|
جريدة الجمهورية " اي كلام فاضي معقول "
مش عارف لية بئيت احس ان جريدة الجمهورية في تغطياتها الاخبارية عن الثانوية العامة بئت تهييس ،
شوفوا كدا دا اخبار امتحاننا ، بتاع امبارح http://www.algomhuria.net.eg/algomhu.../detail00.asp ! طبعا دا إلي جانب مهزلة توقعات المصدر المسئول بالمجلس الاعلي للجامعات لتنسيق 2011 ، الطب كحد ادني 93 % ، ههههه خبر مضروب 100 % ، لأنه قال " مصدر مسئول " ، عشان يخاف يقول اسم محدد ينسب له الفبركة دي فيتم ملاحقته قضائيا ، بس برضة ميزتها الوحيدة ، هي مراجعاتها في ليلة الامتحان بس ، خلاص خلونا نستحملها لحد ما نعدي من الامتحانات ع خير ان شاء الله ، و نرجع تاني لحبيبتنا " المصري اليوم " ، هههه لا تقول لي يوم سابع و لا دستور و لا اهرام ، المصري اليوم هو الاساس ... ، طبعا كدا ، رسمي انتوا افتكرتوني مندوب اعلانات ، صح ؟ هههه ، |
اقتباس:
ولكن يكفى ان جريدة الجمهورية هى اول وافضل جريدة تنزل ملحق تعليمى فى جريدتها ويكفى ان امتحان الانجليزى بتاعنا بتاع ثانية ثانوى جه50%منه اما بالنسبة الى المصرى اليوم فانا اعشق هذة الجريدة وبالمناسبة انت عملت ايه فى امتحان النهارده بتاع الاحياء |
تمام الحمد لله ،
الامتحان السنة دي مقارنة بامتحانات السنوات السابقة : تافه بكل ما تحمل الكلمة من معاني ، المهم انت يا بطل عملت اية ؟ انتوا كان عندكوا اربع ايام بس قبل الاحياء ،،، ربنا يكرمكوا و يوفقوا ان شاء الله و يكمل لنا ع خير جميعا ... ، انت كدا طبعا بيس يا مان في الاجازة رسمي احنا لسة ناقصلنا ، مادة ادبية ، و مستوي رفيع و وطنية ... ، |
المصري اليوم بتاعت ساويرس
لازم كل المسلمين يقاطعوه لأنه بيستهزأ بالحجاب و بالشيوخ الله يحرقه و خشوا صفحة احنا كمان بنهزر يا ساويرس عل فيس وكسروا كل شرايح أم نبيل بتاعته عشان يتخرب بيته باذن الله |
eh el klam da nageb sawers da ragl to7ffffffffa ana b3sha2ooooooo bgd ensan gameel gdn >> blash el klam ely y3ml mshakl da
|
طبعا جريدة الجمهورية شكلها عايشة في عالم تاني انا كنت احياء السنة اللي فاتت وحتي ما اهتموش يامتحاننا واعتبرونا نكرة مش مشكلة بس حكاية التنسيق دي واسعة اوي ان شاء الله التنسيق هيكون هاي ان ذا سكاي زي 2007 وربنا يستر علينا
|
علي فكرة مش لازم نتكلم علي الناس بالطريقة دي ولازم حضرتك تكون متأكد مليون في المية قبل ماتتكلم وما تسبش الناس واقتدي برسولنا الكريم في كدة لم يكن سبابا ولا لعانا
|
اقتباس:
