ندمان على العمل بالازهر
 

بجد انا لاول مره من خمس سنين اكون ندمان انى عملت فى الازهر عشان عشان ملناش حد يجيب حقنا يعنى مش لو كنت قبلت العمل فى التربيه والتعليم كان احسن والله جالى الجواب بتاع التربيه والتعليم بعد ما اشتغلت فى الازهر بشهرين وجمب البيت مع العلم انى فى معهد بعيد عنى وانا رفضت وقلت لا انا انضم للمؤسسه الدينيه احسن وهى دى النتيجه اللى تشتريه يبيعك يا خساره:bosyht9:

لا تندم فنحن محسودين من التربية والتعليم وعلى فكرة ماحدش اتثبت فى التعليم الامن اجتاز الكادر

يا سيدى الفاضل لو سمحت بلاش نغمة الندم اللى كتير بيستخدموها ويقولوا نفس كلامك لو الازهر مش عاجبك مع السلامه هو مش كل واحد فاكر نفسه حاجه هيعمل فيها ضحية الازهر. الازهر مش هيقف لا عليك ولا عليا ولا على اى واحد . فلو سمحت بلاش النغمه اللى مش كويسه دى. وتقبل نقدى بصدر رحب

ويا ريت اعرف حضرتك خريج ايه

يا رجل اللغه العربيه لاتندم على عملك بلازهر بل عليك ان تزهو انك من رجالات الازهر
قم فى فم الدنيا وحى الازهر وانثر على سمع الزمان الجوهر
وابشر التثبيت قادم

متزعلش منى انا اسف وقريبا التثبيت باذن الله

لاول مرة اجد هذا الاسلوب الراقى فى الحوار
بارك الله فى كاتب الموضوع وجميع الاخوة الذين قاموا بالرد

والله ده نفس احساسنا فنحن من اوائل الخريجين وباعلى التقديرات ولكن للاسف مظلومين حسبنا الله ونعم الوكيل

الباب يفوت جمل لانك اخذت فرصة عمل كان اولي بها ازهري

لايصح هذا الاسلوب

عبيدة احمد (الباب يفوت جمل لانك اخذت فرصة عمل كان اولي بها ازهري )
اية نبرة السخرية من خريجى التربية والتعليم هوة المدرسين خريجى العام والمعيين فى الازهر بيخدوا مرتبهم من جيب امك

يا عبيدة انتى بتسمعى عن الغش والفوضى فى امتحانات الازهر وبالرغم من كدة بردة نسبة الرسوب احيانا بتوصل ل 100% وبردة مش بتقل عن 50% يعنى الازهر كان زمان دلوقتى خريجوة أنضف من الصينى بعد غسيلة ميفقهوش حاجة فى اى حاجة

يبدو اننى تسرعت فى الحكم كملوا العراك وفقكم الله

لا حول ولا قوه الا بالله

هيا كدا الدنيا مفيش حد بيحس بحد الاساسيين مش بيحسوا بالمتعاقدين وحتى بيحسدوهم على المرتب اللى بيخدوة زى ما يكون المتعاقد بياخد مرتبة من الاساسى مع ان اغلب الاساسيين خريجين ابتدائية ومبيفهموش حاجة واصلا معظمهم مبيشتغلوش ومبيعرفوش اصلا يقفوا فى الفصل زى الاستاذة عبيدة واضح انها مش عارفة ان اساسا ان اقل خريج من التربية والتعليم بيفهم اكتر من مليون ازهرى زيها

هههههههههههههه
متزعلش يا استاذ سعيد
بجد حاجة تزعل والاخوة اللى بيشتمو بعض دول يخلو عندهم دم
اتفقنا اننا نتقد بعض بدون سب او تجريح

