مظاهره حاشده امام ديوان محافظه البحيره الان للمطالبه بالتثبيت
 

ارجو من يعرف تفسير بتاع القرار الوزارى رقم 169 والخاص بتعيين 128 معلم يفهمنى
لانه على حد فهم ان كل دفعه 20/11 اتعينت لان سيادته الوزير اجل شهاده الرخصه الدوليه لكل المعلمين لمده فى الوقت نفسه كل المعلمين اللى اجتازوا اختبار 20/11 اتعينوا وفيه كتير منهم محصلش على شهاده الرخصه الدوليه واسمه نزلت فى التعيينات
طب ال 128 اسم دول جابوهم منين ارجو لو حد فاهم حاجه يقولى بدون فلسفه
لان فيه ناس بتقول ان دول اللى رسبوا فى الانجليزى فى اختبار 20/11 ونجحوا فيه فى 1/4 وانا طبعا منهم واسمى مش فيهم وهل القرار ده ينطبق عليا ولا لا

لانى على علم ان كل من نجح فى اختبار 20/11 اتثبت فال 128 اسم دول بتاع ايه
ويعنى ايه استكملوا اوراقهم اللى كانت ناقصه هو ايه اللى كان ناقص اما الاكاديميه مدخلتش حد الامتحان الا وكان ورقه كامل ولا ما يكنش فيه حد مكنش واخد الدبلومه واستنوا عليه لما خد الدبلومه
والله ممكن
لانى عارف ناس دخلت الامتحان وهى مش واخده دبلومه وطبعا كان فيه وقت من الامتحان لحد التثبيت فخدوا الدبلومه خلال الفتره دى
وطبعا الموظفين فى الاكاديميه مغفلين مش هايجى فى دماغهم انهم يطابقوا تاريخ اختبار 20/11 بتاريخ الحصول على الدبلومه اهم حاجه عندهم ان يكون فيه شهاده فى الملف وخلاص
لان فى الدفعه الاولى كانوا بيخادوا صور من الشهادات لان فيه ناس قالت انحنا هانخد وقت لما نطلع شهاده من الكليه فكانو ا بيسمحوا بالصور وطبعا ناس كتير استغلت الفرصه وضربت صور للدبلومات واما اخدوا الدبلومه قدموا الشهادات الاصليه بعد حصولهم على الدبلومه وده والله حصل وكمان حصل فى اختبار 1/4 وانا اعرف ناس بصوره شخصيه مع ان الوزاره بتقول انها اكتشفت 1000 واحد بالرغم فيه عد تانى الاكاديميه لسه ما اكتشفتوش لحد دلوقتى لان الموظفين مش هنا

ياعم اللى من محافظة البحيرة يروح بجد
حراك عليكوا يابتوع البحيرة

لازم الللى داس البنت دا بتحاسب

شمال سيناء فين مشفتش حد منها خالص هم اتعينوا وانا معرفش

>>>>>>>>>>

اعتصام معلمى البحيره امام ديوان المحافظه بدمنهور للمطالبة بالتثبيت
 

ربنا يوفقكم يا ردااااااااااااااااااله

لابد من وقفة جادة وحازمة

بس بردة ما تنساش تبوسلى يوسف وتقوله أنى مش هأقدر أجى الوقفة أصله زى ما تقول كده الوقفة الأخرانيه كانت جامدة عليه وتعبتنى ع الآخر بالتوفيق يا شباب

اتـقى الله

سيارة محافظ البحيرة تصدم إحدى مدرسات الحصة المعتصمات
 

http://www.youm7.com/images/NewsPics...0112701759.jpg هبة بكرى المدرسة المصابة
البحيرة ـ محمد الإبيارى


صدمت سيارة اللواء مبروك هندى محافظ البحيرة إحدى مدرسات الحصة المعتصمات أمام مبنى محافظة البحيرة مساء اليوم – الأحد – حيث أصيبت بإصابات بالغة.

وقع الحادث أثناء استقلال اللواء مبروك هندى محافظ البحيرة سيارته، حيث حاصره المدرسون المعتصمون أمام مبنى المحافظة لمطالبته بحل أزمتهم المتمثلة فى تثبيت من مضى عليهم ثلاث سنوات والتعاقد مع من أقل من ثلاث سنوات، وذلك طبقا للقرار 75 لسنة 2011، ولكنه رفض الاستماع إليهم وقام أفراد حراسته بإبعاد المدرسين وقام أحدهم بدفع هبة بكرى سالم نوار " 23 سنة – مدرسة بإدارة أبو حمص التعليمية"، فاصطدمت بها سيارة المحافظ، وأثناء محاولة عزة عبد الحميد محمود "25 سنة – مدرسة بإدارة حوش عيسى التعليمية"، إفاقة زميلتها أصيبت هى الأخرى بحالة إغماء وتم نقلهما لمستشفى دمنهور التعليمى.