حاجة بس كدا ع السريع ، المصري اليوم مش ملك لرجل أعمال معين ، مش عارف منين جبت انها بتاعة نجيب ساويروس ، و ان كان زي ما سمعت انه عنده اسهم فيها في البورصة ! فهل دا معناه انه مأثر فيها ؟! طب ما رجال الاعمال الخليجين مساهمين في أسهم وكالات انباء عالمية و امريكية ، زي فوكس نيوز و سي ان ان .. الخ ، هل دا غير حاجة من سياسة القنوات دي تجاه الشرق الاوسط بشكل عام ؟! حاجة كمان ، انا شخصيا مش من مويدي نجيب ساويروس و لا حتي من معارضيه ، انا اينعم ليبرالي ، بس في ليبرالين كتير غيره بحبهم ، لانهم مقنعين اكتر بالنسبة لي ، و احب اقولك ، ان اوراسكوم مش موبينيل ، حتي لو موبينيل خسرت ، انت كدا مش بتضر شخص واحد بس ، انت كدا بتضر آلاف من المهندسين و المحاسبين و العمال و ... الخ اللي بيشتغلوا في الشركة دي بفروعها المختلفة ( و اللي منهم المحجبات ) شخصيا ، انا مع الحرية الشخصية تماما ، و الحجاب و النقاب دا حرية شخصية ، عايز تلبسه البسه ، مش عايز انت حر ، انا مش فقيه ديني عشان اقدر اقول حاجة تانية ، بس دا اللي في وجهة نظري المتواضعة ، و ياريت تبعتلي ع الانبوكس اللينك اللي انت بتقول عنه انه استهزء فيه من الشيوخ و الحجاب ، - حب استطلاع مش اكتر - ، و انا بالنيابة عن كل الليبراليين ، بتآسف لك عن بعض تصرفات القلة التي قد تكون احيانا غير مسئولة ... ، نقطة اخيرة ، انا قلت الحجاب حرية شخصية ، يعني لو نجيب ساويروس دا استهزء به ، فأنا اول واحد ضده ، و برضة لو حضرات الشيوخ فرضوه بالقوة ! فأنا اول واحد ضدهم ... ، احنا مش في ايران هنا ، التدين القسري !!! و لما شيخ يخطب في مسجد و يقول للناس ان اللي هيقول لا ، هيبئا كافر و بيزندق ، دا اسمه اية ؟! لما جماعة " طظ في مصر .. و اللي جابوا مصر " تطلع منشورات تقول فيها ان نعم واجب شرعي ، دا اسمه اية ؟ مش اتجار بالدين برضة ؟! مش الدين بري من الاستغلالات و المصالح الشخصية و السياسية دي ؟! طالما الدين بري من المتاجرين به كدا ؟! لية حضرتك شايف النص التاني و النص الاول مش واخد بالك منه ؟ كل واحد له اللي له و عليه اللي عليه ،،، ع العموم انا مش حابب اطول عليك ، بالتوفيق ان شاء الله للجميع ، |
اقتباس:
|
على فكرة ..انا شايفه ان فعلا المصرى اليوم ميش بتاعت حد ..كل صحفى بيكتب رايه بحريه
والدليل على كدة ان ممكن تقرا راى عن شخصيه او مشروع او اى شئ ..وتقرا نقيدة فى نفس الصفحه (رغم ان الموضوع دا بيغظنى احيانا ..مبلحقش اكمل الصفحه والاقى الحكايه اتقلبت ) بس دا يدل على ان كل صحفى بيكتب رايه بحريه ..حتى لو كانوا عكس بعض بس انا اصلا ميش هاويه قرايه جرانين ..كله كلام فكلام |
انتم قلبتوها بلوتيكس لية ما تخلونا فى الايديوكاشن
|
يعنى ممكن التنسيق يبقى عالى السنادى ولا ايه ؟
|
اقتباس:
ابسط مثال : نادين البدير و الدكتور خالد منتصر / و الاستاذ منتصر الزيات و الغطريفي ( بتاع قسم التحقيقات ) :slap1qk6: ع الاقل كمان ، انها مش اعلام موجه ، كانت اجرأ الصحف في العهد البائد ، مكنتش جريدة معارضة و بتأفور في المعارضة زي الوفد و الدستور ، و مكنتش ممالئة و موجهة زي الاهرام و الاخبار و الجمهورية ،،، ع العموم ، الاختلاف في الرأي لا يفسد للود قضية ، و انا برضة بحب المصري اليوم حتي لو طلعت بتاعة حسين سالم ،،، لا تقول لي يوم سابع و لا وفد و لا دستور ،،، المصري اليوم هو الاساس . |
