|
لكل طلبة السن او اى حد عنده معلومات عن السن ممكن لجظة
السلام عليكم ورحمة الله وبركاته
انا خلصت تالتة ثانوى السنة دى وفى انتظار النتيجة ان شاء الله وقررت باذن الله انها حتى لو ممكن درجاتى تدخلنى صيدلة فانا مش هدخل لانى حابة اوى ادخل السن بس حابة اعرف ايه اكتر اللغات المطلوبة فى سوق العمل اللى لو درستها ااقدر الاقى شغل بس مكونش مدرسة انا فكرت فى الالمانى بس مش حاسة انه ليه مستقبل ياترى دة صح ولا هو لغة ممكن اشتغل بيها بسهولة؟ ولو مش مستقبل ياترى ايه اللغات المستقبل اللى ااقدر اشتغل بيها بسهولة |
انا زيك بالظبط على فكره انا بردو عاوزه ألسن ودرجاتى ان شاء الله تدخلنى طب بس بردو مش حابه طب ياريت حد يفيدنا
|
انا زيكو برده وياريت يا حماعة حد يدينا معلومات كافية عن الالسن
|
اقتباس:
اولا ربنا معاااااااااااكى يارب ومع كل اللى فى ثانويه ثانيا اللغات كلها مطلوبه بس اهم حاجه انك تتمكنى من اللغه المعروف ان قسم روسى هو اللى بيشتغل احنا عندنا طلاب بيشتغلوا من سنه تانيه بس اكترهم بيكونوا فى الغردقه وطبعا الانجلش ده مضمون انك تشتغلى بيه بس برضو لازم الاتقان فى اللغه الالمانى فى الكليه دراسته صعبه جداااااااااااااا بالذات الجرامر لو المانى يبقى هتكونى مدرسه لانى معرفش حد اشتغل بيه بصراحه انتى اختارى بس القسم اللى انتى حاباه ولو ذاكرتى كويس اكيييييييييييييد هتلاقى شغل متخافيش اهم حاجه تحبى اللغه اللى هتختاريها وبعد كده فكرى فى الشغل وربنا معاكوا يااااااااااااااااااارب^^ |
طيب يا انسة sranty انتى فى سنة كام
تانى حاجة انا كويس فى الانجلش وواخد لغة تانية فرنش وتانية ثانوى كنت ناقص فى الانجلش نص درجة وفى الفرنش درجة واحدة (تنصحينى لما خش السن ان شاء الله اخد لغات ايه ما العلم بانى احب الروسى عموما مع انى معرفش فيهحاجة خااااااااااالص) وشكرا |
اقتباس:
الانجلش بياخدوا حاجات كتير لانكم المفروض بتكونوا متدربين عليه من بدرى انما اللغات التانيه بيبداوا فيها من الصفر بس طالما انت حابب اللغه يبقى ادخلها وانت هتعرف تكمل فيها ان شاء الله وانجلش كان واخد من 46 من درجه الانجلش يعنى لو عايز ممكن تدخله ان شاء الله الاقسام هى انجلش اسبانى << لغه الشعب كله بياخد اسبانى لانه قريب جدا من الانجلش ايطالى << حلو بس الدكاترة صعبين اوى المانى << كلهم بيشتكوا منه صينى كورى يابانى عربى << لا تركى روسى << شغل مضمون تشيكى << اول خمسه بياخدوا منحه ويسافروا التشيك عبرى << تتاخد امن دوله علطول دا اذا امن الدوله رجع حاول تسمع حبه كلمات من اللغات دى وشوف اللغه اللى انت بتحب تتكلم بيها مقدرش انصحك بحاجه معينه لانك لو طبعا ذاكرت هتقدر تتغلب على المصاعب دى كلها الروسى حلو وحروفه ملخبطه عن الانجلش يعنى حرف ال p عندهم بيقولوا عليه h باين بس هتتعود طبعاااااااااا كل اللغات دى حسب تنسيق الجامعه انما انت هتاخد لغه تانيه جنب اللغه الاساسيه اللى انت هتختارها المعظم بياخد انجلش قليل اوى اللى بيختار لغه تانيه غير الانجلش اللغه الاولى اللى انت بتاخدها بتكون متقسمه الى مقال ومطالعات استماع ومحادثه جرامر تاريخ ادب نصوص فانا مقدرش بجد انصحك لانك حسب انت لان ممكن تحب لغه عن لغه تانيه |
