هم لا يعلموا ماذا ستكون وظيفة وصلاحيات رئيس الجمهورية تحديدا و كيف سننتخبهم اذا كنا لا نعلم لاي ظيفة ننتخبهم؟ عندما ينتخب رئيس الجمهورية ما اليمين اللذي سيؤديه ... "ان احترم الدستور و القانون" كيف اذا كان لا يعلم ما هو الدستور؟ يجب الاجابة على هذه الاسئلة من القائمين على الشأن السياسي ستوضح الامور و الا فبشكل تلقائي يستنتج ان الدولة رئاسية وفقا لدستور 71 اللذي سينتخب في ظله مجلس الشعب و رئيس الجمهورية ام ان يأتي الرئيس على نظام رئاسي و بعد انتخابه بستة اشهر اي بعد اكتمال الدستور نخبره بان صلاحياته قد انعدمت تقريبا. في تقديري الشخصي ان الاستفتاء كان سؤال خاطيء نتج عنه بالطبيعة جواب خاطيء حتى ان كانت الاجابة لا. لا اعتقد ان من يتشنج حينما يذكر امامه كلمة الدستور اولا .. ان كل هذه التشنجات ناتجة من حرصة على ما يسميه ارادة الاغلبية.هذا بالنسبة للنخبة المؤيدة لنعم (التيار الديني). اما من هو من عامة الشعب فيرفض حتى التفكير في الدستور اولا لاسباب نفسية تجاه من يطرح الفكرة و ليس للفكرة ذاتها. هذه المرحلة التاريخية ان نتج عنها حياة سياسية مشوهة فلن يغفر التاريخ لهؤلاء نظرتهم الضيقة لما تحت ارجلهم و ليس لما امامهم سلام عليكم. |
بسم الله الرحمن الرحيم
الاجابة : سمك ده نفس الوضع القائم استفتاء و الناس جاوبت بكل صراحة و لسة في ناس مش فاهمة الاجابة |
اقتباس:
لقد ربحت معنا دستور جديد بس بعد الإنتخابات ;) |
هزار دمه خفيف جدا لكن محدش جاوب على اي سؤال.
انا عرفت الاجابة ...كله يهون عشان التيار الديني يكسب. |
حاجة بسيطة جدا ان 77 % من مصر هي اللي اختارت
والكل خرج وقال رأيه بس في ناس كثير مش مستوعبين يعني ايه استفتاء ربنا يخليك يا ريس كنت مريحنا من ده كله ههههههههههههه ريحوا دماغكوا ودماغنا بقي انتوا كان عاجبكوا الديكتاتورية :stickjo4::stickjo4::stickjo4::stickjo4: |
اقتباس:
مش عشان التيار الديني ... عشان الدين نفسه .. الاسلام لا يعرف الاشخاص الاسلام دين و دولة ... الاسلام قادر على الحكم و الامثلة كثير و اكثرها وضوحا هي الاندلس لكن المشكلة في الناس .. كل ما تبعد عن الدين .. كل ما الدين يبعد عنهم بس ان شاء الله الدين بيرجع تانى وحدة وحدة انا عارف انى خرجت عن الموضوع بس هو ده الموضوع الحقيقي |
محمد.فوكس
يا ريت تمسح كام رسالة من الرسائل الخاصة عشان انا مش عارف ابعتلك اي حاجة |
بسم الله الرحمن الرحيم
اخوكم ابو كريمان احب اشارك معاكم فى الفقره دى فعلا الاجابه سمك بس سمك لبن تمر هندى احب اوضح واقول اننى لم اكن انتوى ان ارد ولكنى سارد عشان محدش يزعل وكمان عشان اترك التاريخ يقول ما لنا وما علينا للاستاذ اللى عايز دستور الان احب اعرف هو مش عاز ليه حد مزعله ولا ايه وكمان يا ريت حد يفهمنى ليه التيار الدينى زعل الاستاذ عشان كسب ممكن سؤال هو ان شاء الله - بلا مقاطعه - لما يخسر البرادعى بيه هترفضوا النتيجه كمان ولا ايه |
يااااااااااااااااااااه نخلص من مبارك تخش على اسمه ايه دا يا استاذى العزيز انتم بتحقدوا على التيار الدينى لانه قريب من الناس طيب ما تقربوا انتم كمان ولا هو كلام وبس عايزين برامج عايزين افعال
