اللي حالل محذوف صح و غلطان في سؤال تاني
 

عندي استفسار لو سمحتم . انا حالل كل محذوف صح في CHOOSE ‎ و غلطان في بتاعة despite ‎انقص و لا ايه ؟ انا في مدرس قالي ان هيشطبلي على despite ‎ و يختار واحدة من محذوف ! هل ده صح ؟ و لا ايه ارجو رد

انا برده غلطان فى نفس الجملة و حالل تلاته من اللى اتلغوا صح ،،، يا ريت حد من المدرسين يفيدنا ؟؟؟؟؟

الكلام ده مسمعتوش قبل كده و بصراحة غير منطقي
لانك خدت الدرجة كاملة بتاعت الرابع جمل الملغيين ماعتقدش ينفع تخدهم تاني

لا كده يبقى حرام اوى يعنى اللى حالل من الملغى صح وبرا الملغى واحدة غلط ينقص عالملغى واللى حالل كل الملغى غلط وحالل الباقى صح ياخد احسن منه ده ظلمممممممممممممممممم

^^^^^^^^^^
الظبط ،،،، يبقى يا ريتهم بقى مكنوش اتلغوا ،،، على الاقل كان هيقى فيه مساواة

اكتر ناس اتظلموا من اللغى اللى فعلا حلو الملغى صح

وانا واحد منهم

خبر روعة . الي عجزوا عن حل 1، 3 ، 4 ، 5 و حلو ملغي صح ياخدو درجة كاملة . تم تأكيد

أنا سمعت انهم هاياخدوا أى 12 جملة اجابتهم صح حتى لو من ضمنهم الأربعة الملغيين وغلطان فى اربع جمل من منهجك

مين اكدلك؟؟؟؟

و الكلام ده استحاله يكون صح
لانهم خلصوا تصحيح اكتر من 100 الف ورقة و محدش من المدرسين قال انه عمل كده
فلو القرار ده اطبق هيضطروا يعيدوا التصحيح و ده مستحيل انه يحصل عشان العدد الضخم

علي فكرة فيه مدرس بيصحح في اسكندرية في موضوع تاني طالب سأل نفس السؤال
و قاله تاخد درجة الاربع جمل صح و لو اخطأـ في حااجة تانية تتحاسب عليها فقط

اتظلمت في ايه؟؟؟؟؟؟؟
هي ديه تعتبر حاجة خدناها في المنهج او في سنة سابقة حتي عشان نعتبرها معيار مقارنه
انا عملت 3 من 4 صح
و في رايي انه كانه مش موجود لانها اسئلة vocab. احنا مخدنهاش
مش مثلا سؤال صعب و شالوه
الفرق كبير

انا اقولك ياباشا اللى عمل الملغى اتظلم فى ايه
اللى عمل الملغى ياما فى مدرسة لغات يأما بيمارس اللغة كتير ياما بياخد كورصات
وفى كل الاحوال بيتعب اكتر من اللى بيحفظ المنهج ويدخل الامتحان
لان اللى بيعمل كدة بياخد كورصات فى الانجليزى ودى طبعاً محتاجة مذاكرة
وبيذاكر المنهج اللى علينا زى الناس التانية
فلما يحل دول ويبقى هو عارفهم وتضيع منه درجات كدة حيزعل
حيقول يعنى لما اجى اجرب اللغة بتاعتى بقى واستفاد بالكورصات ولا ممارسة اللغة كتير فى حاجة
ينقص
مش تزعل ؟

علي فكرة انا في مدارس لغات و معايا الtoefel
بس مش من حقي ازعل علي حاجة مش موجودة في المنهج و مينفعش اقارن نفسي بغيري فيها
و مادام انا جامد اوي كده و عايز الملغي يضاف محلتش ال16 كلهم صح ليه
و لا هو عشان انا حليت الملغي صح و خلاص
في مواصفات الامتحان مينفعش يجيبلك كلمات في الاختيارات مش عندك في المنهج
و لازم تراعي ان معاك اكتر من 250 الف طالب عربي
مينفعش تظلمهم