الازهريون ونعم الناس هم
 

بادءا ذي بدء لا يكون الحوار بهذا الشكل وهذا الاسلوب فانتم معلمون تعلمون النشء وتربوهم فكيف تكون لغة حواركم بهذا الاسلوب
ثانيا يا خريج التربية والتعليم والذي تفهم اكثر من مليون ازهري عبيدة هذا رجل وليس امرأة فهو اسم مؤنث لفظي وطبعا حضرتك لا تعرف بديهيات اللغة والواضح جيدا انك تفهم اكثر من مليون ازهري
ثالثا لا يوجد في الازهر من هو معلم بالابتدائية
مع علم حضرتك كان قديما الذي يحصل على الابتدائيه افضل واحسن من مليون واحد حاصل على كليه هذه الايام ولقد كنت في ابتدائي عام ودرس لي معلم حاصل على الابتدائيه وكان هذا المعلم حافظا لكتاب الله القران الكريم وكان يعمل معلما في التربية والتعليم !!!!!!!!!!!!!!!
ولعلم حضرتك بعض خريجي التربية والتعليم مع كامل الاحترام لهم جميعا اجهل من دابه بالذات في امور الدين فهم لا يعرفون ابسط امور دينهم ويكفي شرفا لاي ازهري مهما كان ضعيفا فهو يعرف امور دينه
فالازهرية الذين لا يعجبونك هم الذين يصلون بك في المسجد هم الذين يخطبون للصلاه هم من يعلمون الاخرين قراءة القران الكريم ويقومون بتحفيظه للناس فالازهري هو الامام والخطيب والمفتي والمعلم والمأذون والشيخ الذي تسأله عن امور دينك ويجيب عليك ويفسر لك الغامض عليك من القران الكريم والسنة النبويه
انا حاصل على ابتدائية من التربية والتعليم ثم حولت الى الازهر الشريف واكملت تعليمي به وهذا شرف لي وتعينت به معلما وهذا شرف لي ايضا وجميل للازهر اوالازهرية ان تعلمت على ايديهم امور ديني وتعلمت العلم على ايديهم ومعي اناس متعاقدين سواء ازهريه وا من التربية والتعليم وهم اخوة لي واكن لهم جميعا كل الاحترام ونتمنى لهم ولكل المتعاقدين التثبيت وكل خير ولكنهم لا يقولون مثلك انهم افضل من مليون ازهري
ارجو ان تتقبل كلامي بصدر رحب ولا تغضب ولا تثور
واخير ارجو من الجميع ان يعلو بنفسه عن الاسلوب غير الراقي وان يتعامل مع الاخرين بكل رقي واحترام للرأي والرأي الاخر

وانا ذيك يااخى بدأت بالتربية والتعليم ثم حولت ازهر من اولى اعدادى وتخرجت وعملت معلمة فيه
والفرق كبير فانا استفدت من الازهر الكثير وتعلمت امور دينى يكفى طالب الازهر قراءته فىالمصحف وحفظه لكتاب الله باستثناء الطلبة الفاشلين الذين لايفقهون شيئا فنحن لانتحدث عنهم لانهم فى الغالب لايستطيعون القراءة وهذه مشكلة من جعلهم ينجحون بالغش

ياجماعة انا خريج تربيه وتعليم تربيه عام قسم رياضيات وكنت متعاقد فى التربيه والتعليم فى ابتدائى ولما قلتلهم انا مؤهلى يشغلنى اعدادى قلولى دا اللى عندنا وان كان عجبك والباب يفوت جمل ولنا نزلت مسابقة الازهر اشتغلت وكان التوجيه عندنا فى منتهى الزوق لمل قلتله عايز اشتغل اعدادى وثانوى الناس وافقت واشتغلت وبصراحه انا بحمد ربنا انى انا اشتغلت فى الا زهر زميلى فى التربيه والتعليم بيحسدونى لا نهم شغالين ابتدائى وكمان فى ناس فى الا زهر قمم المواد بتاعتهم وبعدين انا كنت واخد فكرة غلط عن الا زهر لما اشتغلت فى الا زهر اتضح لى ان التعليم فى لاازهر يفوق التعليم العام

بارك الله فيك وفي من هم على شاكلتك :049gc0: :049gc0: :049gc0:

المشكلة بصراحة ليست في معلمي الازهر ولا طلابه كلهم فالمشكلة الحقيقية تكمن في البعض منهم يوجد بعض المعلمين معدومي الضمير وهذا ليس في الازهر وحده بل يوجد كذلك في التربية والتعليم وكذلك بعض الطلاب في الازهر والترية والتعليم على حد سواء الفاشل فاشل في اي مكان والمتفوق متفوق في اي مكان
يوجد ايضا معلمون اكفاء في الازهر والتربية والتعليم على حد سواء المشكلة هي مشكلة ضمير عند جميع البشر والموظفين في اي مكان منهم الذي عنده ضمير ومنهم من ليس عنده اي شيء
والله المستعان على قضاء الحوائج

لا نتدم يا أخى فأنت مهما كان تعمل فى منارة من منارات الاسلام
ثم أنه أعلم أنه لن يصيبنا إلا ماكتب الله لنا

لابد لكى تعمل فى مكان أن يكون لديك إنتماء لهذا المكان فماذنب الازهر إن كان به إهمال من موظفيه أو أستهداف من الداخل أو من الخارج

انا بصراحة بزعل من شغفكم بالفلوس والزيادة
وف نفس الوقت بزعل عشانكم لانى حاسة بظروفكم واد ايه كل واحد محتاج الزيادة دى
بس انا عايزة اقولكم نصيحة لوجه الله
ان اهم حاجة فى الفلوس يا جماعة ((البركة))
والبركة دى مش هتيجى الا بالاخلاص والتقوى واتقان العمل من غير ما تنظروا لمرتباتكم
يعنى هتستفيدوا ايه لو اخدتو 1000 ج شهريا من غير بركة ؟؟ ولا حاجة
فادعوا ربنا يوسع ارزاقكم ويبارك لكم فيما رزقكم
واصبروا شهر 7 مش بعيد
وان شاء الله خير

شكرا ليك يا محترم على حوارك ما انا اصلى شغال عند عزبة السيد والدك عشان تطردنى

'طب يا جماعة يا اللى عندكم غيرة دة اسلوب واحد ازهرى

طب يا جماعة ياللى بتردوا علية وبتهاجمونى لو الازهر هيجى حد يختار فية القيادات والناس الصح صدقونى المفروض يطرد منة ناس كتير واولهم شيخ الازهر سواء الموجود او اللى راح فى داهية

يا استاذ شويكى ربنا يخللننا الاستاذ عبيدة على توظيفنا عندة فى مؤسسة أبوة ولمنا من الشوارع احنا كنا هنموت من الجوع المفروض احنا ما نردش على التحف اللى زى استاذ عبيدة فى المنتدى

التثبيت باذن الله

المتعاقدين يريدون رحيل شيخ الأزهر

غريبة جدا تلك النبرة المتعالية من الازهريين الا من رحم ربى

دائما يفرقون بينهم وبين خريجى التعليم العام بل وينظرون اليهم على انهم اقل منهم !

ناهيك عن التفرقة الفعلية فى الاعمال التى تسند اليه وحتى منصب شيخ المعهد

حتى مواد العلوم والرياضيات والدراسات واقسامها يطلقون عليها مواد ثقافية

( مش فاهم يعنى سد خانة ولا ايه ؟ )

احيانا أتساءل هل خريجى التعليم العام ضيوف على الازهر ؟

اى معلم بحكم عمله فى الازهر بالتاكيد سيكون لديه انتماء للازهر ويتمنى ان يراه فى صورة لائقة

ان قوة المعلمين الان من خريجى التربية والتعليم الذين يعملون بالازهر ليست هينة ولا يمكن الاستغناء عنها

بل انى اراهم الدماء المتجددة للتعليم الازهرى

على كل حال الازهر مؤسسة لا يعيبها الا من يعمل بها ولا ارى اى مانع فى ان يتولى ادارة المعهد معلم ثقافى والعبرة بالكفاءة وليست بالاسماء !


وشكرا