1)طيب فى الالسن بيخلوك متخصص فى اللغتين اللى انا واخدهم
2)هو انا لازم ادرس عربى وهل دراسته صعبة<يعنى بيخشو فى الغويط 3)انا ملاحظ ان انتى مكلمتيش عن الفرنش وشكرا ليكى جدا يا sranty 4)المنحة الدراسية بتقبى لمين والبعثات للخارج بتقبى لمين 5) سؤال اهم من اللى فات دى كله(لو اخذت كرسات بره ممكن اتقن لغه معينة فى اد ايه)مهم مهم مهم 6) انا كنت عامل حسابى اخش حربية(قسم صاعقة) السنادى لكن النصيب مفيش ادامى غير الالسن والا انتحر بقى واريح نفسى شكرااااااااااااااااااااااااااااااااااااااااااااااا اااااااااااااا يا sranty وارجو الرد وربنا يوفقك علشان انتى الوحيدة اللى بتعبرينا |
طب ممكن توضيح المدينة الجامعية أقدم عليها امتى
|
طب ممكن توضيح المدينة الجامعية يعنى أقدم عليها امتى
|
اقتباس:
|
للك جزيل الشكر
|
اقتباس:
2- اكيد لازم تدرس عربى الاربع سنين العربى بيكون عباره عن نحو وادب ومقال ومراجع بس حلوين جدا متخافش 3- الفرنش اسبيشيال لانك لازم تكون فى ثانوى فى مدرسه تجريبيه فرنش يعنى محدش بيدخله غير اللى معاهم مدرسه تجريبيه فرنش عشان كده مش اتكلمت عنه العفوووووو على ايه ^_^ 4-المنحه الدراسيه للى جايب جيد جدا او امتياز فى الفرق كلها البعثات بالنسبه للقسم التركى ف هما اول اتنين بيطلعوا على تركيا بالنسبه للتشيكيه اول خمسه بيسافروا التشيك ( اللى جايب فى الترم الاول من السنه الاولى اعلى تقدير على اساسه بيسفروك التشيك) 5- انا اسفه مش عارفه ارد على السؤال ده لانى مش جربته ولا اعرف حد جربه بس طبعا الكورسات مفيده جدا طبعا والله الالسن دراستها تحفه يعنى لو دخلتها ان شاء الله هتستمتع فيها جدااااااااااااااااا ربنا يخليك على الدعوه الحلوة دى يعنى انا كنت زمان فى مكانك و كنت مشتته زيك بالظبط ربنا معاك يارب ^_^ |
اقتباس:
|
1)سؤال تانى معلش يا sranty حضرتك انا قلت انى فى الثانوية العامة واخد انجلش وفرنش
(المهم) لما اخش السن ان شاء الله عايز اخذ لغة اولى اانجلش ولغة تانية مش عارف (يعنى ايه اقرب حاجة للانجليزى او ايه اسهل لغة مندول)(ايطالى المانى اسبانى روسى)انا بتعبك معايا معلش 2)انتى واخدة لغات ايه فى الالسن وهل الكلية مش مخلياكى محتاجة كورسات شكرااااااااااااااااااااااااااااااااااااااااااااااا اااااااااااااااااااااا وان شاء اللله تجيبى امتياز فى كل المواد وتتوفقى فى حياتك العملية بعد كده |
اقتباس:
|
خشى يا تقى صينى هههههههههههه يا جماعه هو الالسن احسن ولا سياسة واقتصاد فرنساوى ؟؟
|
اقتباس:
عايز الحق اقتصاد وعلوم سياسية احلى من السن ومن اعلام بس بعيد عنك عندى فى البيت مش راضيين انى لو جبت مجموعها ادخلها الاهالى دول بيحبوا يتحكموا فى اختياراتنا مش عارفة ليييييييييييه |
اقتباس:
عندنا معظم الناس اللى بياخدوا لغه اولى انجلش بياخدوا لغه تانيه اسبانى الاسبانى ساهل جداااااااااااا 2- انا واخده تشيكى لانى حبيت اللغه دى جدا عشان كده بقول انت لازم تحب اللغه مش مهم الشغل دلوقتى واللغه التانيه انجليزى والانجليزى حلو كلغه تانيه لا مش مخليانى محتاجه كورسات عشان احنا بنتعامل مع دكتور اجنبى بيفهمنا كل حاجه بجانب الدكاترة العرب طبعا العفوووووووووووووووووووووووووو :blush: يارب يسمع منك ان شاء الله ولو عايز اى سؤال تانى اوعى تكسف عشان ده مستقبلك وربنا معاك:av4056bb7jp3::av4056bb7jp3: |
اقتباس:
لا ولا يهمك انا عندى اجازة الحمد لله وعندى وقت لو عايزة حاجه تانيه ابقى اسالى مفيش مشكله وربنا معاكى يارب:) |
اقتباس:
ثانيا شغلها مضمون انما سياسه واقتصاد معرفش الواحد بيطلع منها يشتغل ايه اساسا الا لو كان طموحك انك تبقى حاجه كبيره فى البلد ولو كده اسال بتوع سياسه واقتصاد اكيد هيفيدوك لانى مش عندى اى معلومات عنها |
طيب ان شاء الله اللغة الاولى هكون متخصص فيها بعد ماخرج من الكلية
طيب واللغة التانية برده نفس الحكاية ولا نص نص علشان انا بحثت وعرفت ان اللغة التانية مبتعرفش عنها كل حاجة من الالف للياء عكس اللغة الاولى وشكرااااااااااااا |
اقتباس:
يعنى بتاخد الشعر بتاعها والادب والجرامر والقصص وكل ما تتخيله اما اللغه التانيه بتكون مختصره شويه عشان انت بتاخدها فى الاسبوع 3 ايام او يومين وبتمتحن فيها اخر السنه بس يعنى مش بتمتحن فيها نص سنه ما انت لو مش عرفت تشتغل بالاولى فيه فرصه انك تشتغل بالتانيه بس عايزة اهتمام اكتر منك |
آنسة سرانتى، على فكرة أنا خريج ألسن قسم لغة إيطالية ولغة ثانية فرنساوى بس الإنجليزى بتاعى برده كويس .... بس إنتى مش هتتخيلى إنى كنت آ’خر دفعة فى المبنى القديم فى الزيتون (المدرسة). كان عميد الكلية أيامها الدكتور شعيب
|
انا عايزة حد يساعدنى عشان انا مش عارفه
احدد حاجه خالص انا دلوقتى خلصت ثانوية عامه السنه دى وقدامى كليتين هختار منهم السن او تجارة انجلش انا نفسي موووووووووووووووووووووت ادخل السن بس مفيش غير فى عين شمس وبابا مش موفق علشان بعيده علية شويتين وبابا بيخاف علية وانا نفسي ادخلها اوي ومش قدامى كدة غير تجارة انجلش |
بصى أنا خريج ألسن ومن بورسعيد وكان صعب عليا أوى أروح أعيش فى الغردقة أو شرم الشيخ أو أى مكان آخر غير بورسعيد وعشان كدة فكرت فى مجال تانى خالص وهوا مجال الملاحة. لو عايزة نصيحتى أدخلى تجارة إنجلش عشان هتتعلمى محاسبة بالإضافة الى لغة وليس لغة فقط ومافيش مانع كمان تاخدى كورسات إنجليزى بس فى الأول وفى الآخر بتدرسى محاسبة ولغة وده أحسن بكتير جدا من دراسة لغة فقط.
