|
ll - قــــــــدرات فنـــــــــون - ll
السلام عليكم ازيكم يارب تكونوا بخير معلش انا مش بدخل كتير و الله ربنا عام الواحد مترمت الحمد لله :( ما علينا .. انا كان بقالي فترة عاوز اعرف و استفسر هقدم امتى و ازاي في فنون و الصبح روحت ( كلية الفنون الجميلة - جامعة المنيـــا ) و سألت انا المفروض أعمل ايه علشان اقدم ؟ قالولي ان من يوم 16 زي ما حدد الوزير المفروض اروح ( بصورتين من رقم الجلوس- صورتين شخصيتين ) + استمارة ( ملف ) هما قالولي أجيبه منين بالنسبة " للمنيا " .. و بعدين اروح الكلية و أقدم الاوراق دي و في ملف من الكلية نفسها برضه .. المهم برضه قالولي فى تدريب قدرات بـ 80 جنيه و باخد فيه شرح للامتحان + ارشاد الطالب بالكلية و الاقسام و الامتحان و كان من الساعة 9 ص : 4 م ... و لسه يادوبك راجع البيت من ساعة كده .......... لو في حد عنده استفسار يقول كمان لو في حد هيقدم في فنون " المنيا " يقولي برضه :d في رعاية الله جميعااااا |
بصراحة انا ماكنتش اعرف ان فنون جميلة محتاجة العذاب دا انا كنت فاكرة انها زى اى كلية و مفيش قدرات و لا حاجة
ما علينا .. ربنا يوفقكـ انت و كـــــل الطلاب بس انا عايزة اعرف حاجة .. اشمعنى فنون المنيا .. يعنى انا من المنيا و ماعرفش ان فيها اى مميزات بصراحة بالتوفيق ^_^ |
شكرا يا نور ع المشاركة و أديكي أخدتي فكرة
و بالنسبة للمنيا انا روحتها عشان انا من اسيوط و المنيا أقرب حاجة ليا علشان مفيش فنون في جامعة اسيوط لكن لو عليا كان نفسي أدخل فنون الزمالك بس اللى يجيبه ربنا كويس و ان شاء الله خير لينا كناااااااااا |
طيب معلش لو سمحت ،،،
ايه الفرق بين فنون تطبيقية وفنون جميلة ،، والدورات التدريبية لامتحان القدرات دي بتبقى تبع الكلية ولا مراكز هيا اللى بتعملها .. ؟ |
فنون تطبيقية ( علمي رياضة )
فنون جميلة ( أدبي - علمي ) ... بالنسبة للتدريب انا أخدته تبع الكلية نفسها و بتختلف من مكان للتاني |
طيب إيه مجالات عمل فنون تطبيقية وفنون جميلة .. ؟
وامتحان القدرات ده لازم ولا ينفع أدخل الكلية من غيره ؟ ولو أنا اتأخرت مثلا في دخوله والنتيجة ظهرت ،، ينفع أدخله بعديها !! معلش أسألتي كتير بس عاوزة أستقر على رأي قبل ما النتيجة تظهر ،، |
هو ينفع من فنون جميله ابقي مهندسه ديكور ولا دي من فنون تطبيقيه بس؟؟؟؟؟؟؟
|
لو سمحت سؤال
أنا مكنتش أعرف ان التدريب بدأ ينفع أروح اقدم في التدريب من بكره علشان الامتحان ؟؟ |
اقتباس:
لا و لايهمك عادي وربنا يوفقك ان شاء الله اقتباس:
اه ممكن من فنون و ده برضه بيتوقف عل حسب موهبتك و القسم اللي بتدخليه وفي التدريب بتعرفي كل الكلام ده و بيدوكي دليل ارشادي عن الكلية و اقسامها و كل حاجة اقتباس:
اه عادي ممكن السبت تروح بس ده بيختلف من كلية لكلية يعن لو هتروح المنيا هيبقى 80 جنيه و يوم واحد من 9 ص : 4 م و في كليات تاني بتبقى كذا يوم و اغلي و هكذا بس روح و أسأل السبت ...... وربنا يوفقكم جميعا باذن الله :078111rg3: |
اقتباس:
أنا هاروح ان شاء الله يوم السبت أقدم علي التدريب في فنون الزمآلك كنت عاوز أعرف العنوآن بتاعها فين بالظبط علشان الحق اوصل بدري وأخلص الاجراءات وكده والسؤال التاني .. أنا كنت عاوز أخش قسم جرآفيك وسمعت أن القسم بيبقي علي حسب التقدير في الاعدادي بتاع الكلية واني لازم اجيب امتياز في مشروع واحد علي الاق في سنة الاعداداي علشان اقدر اخش القسم ده فهل ده صح ولا ايه ؟ وبانتظآرك |
