|
كااااارتوون كاااارتوون هو هو !! :d
(لسلامـ عليكمـ و رحمة الله و بركاته ) ********* ف زمنا دا مش لاقيين نتفرج على حاجة عدلة ف التليفزيون احسن من الكارتون فبنتفرج عليه كبير و صغير :redface: و من القنوات اللى ظهرت ف الآونة الاخيرة " نيكلوديون " و أكيد أغلبيتنا عارفينها سواء كان اخواته الصغيرين بيتفرجوا عليها أو حتى نفسه :d و انا من متابعين نيكلوديون دى جدااااا لدرجة انى حفظت الحلقات :frown: و بقول لـ اللى بيتابعوها : مش ملاحظين حاجة على الكارتونات او الكراتين ( مش عارفة الجمع بصراحة :d ) ان كلهمـ بيلفوا و يدوروا حاولين فكرة واحدة ألا و هى الحب و المرهقة على سبيل المثال ( المراهقة الآلية ) نفسها تلاقى صديق و تحب و تتحب و عندك شيلدون بيحبها و نفسه تبقى جنى صديقته ( حكايات جنجر ) الحجة جنجر دى بتحب ايان و بعد كدا اكتشفت ان ايان بيخدعها و بقيت بتحب ساشا ... الخ ( دانى الشبح ) دانى دا بيحب سالى صحبته و سالى بتحبه بس مفيش حد عارف و هوا بيحب برده ياسمينا عشان يبقى مشهور و ( جميى نيوترون ) بيحب ساندى و ( هيا آرنولد ) آرنولد بيحب روز و هيلجا بتحبه بس بصدق :d و .. الخ دى حتى المسلسلات الاجنبية اللى المفروض تكون طفولية بتدور حوالين نفس الفكرة السيئة لدرجة انى حلفت انى مش هاتابعها لانى حسيت بالذنب جامد لان كدا مفيش فرق بينى و بين اللى بيتابع مسلسلات عربية . بجد انا زهقت !! اي دا ؟؟ هى دى الكارتونات اللى اخواتى بيسماعوها عشان نتربى على الاخلاق و نكبرش على المسلسلات ( نظرية بابا ) :romarioxp6: انا بجد مش عارفة اتفرج على ايه مفيش غير كونان و الله :( يعنى دلوقتى مسلسلات فى كل مكان و على كل قناة .. افلام فى كل حتى .. و دلوقتى كارتون مش كويس بيعلمـ الاطفال الصفات الوحشة . دلوقتى المفيد ف التلفزيون هو الحاجات دى اخبار + دين + ثقافة = تليفزيون دا انا من كتر انى زهقت من الكارتون عملت المعجزة و اتفرجت على برنامج علمى حتى بابا و هوا معدى من الاودة بص عليا و كأنه بيقول ( هى دى نور بنتى و لا كائن فضائى حبسها و اتنكر ف زييها :d ) شوفتو حتى التفكير طفولى . و الله بجد انا حاسة ان عقلى باظ من الكارتون بقيت بفكر تفكير طفولى جداااااااااا دلوقتى انا عايزة آخد رأيكوا : الكارتون ف رأيكوا كويس و لا مش كويس ! و دلوقتى احنا نعمل ايه عشان عقول الاطفال ما تبوظش من الكلامـ الفاضى اللى بيتكلموا عنه دا ! NouR |
الكرتون يصيب الاطفال بالعته والعصبيه وسوء التقدير
|
افلام الكارتون !! ده الكارتون بيأثر ع الاطفال بشكل رهيب ف مرة كنت بسأل ابن اختى انت نفسك تطلع ايه وفجأة يقولى انا نفسى اسيطر على العالم:d ومع الضحكة الشريرة نياهاهاهاها انا بصراحة متوقتعش منه كده:o لكن ده اكيد تاثير كارتون بينكى وبرين مع انه عمره ميتعداش 3 سنين لكن اتأثر بالكرتون:006et4: |
الضرر من الكارتون على الاطفال:006et4: و لكن الكبار عادى يعنى:).