اقتباس:
|
اقتباس:
طاب بما انك فى اجازة هستغلك بقى شوية انا ان شاء الله قررت لو دخلت السن باذن الله بس يارب فى البيت يوافقوا انى هاخد اللغة الاولى روسى او صينى بس عايزة اعرف تفتكرى اخد لغة تانية ايه انا بحب الانجليزى والالمانى تفتكرى مين احسن فيهم |
اقتباس:
انا مش قلت حاجه عن انجلش دا انا بقول انه حلو |
اقتباس:
والله متخافيش هى القاهرة انات وكمان المكان اللى هتكونى فيه اكيد هيكون عليه حراسه الانجلش هى اللغه الدارجه فى الالسن وكمان انتى عارفه انجلش يعنى مش هتتعبى نفسك اوى فيه لانه سهل وكمان عشان تركزى فى اللغه الاولى |
اقتباس:
بس المشكله انهم عندك مش متعودين على انك تسيبيهم مع ان احنا عندنا نص واكتر من النص بيعيشوا برا القاهرة تجارة انجلش انا اعرف عن الشغل بتاعها بس يعنى بتشتغلى علطول لكن الدراسه معرفش فيها حاجه |
انا بإذن الله عايزة اخوش لغة اولي كوري , بس يا تري الدكاترة هناك كوريين ولا مصريين ؟؟؟
وكنت عايزة اعرف حاجة معلش , هي صورة التوقيع بتعات حضرتك لفرقة سوبر جونيور ,؟؟؟----, مجرد سؤال |
يا جماعه ارجوكوا ردوا بسرعه عليا انا خلصت ثانوى وجبت 92.8 % وهموت بجد وادخل السن هل ينفع مجموعى يجبها وانا جايبه فى الانجلش 43.5 والفرنساوى 45.5 ايه هى الاقسام اللى مجموعى يجبها
ارجوا الرد لانى محتاره اوى ومحتاجه مساعده |
اقتباس:
ايوه الدكاتره هناك كوريين ههههههه ماشاء الله عليكى باين عليكى متابعه اه هى فرقه سوبر جونيور>كيو هيون و دونغهى<:blush: |
اقتباس:
انتى هيكون لكى روسى اسبانى لو عملتى التماس عبرى تركى فارسى تشيكى بس ممكن التنسيق يتغير |
معلش انا عارفه انى بتعبك بس يعنى ايه اعمل التماس وانا اسفه جدا واشكرك جدا جدا جدا على الرد وربنا يوفقك باذن الله وانتى تقترحى عليا اخد لغه اولى ايه وتانيه ايه واسفه على التعب
|
دكتورة سرانتى معلش كنت عايزة اسالك سؤال صغنون
هو مفيش اقبال عاليابانى ومالوش منح او بعثات خارجية ؟ فى مشكلة تانية انا علمى والسن بتاخد عالى ممكن ده ياثر على التنسيق الداخلى فى السن ويحددولى اللغة الاولى والتانية؟ اخر سؤال العربى ده اساسى يعنى مع اللغة الاولى والتانية حاجة اجبارى يعنى؟ شكرا ليكى |
انا جايبة 91.75 % و 49 فرنش و 46.5 انجلش و مش عارفه الحق السن و الا لا بس انا علمى علوم مش عارفه هينفع اساسا و الا لا ؟؟
يا ريت حد يرد عليا علشان بجد ضايعة و مش عارفه اعمل اى؟ |
اقتباس:
يعنى مثلا انتى كتبتى فى رغبات اللغات انجلش مثلا وانتى جايبه فيه 45 لو التنسيق بتاع انجلش نزل ان الانجلش واخد من 46 ممكن تعملى التماس عشان تدخلى الانجلش بس بشرط لازم تاخدى لغه تانيه افريقى يعنى لازم يكون الفرق درجه واحده صعب اوى انى احدد ليكى لغه انتى حاولى تسمعى لغات وتشوفى انهى لغه انتى حبيتيها لان على حسب ميولك انتى لاى لغه اللغه التانيه عاده بتكون انجلش |
اقتباس:
يعنى بيكون العدد حوالى 20 طاالب عندنا لالالالا معتقدش انه بيكون له بعثات خارجيه خالص المنحه بتاخديها لو جبتى جيد جدا كل سنه كليه السن مش ليها دعوه بعلمى او ادبى المهم انتى لما تتقبلى ان شاء الله فيها مش بيفكروا فى علمى او ادبى التنسيق الداخلى عام على كل الانواع ايوه العربى اساااااااااااااااسى طبعااااااا بتدرسى فيه مقال ومراجع ونحو وادب وده طبعا بيساعدك على التعبير فى الترجمه لما تاخديها |
اقتباس:
لان الالسن من الادبى بتاخد من 92 والعلمى اعتقد بيكون اعلى من الادبى |
انا بجد عجبتنى الردود جداً جدً .......وحبيت الكلية اللى نفسى ادخلها اكتر واكتر
بس كان عندى شوية اسئلة بسيطة اولاً انا مجموعى السنة دى 92.3 ادبى .....وخايفة اوى اوى مالحقش ألسن بس المعظم بيقول ان تنسيق الادبى السنة دى نازل عن العادى 2 % ......تفتكرى يا آنسة sranty هالحق ألسن ولا لاْ ؟؟! تانى حاجة انا خايفة اوى من حكاية المدينة الجامعية وعايزة معلومات ولو بسيطة عنها .....يعنى فى هناك حراسة ولا ايه ؟؟ المدينة كويسة ولا اى كلام ؟؟ وكنت عايزة اعرف انسب اللغات بالنسبة ليا عشان انا جايبة فى الانجلش 46 مع انى بحبه جداً والفرنش 48.5 ؟؟ معلش آخر حاجة عايزة اعرف نظام المذاكرة بيبقى ازاى من اول السنة عشان اقدر اتفوق واجيب تقدير عالى؟؟ انا آسفة لو طولت عليكى بس انتى واضح انك ذوق جداً وهاتقدرى تساعدينى :blush: |
اولا مرسي جدا على يا انسة srantyبجد انتي افتينا كتير انا جايبة 93,9%ونفسي ادخل السن.....انا جايبة في الانجلش46,5وجايبة في الفرنش48,5ممكن حضرتك تقوليلي اية انسب الاقسام ليا؟وشكرا بجد ليكي يارب مكنش تقلت عليكي...وياريت تكليمينا شوية عن المدينة الجامعية...
