|
حلوا يا حلوا مسلسل جديد يا حلو !!
السلام عليكم ورحمة الله وبركاته صباحكم ومساكم عسل نحل مخلوط بعسل السدر الجبلى مرشوش عليه عسل اسود طبيعى:d كل سنة وانتم طيبين جميعا وفاضل شهر على رمضان ياترى هتصوموا ولا زى كل سنة:d اللى خلانى اكتب الموضوع ده هو انى بقيت اشوف كتيير اعلانات المسلسلات اللى هتتذاع فى شهر رمضان الكريم وكأنه بقا شهر المسلسلات مش شهر اللى نزل فيه القرءان وليله القدر اللى بينتظرها الناس شهر الصيام والتقرب الى الله وفجأة!! اصبح الناس بيسموه شهر المسلسلات كان زمان بيسموه شهر الفوازير ولكن الظاهر ان المسلسلات انتصرت على الفوازير اخير بعد العديد من الصراعات والمعارك ذات سفك الدماء:d كمية مسلسلات لا تعد ولا تحصى 24 ساعة فى 25 ساعة مسلسلات ومسلسلات كوميدى ومسلسلات دراما ومسلسلات اكشن ومسلسلات فى مسلسلات !!:o زمان كان بيتذاع قرءان الكريم وبعده ادان الفجر دلوقتى تلاقو اثناء عرض المسلسل حان الان موعد ادان الفجر ماهى مسلسلات تتذاع فى اى وقت فجر وصبح وعشا:blush: ومفيش استراحة كله اعلانااااات ومسلسلات تلاقى ليها نسبة مشاهدات عالية وفيهم فنانين بيتنططوا زى القرود:d فنانين بيقولوا اى كلام فاضى واى هبل على حبة عبط وتخلف والناس تتضحك وتنبسط:blush: ولابرامج الكاميرا الخفية اللى بتتذاع !! كاميرا خفية بيشتغلوا الناس ويضحكوا عليهم بيعملوا فيها حبة تريقة على حبة عبط وفى الاخر يقولك الضحية اللى هو اصلا معاهم وقابض 50 جنيه عشان يعمل فيها ضحية:bosyht9: برامج مقالب كتيرة واشتغالات فينانين اه الفنانين بيبقوا غالبا متفقين معاهم او اصلا الفنانين فاهمين وحدهم ان البرامج مقالب بس بيعملوا اغبيا عشان ميخسروش قيمة الحلقة اوقات الغباء بيكسب برضو:d وبرامج الحوارات مع الفنانين والفنانات العظماء:av4056bb7jp3: ويستضيفوا فنان متخلف وصايع ويسئلوه عن كفاحة وعن طفولته المتشردة وازاى صنع نفسه ووصل للنجومية وازاى قدر يكسب حب الحمار ويغنيله:d ونفس الفنان فى برنامج تانى يسئلوه نفس الاسئلة وتالت ورابع وخامس وعاشر وفى جميع البرامج وكانه بيعمل كعب داير فى الاقسام:d والناس مش كلها بتتفرج ومدحش هيلاحظ ان الفنان استضافوه فى كل البرامج واهو كل برنامج مدته 10 دقايق وساعتين وتلت اعلانات:d وشوية مسلسلات عرى لزوم جذب الانتباه والصحافة تتكلم عن الفنانة الفلانية اللى مش لاقية حاجة تسترها فى المسلسل:bosyht9: والناس تستنى المسلسل عشان يشوفوا بعنيهم وعشان لزوم سبك الطبخ:d وشعار كل قناة المسلسل الحصرى على ....:d وطبعا القنوات كلها عندها نفس المسلسلات ويمكن اكتر كمان:d وبرامج الطبخ بقا دى موال تانى خالص عاوزينها تبقى قبل الفطار وطبعا كلها اكلات غريبة وغير مقبولة وبونوا بونو يا مدام وركزوا اوى معايا فى الجملة دى:d وعبيط حول العالم:d تبرع ولو برساله وقولنا ورشحلنا مكان نصور فيه البرنامج وبرنامج 100 مسا بتاع ميس حمدان اللى بتطلع لابسة فيه لبس راقصة:d وشخلعنى دلعنى ميعنى وضيعنى وصيعنى:d وبرنامج الشيخة ايناس الدغيدى بذمتكم هيبقى فيه طعم رمضان من غيرها يتعملها برنامج الجريئة وتفضل طول البرنامج ترقع بالصوت:006et4: رمضان كريم الصمت الحزين |
رائئئئئئئئئئع جدااااااااااااااا
|
لا تعليق ...انا مصدوووووووووووووووووووووووووووووووومة
|
اقتباس:
اقتباس:
كنت اتمنى اسمع تعليقك واحنا فى بلد ديمويقراطى من حق كل واحد يقول رايه:d وشكرا لمرورك الكريم |
للاسف عندك حق فى كل كلمة:angry: شكرا على الموضوع جميل:d |
للأسف عندك حق شهر رمضان بقى شهر المسلسلات لأ وتلاقى المسلسل بيتعاد خمس ست مرات فى اليوم عشان اللى ملحقش يحفظ كويس أو اللى فاته لقطه ولا حاجه واللى ينرفز تلاقى كل قناه كاتبه على المسلسل ( حصرى ) وكل ما تقلبى على قناه تلاقيه شغال :d بس المشكله ان فيه ناس كتير هى اللى بتشجع على التفاهات دى لأن الفنانين دول لو مش لاقيين اللى مشجعهم وبيتفرج عليهم هيقعدوا فى بيوتهم ..... ربنا يهدينا ويهدى الكل ويبلغنا رمضان على خير ميرسى على التوبيك |
ههههههههههههههههههههه ايوه ضحكتينى ايوا عارفاه بتاع بونو بونو ده فعلا عندك حق والله مش عارفة ايه علاقة رمضان بالمسلسلات سبحان الله وبعديه يجى براميل زبدة وسمنة وزيت كل حاجة كدهننة :)
|
حكاية مش جديدة يا فرح . كل سنة بتحصل الحكاية دي حتي قبل ما انتي تتولدي :d
أصل انتي مش عافة أصل الحكاية دي ايه ولا هي منتشرة في نسبة المشاهدة الكبيرة جداً ليه . زمااااااااااااااان لما كنا في سنكم , كان التليفزيون المصري فقط هو اللي شغال ( قناتين فقط ) وكل قناة بتذيع مسلسل عربي واحد في اليوم ( القناة الأولي مسلسل جديد بايخ جداً , والقناة التانية مسلسل معاد وأكيد بردوا بايخ جداً :( ) فكان شهر رمضان بالنسبة للشعب المصري حاجة مختلفة في كل شيء . سواء مظاهر هذا الشهر المبارك ( فوانيس رمضان مع الأطفال - الفوانيس اللي بالشمعة - أو الفوانيس المعلقة امام كل بيت والزينة التي كنا نصنعها بأيدينا , والكنافة والقطايف والبلح والياميش , ودول مكنش الواحد يشوفهم غير في رمضان فقط ) وبالنهار مكنش فيه مسلسلات في التليفزيون خالص ( فقط برامج منوعة وفوازير عمو فؤاد :d ) لكن بعد الافطار , تبدأ المعمعة الكبري ( في الوقت دا كانت كبري ) فوازير نيلي ( أو سمير غانم أو شيريهان ) وبعد كدا مسلسلات علي القناتين ( كلها جديدة لانج :o ) وتفضل المسلسلات دي شغالة لحد قرأن الفجر . والناس كانت مرتبطة بالمسلسلات دي كتير جداً . تخيلي انتي بقي لما الناس فجأة تلاقي عندها أكتر من 15 قناة فضائية وكل قناة فيهم بتذيع 5 مسلسلات أو أكتر وكلهم جديدة لانج ( صحيح كلهم تقريباً بلا هدف مفيد ومعمولين علشان الاعلانات فقط , لكن الناس اتعودت وخلاص ) اما البرامج , فكان زمان البرامج المشهورة هي برنامج الجائزة الكبري ( لطارق حبيب ) وكان برنامج هادف وناجح جداً , وكذلك برنامج حمار سريع جداً جداً ( قصدي حوار صريح جداً جداً ) وبردوا كان برنامج ناجح جداً . ولما الناس ارتبطت بهذه البرامج الناجحة , العدوي بتنتشر بسرعة البرق . فأصبحت كل قناة لها برامج ( مش مهم خالص تكون هادفة , المهم انها تجيب اعلانات وبس ) بقولك ايه يا فرح . انا كتبت أكتر من موضوعك نفسه ;) كفاية كدا . بلاش تتفرجي علي المسلسلات ولا البرامج وريحي دماغك وخلاص . ( اتفرجي علي المسلسلات السورية التاريخية أو السورية الدينية فقط ) |