اول مرة ان اعرف ان جميى نيوترون بيحب ساندى :dده بيكرهه وعلى طول بينهم مشاكل انتى مش فهمه جيمى كويس:p |
إبقى إقترحي عليهم يرجعوا جريندايزر و مازنجر تاني
بصراحة أحلى قناة بحب أتفرج عليها أوي هي قناة ( ناشيونال جيوجرافيك أبو ظبي ) و . . . . . . . . . . . . توم و جيري و تيمون و بومبة |
اقتباس:
شكراً للمرور الكريمـ ^_^ |
اقتباس:
هههههههههههههههههههههههههههههههههههههههههههههههههه ههههههههههههههههههه هههههههههههههههه لا يا شيخة الكارتون دا حاجة فظيعة بجد شكراً ع المرور الجميل يا فرح تسلمى ^_^ |
اقتباس:
و الله انا حاسة انى اضريت جامد حاسة انى طفلة كدا تفكيرى مش واحدة كبيرة ابداا :( |
اقتباس:
ااه و الله اجمل قناه انا بتفرج عليها مع بابا و اخويا و بستفيد منها جداا و طبعاً تيمون و بمبة و توم و جيرى دول عشرة عمر :006et4: شكراً لمرور حضرتكـ الكريمـ |
نونو يا نونو أولاً موضوع جميل أوى بغض النظر عن الكارتون يعنى لانى مش بتفرج على كارتون أصلاً ولا عمرى شفته بس وانا صغيره خالص كانوا فى المسجد يقولوا لنا مش تتفرجوا على الكارتون علشان الاجانب والغرب عملينه للمسلمين على يتعودا عليه لحد ما يكبروا ولما يكبروا مش يفكروا فى حاجه غير الكارتون وتبقى هى دى عقول شباب المسلمين وبدل ما يفكروا فى القدس الاسير يفكروا فى الناس اللى انا مش عارفهم دول يلا بقى ربنا يعديكم وبعدين اتفرجوا على مسلسل تركى أحسن اهو تكونوا فهمين شويه:d والله يا نور الواحد ممكن يعيش من غير كارتون ومن غير مهند وتاموره برضه . الف شكر ياقمر |
ههههه موضوع تحفه ..انا عمرى ما اتفرجت على كرتون حتى و انا طفله لما ضيوف اطفال يجيوا و يطلبوا كرتون كنت برفض ..
بس انا بحب افلم الكرتون الى يبقى عباره عن فيلم و بالعاميه و قصه و كدا يعنى زى بكوهانتس و اطلنطس الى عمله احمد السقا و الاسد الملك و تيمون و بومبه ..الحاجات ديه كنت بتفرج عليها و انا صغيره و برده و انا كبيره عشان بحس انها ليها قصه و مسلى و بيكون فيلم لكن فى البيت عندنا من و انا طفله صغيره و بيفرجونى على افلام عربي و اجنبي عادى و مسلسلات طبعا افلام محترمه و ليها قصه و هدف و ده ساعدنى ان مخى كبر شويه عكس ولاد خالتى الى عندهم 17 سنه و بيتفرجوا على دامو مستحيل و مخهم رايح فى داهيه خالص انا كمان اخويا حاليا بيتفرج على نيكلودين بس مش دايما احيانا عشان ماما بتحاول تمنعه عشاان فى دكتور قال انه كرتون الى زى ده كتير بيأثر على نمو المخ يعنى محمد عنده 7 سنين و بيتفرج على كرتون احيانا و بيتفرج كمان على افلام و بيتفرج على نور و مهند والله و السنه الى فاتت كان متابع سنوات الضياع ( لميس و يحيى ) كان بيستنى المسلسل بالمعاد و لما انا مش بشوفه كنت بسأل اخويا ايه الى حصل فى مسلسل و هو يحكى لى موضوع رائع يا نور .. انا بقى حاليا مش بقيت اتفرج على تليفزيون كتير يعنى النت فيه تليفزيون و كل حاجه |
اقتباس:
ههههههههههه الموضوع تحفة يا نور بس انا واقعيا لاحظت حاجات تانى على نيكولوديون ان اعلاناتها باردة جدا ومستفزة جدا وبتعصبنى يعنى اى يعنى نكلوديون شبهى ولا اسمك اى نكلوديون عنوانك نكلوديون سنك نكلوديون .. ما تعرف نيكلوديون؟؟ واد مستفز اى العك اللى انا بقوله دة :d ندخل فى الموضوع انا واقعيا الملحوظة الاولى اللى لاحظتها على الكارتونات كلها انها لازم يبقى فيها آلى يعنى المراهقة والكترو بوى وحتى فان بوى وتشمشم فيهم رجل الثلج الآلى وساخن لافا أما بالنسبة لمراهقين فدى الملحوظة التانية لكن رغم انهم بيجيبو مراهقين مش بيجيبوا حاجة تخص كدة يعنى بتبقى عبارة عن فتاة ليها كل يوم مغامرة ولاتانيين كدة بردو يعنى مش عارفة هم مهتمين بالمرحلة لى .. يمكن عشان احنا المراهقين نتميز بخفة الدم والشخصية الممتعة :d هههههههه على لعموم اعتقد انك مش تضايقى نفسك اوى يعنى خلاص شوفى سبونج بوب ههههه مش مراهق بس ساندى مراهقة وعلى فكرة بقى كونان بيحب ران :d هههههههههه شكرا على التوبيك يا نور جزاكِ الله كل خير |
انتى كلامك صحيح فعلا ، بس نعمل ايه يا ربى ، دا بنتى ... لم أنا بحثت القنوات على الريسيفر ، مجتشى نيكولوديون بنتى لفت عند صاحباتها علشان تعرف التردد بتاعها... و قال ايه منعها من مشاهدة الأفلام و المسلسلات العربى و الأجنبى علشان الخلاعة و قلة الأدب.... يا رب سترك.
|
اقتباس:
احنا ممكن نستفيد من التليفزيزن بحاجات مفيدة اكتر زى ما انا قولت اخبار + دين + ثقافة = تليفزيون دى المعادلة اللى المفروض نعملها و على موضوع المسجد دا بصراحة الله اعلمـ اصل في مسلسلات كارتون مصرية و في يابانية و فى حاجات كتيرة مش اوروبية بسس شكراً لمروركـ يا حبيبة قلبى بس ايه حكاية نونو دى :d دلع نور و لا نونو اللى هوا بيبى اعترفى :d |
اقتباس:
الكلامـ اللى بالبمبا دا بصراحة مش موافقاكـِ فيه ، لان انتى من و انتى صغيرة متعودة على سماع الافلام و المسلسلات اومال لما تكبرى هاتعملى ايه !! هوا المفروض ان احنا نخلى الاطفال بتفرجوا على حاجة كويسة عشان يكبروا متعلمين الادب و الاخلاق الحميدة شوية مش عشان مخهمـ يكبر ( دى نظريتى و اختلاف الرأى لا يفسد للود قضية :) ) لكن بجد لازمـ تخلى اخوكـِ يبعد عن نيكلوديون دى احسن مخه يتضمر ع الاخر شكراً لمروركـ حبيبتى :) |
اقتباس:
كونان محترمـ و ابن ناس و خطب ران يعنى يحبها زى ما هوا عايز مش خطيبته .. الله .. :d ما علينا .. ااه و الله يا بنتى دايماً آلى آلى لغاية ما زهقت منهمـ بس فعلاً احسنهمـ سبونج بوب شكراً لرأيكـ يا الاء .. تسلمى يا حبيبتى :) |
اقتباس:
و الله ربنا يعين حضرتكـ .. انا من رأيى لازمـ حضرتكـ تعودها على سماع mbc3 او سبيس تون او الجزيرة تشلدرين دول قنوات محترمة جدااااااا على فكرة و بكدا نكون اتخطينا المشكلة دى الف شكر لحضرتكـ على ابدا رايكـ شكراً للمرور الكريمـ :) |
ههههههههههههههههههههههههههههههههههههههههههههههههه
