حصري ومهم جدا:أسرار اعتصام سوهاج اليوم الاربعاء 22/9/2011
 

السلام عليكم ورحمة الله وبركاته انا فخور اليوم بمن حضر من المتعاقدين بالازهر بسوهاج
المهم
تضاربت الارقام حول من حضر
انا حقول بكل صراحة العدد كان في الاول 300 ووصل حتى 500 متعاقد
وهناك احداث عديدة منها
1 - تم غلق جميع الابواب بمنطقة سوهاج الازهرية بالاقفال ومنع اي موظف من الخروج من المنطقة
2 - حدث حدث مؤسف جدا وهو قيام احد الموظفين بالمنطقة برفع الحذاء وتوجيهه في وجه المعتصمين
3 - الحدث الاسوأ في هذا اليوم هو قيام احد الموظفين ايضا بسب الدين لنا وهذه تعد اكبر كارثه في هذا اليوم
4 - تم غلق الطريق بشارع الزهراء العمومي الذي توجد به منطقة سوهاج الازهرية وهو احد الشوارع الحيوية في المحافظ لتجاهل المسئولين للمعتصمين
5 - اثار غلق الشارع اخيرا حفيظة المسئلين مما ادي الى تواجد مكثف جدا من الشرطة من كل القيادات وكل الرتب ال تتوقعوها بكثافات عالية وحاولوا فتح الطريق ولم يجدو حلولا
6 - تقدم احد رجال الشرطة لفتح الطريق وحدث شجار بينه وبين المعتصمين وتددخل البعض لتهئة الامور
7 - حاول الموظفون بالمنطقة النط من على سور المنطقة ولكن استطاع المتعاقدون من من أخد السلام منهم ومعهم من الهروب
8 - حضر مدير الامن وحاول اثناء المعتصمين عن غلق شارع الزهراء ولم تفلح المحاولات
9 - طلب مدير الامن من المعتصمين فتح باب المنطقة للدخول والتحاور مع المسئولين ومدير المنطقة ، وبالفعل دخل المنطقة وصعد للقاء المسئولين
10 - حضرت قوات من الجيش لمحاولة فتح الطريق ، ولم تفلح في باديء الامر
11 - حضر الحاكم العسكري وبعض قيادات الجيش وبعد المناقشة تم الاتفاق على فتح الطريق واعطاء فرصة حتى الاتصال بالقاهرة وبمسؤلين المشيخة
12 - تم الاتفاق على صعود 5 مندوبين عن النعتصمين للقاء المسئولين والتحاور معهم في طلباتهم
13 - هبط علينا مدير الامن وقال لنا بالحرف الواحد :
انا بعتبرك زي ابنائي واطن الكلام ال هقوله لكم دا منصبي ومكانتي وسني لا يسمحان فيه الا بقول كلام له افعال
قال :ا احنا اتصلنا بالشيخ يس قدام زمايلكم والمسئولين في المشيخة وقولنالهم كل حاجة زقولنا على موضوع القرار ال طلع يوم28/2/2011م . وكلن الرد الاتي :
احنا بدانا في اجراءات التثبيت وهتكون من الغد وان شاء الله بالكثير على الاسبوع ال جاي
(ملحوظه : زميل لنا من المندوبين قال للمسئولين : انا غير مقتنع بكلامكم ولو انتو مقتنعين انزلو اقنعوا المعتصمين )ملحوظة ثانية : كل المعتصمين اخدوا الكلام وقالوا معادنا لغاية يوم الاتنين ولو محصلش حاجة يوم الثلاث هيكون اكبر اعتصام هتشده المحافظة وكل واحد هيجيب معاه خمسين
ملحوظة اخيرا
كلمة شكر يستحقها احد المندوبين الذين التقوا بالمسؤلين : حيث تم تهديده في اللقاء بالحبس لمدة سبع سنوات ، فقال لهم بكل صدق وشجاعة وثقة : احبسوني موتوني اقتلوني هنا بس أخد حقي
هذا كل ما تم مع
هجهزلكم ان شاء الله الفيديوهات والصور على رابطة معلمي الازهر على الفيس بوك
وادي الرابط بتاعها
http://www.facebook.com/pages/%D8%B1...38022202940942

تمام والله رجاله السوهاجية

هم دول الرجالة الف تحية لهم

ربنا يبارك فيكم

رجل بمعنى الكلمة

رابطة معلمي الازهر عليها كل الفديوهات والصور
وادي رابط الصور
http://www.facebook.com/media/set/?s...38022202940942
وادي رابط صفحة رابطة معلمي الأزهر
http://www.facebook.com/pages/%D8%B1...38022202940942