اقتباس:
بس بعد امتحان الاحياء دا ، احنا مستبشرين خير ان التنسيق مش هيزيد عن بتاع 2009 ، |
على فكره موضوع الغش ده مش فى كل مكان انا لجنتى والله مفيش حد بيبص جنبه واكيد فى لجان كويسه كتير
|
اقتباس:
دا الواحد كان بيعد حروفه اللي بيكتبها زمان ع الفيس ،،، كانت ايام بلاك اخر حاجة ، دلوقتي الحمد لله ، عملنا ثورتنا بايدينا و دا حقنا ان احنا نتكلم و نعبر عن رأينا بحرية ، بس الحرية المسئولة ، انت حر ما لم تضر ،،، يعني مش اشتم اي حد و اقول ، ما انا حر ، مش اذي غيري ، و اقول ، ما انا حر ، مش اتعرض للبنات في الشارع ، و اقول ، ما انا حر ، خليهم هم اللي يتلموا ، مع ان القذر اللي بيعمل كدا مش بيبص دي لابسة اية ، مش ابلطج ع الناس ، و اقول ما انا حر ، للاسف نسبة كبيرة من شعبنا الطيب الغلبان فهم الحرية مش صح خالص ، و دا سبب تفشي البلطجة و الانفساء الامني حاليا ،،، |
اقتباس:
للاسف يا سوما اللجان المحترمة بئت عملة نادرة السنة دي !!! يكفي ع الاقل ان لجنة تكون سايبة في كل محافظة عشان التنسيق يبئا نار ،،، بس عشان برضة اطمنك شوية ، تنسيق كليات القطاع الطبي مش هيتأثر بالعبط دا خاااالص ، عشان الكليات دي بتاخد شريحة طلبة العلمي علوم اللي من ال95 و انت طالع ، يعني اقلهم اللي هي بيطري جنوب الوادي ، بتاخد 95 ، 94.8 ، 94.5 كدا يعني ، و الشريحة دي من الطلبة ملهمش دعوة بالغش اصلا ، فكدا كدا ، تنسيق كليات الطب البشري و الاسنان و الصيدلة و العلاج الطبيعي و البيطري ، هيتحدد بناء ع مستوي الطلبة دول بسسسس ، عشان كدا احنا كنا قلقانين من الامتحانات السهلة جدا ، مش من الغش اوي ، طبعا انت هتفكري في الشريحة الاقل ، اللي كانوا 94 فيما تحت ، دول لو حتي غشوا مش هيقدروا يتزاحموا في اللي فوق عشان متوسط السنتين ، بس دا ميمنعش ان الامل منتهي ، بالعكس ، الامل موجود و موجود جدا ، واحد قريبي كان في 2ث ، 93 ، جه في 3ث ، 97 + 2 % مستوي ، بئا متوسط السنتين 96 % ، بس دا مكنش بيغش ، فربنا كرمه ، اما حبايبنا اللي عايشنها غش ، فربنا عادل جدا و شايف مجهود و تعب كل واحد ، و خلي الغش يبئا ينفعهم ،،، |
الحق يتقال انا مدرستى كلها مفيهاش اى لجان بتغش
...على الاقل اللى انا متاكدة منه ان لجنتى مبسمعش فيها حس ومحدش بيتحرك من ساعه مبندخل بنثبت والوبايلات تتقفل وتطلع برة ..والشنط كمان (بما اننا بنات يعنى ) بتطلع برة لكن فى المقابل ..زفى مدرسه جنبنا اسمع والله اعلم انهم بيقولوهم اللى عايز يطلع كتاب ..فى الانجليزى قالولهم اللى عندة نت فى الموبايل يفتح |