كل سنة وانتى طيبة ياقمراية ومليووون مبروك نهاية الامتحانات هنلعب بقى ونزقطط:av4056bb7jp3: اقولك ايه يافرح لسة النهاردة كنا بنتفرج عالتليفزيون وكانوا بيعلنوا عن مسلسلات رمضان قاعدين قبلها باكتر من شهر يعلنوا عن المسلسلات طبعا علشان كل واحد يختار المسلسل اللى هيتابعه فى رمضان:angry2: بدل ما تكون نيتنا هى التقرب الى الله فى هذ الشهر الرائع والاستعداد له بهمة عالية يقعدوا يعلنوا عن المسلسلات علشان يشغلوا عقول الناس:bosyht9: والله يابنتى انا افتكر زمان(ما انا عايشة من زمان:d) كان هو مسلسل او اتنين عالقناة الاولى بعد الصلاة ومكنش فيه اعلانات دلوقتى تلاقى مسلسلات اشكال والوان وبرامج منتهى التخلف حتى فيه قناة اسمها القاهرة اليوم دى بقى بتفتح فى رمضان بس مهمتها هى فضح الفنانين ونشر البلاوى بتاعتهم لا وكاتبين عليها مغلق لرمضان:angry2::angry2: وكأنه بقى شهر للفضايح (استغفر الله العظيم) دا انا افتكر السنة اللى فاتت كنت متابعة برنامج (مدرسة الحب) للاستاذ مصطفى حسنى وكان وقت البرنامج دا مسلسل عايزة اتجوز وما ادراكى من عايزة اتجوز اخواتى كانوا بيتعاركوا معايا علشان عايزين يتفرجوا عليه مع انه كان بيتعاد تانى بس ازاى لازم يتفرجوا عليه طازة:blush: السنة دى لو عملوا معايا كدا هفجرهم:stickjo4::stickjo4: .... ربنا يبلغنا رمضان ويااارب السنة دى نكون اكتر قرب من ربنا معلش فرح طولت عليكى اصل الموضوع تحفة بصراحة تقبلى مرورى |
بيفكرنى بالاعلان بتاع مؤمن .. رمضان مش شهر البركات ...رمضان شهر المسلسلات :D
لا و بتاع ميس حمدان اللى بتقولى عليه ده .. انا مرة بقلب فى التليفزيون .. شفتها بترقص و مش عارف (( قلت عييب طبعاً و قلبت xD )) سيبك من الرقص و الكلام ده ... دى دمها يموت .. دى قاتلة .. مش بتضحك خالص .. و تقول حاجة و هى اللى تضحك .. دى ديماجوجية شديدة على رأى فيلم السفارة .. و لا برنامج البطل .. و لا برنامج اجمد واحد ده .. و المذيع محمد عطية اللى بيفكرنى بالديك الشركسى .. و لا بقى القنبلة الذرية بتاعت كل سنة غادة عبد الرازق و كويس انها بتيجى بعد الفطار .. دى ممكن تيجى مكان المدفع .. هتفطر رجالة مصر كلها من غير مدفع يطلعوها اول ما الاذان يأذن ع طول ...هى لوحدها قاعدة مدافع ! و خدى من ده كتير بقى .. سفاهة و تفاهة و قلة ادب و اسفاف ... بالفعل .. انا اخر مرة حسيت انى فى رمضان .. كانت سنة 99 .. بعديها و بعد ما انتقلت من المنصورة الى القاهرة .. مفيش رمضان ده شهر عادى ! |
موضوع جميل يافرحتى ، طبعاً الاول كل سنه وانتى الى الله اقرب ياقمر مسلسل ! مسلسلات ! دى منوعات يا ماما دول بيستنوا رمضان مخصوص علشان يكسبوا اللى يغيظك بقى انك تفتحى التلفازيون الرسمى وتشوفيه بيقول لك " مافيش حاجه حصرى كله على التلفازيون المصرى " حتى التلفازيون المصرى بقى يجيب مسلسلات اااااااااااه عشنا وشفنا يا جدعنا ، الفكره ان كل سنه عدد المسلسلان بتزيد عن السنه اللى قبلها وكلهم نفس الفكره واللى فكرته مختلفه بيبقى فكرته غريبه ومش تنفع فكره مسلسل أصلاً ، هما دول المصريين يموتوا فى يسرا و الفخرانى ومى وتاموره ، الا صحيح مش تامر عمل مسلسل ، يلا هى جت عليه ماهى بقت فوضى بقى ، بجد حاجه تخنق مش المفروض اننا نتفرج على برامج دينه ، طيب لما هما بيحبوا التمثيل اوى كده يعملوا حاجه دينه او حاجه فيها موعظه اى حاجه مفيده ، بصى بقى يافرح الموضوع ده مش حينتهى بالعكس حيزيد جداً عموما ربنا معانا ويرحمنا بقى من المهم ده الف شكر ياقمر وكل عام وانتى الى الله اقرب |
فعلا رمضان على الابواب وهيتكرر نفس السناريو ..
