|
المنقطعين بالغربية الرجاء الدخول
السلام عليكم
رجاء من اخوانا فى الغربية اللى عندهم معلومات عن عودة المنقطعين محتاجين توضيح اكتر هل تم الرجوع بالفعل ما الخطوات أما أخت يارا كلام حضرتك حاجة من الاتنين يا اما الغربية مش موجودة معانا فى مصر المحروسة و بتعمل اللى المحافظات عملته من أكثر من 4 شهور و فى الحالة دى لا تعقيم طبعا أو ان الغربية أول من سيطببق القرار و بكدا تكون الغربية أحلى و أحسن محافظة و انتى تكونى فلة و شمعة منورة قولى لينا انتو اية احساسي انكم فلة شمعة منورة |
انا مدرس مساعد فى ادارة شرق المحلة وهناك منشور كل الى كان منقطع عن العمل وعاوز يرجع يروح الادارة وهيرجع ثانى
|
بص يااستاذ فلة انا كنت فى الادارة النهاردة وكان فى ورقة طويلة عريضة عن المنقطعين دة غير كمية الناس اللى كانوا هناك بيدوا ورقهم كلمن كان كمقطع عن العمل هيرجع تانى سواء كان بالحصة او متعاقد بس المشكلة انة هيرجع بعقد مكافاة شاملة هو دة اللى انا قريتة ومتاكدة منة لوحضرتك منقطع روح الادارة تبعكوا واسال ولا يمكن انتم عملتوا الخطوات دى من زمان اللة اعلم يمكن الغربية ماخرين معرفش روحوا ياجماعة الادارة تبعكوا واسالوا واللى بيمشى فى الغربية اعتقد انة فى كل مصر ولا الغربية دى تبع انجلترا
|
انا من كفر الزيات الغربية وبالفعل شفت المنشور ده وحيرجع على عقد مكافأة شاملة وحيتحسبله المدة اللى قضاها فى التعليم
|
اقتباس:
اخي الفاضل انا من الاسكندرية و يا ريت اذا حضرتك معاك صورة المنشور ترفقه حتى يمكن الاستعانه به عندنا في المحافظ و جعلة الله في ميزان حساتك |
اقتباس:
|
ياريت والله بس للأسف مش معايا انا قريته فقط
|
بس يا استاذة يارا انا من كفرالشيخ جيران يعنى مش بعيد عملنا الحاجات دى من أكتر من 3 شهور
السؤال اللولبي الذي يطرح نفسه متى العودة؟ و ياريت تصورلنا المنشور دا من بالموبايل |
شفت بقى ياسيدى الفاضل يبقى الغربية هى اللى متاخرة وعلى العموم انا هحاول اجيب القرار بس مقدرش اوعدكوا انى اجيبة
|
بس كدا انتو متأخرين أوى
طيب قالوا متى العودة ؟ |
رجالتنا فى الغربية اية ما الجديد لديكم ؟
متى العودة ؟ |
يا جماعة محدش قدر يجيب النشرة
|
فين النشرة
|
انا من كفر الزيات ونزل اعلان فى الادارة ان اللى كان بيشتغل حتى سنة فى التربية والتعليم سواء بالحصة او المكافأة الشاملة او حتى المميز يجيب بس افادة من المدرسة اللى كان شغال فيها ويقدم ورقه وهيرجع الشغل بس على شرطين انه هيرجع مكافأة شاملة ويمضى اقرار انه مش يطالب باى مدة اشتغلها والتقديم هينتهى 10/7 وسألت واحدة اعرفها فى الادارة قالتلى قولى لاى حد تعرفيه عشان فعلا هيرجعو كله باذن الله يااااااااااااااارب يكون بجد والكل يرجع |
بردو امتى العودة
هيرجعوا امتى |
الاخت الغالية bolbola2010
اذا تسمحي ممكن حضرتك تصوري لينا هذه النشرة لاننا من الاسكندرية فهل ممكن جزاكي الله كل خير حتى نطالب بالمثل |
اقتباس:
وبعدها الاسماء راحت التنظيم والادارة وحاليا انتقلت الى المديرية وحتى الان مفيش جديد ......... |
انا من الشرقية اه اخبار الشرقية ياجماعة
ثم اذاي نرجع مكافاة شاملة وانا انقطعت ممعلم مساعد واشتغلت 5 سنين والله حرام وانا عن نفسي مش حمضي اي اقرارات |
انا اشتغلت 8 سنوات و كنت معلم مساعد
ايد دا بقي |
يلا نرفع قضية جماعية وانا عارف محامى ممتاز وقلى هتكيبو القضية 100 %
|
انا اعرف محامى بس طلب قرار الفصل أو تاريخ الفصل الادارة مش عارفين حاجة
لكن القضية هتاخد اقل حاجة سنتين الله المستعان |
| جميع الأوقات بتوقيت GMT +2. الساعة الآن 07:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.