كلامك كلة صح والله فعلا اللى مش بيغش ربنا بيكرمة لان والله انا اختى كانت فى تانية جايب 95% وناس تانية كانوا جايبين 97% وجت اختى فى سنة تالتة جابت 101.2% (207.5 من 205 فى سنة تالتة ) والناس التانية جابت 91 % فى تالتة اختى مجموعها فى السنتين 98.2% والناس التنية 94% عشان كدة انا بقول ان الله لايضيع اجر من احسن عملا
|
انتو مالكو قلبتوها قضايا سياسيه ودينيه بحته كدا ليه
كنا بنتكلم عن الثانويه العامه والله |
اقتباس:
مش عارف بصراحة ، مين اللي هيكسب من اغلاق شركة زي موبينيل مثلا ؟! هل احنا بنبص ع شخص نجيب ساويرس بس ؟!! عجبي ، هل نسينا اخواننا و اخواتنا اللي شغالين في الشركة دي ، اللي بيوتهم مش عارف هيحصل لها لما تفقد مصدر رزقها ؟ هل نسينا بورصتنا اللي اساس اقتصادنا لما تخسر الخساير الفادحة دي ؟ هل نسينا حرقة دمنا لما موشر البورصة كان بينزل واحد من عشرة بوينت ، و لما كان بيطلع واحد من عشرة بوينت كنا بنركب السحاب ازاي ؟ بس خليني اوضح كمان كدا شوية حاجات عشان نقفل الموضوع تماما ، نجيب ساويروس هو و اخواته عندهم مجموعة شركات اسمها اوراسكوم ، واحدة منهم اسمها ام نبيل دي ، نجيب ساويروس لوحده عنده الي جانب موبينيل ، شركة اتصالات تانية - تقريبا في اليونان - و دي اكيد برا مصر ، غير كدا كمان حتي لو قفلت موبينيل ، هل الراجل كدا هيتخرب بيته ؟!!! هل رؤوس امواله هو و عيلته هتتأثر ؟؟؟! ببساطة شديدة جدا هياخد فلوسه و يطير اي بلد يستثمرها فيها و يحقق مكاسب خيالية ، و احنا هنا نقعد بحسرة بورصتنا و اقتصادنا اللي بندمره بذكائنا و ثقافتنا السطحية دي ، حتي لو مستثمرش فلوسه في اي مكان تاني و خدها بس كدا و عاش بها ، يعيش ملك هو و اولاده و احفاد احفاده ،،، يعني لا هيتخرب بيته و لا حاجة ، احنا اللي هتتخرب بيوتنا و مش نلاقي العيش بكرة عشان اقتصادنا هيكون راح بالسلامة تبعا لانهيار البورصة اللي الراجل بيتحمل خساير كتير عشان بلده ،،، بعيدا عن التفكير العلمي و المنطقي و المستقبلي ، تعالوا نفسنا مش واخدين بالنا ، و نقول ان لما موبينيل هتقفل يبئا كدا الراجل دا هيشحت و المصريين اللي شغالين معاه هيروحوا بورتو مارينا و حالتهم بيس و مش هيتأثروا بحاجة خالص ،،، يبئا احنا كدا بنفيد مين ؟ فودافون : الملتي ناشونال ! اللي مساهم فيها روس اموال من اللي بيدعموا الكيان الصهيوني و بيدبحوا اخواننا في فلسطين ، يبئا كدا زي ما كانوا بيقولوا زمان في حملات مقاطعة البيبسي : بزجاجة بيبسي بتدفع تمن رصاصة بتروح لقلب اخوك الفلسطيني .. ! ، بدقيقة فودافون بتدفع تمن رصاصة بتروح لقلب اخوك الفلسطيني .. ! يبئا نقاطع فودافون كمان ، عشان المصريين الشغالين فيها يروحوا بورتو السخنة و اسرائيل تسيب فلسطين !! اتصالات : الشركة الخليجية ، و