الله موضوعك جميل جدا جدا يا نور وفعلا كل كلامك صح وانا كمان والله زهقت من الحلقات وحفظتها فعلا واانا مش بقيت بقعد ع التيلفزيون اصلا طول الوقت ع النت احسن لاني عارفة اني مش هلاقي حاجة اتفرج عليها |
انا اقولك انا
بصراحه انا لا بحب افلام ولا مسلسلات ولا كارتون سواء عربى او اجنبى بس انا بموووووووووووت فى البرامج وخاصة لو برامج مسابقات وعلى فكره فى قنوات اطفال بتيجى عليها حاجات حلوه برده يعنى انا زمان كنت بسمع برنامج اسمه سفارى على قناة mbc3 الجزيرة للأطفال بتجيب برامج حلوة برده زى الدرب / وكانت بتجيب برنامج شبه ارض الخوف كدا بس للصغار وحاليا كل ما اقعد قدام التلفزيون مكملش ساعه بكتيره واقوم افتح الكمبيوتر بس برده انا بحب ناشونال جيوجرافيك وقناة فور شباب وقناة الشباب و بس شكلى هتجه للكرتون هههههههههههههههه يعنى حابه اسمع منه حلقة ولا اتنين يعنى اريح عينى شويه من الكمبيوتر |
اقتباس:
ده أنا أختى فى خامسه ابتدائى لو شفتها بتتفرج على كارتون بتريق عليها وإيه " نيكلوديون " دى ؟ هو الواحد طول فى غيبوبة الثانوية ولا إيه :wacko: أنا اخر قناة كارتون اسمع عنها كانت mbc 3 . وغالبا الكارتون اللى كان بيجى عليها يجيب تخلف وغباء للأطفال هو أفلام الكارتون فى حد ذاتها مش وحشه ممكن تكون حلوه أوى ومفيده للأطفال لو تبقى هادفه ومتفقه مع عقلية الأطفال زى " عالم سمسم " و " بوجى وطمطم " مش طول الكارتون ناس بتطير وأسد برتقالى وتمساح أحمر |
هههههههههههههههههههههههههههههه
انا معرفش اى حاجه من الى انتى قولتيهم ولا حتى ساندى ايه الاسماء ديه؟ انا مش بحب الكرتون خالص يمكن بحب كرتون سالى ...اتفرجت ع حلقه 1 بس ههههههه من رايى مش كله وحش فى كارتون كويس زى .امممممممم ممكن سالى اصل معرفش غيره و بوجى وطمم وكده ...اه انا بحب توم وجيرى:o بس فى برامج حلووووه كتتييير ممكن نستفيد منهااا الى عايز حاجه بيدور عليها ويستفيد منها ;) |
|
اقتباس:
بس على فكرة انتى ناقشتى موضوع مهم بالنسبة ان الكارتون بيكون عقلية الطفل ولازم الاباء ياخدو بالهم من اطفالهم بيشوفوا اى |
اقتباس:
و طبعا النت لا غنى عنه نورتِ يا حبيبتى الموضوع .. تسملى :022yb4: |
اقتباس:
انتِ كدا تفكيركـ حلو اوى و خليكـِ ثابتة عليه .. لان البرامج دى اجمل حاجة كنت زمان بسمع عيش سفارى و لغاية دلوقتى انا بسمع الدرب جميل اوى تسلمى يا قمرر على رأيكـ الصح بس اوعى تتجهى للكارتون نصيحة اخوية ;) شكراً لرايكـ يا حبيبتى :) |
اقتباس:
انتِ قديمة اوى يا مروة اخركـ mbc3 ؟؟ دى ظهرت نيكلوديون و كارتون اراب و سمسم و الله يا بنتى انا مش عارفة هوا مفيد و لا مش مفيد دا انا مرة سالت ابن عمتى حاجة عن اخوه راح ردلى ( إنه حقاً ولدٌ ابله لا تستمعى له ! :d ) تخيلى واحد لسة ف تالتة ابتدائى و اتكلم باللغة العربية كدا و عندك حق مفيش احلى من عالم سمسم و بوجى و طمطم و الله تسملى يا حبيبتى على رايكـ الجميل .. نورتِ :) |