اصل رمضان دلوقتى بقا مــــــــــــوسم الفنانين .. كل سنة وانتى طيبة حبيبتى .. موضوع جميل .. |
مشكورة لحضراتكم على مروركم وان شاالله ليا عودة تانى للرد على تعليقاتكم |
|
اقتباس:
بس يارب الناس تستجيب واننا منتابعش الحاجات دى وربنا يهدى المسلمين شكرا لمرورك اقتباس:
الناس بقت بدل ماتستنى شهر رمضان اللى بتقرب فيه اكتر من ربنا بقت تستناه عشان تشوف اجدد واحدث المسلسلات والبرامج الجديدة وهو ده اللى مشجعهم على انهم ينتجوا مسلسلات وبرامج كتيرة واهم حاجة يكون اننا مش بنقول اى كلام فى الهوا ويكون فى تنفيذ ونشوف كام واحد مش هيتابع وده الاهم من اى تعليقات شكر وربنا يهدى المسلمين جميعا وشكرا لمرورك :) |
اقتباس:
علاقة رمضان بالمسلسلات !! اكيد زى علاقة المسلسلات ببراميل الزبدة والزيت والسمنة وكل الدهننة:d شكرا لمرورك :) |
والله عندك حق ف كل كلمة قولتيها
وللاسف كل ده بيعملوه عشان يضيعوا صيامنا ويشيلونا جزء من ذنوبهم ربنا ينتقم منهم بقى ويهدينااا تسلم ايدك موضوع رائع |
اقتباس:
لانى مش محتاجة ذنوب وسيئات ملهاش لزمة وشكرا على اضافتك الجميلة يا مستر ونورت يا مستر:( |
اقتباس:
طولى براحتك يا حبيبتى الموضوع موضوعك ونورتينى فى التوبيك بمرورك:) |
اقتباس:
اقتباس:
من 99 تقريبا زينا انا وحبيبة فين ايام زمان فين بوجى وطمطم وفطوطه وفوازير عمو فؤاد بجد كانت ايام جميلة مكنش فيها الحاجات المتخلفة بتاعة دلوقتى وكانت الناس بتقرا قرءان على طول وتسمع الشعراوى كل يوم شكرا لمرورك |
ههههههههههههههههههه
وحشانا مواضيعك الجميلة دى يا فرح وكلنا فى انتظار السيناريو ده فى رمضان لما نشوف هيرسى على إيه كله بونو :) |
اقتباس:
والله انا بستغرب يعنى الفنانين دول سايبين ال11 شهر وجايين على الشهر اللى الناس بتقرب فيه من ربنا اكتر وتقرا قرءان وتسبح ربنا ويعرضوا فيه السفه والغباء بتاعهم بجد ناس غبية يعنى هما بيشيلو سيئات واللى بيتفرج عليهم بيشيل بردو ربنا يهدى المسلمين جميعا شكرا لمرورك نورتى يازوزا يا قمراية :) |
أنا مع كلامك وزى ما أمجد قال استاذ غاده المفترسه اللى كل سنه تنزل لنا بقنبله لا وتحسى انها اصغر منك طبعا ً بس انا عايزه اقول ان فى برضه حاجات كويسه وحاجات هادفه يعنى مثلاً لما بينزل مسلسل بيحكى عن حاجه معينه بتفرج عليه زى مثلا " حرب الجواسيس " النوعيه دى من المسلسلات بتكون هادفه نوعاً ما يعنى وعلى فكره برضه اللى عايز يتفرج على حاجه صح ممكن بتفرج يعنى مثلاً لو فتحتى الراديو حتسمعى طول اليوم قران وحاجات دينه بلاش كده ، بو فتحتى التلفازيون حتشوفى قنوات كتير أوى بيجى فيها يومياً برامج وحلقات دينه جميله جداً انا عمرى ما أنسى برنامج الشيخ حازم شومان فى رمضان السنه اللى قبل اللى فاتت بجد كل حلقه أثرت فيا وغيرتنى تماماً وأخيراً أقول ، " فى كل مكان يوجد السئ والحسن وذلك على حسب التعامل وليس الطبيبعه " بمعنى ان التلفازيون زى ما مستر على قال كل سنه ومن زمان وهو كده بس هل كل الناس بتتفرج ؟ أكيد لا بس الفكره ان احنا عندنا الحلو والوحش بس احنا بنختار الوحش مش عارفه ليه عموما ربنا يهدينى ويهدى الجميع تحياتى،،،،،،،،،، |