يا سلام ع الخليج ، قول و اشجيني يا واد عمي ، قول و اشجيني ! بيحترموا اخواننا المصريين اخر احترام ، بيدافعوا عن ثورتنا لاخر نفس ، دا حتي عايزين شعوبهم يثوروا زينا عليهم كدا زي البحرين ، و كان من الد اعداء الفاشي حسني مبارك ، لدرجة انهم قالوا له خليك في شرم اوعي تيجي عندنا ، و اوعي تهرب فلوسك عندنا ،،،، يا سلاموز ع دا تفكير ابن لذينا ،،، يبئا نقاطع موبينيل و فودافون و اتصالات و نشتغل بالارضي و تبئا حياتنا و نتقدم بالزمن و نسابق الشعوب و نعيش في ايام التمانينات ، ايوا كدا بئا ، نفسنا نتقدم ، نتقدم في اي اتجاه حتي لو للخلف بس نتقدم ، حاجة كمان ، احب ان الاخ بتاعة حملة النكيتة اللي بيهزروا مع نجيب ساويروس دا ، يفتكر ان الراجل اعلن رسميا موقفه من المادة 2 من الدستور ، اللي كانت الدنيا هتولع بسببها ، فاكر يوم 18 - 3 ؟! * معلش يا بسمة ، الكلام مكنش موجه ليكي و لا لاي حد من الاعضاء غير الاخ بتاع حملة النكيتة دا ،،، اسف لو الموضوع تشعب ، بس برضة المصري اليوم هو الاساس ، :p |
اقتباس:
لا وليه يا كنج منشغلها حمام زاجل:d انت خلصت لحد فين ف النفس ؟ |
اكيد طبعا مش حينزل للدرجة دي بس هو حينزل. علشان الوزير زود اعداد المقبولين في الكليات . متنسوش ان الكليات حيبقى فيها مكان دفعتين فاضي علشان السنة اللي فاتت يعتبر مكنش فيها حد . متهيألي احنا تنسيقنا حيكون شبه تنسيق 2008 او اعلى حاجة بسيطة
|
اقتباس:
|
اقتباس:
ana bhiees fe 3lm el nafs bs ha5lso ha5lso el nahrda , mafesh wa2t tany , |
اقتباس:
يا جماعة مش عشان نجيب ساويرس نصرانى فا نكون ضدة وانا معتقدتش ان اى حد يهاجم الحجاب نبقى ضدة لان مش بمهاجمتة للحجاب واحدة هتقلعة او مش هتلبسة فا دى قضية منتهية انما بقى فى حتة مقاطعة شركة موبينيل فا دة غلط جدا لان مشهو لوحدة اللى هيتضر لوحدة فية كتير هيتضروا مسيحين ومسلمين واظن ان المناقشة جت غلط بين msaid93 و msh-tlba لان واحد مسلم والتانى نصرانى فا اكيد هيشدوا قصاد بعض المهم الدين لله وخلونا فى الثانوية العامة بتاعتنا |
اقتباس:
فيه حد لسه بيفكر كدا :mad: |
على فكرة المناقشه والا ختلاف فى الراى ميش عشان واحد مسلم والتانى نصرانى
.....واعترض على انك تفرق بالطريقه دى ...دول اتنين مختلفين فى الراى ..بس من غير صفات |
اقتباس:
وبعدين المناقشة كانت موضوعية بحتة ومالهاش دعوة بالدين من قريب أو بعيد . يا ريت نبعد عن المنطقة دى خالص . |
سيبكم من الهبل دة ...
المهم احنا دلوقتى عيزين ننظم خطه (بكلم مع الاقتصاديين الاحصائيين ) عشان نخلص المستوى والاقتصاد والاحصاء |
نذاكر واللى تقف قدامه حاجات يجمعها ويكتبها بالليل ونتناقش .
|
اوك ...على فكرة نموذج الاحياء الرسمى نزل
|
عرفت ، والحمد لله .. إن شاء الله أجيب 60 من 50 !!!!!!!!!!
