المكافأة 7% في محافظة الشرقية
 

وصل إشارة تليفونية لكل إدارات محافظة الشرقية بعمل المكافأة 200يوم بواقع 7% من الاساسي وطبعا فيه إدارت قبضت علي 5% سوف يتم عمل الفرق 2% وده اللي حصل عندنا في إدارة القنايات لاننا قبضنا علي 5% والمدارس بدات تعمل كشوف ب2% الفرق
واتصلت ايضاً بزميل في إدارة شرق وقال لي نفس الكلام وايضاً إدارة ههيا

اللي عنده تأكيد للخبر يرد ياريت ويقول تبع إدارة ايه ؟

يعنى هتبقى كام على 7%

هو المشير طنطاوي من الشرقيه ولا ايه

التعيين جه للشرقيه بس في الجمهوريه كلها وكمان المكاف\ه انتوا الوحيدين اللي بتقولوا 7%

نعم في ايه
 

يا حبايبي ربنا يحفظكم لمصر
اللهم لا اعتراض

فعلاً ايه حكاية محافظ الشرقية

طيب وبالنسبة لتعيين المعلمين بالحصة على درجة معلم مساعد هل حدث ام انها اشاعات ايضا ارجو الافادة

احنا فى اسيوط مش قالوا 7%هما قالوا ان بيتخصم مبلغ 12%من المكافأةفى امور ادارية شئ رسمى السنة دى قالوا ان الرسوم الى هتتخصم 10%بس فبالتالى هيبقى فى 2%زيادة فى المكافأة دا الى احنا سمعناه وهو دا الى اخر قبض المكافأة والله اعلم

نعم اخى هذا حدث عندنا فى الشرقية بالفعل

انا قولت لحضرتك ان اليوم في الادارة جاء إشارة تليفونية من المديرية بناء علي فاكس وصلهم والمدارس عندنا بدأت في اعداد كشوف الفرق وقولت لحضرتك سألت زميل في إدارة شرق وإدارة ههيا ولم اذكر ابو حماد وياريت حضرتك تتعب نفسك شوية وتروح بكره بإذن الله إدارة ابوحماد وتسأل وتقولنا اخبر الاخبار

احنا قبضنا يا اخي الكريم 1602 بواقع 200 يوم علي ال 5% وال2 % حوالي 640 جنيه
يبقي الصافي 2242 جنيه

جمهورية الشرقية !!!!!!!!!!!!!1
 

ليست اشاعات اخي الكريم وفعلا المدرسين بالحصة والعقد العادي تم صدرو قرار بتعيينهم علي معلم مساعد والكل دلوقتي بيجهز الورق ومصوغات التعيين وبالنسبة للمعلم المساعد اللي امتحن الكادر سوف يتم صدور قرار بتعيينه علي وظيفة معلم بعد وقف إجراء تعيينه علي معلم مساعد

فعلا فى الشرقيه التعيين للجميع معلم مساعد بمن فيهم الحصه والعادى والمساعد ايضا زادت المكافئه 2% لتصبح بزياده تتراوح مابين 600الى700 ج والله على مااقول شهيد

انا كنت النهارة في الادارة
قسم التطوير ومكتب المدير العام
ولا سمعنا اي حاجة ولا اي اشارة
طبعا عدا موضوع تاجيل تثبيت العقود المميزة
لحين اشعار اخر او قرار جديد بشانهم

وكمان لا قبضنا ولا صرفنا اي مكافأت

ادارة منيا القمح

منين الكلام ده

ليست جمهورية مستقلة ولكنها يوجد بها المحافظ المستشار محمد عبد القادر الذي يعمل بكل جهد واخلاص وتفاني في العمل ويريد الخير للجميع وقام بتوفير الدرجات المالية للكل

حضرتك تبع إدارة إيه ؟ عشان نقدر نأكد الخبر

يظهر كرم الشراقوة اترد ليهم

ربنا يخلي حضرتك ونتمني ان الكرم يعم علي الكل

ياريت اللي عنده خبر مؤكد تبع محافظة الشرقية يرد حتي لو راح الإدارة بكره ان شاء الله

يارب يكون الكلام ده صحيح ويكون في باقي الادارات

بالحق حتبقى كام يعني لو بقت 7% مش 5%

حصل بالقرار رقم 8162

انا كنت بالمدرية النهارده بالشرقية وفعلا القرار موجود بثبيت لجميع التعاقدات

لا شرقية ولا قبلية محدش يتكلم قبل ما يقبض الفلوس في ايدة
قولنا مليون مرة محدش ياخد علي كلام الموظفين !!!!!!!!!!!!!

عى سبيل الطرفه

ممكن كل معلم يعطوه عروسه هديه مجانية تتطير له الــــ 7 %
في الشرقيه فقط

لآن باقي المحافظات لم تصرف

البحيرة
احنا قبضنا 1639 على 5%
و احتمال كبير يتعمل الفروق

على يكون الكلام صحيح لتعم الفائدة على الكل

جاءت نشرة بأن مكافأة الامتحانات 9% لجميع المعلمين و 7 % للاداريين 5 % للعمال ===== محافظة الدقهلية -

حرام عليكم كدة الأسواق بتولع على الريحة
 

في ادارة ديرب وصل النهاردة فاكس بالغاء ال5% والعمل ب 7%

انا شايف ان فيه ناس بتأكد الخبر لانه فعلا جاء اشارة تليفونية بكده والنشرة احتمال توصل بكره او بعده بالكتير ان شاء الله

لازم اى حاجة تحصل لازم تكون فى الشرقية اولا لان اكبر عدد من المعلمين موجود فى مصر موجود فى محافظة الشرقية

انا من الشرقية وفعلا تم تعديل كشف المكافاه من 5% الى 7%

كلا م مش مظبوط سألت موظف الماليات عن المكافأة قاللى انها زى السنة اللى فاتت باضبط وهى

1608

:049gc0:
خمسة وخميسة
اللهم ولا حسد

ويا رب الخير يعم علينا وعلى الجميع
وتكون مصر دائما بلد الامن والامان والخير
ياااااااااااااااااا رب

يا جماعة أنا من ادارة منيا القمح / محافظة الشرقية المكافأة على قديمه / حتى لو زى ما بيقول الأستاذ اوعى تصدق الا لما تمسك بايدك

لاحظت ان فيه ناس نزلت نفس الخبر وأكدته

اتصلت اليوم بزميل مهم في مديرية التربية والتعليم بالشرقية الذي أكد الخبر وقال ان فعلا فيه اشارة تليفونية ولكن مديرة الشئون المالية والتنفيذية وقفت الموضوع لحين ورود فاكس رسمي من الوزارة والله علي اما اقوله شهيد

لو لم اكن شرقاويا لتمنيت ان اكون شرقاويا

يا رب يسمع منكم ربنا

احنا فى المنيا لسه مااخدنهاش ولسه منعرفش هاتبقى كام