تصدق بالله لو كل محافظة فيها رجالة صح
كانوا عملوا زي اهل سوهاج
لكن نقول ايه

والله رجالة بمعنى الكلمة

بسم الله
هما دول رجالة الازهر
ربنا معاكم

كل التقدير والاحترام للرجاله في سوهاج بارك الله فيكم ووفقكم

بجد برافوو عليهم هم دول الرجاله بجد بجد حاجه تشرف حسستونى ان فى رجاله فى الازهر فعلا ربنا يحميهم ويوفقهم

كلمة شكر يستحقها احد المندوبين الذين التقوا بالمسؤلين : حيث تم تهديده في اللقاء بالحبس لمدة سبع سنوات ، فقال لهم بكل صدق وشجاعة وثقة : احبسوني موتوني اقتلوني هنا بس أخد حقي

انهم فتية امنوا بربهم وزدناهم هدى ...على بركة الله سيروا وامضوا فى طريقكم ونحن معكم نسيروا على الدرب

والله ميه ميه بس يا ريت الكل يعمل كده مش سوهاج لواحدها
الفرصة جات لحد عندكم حرام عليكم لو ضيعتوها
وبارك الله فى رجالة سوهاج وأكثر الله من أمثالهم

بارك الله فيكم جميعا
ان شاء الله قطارنا قد تحرك نحو هدفه ولن توقفه قوة
حان وقتنا جميعا لنأخذ حقنا

السوهاجية رجالة . فخور بكم يارجال .
سينسب التاريخ لكم بحروف من نور موقفكم الخالد .
ولن ننسى ما حيينا موقفكم .
وأقول لكم جهزوا أنفسكم للمعركة الأخيرة والحاسمة ليوم الثلاثاء .
لا ترحلوا إلا بعد صدور القرار .
مثلما كانت السويس هى رمز الصمود والنضال وامل الأنتصار .
فالسوهاجيون رمز التضحية والفداء لمتعاقدى الأزهر فى مصر .

اتمنى أن أزوركم عندما تتاح لى الظروف وأتعرف بمدرسى الأزهر المتعاقدين الأبطال .


وأختم قولى "اصبروا وصابروا ورابطوا " والنصر لكم بإذن الله ياأبطال الحق .

يا جماعة احنا مش هنقول عملنا اللى علينا
احنا لسة هنعمل كتير
بس عاوزين في اليوم المحدد لو محصلش حاجة ارجال الازهر المتعاقدين الكل يخرج عن بكرة ابيه وكمان لو فيه اطفال الواحد ياخدها معاه ولو محصلش خروج جماعي هنضيع للابد ومش هتقوم لينا قومة تانى ومحدش هياخدنا في الاعتبار وبدل ما هى جزمة واحده اترفعت هتكون جزم وحدش هيلومهم لانه زي ما انتو عارفين محدش في المناطق عاوز حد يتعين وهمه السبب في كل ده
واتمنى من المسئولين ان الراجل اللى رفع الجزمة ده ميفضلش في الازهر تانى لانه وصمة عار

ياجماعة كان فيه مظاهرة يوم الاربعاء بالمشيخة للمتعاقدى العقود الموسمية بالازهر لتثبيت من امضى3 سنوات واذيعت على القناة الاولى الاربعاء 22-6 الساعة6 برنامج اسمه رسالة وقالوا كلام جميل جدا وطالبوا بتطبيق قرار وزير الماليه بالتثبيت
عقبال كل المتعاقدين عاوزين مظاهرات كتير علشان شيخ الازهر يفوق

وعلى فكرة اتصل امس الاربعاء مدير منطقة سوهاج ببرنامج مصر الحرة على قناة الحكمة وتحدث عن الاعتصام

والله لو الكل عمل زي رجالة سوهاج قبل كدا كنا اتثبتنا من زمان
يقول تعالي " إن مع العسر يسرا "
فان الضوء يبدأ في السطوع بعد اشد ساعات الليل ظلاما
فنسأل الله التوفيق والعون

وانا معاك يا اخ وائل كلامك محترم ومنور المنتدى زميلك محمد فتحى سوهاج

تحية خالصة من القلب لمتعاقدى سوهاج الرجال الشرفاء

رجاله
 

والله رجاله يا شباب سوهاج غيروا يا اسايطه حسوا علي دمكم ربنا يعوض علي الرجاله فيكي ياسيوط

بارك الله فيكم ووفقكم

والله اخجلتمونا بهذا الكلام وهذه الافعال بارك الله فيكم