|
البحيره وتنفيذ القرار 244
مافيش اى اخبار عن تنفيذ القرار للى اجتاز امتحان الكادر ياريت اللى يعرف يكتب الرد فى الصفحه دى ونخلى الصفحه دى مخصصه للبحيره
|
نيميييييييييييييييييييييييييين
|
انا سألت فى ادارة المركز وقالوا يوم الاحد القادم انشاء الله سوف تنفذ القرارات الخاصة بالذين اجتازوا الكادر فى 1/4/2011
والذين عدة عليهم ثلاث سنوات وشكرا |
قانوناً بدون 3 سنوات بل سنة واحدة فقط
لا يشترط ال 3 سنوات مش عارف الناس مش عارفة تفهم كلام القانون ليه ؟
الدليل علي كلامي هو أن القرار رقم 244 الصادر بشأننا والخاص بتعييننا علي الدرجة المالية استند الي المادة 73 من القانون رقم 155 لسنة 2007 صح برده والتي تنص علي الآتي :- " يعين بقرار من المحافظ المختص في وظيفة معلم من أمضي سنة علي الاقل في وظيفة معلم معلم مساعد وحصل خلالها علي شهادة الصلاحية أي ( اجتيازه امتحان الكادر ) . فين بقي ال 3 سنين ارجو من الله اولا ثم من المسئولين تنفيذ القرارات بشكل صحيح مع فهمها والله المستعان |
يارب ياجماعه المحافظه دي تصحي بأه شويه
بس المفروض لو القرار ما اتنفذش الاسبوع الجاي يبقي لازم وقفه زي ال عملوها معلمي الحصه ولا ايه رأيكم؟ |
نصبر ونشوف القرار ولا ايه
|
نصبر صحيح في حالة انهم يعترفوا بالامر انما انا سألت النهارده في المديريه قالولي البلد مليانه كلام لا اساس لها من الصحه وكل شويه بيطلع قرار جديد
يعني شكلهم ما سمعوش الوزير او مش عايزين يسمعوه المعلمين بالاجر لولا وقفاتهم الاحتجاجيه امام المحافظه ماكانوش عرفو ياخدو حقهم اصل البلد دي ماتجيش غير بكده يا ريت مدرسين البحيره المتعاقدين يتحدو شويه ويبقي قرارهم واحد ونعمل حاجه زي معلمي الاجر |
:excl: ايه مافيش اخبار برده عن محافظه البحيره
لاحول ولا قوه الا بالله هيا البحيره علطول متاخره كدا وكمان انا ملاحظه ان كل ماادخل على المنتدى الا باقى المحافظات فى اخبار جديده عنها الا احنا تقريبا مافيش حد من البحيره غيرىىىىىىىىى:excl: نداء للبحراويه لازم نتحرك ونعمل اى حاجه علشان يحسوا ان فى حد من البحيره عاوز يتعين وطلع عينه شغل بالحصه وبعدين عقد واخر المطاف نحج فى الكادر فاضل ايه تانى اللى انا شيفاه كل الكلام فى البحيره على اشتغل بالحصه وعدا عليه 3 سنين طيب ماشى ربنا يسهلهم الحال واحنا بقه فيييييييييييييييين |
لا مش لوحدك من البحيره
بس انا قلت نفس كلامك ده ورديتو عليا نصبر شويه ومش لاقيه اي حد يقف معايا ومعلمي الاجر طلعو بجد رجاله وعرفو ياخدو حقهم احنا بأه مش عارفين نعمل زيهم وفيه واحد بيقول ان صاحبه سأل في المديريه وقاله الاسبوع الجاي الاسماء هتوصل الادارات بس الكلام ده مش مصدقاه وغير منطقي يعني قالوله هو لوحده ومخبيين علي الباقي؟ بس مفيش مشكله نصبر اسبوع وبعد كده لازم نتحرك |
محافظات كثيرة نفذت القرار وأحنا لسة نايمين فى العسل
|
الدقهلية نايممين لسه
|
احنا نصبر شوية ولو متنفذش القرار لازم يكون لينا وقفة لان كده بجد مينفعش دول كده هيلعبوا بينا
|
خير ان شاء الله
|
طبعا كل ال يجيبه ربنا خير
بس مينفعش نفضل ساكتين ونقول خير وخلاص انا نفسي اتعين بأه |