اقتباس:
و الله انا معرفش مكانها بالظبط بس انت ممكن تروح الزمالك على 8 الصبح كده و تسأل علي مكانها .. بالنسبة للأقسام و كل ده هتعرفه في الدليل الارشادي اللى هتستلمه فى التدريب بس انا مش معرفش بالظبط لسه بس اعتقد انك بتدخل القسم على حسب تقديرك فى اعدادي في كل الاقسام و هعرف ان شاء الله و اقولكم دعواتكم ^^ |
أنآ رحت النهآرده .. قدمت علي التدريب
في فنون جميلة - الزمآلك واتضح ان كآن في دورتين للتدريب وآحدة خلصت امبآرح وواحدة قدمت فيها انا النهارده هاتبقي عبآرة عن 3 ايام ورآ بعض .. وفي فترتين تختار بينهم فترة صبآحية وفترة بعد الظهر .. وكآنت بـ 150 جنيه وقآلولي فعلأً ان يوم 16 هاتروح مكتب التنسيق اللي أمآم جآمعة القاهرة ومعاك صورتين شخصيتين و رقم الجلوس و صورتين منه واسحب ورقة تنسيق من هنآك واجيبهم علي الكلية علشان يقدمولي علي اختبار القدرات أنا حبيت اقولكم علشان لو حد عاوز يعرف ايه الطريقة وكده |
طيب معلش سؤال كمان
هو التدريب ده لازم دلوقتي ولا عادي اسيبه كمان اسبوع اسبوعين؟ يعني بعد النتيجه ان شاء الله؟؟؟ وشكرا عل الافاده وربنا يوفقكوا ويوفقنا كلنا |
اقتباس:
النهآرده كان اخر يوم لحجز التدريب اللي هايبدأ يوم الثلاثاء واعتقد ان ده اخر تدريب موجود بس ممكن تروحي بكره يمكن يرضوا يخلوكي تحجزي |
اقتباس:
فلازم تاخدى قبل الميعاد ده |
*لو سمحت أنا كنت عاوز أعرف أذا كان في تدريب للامتحانات القدرات في الأقصر ؟ و لا لأ؟
*ولازم أروح التدريب دا ولا يشترط عشان بصراحة أنا خايف يكون فاتني ؟ * وكنت عاوز أعرف أيه المجموع المتوقع لكلية الفنون الجميلة في الأقصر لأن أنا من سوهاج ؟؟؟؟؟ *وبالنسبة لجدول الأمتحانات في الكلية أنا معرفش عنه أي معلومات فلو حد يعرف ياريت يقولي أيه مواعيد الأختبارت في فنون جمياة الأقصر ؟؟؟ ****أسف علي أن أسألتي كتيرة حبتين ....... |
Ana Masr
1. هو التدريب ده مجرد تأهيل ليك يعنى مش اجباري هو مجرد بس بيعرفك شكل الامتحان لكن ممكن تمتحن القدرات على طول من غير تدريب 2. بالنسبة للاقصر اكيد في فى الكلية او اسأل حد هناك .. و ممكن تتصل بـ 140 على التليفون الارضي و تسألهم على رقم تليفون شئون الطلبة فى كلية فنون جميلة الاقصر .. و تتصل بيهم و تعرف كل حاجة و المجموع المتوقع مش عارف بصراحة انا كمان عاوز اعرف :d |
معلش عندي أسئلة
لو أنا مثلا أخدت الدورة التدريبية في كلية حلوان مثلا ورحت امتحنت في كلية تانية كده ينفع ؟؟ وهو الإمتحان بتاع القدرات كلية الفنون التطبيقية يختلف عن الفنون الجميلة ولا كله واحد ؟ ولو أنا مثلا لا قدر الله حصل معايا ظروف ومقدرتش أدخل الإمتحان يوم 20 / 7 وجيت أقدم للكلية هيرفضوا طلبي ؟؟ ولا هيعملوا إيه ؟ ،،، |
اقتباس:
ارجو ان اكون قد افدتك باللى عندى |
طيب انا مش عارفه اروح ولا لا عشان ده متوقف عل المجموع ومش عارفه اعمل ايه؟؟
|
توووتة