قالت هبة بكرى المدرسة المصابة لـ "اليوم السابع" إنهم أثناء اعتصامهم أمام المحافظة اليوم طلب منهم أحد المسئولين مقابلة المحافظ، فذهب إليه حوالى أربعة وقابلهم أحد أفراد القوات المسلحة وذلك لحل أزمة المدرسين، وبعدها وأثناء استقلال المحافظ سيارته حاصره عدد من المدرسين للتحدث إليه، إلا أنه رفض وسب المتظاهرين وقام أفراد حراسته بمنع المدرسين ودفعوهم، ولكن مع سير السيارة اصطدمت بالمدرسة ولم تفق إلا فى المستشفى.

وقال مسعد نوار، عم المدرسة المصابة: "إننا كنا نعانى من مواكب المسئولين قبل الثورة وبعد الثورة والعهد الجديد ليس لديهم مواكب فيدهسون المواطنين مباشرة، وكل ما طالبوه المدرسين هو حقهم فى التعيين فقط".

وقالت عزة عبد الحميد محمود: " إن المحافظ أثناء استقلاله سيارته حاصرنا أفراد حراسته، ومنعوا المدرسين من الاقتراب من السيارة ودفع أحدهم بزميلتها هبة أمام السيارة والتى أصابتها وعند محاولة إفاقتها أصبت بحالة إغماء من المنظر القاسى".

ومن جانبهم أعلن مدرسو الحصة الدخول فى اعتصام مفتوح أمام مبنى ديوان عام المحافظة للمطالبة بحق زميلتهم التى دهستها سيارة المحافظ، وكذلك المطالبة بحقوقهم المشروعة فى التثبيت.

ماله دا فى حاجه يا أخ كابرال إنت جيت تكتب كفاية عليك وإحنا نكمل المشوار نسيت وكتبت الكلمة دى ولا تقصد بالتهزيق ال بيحصل من أمن المحافظة أنا مش فاهم ولا يكونش تقصد الرسايل الخاصة ال بيبعته..........
يا وقعه بيضا يكونش إنت أبو؟؟؟؟؟؟؟؟؟؟؟ وأنا من الصبح بأقولك بوسلى؟؟؟؟؟؟؟؟؟
عامة ما تنساش تبوسه
وما تلعبش تانى مع الأسد عشان ما ي؟؟؟؟؟؟؟؟؟؟؟؟؟؟؟؟؟؟؟؟
سلام وما تزودش

قال الدكتور صفوت النحاس، رئيس الجهاز المركزى للتنظيم والإدارة، إن الجهاز جمد إجراءات تثبيت الموظفين المؤقتين، من خريجى المعاهد الخاصة، بسبب رفض المجلس الأعلى للجامعات اعتماد شهاداتهم.

وأضاف «النحاس»، لـ«المصرى اليوم»، أن الجهاز يشترط أن تكون الشهادة الجامعية معتمدة لدى المجلس الأعلى للجامعات، وأن خريجى المعاهد الخاصة واجهوا اعتراضا من «الأعلى للجامعات»، بشأن اعتماد شهاداتهم. يأتى ذلك فى الوقت الذى كشفت فيه إحصاءات الجهاز عن أن عدد الموظفين المؤقتين من خريجى المعاهد الخاصة، يصل إلى 10 آلاف موظف.

ويشترط المجلس الأعلى للجامعات، عودة هؤلاء الموظفين إلى معاهدهم، لدراسة 10 مواد قبل اعتماد شهاداتهم تمهيدا لتثبيتهم. من ناحية أخرى، شكلت اللجنة النقابية لموظفى جهاز التنظيم والإدارة لجنة خاصة للتفاوض مع وزير التنمية الإدارية، بشأن مقر الوزارة الحالى الذى يتبع الجهاز ويخضع لملكيته.

ارجو من الاداره تثبيت الموضوع

لا إله إلا الله
ماشى يا أبو يوسف
الله يهدينا ويهديك
وأنا مسامح فى حقى وحق أبوى وأمى بس يا ريت ربنا يسامحنا كلنا إن شاء و قدر
سلام

ربنا معاكم يارجاله والله انا عندى امتحان دبلومة لولا كده كنت هاكون اول واحد معاكم بالتوفيق ان شاء الله

ياريت العدد يبقى كتير وانا من ناجيتى هاتصل على الزملاء اللى فاضين يحصلوكم هناك

دى امتداد لمسلسل التجاهل من الاعلام لقضيه ام القضايا قضيه المعلم وبرضو حكومه امتصاص الغضب نايمه على ودانها انها حكومه المحافظه على الاموال المنهوبه لناهيبيها

اومال امبارح بتقولوا انها ماتت !!!!!!!!!!!
ولا هو تهويل وخلاص !!!!!!!!!!!!!!!!!!!!
طالما المدرسين هيتعاملوا مع بعض باسلوب الكدب والخداع
يبقي يستاهلوا الي يجرالهم

>>>>>>>>>>

مفيش حد قال كده

>>>>>>>>>>

يا استاذ cabrel
انا ملاحظ انك دايما بتغني وترد على نفسك

...