مافيش جديد ولا ايه
انا زهقت والله باقى المحافظات بعتوا الاسماء اشمنه احنا لاحول ولا قوه الا بالله على فكره معايا مدرس فى المدرسه بيقول ليه قريبه فى المديريه وقاله ان الخميس اللى فالت المحافظ مضى قرار 244 وشاف اسمه فسالته هل فى شرط 3 سنين قالى اااااااااااااااااه الاسماء اللى نزلت 3 سنين بس ماوصلش الادارات اى كلام فانا قلقانه والله كدا مش هنتعين ولا الكلام غلط ياريت اللى عنده اى جديد يقول |
لو كان المحافظ مضي القرار كانت البلد كلها عرفت
بس واضح انهم ماسمعوش عن القرار ده اصلا المحافظ مضي قرار 75 الخاص بالمعلمين بالاجر وده فعلا فيه شرط 3 سنين احنا بأه لسه ربنا معانا وان شاء الله مش هيكون فيه شرط 3 سنين زي باقي المحافظات بس برده ارجع واقول لازم وقفه زي بتاعه المعلمين بالاجر |
يا نااااااااس القرار 244 غير مختص باللى مضى عليهم 3 سنوات لو المحافظ فعلا مضي القرار يبقى جميع الناجحين فى اختبار الكادر 1 / 4 / 2011 اتعينوا
|
كرهت واتعقدت من رقم ثلاثه ده
|
احنا هنفضل نتكلم وندور علي اخبار ونعقد نفسنا واحنا ساكتين كده وخلاص؟
طبعا محدش هيسأل فينا حد يقول اي اقتراح بس ننفذه مع بعض حتي لو نبعت فاكسات للمحافظ والمديريه بس يكون عدد الفاكسات كتير وبأسماء مدرسين كتير او اقتراح تاني نعمل وقفه ايه رأيكم حد يرد عليا وال نتفق عليه انا معاكم |
بسم الله الرحمن الرحيم
احنا نبعت فاكسات بس مش للمحافظ انما فى المحافظ وتكون للمشير طنطاوى وعصام شرف و نستشهد فيها بالمحافظات التانية وان عدم المساواة بين المحافظات فى سرعة التعييين هو ما يجعل هناك اعتصامات ومشاكل وكمان عندى اقتراح وهو عمل وقفة ليست أمام المحافظة وانما امام مجلس الوزراء ياجماعة عايزين نتعاون ونتواصل بأى طريقة |
انا معاك في موضوع الفاكسات
وياريت حضرتك تبعتلي رقم الفاكس ال هنبعت عليه الشكوي بس الاعتصام امام مجلس الوزراء صعب لان معظم التعاقدين المستفيدين من القرار بنات ومعظمهم مش هيخرجو معانا يعني هنبقي قله ومش هنعمل حاجه انما الاعتصام لما يكون قريب عندنا في المحافظه الكل او الاغلبيه علي الاقل هيروحو وهيبقي العدد كبير يبقي وقتها نعرف نعمل حاجه ايه رأي حضراتكم؟ |
بسم الله الرحمن الرحيم
أولاً انا سعيد ان فيه تجاوب أما عن الفاكسات فاكس رئيس الوزراء عصام شرف 7958048 – 7958016</span> فاكس محافظ البحيرة 0453343661 |
اشكرك استاذي علي الفاكسات ولكن الرقم الخاص بالمحافظ اقرب انه يكون رقم تليفون مش فاكس مش كده برده؟
ياريت نتواصل اكتر من كده مع كل ابناء المحافظه عشان صوتنا يوصل |
اقتباس:
وع العموم أنا جايبة من بوابة الحكومة الالكترونية |
فيه خبر نزل علي المنتدي من زميل بيقول ان القرار وصل الادارات وانا بصراحه من كتر الاخبار ال بتطلع غير صحيحه مبقاش عندي ثقه في القرارات ولا المسؤلين
بيقي لازم كل واحد فينا بكره ينزل الاداره التابع ليها ويقولنا ايه الاخبار قرار244 وصل ولا لسه والاسماء وصلت ولا لسه؟ ارجو الاهتمام من الساده الزملاء |
| جميع الأوقات بتوقيت GMT +2. الساعة الآن 06:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.