|
انا جايب زيك بالظبط يا هدير وناوى ادخل فرست روسى وسكند اسبانى او انجلش .... تبقى معانا بقى عين شمس انشاء الله
|
انا اتشرف طبعا.......بس انت جايب زيي في المجموع الكلي ......ولا درجة الانجلش والفرنش....اصل انا سمعت ان الروسي لازم نكون جايبين في الانجلش 49
|
اقتباس:
الروسى ملهوش تنسيق شكراااااااااا |
لا المجموع الكلى يا هدير الروسى تنسيقه الداخلى من 43 فى الانجلش ... وانا داخله عشان سمعت انو الروس كتييير فى مصر جدا
|
اقتباس:
والله انا مقدرش اتكلم عن التنسيق خالص لانى مش هعرف افيدك بس ان شاء الله تلحقيها يارب متخافيش بيكون فيه حراسه طبعا وكمان المدن الجامعيه بتكون فى وحدات سكنيه يعنى امان على الاخر المدينه الى حد ما كويسه ومريحه يعنى مش بتضيعى وقت فيها لان اكلك وشربك ونومك بيكونوا متظبطين ليكى يعنى هتلاقى اوقات كتير تقدرى تذاكرى فيها بصى هو على حسب التنسيق القديم انتى ليكى انجلش اسبانى ايطالى صينى روسى عبرى تشيكى تركى فارسى عايزة تجتهدى يبقى تذاكرى محاضره بمحاضرة عشان مش تيجى فى الاخر وتلاقى نفسك مخنوقه تانى حاجه انك تحاولى تتكلمى باللغه على قد ما تقدرى وطبعا ده هتبقى حلوة فيه بالمحاضرات لانك هتتكلمى مع الدكاترة باللغه اول ترم من اول سنه هتاخدى 3 مواد استماع ومحادثه نصوص جرامر الترم التانى هتبداى تاخدى ترجمه من والى ومعاهم ادب السنوات التانيه هيزيد على ده كله مقال ومطالعات التراجم بتختلف من سنه لسه يعنى سياسيه علميه طبيه صحفيه اقتصاديه وهكذا ربنا يخليكى ده من ذوقك انتى:blush: سورى لانى رديت عليكى متاخر;) |
اقتباس:
على حسب التنسيق القديم ليكى انجلش صينى روسى اسبانى ايطالى تشيكى تركى عبرى فارسى المدينه الجامعيه مريحه جدااااااااااا يعنى هتعرفى تحصلى مذاكرتك انتى فى الاول هتكونى مش متعوده بس بجد هتلاقى هناك اصحاب كتير ليكى يساعدوكى فى لغتك مثلا ودى احلى حاجه عشان مش تذاكرى لوحدك المشكله بس فى العدد بيكون كبير اكلك بيكون متحضر يعنى مش هتضيعى وقت بس ده اللى اقدر اقوله العفو يا دودو على ايه:d |
مرسي جدا ريحتيني وريحتي ماما اكتر........ربنا يوفقك
|
اقتباس:
|
اقتباس:
|
| جميع الأوقات بتوقيت GMT +2. الساعة الآن 08:22 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.