هييييييييييييييييييييييييييه .... شكرا على التنبيه وربنا يوفق الجميع . |
اقتباس:
السلام عليكم ورحمه الله وبركاته امتحان تافهه !!! انهى امتحان ؟؟ العربى ! الانجليزى ! ولا الاحيااء ! تساهل فى التصحيح !! هو حضرتك كنت بتصحح ؟؟ الله اعلم غش جماعى اه معاك ان فى غش جمااعى فى محاافظات كتير بس فى مدرستى والله مااشوفتش ده فاكيد مش هتبقى كل المدارس بس ربنا يستر من حكايه الغش دى هى اللى هتدمر الدنيا وحكايه التنسيق دى ربنا وحده اللى عالم مااحدش يقول هيعلى ولا هيقل علشان مافيش اعصاب حد تتعب لما نقول هتعلى ولا العكس واحد يزعل ان مجهوده ضااع لسه حكايه التنسيق دى بدرى وربنا يستر وياارب كل واحد يدخل الكليه اللى يتمناها ويحقق كل احلامه وعلى فكره الجمهوريه مش وحشه اوووى كده !!!! ونجيب ساويرس انا مش بحبه اصلا لمواقف كتير وطبعا موقفه الاخير ده زود كرهى مش يوصل الاستهزاء لدرجه ميكى ماووس !!!! بس مش معنى كده انى اقاطع حاجه علشان انا عايزه اقتصاد بلدى الوقتى وغير كده فيه معاه شركاء وعمال مش علشان ادمر واحد ادمر مئات فربنا هو اللى بيجازى وفى رعايه الله والسلام عليكم ورحمه الله وبركاته |
ع فكرة بقى انا مش بتكلم بهبل
وبلاش حتة ( لسة حد بيفكر كدة ) دى لانى والله مش متخلف وانا والحمد لله مش نيتى افرق فى دين او اى حاجة خالص انا ع فكرة اعجبت باسلوب الحوار بتاع ابانوب من اول ما لقيتة بيتكلم ولما عرفت انه نصرانى لا اعجابى بية اتهز او قل بالعكس انا معجب بية جدا وحاسس انة حد فاهم هو بيعمل اية وربنا يبارك له ويكمل معاه على خير ويدخل اللى نفسة فية فياريت نشوف احنا بنقول اية ونختار الفاظنا كويس الاول وبقول تانى بلاش (سوري تطفل عليك بس وايه يعني..؟؟ فيه حد لسه بيفكر كدا :angry: ) لان الكلمة دى نرفزتنى جدا |
والله ما اقصد انك بتتتكلم بهبل ..انا اسفه لو فهمتها كدة ..انا قصدى الموضوع نفسه ..وبعدين قلت اهزر واغير الموضوع
واكيد ماحدش يقصد حاجه ..زولا انت تقصد تفرق فى الدين كل ما فى الموضوع ..ان الدين مكنش الموضوع |
اقتباس:
اي ثينك ان الانسان بيظهر من اسلوب كلامه بالمناسبه اعتقد ان الجمله لازم تتوجه لحد تاني + مش هنتناقش كتير عشان المنتدى ليه احترامه واحنا طلبة علم |
اقتباس:
حضرتك تقصدى اية يا انسة بكلامك ياريت توضحى مش تتكلمى بالغاز وتدعى ان مش لازم نتكلم عشان النتدى لية احترامى وتقصدى اية بطلبة علم |
فياريت نشوف احنا بنقول اية ونختار الفاظنا كويس الاول
الجملة دى بتتوجة ليكى انتى شخصيا لانك بجد بتعمدى ع الاستفزاز فى الحوار |
اقتباس:
ثانكس ع التوضيح يا كاريمان وانا اللى اسف لو كنت فهمت غلط |
اقتباس:
وانا قصدت اننا طلبة علم يعني مينفعش نتناقش بالنظام دا لاننا محترمين بالمناسبه انا مش بتعمد الاستفزاز لان دا مش استفزاز اصلا :d |
سورى يا بسمة لانى دخلت افش فى الموضوع كدة انا بس كتبت الرد بتاثير عصبى