شكرا ليي انك بتحاولي معايا تغطي و تردي على الاسئلة ^_^ -------- النجمة الطموحة ماهو المفروض لو انتى بجد بتحبي الرسم قدمي فى الامتحان و عموما الامتحان هيبدأ من يوم 16/7 و هيمتد كاام يوم و ان شاء الله قبل ما ايام القدرات تخلص هتبقى ظهرت النتيجة وساعتها تحددي تروحي او لا |
السلام عليكم ورحمه الله
كان ليا استفسار بخصوص التطبيقيه وهو انها بتقبل خريجى المعاهد الفنيه الصناعيه ولا لاء |
محمود
و الله مش عارف بصراحة يا محمود مقدرش افيدك فى الموضوع ده بس ممكن اقولك تعمل ايه انت شوف اقرب كلية فنون تطبيقية ليك و اسأل فيها و لو مش هتقدر تروح كلم 140 دليل و خد منهم رقم شئون الطلبة لكلية فنون تطبيقية و اتصل بالكلية و استفسر منهم |
السلام عليكم
اولا شكرا لمحمد حلمي علي مساعدتك ليا ثانيا انا بحب الرسم بس عادي يعني هوايه مش عايزه امارسه كمهنه وانا كمان رسمي عادي جدا وكمان انا عيزه استني اما النتيجه تطلع عشان انا نفسي ادخل كليه معينه لو محصلش نصيب هتجه الي الفنون فعشان كده انا بسأل وبيتهيألي النتيجه هتظهر اخر الاسبوع ان شاء الله يعني فيه وقت.......... وشكرا |
النجمة الطموحة
لا شكر على واجب ^^ " و ان شاء الله ربنا يقدم اللى فيه الخير انتي استني بس النتيجة و ان شاء الله فيه وقت و ان شاء الله النتيجة تبقى كويسة و ابقي حددي بعدها هتروحي او لا و ربنا يوفقك فى الحالتين يارب |
اقتباس:
احب اشكرك شكرا جزيلا يا محمد على اهتمامك وتواصلك مع الجميع انا فعلا سألت ولقيت انه متاح للمعهد الفنى الصناعى التقديم فى الكليه بس تقريبا اللى بس متاكدتش منه ان المعاهد هتكون بعد اختبارات الثانوى العام على ما تكون النتيجه بتاعت المعاهد ظهرت بس المشكله ان اقرب حاجه ليا هتكون دمياط مش حلوان لانى من اسكندريه فانا مش عارف بيقولو ان الكليه جامعه المنصورة فرع دمياط معنى كدا انها فى جامعه المنصورة ولا دمياط وكراسه الاختبارات هسحبها منين مع العلم انى انا كدا ما لحقتش التدريب اللى بيتعمل قبل الامتحان فالامتحانات محتاجه التدريب دا ولا ممكن اى حد يجاوب على الاسئله اللى بتيجى فى انتظار ردك ومعلش انا عارف انى تعبك معايا |
اقتباس:
معلش اذا كنت بجاوب بدلا من محمد ولكن مفيش كلية اسمها جامعه المنصورة فرع دمياط انا اعرف انها اسمها فنون تطبيقية دمياط وفيه فنون تطبيقيه حلوان ولو اللى اقربلك دمياط يبقى اتصل زى ما محمد قالك بالظبط واسال وشوف الميعاد هيكون امتى اعتقد ان الامتحان مش اسئلة بس بيبقى فيه رسم كمان يعنى محتاج تدريب بس هتلحق ان شاء الله لان التقديم مفتوح من يوم السبت الجاى لغاية اخر الاسبوع يا رب اكون قد افدتك :blush: |
اقتباس:
لا طبعا مافيش مشاكل انتى ومحمد واحد بس يا توته المشكله مش فى الاسم انا عايز اعرف اذا كانت هى فى المنصورة ولا اتنقلت دمياط لانى على ما عرفت انها فى جامعه المنصورة والسنه دى نقلوها دمياط بس مش عارف الكلام دا اكيد ولا لاء بالنسبه للتدريب على حسب معلوماتى برضو انهم بدأو النهاردا وبالنسبالى انا كدا خارج حسابات التدريب وبالنسه ليوم السبت لاخر الاسبوع الجاى دا بالنسبه للثانوى العام انا معهد فنى صناعى الكلام دا مش ملكه انا هتصل واعرفو بس المهم هى حاليا اتنقلت دمياط ولا لسه فى جامعه المنصورة ... مع تصحيح الاسم (كليه الفنون التطبيقيه فرع دمياط جامعه المنصورة) جزاكى الله خير يا توته على الرد |
هاى ......