ممكن سؤال؟ هو الحج برادعى لو لم يكسب الانتخابات المره دى ايه المانع يكون معارض شريف ونزيه ولا هى حرب خلوا الشعب يختار حتى لو غلط مفيش حد وصى عليهم |
ربنا يهدي يارب
اللهم اهدنا واهدهم الصراط المستقيم. مش هقدر أقول أكتر من كده |
حوار استفتاء الدستور ده كان اصلا حوار فاشل
85% يا مش فاهمين حاجة يا واخدين المسألة دينية قلة قليلة بس اللى كانت رايحة فاهمة هي بتعمل ايه الدنيا اصلاً متلخبطة واللى فاهم بقى مش فاهم واللى مش فاهم ربنا معاه وادينا معلقين آمالنا عالمجلس العسكري ... الناس دي مش بسيطة يعني عشان نقول نظرتهم ديقة ثم إني أملي في ربنا كبير ... وبتمنى إنه الفترة دي متعديش في تاريخ مصر كدا في صفحة ولا في نص صفحة احنا عايزين نصنع التاريخ مش نكتبه |
اقتباس:
احنا عايزين ينطبق علينا البيت ده كالعير في البيداء يقتلها الظمأ............. والماء فوق ظهروها محمول بندور على نظام غربي او غير غربي يدبر شئون حياتنا و الاسلام موجود عندنا |
مين اللي اختار الـ 47 فقيه دستوري دول ... الشعب .. ؟
لا طبعا .. هي دي الاجابة |
اقتباس:
اقتباس:
|
اقتباس:
عندي سؤال مهم ليك بعيدا عن الموضوع اما بالنسبة للاجابة هي دي الاجابة ;) نحن قوم اعزنا الله بالاسلام فاذا ابتغينا العزة بغيره اذلنا الله احنا عايزين ينطبق علينا البيت ده كالعير في البيداء يقتلها الظمأ............. والماء فوق ظهروها محمول بندور على نظام غربي او غير غربي يدبر شئون حياتنا و الاسلام موجود عندنا |
اقتباس:
و كلامك ده ملوش معنى غير ان اللي عايز الدستور اولا لا يعتز بالاسلام |
لا لا ... اكيد مش قصدي كدة
بس اغلب كلام الناس اللي بتطلب الدستور اولا .. بيتضمن كلامها انهم خايفين من الاسلاميين او الاسلام بمعنى اصح و اتجاه لوضع مبادئ فوق دستورية عشان يبعدوا بيها اي شيء يدخل الدين في السياسة مع ان الاسلام ليس فيه اي مشكلة تمنعه من السياسة بس .. هو ده قصدي مش قصدي انهم مش بيعتزوا بالاسلام .. بس مش واخدين بالهم منه |
اقتباس:
مش عشان هم اسمهم التيار الاسلامي اسلملهم و آمنلهم و يعملوا اللي هم عايزينه. احنا مش بنقول اننا خايفين من الاسلاميين بالذات لكن احنا خايفين ان اي تيار يستأثر بوضع الدستور و عشان محدش يقول علينا غير صرحاءاو بنلقح الكلام التيار المرشح انه يستأثر بالدستور هو التيار الاسلامي. ثم ان ده اخر الاسباب اولوية ... الاسباب الاهم هي عدم منطقية الطريق الموضوعانتخابات ثم دستور. |
الدستور اولا لاشياء كثيرة
لانه فى حالة تاجيل الاتنخابات البرلمانية فيصبح للرئيس سلطة مطلقة وبذلك جئنا بدكتاتور جديد وفى حالة تاجيل الانتخابات الرئاسية فيصبح اعداد الدستور من شان البرلمان وذلك يصبح الدستور الجديد تحت رحمة الاخوان المسلمون وبالتالى يستولون على البرلمان والرئاسة والمؤسسة العسكرية وتعود الدكتاتورية من جديد كما انه اذا تم عمل الدستور اولا مدنى ديمقراطى فيساهم فى تحقيق الاستقرار وتصبح مصر دولة القانون وتتحقق العدالة الاجتماعية ويضمن برلمان يمثل كل القوى السياسية واطياف المجتمع المصرى وياتى رئيس من انتخاب الشعب |
يعنى هى عافية ؟؟ .. احنا مش عملنا استفتاء .. و طلع نتيجته ؟؟... احترموا الرأى الجماعى بقى .. و ياريت نرتاح شوية .. لان الدستور لن يكون اولاً ! و اذا تم وضعه ستقوم الدنيا و لن تقعد ..