وبكرر اسفى مرة تانية واحنا كلنا اخوات وربنا يعينا وتكملوا على خير وتدخلى الكلية اللى انت تتمنيها ويكرمنى السنة اللى جاى وادخل بردة الكلية اللى بتمناها |
اقتباس:
بس ابقى استنى شويه مش تندفع على طول كدا امين وربنا يوفقك :) بالمناسبه نسيت اقولك :: اللي استفزني في كلامك حكايه نصراني دي بس خلاص الموضوع خلص =) |
ماشى وثانكس مرة تانية
|
الصفحة بقة فيها 80 ألف
و كلهم كسرو ام نبيل او غيرو لاتصالات ما احنا مش هنشوف واحد زي دة بيستهزا بالشيوخ و بالمسلمات ونقف ساكتين وفي ناس شغالة ف شركته استقالت كمان دي اقل حاجة نعملها لنصرة ديننا و شيوخنا و هو اللي بدأ من غير ما حد يكلمو وهو اللي جني علي نفسه بخسائر جسيمة باذن الله. و مش طلبة دة اللي حاطط صورة يهودي معلش انت فاهم غلط دول يهووووود لا حول ولا قوة الا بالله بس انا لما عرفت انك مسيحي ما استغربتش من الصورة ما انتو اللي رحتو عند السفارة الامريكية و ساعدنا يا اوباما يا ريت اوباما ييجي خلينا نفوق بقة وانتو هتكونوا اكبر النادمين معاه |
و مصر ستظل دائما اسلامية عربية مهما حاولوا
|
msaid :
Thnx ع ادبك ، بس انا مش بدافع عن موبينيل و لا نجيب ساويروس عشان مسيحي ، انا شخصيا اتهاجمت كتير - و صفحتي ع فيسبوك تشهد - من مسيحيين متعصبين لما لاقوني باقول رأيي بصراحة في شخصيات زي نجيب ساويروس و رامي لكح دا و غيرهم بس انا في الاول و الاخر مصري و فخور اني ليبرالي ، خليني اعرف حضرتك بكارثة انت مش واخد بالك منها لسة ، http://en.m.wikipedia.org/wiki/Mobinil دي اولا موبينيل اللي اصبحت رسميا ملك فرانس تليكوم ، مش اوراسكوم بتاعة آل ساويروس ! يعني ..... ؟ الكارثة هي انك بتقطع عيش اخواتك المصريين - بغض النظر عن خانة الديانة - !! انت عارف في كام بيت مصري مفتوح من الشركة دي ؟ عارف كم البطالة اللي هنوصلها ؟ عارف معدل العنف و الجريمة ؟ يا حبيبي ، انا بحترم شيوخ كتير ، و بحب اسمعلهم في الTv ، اكتر من اي شخصيات عامة كتير ، و ع راسهم الدكتور المتميز عمر خالد ، يعني عمرت ما فكرت في خانة ديانتك اية ، قالها الايوبي زمان ، و ياريتك تفهمها دلوقتي الدين لله و الوطن للجميع انا شخصيا من مستخدمي اتصالات ع فكرة ، من قبل ما حضرتك تشتري الخط الاخضر دا ، انا معاك ان نجيب ساويروس اخطأ ، بس اعتذر ، فهل العقاب نقطع عيشنا و ندمر بورصتنا عشان نخسره تلاتة اربعه مليون بتاع !!! في غيره بيستفزوك علني و اغتصبوا ارض اخواننا في فلسطين و دبحوا اشقائنا ، و دنسوا المساجد في مسلسل عرض مستمر " تفتكر ذكري النكسة السنة دي ؟ " ؟! و حضرتك ولا قادر تعمل معاهم حاجة ، و منتجاتهم بتروج لها و منها فودافون الملتي ناشونال ،،، و فيسبوك اللي انتوا شغالين في حملتكوا عليه طب خد اخر بيت في القصيدة و متنساش تدعيلي ، مارك ذيكربرج ، موسس و مدير فيسبوك يهودي ، صهيوني ! |
بقول لكوا اية يا شباب ،