كلك زوق

تصريح محافظ البحيرة على الموقع الرسمى للمحافظة
 

>>>>>>>>>>

اللة معاكم خدو ا مروحة علشان الدنيا حر والقعدة هطول

لاعزاء للمصريين فى وفاة أخت لنا بالحصة على يد المحافظ
 

إصابة مدرسة صدمتها سيارة محافظ البحيرة أثناء مشاركتها فى وقفة إحتجاجية
شهد ديوان عام محافظة البحيرة واقعة مؤسفة عندما أصيبت مدرسة بجروح وكدمات متفرقة بانحاء الجسد آثر إصطدام سيارة محافظ البحيرة بالمدرسة أمام المبنى



وذلك أثناء مشاركتها فى وقفة إحتجاجية لمدرسى الحصة احتجاجا على عدم قيام اللواء مبروك هندى محافظ البحيرة بتنفيذ القرار الوزارى الخاص بتثبيت المعلمين الذين أمضوا ثلاث سنوات فى العمل ، والتعاقد مع من هم أقل من ثلاث سنوات ، وذلك بعد أن فوجئوا بطلب الإدارات التعليمية التابعين لها بالتوقيع على عقد مقابل 105 جنيهات شهريا.واعتبر المحتجون عدم التثبيت مخالفا لتعليمات وزير التربية والتعليم الذى أقر بتثبيت المتعاقدين من أمضى منهم ثلاثة سنوات ، وهو ما تم تنفيذه فى محافظة الشرقية.ورفع المتظاهرين لافتات تندد بعدم تثبيتهم حتى الآن ، ورددوا هتافات تطالب بإقالة المحافظ الذى لم يعد بما أوفى ، على حد تعبيرهم.
وأثناء خروج المحافظ من مبنى ديوان عام المحافظة بسيارته تجمع حوله المدرسين لمحاولتهم إيقاف السيارة لمطالبته بتنفيذ القرار الوزارى ، فصطدمت السيارة أحدى المدرسات المشاركات بالوقفة وتدعى هبة بكرى سالم ( 25 عاما - مدرسة بالحصة ) وتقيم بمركز أبو حمص ، وإرتطامها بالسور الرخامى لمدخل المحافظة ، مما أدى ذلك لإصابتها بكدمات متفرقة بانحاء الجسد.وتم نقل المدرسة فى سيارة الإسعاف إلى معهد دمنهور الطبى ، حيث تتلقى العلاج اللازم.وعقب الحادث ، سادت حالة من الغضب والفوضى بين المدرسين المحتجين لإصابة زميلتهم ، وقرروا عدم المغادرة والاعتصام أمام مبنى المحافظة.من جانبه ، أكد مدحت زلط (مدرس بالحصة) أن الوقفة الإحتجاجية والإعتصام سيستمر حتى إقالة محافظ البحيرة :stickjo4::stickjo4::stickjo4::stickjo4::stickjo4: :stickjo4::stickjo4::stickjo4::stickjo4:
http://www.ahram.org.eg/The-First/News/86130.aspx

حسبي الله و نعم الوكيل فيك يا محافظ يا كداب

كدااااااااااااااب دى انضربت قدام عنينا

حسبي الله و نعم الوكيل

لأ مش كده انا مستنى اثبت الموضوع ده عن طريق احد المشرفين عشان اجمع اكبر قد ممكن من الناس و حروح اقف جنب زمايلى

حسبنا الله ونعم الوكيل !!!!!!!!!!!!!!!! فين الثورة وتطهير الفساد الموجود في كل المؤسسات ومن اكبرها الي اصغرها !؟؟؟؟؟؟

ربنا يشفيها

يا استاذ سيد يا ريت نركز في العنوان كويس ولا انت عيزها تتوفي فعلا
حسبي الله ونعم الوكيل

لا حول ولا قوة الا بالله الاخت مازالت على قيد الحياة وربنا يشفيها وتقوم بالسلامة مع ذللك بعض الزملاء مصممين انها توفت وكمان اخدوا العزاء............

لا حول ولا قوة إلا بالله

ربنا يشفيها ويعافيها يارب

حسبي الله ونعم الوكيل

ربنا يشفى الأخت الزميلة وحسبنا الله ونعم الوكيل

ربنا معاكم وخليكو علي موقفكم

ربنا يشفيها

كلهم كدبين الوزير يقول المحافظ والمحافظ يقول المالية والمالية تقول التنظيم والادارة

يا عم غير العنوان ده

الصبر يا جماعه واحنا وراكم بس بهدوء نطالب بحقوقنا ونعتصم ونعمل مظاهرات سلميه بس بدوون عنف بس ياريت اللي يعمل مظاهر ه يفوض ويتفقو علي اتنين او تلاته يتكلمو بلسانهم ويقولو مطالبنا تمام