اقتباس:
وناس بتتفرج نتمنى ان الناس تبطل تتفرج على الحاجات دى وتنتبه لدينها اللى غايبه عنه ربنا يهدى المسلمين جميعا وانتى طيبة يا قمراية ونورتينا بمرورك :) |
اقتباس:
|
اقتباس:
ان شاالله الناس تبطل تتفرج على الحاجات دى وربنا يهدى المسلمين جميعا وشكر لمرورك |
اقتباس:
هما يعملوا مسلسلات وبرامج تافهمة واحنا مش هنتفرج ومش هنشيل ذنوب المهم ان يكون فى ارادة اننا نقول مش هنتفرج يعنى مش هنتفرج:stickjo4: وربنا يهدى المسلمين جميعا شكرا لمرورك |
انا مش عارف الناس دي بتجيب وقت منين اصلاً ده الواحد مبيلحقش انه يعمل حاجة ويلاقي اليوم خلص في ناس بتقضي ما لايقل عن 6 ساعات قدام الحاجات دي هي بعضها مغري الصراحة وانا بتابعهم ...بس بعد رمضان :d ربنا يهدي الحال |
اصلهم مستخسرين فينا الحسنات اللى بناخدها فى الصيام والصلاة
فقالو يلا نعوضهم شكرا |
اقتباس:
لو الناس بطلت تسمعلهم هيبطلوا يعملوا كدة بجد لازم نعرف ان رمضان دة شهر عبادة جزاكِ الله خيرا |
اقتباس:
ناس وقتها فاضى مورهاش حاجة وبتتفرج ع الحاجات اللى بعضها مغرى:d يمكن انت عشان تكون مشغول لكن فى ناس تانية فاضية وكويس انك مش بتابعهم فى رمضان بلاش ذنوب احسن:d وربنا يهدى حال المسلمين شكرا لمرورك |
اقتباس:
عندك حق قالوا هما اشمعنى بياخدوا سيئات لوحدهم قالوا لازم احنا كمان نشاركهم والناس لبعضيها بردو:d ربنا يهدى حال المسلمين وشكرا لمرورك:) |
اقتباس:
نتمنى فعلا ان الناس تعرف ان رمضان ده شهر العبادة الشهر اللى بنقرب فيه من ربنا اكتر وليلة القدر اللى كل مسلم بيستناه عشان يدعى ربنا ربنا يهدى حال المسلمين جميعا ونورتينا يا لولى:) |
ههههههههههههههههههههه
ااه و الله عندكـ حق .. مش عارفة بجد الناس دى أكنهمـ بيتخانقوا مين اللى هايعمل مسلسلات أكتر و ييجوا ف معاد الخناقة الا و يكون لازمـ رمضان :d و تلاقى العجيب ان دايماً ميعاد المسلسلات ف رمضان هوا هوا ميعاد صلاة التروايح يعنى اكنهمـ بيجبرونا ان احنا مانستمتعش بلذة صلاة التراويح ف المسجد بجد شئ عجيب .. مفيش احسن من بكار و بوجى و طمطم و عالمـ سمسمـ و الله :) تسلمـ ايدكـ يا فرح ع الموضوع الجميل دا .. جزاكـِ الله خيراً :) |
اقتباس:
بكار بكار ابو كف رقيق وصغير :d بجد كانت ايام جميلة زمان ومكنش فى مسلسلات كتيرة وملهاش لزمة لكن دلوقتى مسلسلات كتيرة جدا وفى كل الاوقات مسلسلات ولو مفيش مسلسلات يبقى فى برامج غبية وملهاش لزمة بجد حاجات سيئة بيعملوها;) بدل مايجيبوا برامج دينية فى رمضان الشهر اللى الناس بتقرب فى اكتر لربنا ربنا يهدى حال المسلمين شكرا لمرورك نورتى :) |
| جميع الأوقات بتوقيت GMT +2. الساعة الآن 05:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.