|
لك الله يا مصر
|
برغم رفضى للانتخابات اولا ورفضى للتعديلات
الا ان احترام الاغلبية هو اول طريق الديمقراطية |
أكثر حاجة تثير الاعجاب فى كلام الأخوة أنهم يتكلمون بأن نتيجة الانتخابات القادمة محسومة وأن التيار الاسلامى هو الذى يستأثر بوضع الدستور وطبعا دى روح انهزامية عالية من التيار الليبرالى والعلمانى لماذا هذا الجزم ؟
أقول لو حصل التيار الاسلامى الاسلامى على الأغلبية فى البرلمان وتم وضع الدستور على يديه فلابد أن نسلم بذلك لأن هذا اختيار الشعب هو مين اللى هيوصل التيار الاسلامى لأغلبية البرالمان أو ليس الذين الذين سيذهبون لصناديق الاقتراع فسبحان إذا كان هذا توجه الشعب واختياره ورأى الأغلبية أتى عن طريق انتخاب حر فما يضرنا أن نتبع رأى الأغلبية التى تريد ذلك فلو أتى المجلس بالليبرالين فهذا اختيار الاغلبية ولو أتى بالاسلامين فهذا رأى الأغلبية وواجب النفاذ لأنه يعبر عن ارادة الشعب . والسؤال المطروح لو قلنا بالدستور أولا من الذى سيضعه وهل الاعضاء المختارون فعلا سيعبرون عن رغبة الشعب وكيف يتم اختيارهم لوضعه . أما عن أسئلتك أوجزها فى التالى رئيس الدولة موظف جهة تنفيذية وليست تشريعية فهو مأمور باتباع الدستور أيا كان صياغته لأنه رغبة الاغلبية من الشعب ولو مش عجبه يتفضل لأنه خالف ارادة الاغلبية فكيف يحكمهم نظام البرلمان تحدده الاغلبية التى استأمنها الشعب للتعبير عنه فى المجلس وسيرضى به الناس لا ريب لأنه صدر ممن اختاروهم |
اقتباس:
في النهاية الشعب هو اللي هيجيب و هو اللي هيمشي |
اقتباس:
انا لا وفدي ولا تجمع لان دي احزاب خنيقة و ياما عملت صفقات مع النظام. انا هنتخب حد من الاحزاب الجديدة و مش اي جديدة اللي بتمثل الشباب. لو تراجع كلامي هتلاقيني بقول اننا ضد ان اي تيار مهما كان يستأثر بوضع الدستور. الرئيس مأمور باتباع الدستور لما يكون عارفه قبل ما يجي مش بعد ما يجي نقوله و الله انت ملكش اي صلاحيات. الدستور يأتي بالتوافق و ليس بالاغلبية دي حاجة معروفة. ده غير ان معظم اساتذة القانون الدستوري رأيهم الدستور اولا. |
كلامك مقنع جدااا
عشان كده..الانتخابات اولا |
| جميع الأوقات بتوقيت GMT +2. الساعة الآن 07:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.