اقتباس:
بجد مؤثر جدااا بطريقة ما تتصوريهاش ابدااا و قصته واقعية و مأساه طفله بريئة حتى اغنيته مؤثرة ( انا قصة انسان انا جرح الزمان انا سالى سالى :( ) و فعلا احنا ممكن ندور على حاجات مفيدة كتير بس دا للى عايز يستفيد من وقته :d تسلمى يا قمرر على رأيكـ السليمـ :) |
اقتباس:
كونان ياااااااااه نفسى اشوفه بسمع عنه بس :(:angry2::angry2::angry2: للاسف حد يقولى بيجى امته موضوع جميل انا بحب الكارتون جدا وبحب مارتن والجاسوسات هههههههههههههه |
اقتباس:
شكرا لمرور حضرتكـ :) |
اقتباس:
هههههههههههههههههههههههه كلامك بجد صح جدا وانا بكره الغباء ده وجو الحاجات الى بتطير دى :d:d:d:d:d |
اقتباس:
انا دلوقتى هاكتب شوية حلول من عندى لحل المشكلة دى نورتِ تانى يا الاء :) |
السلامـ عليكمـ انا فكرت لحل لمشكلتنا دى و لقيت ان الحل ف ايد الآباء و الامهات لانهمـ المسؤولين عن الموضوع دا فلازمـ اول حاجة يحزفوا نيكلوديون او اى قناة مسلسلات او افلامـ تانية على التليفزيون عشان حتى مايفكروش بتفرجوا عليها تانى حاجة لازمـ يعودوهمـ على انهمـ يسمعوا برامج الاطفال المفيدة زى الدرب او عيش سفارى او برنامج رحلة مع عمو حسن او السيد بارع او .. الخ في حاجات كتيرة اوى مفيدة لازمـ يتعودوا انهمـ يسمعوها و طبعاً ما اوصيكومش ع القنوات الحلوة الكتيرة زى mbc3 او سبيس تون او الجزيرة تشيلدرن او سبيس باور فيهمـ حاجات مفيدة جداا و بتنمى ثقافتهمـ زى البرامج الثقافية اللى على الجزيرة تشلدرين فدا هايخليهمـ بعاد عن نيكلوديون او اى قناة مسلسلات او افلامـ تانية و اذا كان عندكوا اى حلول تانية ياريت تكتبوها . |
والله انا ما بتفرجش علي تلفزيون خالص
من اول ما خدت الاجازة وانا قعدة علي روايات ماوراء الطبيعة او نايمة او بزعق في بنات خالتي واخواتي |
ياخبر ابيض
كااااااااااارتووووون لا مش معقول ده انا غلبت من اول السنة مع اخويا اللى بيتفرج عليه ده انا حاسة انه جاله تخلف اكتر من اللى عنده هههههههههههههههه والحمد لله حليت المشكلة ولغيت له قنوات الكارتون كلها ونزلته يلعب ف الشارع ههههههههههههه بس كونان شغاال يعنى ابقى اتفرجى عليه:d:d |
اقتباس:
نورتِ يا قمرر |
اقتباس:
كونان حالياً بييجى الجزء السابع على سبيس باور يوم الاحد و اللاثاء الساعة 7 و بيعاد الساعة 10 اى خدمة :078111rg3: نورتِ يا قمررر مرة تانية :) |
اقتباس:
استرى يا قمرر على القراءة و هاتزيدى ثقافتك باذن الله :) نورتِ ^_^ |
اقتباس:
و هوا لما يلعب ف االشارع احسن من انه يتفرج ع الكارتون :d ايوة طبعاً ما انا بتفرج عليه دايماً :blush: بس انا من رأييى اخوكى تخليه يتفرج على حاجات مفيدة احسن من انه ينزل ف الشارع و يلعب تسلمى يا قمرر على المرور .. نورتِ :) |
هههههههههههههههههه شكرا يا نور
هههههههه الناس اللى بتمر هنا بتضحكنى اووى :d |
لما كنت صغير