الموضوع بئا فاكس اوي ،،، انا مش حابب نعلق تاني عليه ، خلاص كدا كفاية ، و ع رأي حملة الدكتور عمر " انترنت بلا فتنة " : Share fe el 5er شير في الخير ... ، يعني بدل ما انت بتشير عشان تقطع عيش اخوانك المصريين ، و فاكر انك بتخدم عقيدتك او مبدأك او .. الخ ، ممكن تشير كومنت بسيط و لكنه معبر موثر يفيد ناس كتير ،،، ممكن يكون حكمة ، مقولة مأثورة ، بيت شعر ، نص ديني ( خاصة الاديان دعوتها الخير و السلام مش الخراب و الفقر ، بس احنا نسيب سطحيتنا و نفهمها صح ) انا هبدأ بنفسي ، و هاحط شعار الحملة عندي تاني ع فيسبوك ، و هنا في توقيعي في المنتدي ، و اتمني من كل قلبي - و الله وحده يعلم - الخير ليكوا كلكوا ، حتي msaid اللي دخل فيا شمال ، عشان المصري اليوم ! طب يالا يا عم و لا يهمك ، اليوم السابع ( او اللي انت عايزه ) هوا الاساس مش المصري اليوم ... ! تمام كدا بس برضة المصري اليوم هو الاصل ، يلا خلص الكلام ، |
يا عم متزعلش انا علي فكرة اعز اصحابي مسيحي عشان تبقي عارف وصحبي من ابتدائي ولحد دلوقتي بنلعب مع بعض و فعلا بحبه جدا
وانا مش قصدي عليك انا قصدي علي الناس اللي في القنوات المسيحية اللي بتتبث من امريكا اصلا والناس اللي راحو السفارة الامريكية والناس اللي ما كانوش راضيين يمشو من قدام ماسبيرو دول مش مصريين ودول كلهم عملاء واعتقد ان دة رايك وراي اي مصري بيحب البلد هما دول السبب و ساويرس دة من زمان وهو بيتكلم اكنه رئيس الجمهورية و ضد الاسلام طب ازاي يبقي المسلمين اللي هما اغلبية ف مصر لا يستهزؤا باي دين و تطلع الناس دي تستهزأ بالمسلمين دي وصلت انهم بيقولو عل مشير طنطاوي انه ينتمي لجماعات اسلامية ويريد ابادة المسلمين الناس دي متدلعة اوي ولازملهم وقفة المفروض المسيحيين لو رأيهم عكس الناس دي يطلعو يتكلمو عشان السلفيين يهدوا ويحسوا ان في مسيحيين كويسين انما دة حتي البابا شنودة بيولع الدنيا وبيقول المسيحيين متهانين ولما بابا الفاتيكان طالب بحماية مسيحيين مصر شنودة لم يحرك ساكنا لذلك انا مع مقاطعة ساويرس واللي زيه ومعرفش ايه حكاية ان موبينيل مش بتاعته دي ؛ كل مصر عارفة عكس كدة وارجو منك تغيير الصورة لان اليهود مش بتوع سلام ويشهد بكدة اليهود بنفسهم وف الاجازة ابقي شوف مسلسل محمد صبحي فارس بلا جواد والكتاب اللي كشفه هتعرف كوارث وانشاء الله نكون اصدقاء ف المستقبل احنا علم نفس واحساء زي بعض يا راجل وما محبة الا بعد ( اختلاف بسيط كدة ) |
والله ما ينفع الحوار بالطريقة دى احنا دخلنا فى مواضيع غير مواضيعنا خالص
انت مش واخدين بالكم ان احنا فى قسم الاحياء يعنى بنتكلم فى العلم وبس وانا قلت ان المناقشة دى غلط م الاول لانها اصلا مش فى مكانها ولا وقتها المظبوط ع العموم احنا مش موضوعنا ساويرس وموبينيل وعمرو خالد وشنودة والفاتيكان ولا الجو دة ربنا يكرمكم خلونا فى الاحيـــــــــــــــــــــــــــــــــــــــــــــ ـــــــــــــــــاء |
| جميع الأوقات بتوقيت GMT +2. الساعة الآن 01:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.