ماشي بس الظلم هيبقى اكتر لما يلغوا لان ناس كتيرة ممكن تبقى حالة 15 صح وتنقص بينما ناس حالة 12 واتقفل هنا الظلم انت لم تعطي اللي حالل ال 15 حقه و لو كان الالغاء عادل مكنش حد زعل

لو كل واحد مشى على مزاجه ومش حسبوله غلطات كله حيجيب ال25

يا استاذ كريم انا اتصلت بمدرس بيصحح في قاهرة و قالي بالحرف لو عندك في شووز 4 غلط و حالل 4 في محذوف صح تقفل . و على ده نفس الي قريته في جمهورية و يوم سابع و موقع مصراوي

انا عايز افهم حاجة هنا
يعني لو انا غلطان في واحدة و عامل من ناحية تانية واحدة من المحذوف صح اخد الدرجة؟؟؟؟
يعني لو عندي 4 اختيارات غلط ة 4 محذوف صح اقفل؟؟؟؟
كده يبقي بيدني علي كل اختيار من المحذوف درجتين مرة عشان هو محذوف و مرة بيبدلها!!!!!!!!
بصراحة كلام مش مقنع و انا بدخل كل يوم علي مصراوي اكتر من مرة و مشفتش الكلام ده

علي فكرة فيه مدرس بالمنتدي بيصحح في قطاع اسكندرية و قال عكس الكلام ده خالص

انا برضه مستغرب بس حسب ما فهمت ان الي جايب 12 صح بيقفل . حضرتك في موضوع من متثبتين فوق قايل نفس كلام بتاع استاذ اسمه سعيد جابر و صاحب موضوع اسمه استاذ جواد عوض و اسف مش هقدر ادي لنك عشان بكتب من على موبايل عشان لاب متشال :-) . بنسبة لمصراوي انا مش هكدب على حضرتك انا والدتي طبعتلي خبر من مصراوي ولينك موجود فيه .و جورنال جمهورية تاريخ 21 يونيو . معلش مش قابل موقع مني لنكات . بس اسم موضوع اعادة توزيع درجات امتحان انجليزية للمرحلة اولى بتاريخ 19 يونيو

حرام عليكى
انا واحد حالل الملغى كله غلط والباقى صح
هل انا غلطت انى ذاكرت المنهج بتاعنا بس ؟؟
هل انا مطالب انى اذاكر منهج تالتة الملغى ؟؟؟

والى وواخد كورسات وحل الملغى كله صح ... غلط ليه فى اسئلة المنهج ؟؟
هو مش مفروض بردوه تزاكر المنهج بتاعك كويس الاول

حضرتك الى بيحفظ المنهج هو الى عملها despite علشان شاف ing ومبصش لبقية الجملة
مش الى مذاكر منهجه بس

طيب الملغي ده 2 و 10 و 11 وايه تاني

انا اسف لو كنت فهمتني غلط انا مبتهمكش خالص بحاجة
انا بتسائل لاني مش مقتنع بالخبر و كان قصدي انك ممكن تكون فهمت الخبر غلط مش اكتر من كده

و رقم 16 ملغية

و لا يهمك يا استاذ كريم. هو كان مكتوب بالظبط الطالب الذي اخطأ في جزئيات محذوفة يتم ترحيلها على اجزاء اخرى وفي حالة ان طالب عجز عن اجابة حزئية 1،3،4،5 و اجاب اجابة سليمة في جزئيات محذوفة يحصل على درجة كاملة ويتم ترحيل جزئيات الذي اخطأ بها و ذلك حرصا على مصلحة الطالب . سعيد بالتعرف على حضرتك . اخوك انطونيوس ‏‎

ده لينك مصححة في قطاع المنصورة بتقول نظام توزيع الدرجات ان كل الطلاب خدوا درجات الاسئلة الملغية مباشرة بدون توزيع درجات و مفيهوش حكاية التبديل ديه

و ربنا يوفقنا جميعا

http://www.thanwya.com/vb/showthread...16#post3582316

اه فهمت شكرا يا استاذ كريم على توضيح و ربنا يوفقنا .

ان لله ولنا اليه راجعون