كان عندى تلفيزيون = أتارى بس ما كنتش بحب ماريو أبدًا عشان محدش يقولى ماريو ههه الكارتون الحلو دلوقت صعب تلاقيه و أفضل قناة كرتون حاليًا هى سبيس تون لأنها عملت المعادلة الصعبة بجد ( طفل - عربى - مسلم ) يعنى مثلاً مش هتجيب أى مشاهد توحى للطفل بأذى نفسه و بلاش توضيح أو هتجيب فكرة الحادية أو شتايم أو أو أو و القناة بتقفل بالليل حتى مش عارف قناة تجبرك تحترمها فى حين قنوات كتير مش بتراعى الموضوع ده و بلاش أقول كلها كان فيه فترة كده زمان كان الكارتون ده ليه شنة و رنة و كانت كارتين حلوة جدًا الحجات ده شبه مستحيل تيجى دلوقت على التلفيزيون سالى - مخلص صديق الحيوان - كعبول ( ده حديث شوية ) - السندباد ( مش المصرى و ده برده حديث شوية ) و فيه كاتونز كتير للى يدور على النت هههههههههه الواحد بقى عيل و لا ايه تحياتى ،،،،،،، |
انا كنت حابة ارد عالموضوع لكن فيه حاجات كتير مافهمتهاش لاني ماعرفهاش :d اخري كان سبيس تون و mbc3 وتوينز او حاجة زي كدا مش فاكرة لكن وجهة نظري ان كل حاجة لازم تكون باتزان لأن ال بيزيد عن حده بينقلب ضده .. اشوف بس يبقى الاهل متابعين ويكون فأوقات محددة والبرامج تتنوع .. انا كنت بحب افلام الكرتون واناصغيرة تابعت سالي وليدي ليدي ( روووعة اوي الكرتون دا ) شوفت صاحب الظل الطويل جميل بردو اوي يوجي يو دا انا كنت مدمنااه بصراحة .. وكونان طبعا وتابعت الجاسوسات كمان .. بالنسبة للحلول اعتقد انا ادرجت شبه حل فوق ان بجانب المشاهدة وال تكون محددة لازم متابعة وتنويع لنوعية البرامج ال الطفل بيشوفها .. وانا مش شايفة للكرتون ككرتون ضرر لأن احنا معظمنا اتربى مع الحاجات دي .. لكن الضرر بينتج ان الام تسيب طفلها قدام اي حاجة تلهيه المهم يبطل يزهقها ويزن عليها :d فبالتالي عالم الطفل كلو بينحصر عالكرتون وهكذا .. وفالنهاية مرسي عالموضوع الجميل .. |
اقتباس:
وعلى فكرة اتفق مع حضرتك فى اللى قلته بالنسبة لقناة سبيس تون لكن بجد قناة نيكلوديون دى مش بتراعى حاجات اخلاقية كتير |
اقتباس:
تسلمى يا الاء .. نورتِ :) |
اقتباس:
هههههههههههههه لالا و لا عيل و لا حاجة .. دا بالعكس كلامـ حضرتكـ جميل جداً و فعلاً سبيستون عملت المعادلة الجميلة اللى حضرتكـ قولتها و كلامـ حضرتكـ سليمـ جداً .. شكراً لمرور حضرتكـ الجميل :) |
اقتباس:
كلامكـ صح و انا فعلاً سمعت سالى و صاحب الظل الطويل و كانوا تحففففة لكن يوجى يو نفسى اعرف ايه فايدته الكارتون دا :d و عندكـ حق ف كلامكـ يا نقاء و كلامكـ حلو اوى .. تسلمى نورتِ يا قمرر :) |
اقتباس:
اااااه و الله فى حاجات كتيرة اوى لاحظتها على نيكلوديون مش كويسة خالص و خصوصاً ف المسلسلات الاجنبية اللى بتيجى عليها .. و الله الحاجة الوحيدة اللى استفدتها من نيكلوديون هى انى اتعلمت لغة الاجانب جداً من الافلامـ اللى حفظتها صمـ :d |
| جميع الأوقات بتوقيت GMT +2. الساعة الآن 11:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.