اذا سمحت كنت عايزة اعرف اسئلة فنون تطبيقية عبارة عن ايه عشان انا عرفت من مدرس انها 3 اسئلة سؤال اسمه تكوين و التانى تصميم ابتكارى و التالت عمارة بس عبارة عن متوازى جواه مستطيل او مكعب جواه مربع معرفش ازاى و فى مدرس تانى قال انهما 3 اسئلة برده بس واحد تعبير فنى نرسم فيه اشخاص و نظللهم و تصميم ابتكارى و عمارة بس محددش هتبقى ايه فانا عايزة اعرف همتحن ايه بالظبط يا ريت اذا حد عنده اى معلومة يقولى عشان انا بجد تايهة و مش عارفة اعمل او هعمل ايه ف الامتحان ده اميلى katyc41********ياهو** اوكى .... وشكرا ...... |
اقتباس:
بصراحة مش عارفه اقولك ايه بالظبط كل اللى اعرف اقولهولك انك تدخل على الرابط ده http://www.thanwya.com/vb/showthread.php?t=340778 يمكن تفيدك فى حاجة |
معلش سؤال كده هو امتحان القدرات ده تبع المجموع ولا ايه انا مش فاهمه
|
انا عاوزه اعرف ممكن اى حد فى قنا بقدم على فنون المنيا ولا مينفعش
|
ممكن تساعدونى انا لسه مخلصه تالته ثانوى و انا حلمى فنون جميله و اعرف واحده فيها ساتها ليها دروس او حاجه كدبت عليا و لس عارف ان فى مذاكرات عموما انا شوفت نموذج امتحان و انا برسم كويس اوى و ان شاء الله هعرف ارسم فى الامتحان بس عايزه اعرف هو مهم المذاكرات دى؟؟ و ممكن تقولولى منين؟؟ المفروض امتحانى بعد بكره انا عايزه فنون جميله (فنون) ممكن كمان حد يقولى طبيعه الامتحان تانى بالظبط , انا قدامى واحد من ساعه ما عرف عماله ادور على النت بس مش عرفه اوصل لحاجه و لسه منمتش , انا واثقه فى قدره ربنا و فى قدرتى انى لو فى حاجه لازم اذاكرها هقدر ان شاء اله فى اليوم ده بس ممكن حد يساعدنى
|
طب يا جمااااااااااااااااااااااااعه
محدش يعرف قدرات تربيه نوعيه بتبقى ازاى |
اقتباس:
لسه ممتحنه امبارح بيبقى الامتحان عبارة عن تصميم ابتكارى وتعبير فنى بس ولا يوجد ثقافه |
متشكر جداااا يا اسيرة هى اساسا نتيجه المعاهد السنه دى طلعت زفت ومش هنجيب حتى خدمه اجتماعيه واشكر الجميع على ردودهم وتفاعلهم معايا ومع الجميع |
انا روحت امتحنت امتحان القدرات ومستنيه النتيجه بتعته
|
النتيجة هتبقى فى خلال الاسبوع الجاى ان شاء الله
|
يا جماعة انا من دمياط الجديدة وأخدت القرص بتاع فنون تطبيقية وتوضيح ليكوا هى اسمها كلية فنون تطبيقية جامعة المنصورة فرع دمياط بس مفيش فى المنصورة هى ف دمياط بس من اول ما اتعملت واخر امتحان بكرة الساعة 10 الصبح وبنرسم 3 رسومات اولها بترسم مثلا اعلان عن اى منتج والثانى تظليل والثالث بترسم كمودينو او غسالة تلاجة بوتوجاز..... اى حاجة من دى بس ليها طريقة معينة ممكن تشوفوها ع النت مثلا .... يارب اكون افدتكوا بحاجة ..thnx
|
طب يا جماعه انا اتاخرت مكنتش اعرف ميعاد التقديم تفتكرو ا الحق اقدم وهيقبلو ولا لا ؟؟؟
|
والله مش اعرف المفروض النتيجة خلال الاسبوع ده فروحى كده واسالى بس كان اخر ميعاد للامتحان فى كل الكليات يوم الخميس
|
لو سمحتوا ممكن حد يقوللي المتوقع بالنسبة لمجموع فنون جميلة اسكندرية أو الزمالك
وأخدوا السنين اللي فاتت كام وأن جبت 350.5 أدبي (85.48%) ألحق أي واحدة فيهم ؟ |
معرفش تقريبا ممكن تلحقيها بس السنادى المجاميع عاليه فمن الممكن تاخد اكتتر من كده بس لو ملحقتهاش هتلحقى توبيه نوعيه فنون
|
ازاى اعرف نتيجه امتحان القدرات التربيه النوعيه
|
اعرف ازاي نتيحه قدرات التربية النوعية؟؟
ولو سمحت انا جايبة ادبى66 ممكن الحق فنون تربية نوعية |
لو سمحتو هو الصور لااااااااااازم تكون 4 × 6 ........ ولا اى حاجه عاااااااااادى
|
اقتباس:
|
اقتباس:
على حسيب التنسيق هيا واخدة السنة اللى فاتت من 65 بس ده كله على حسب التنسيق والنتيجة بتعرفيها من الكليه باذن الله هتدخليها وربنا يكرمك ويوفقك |
اقتباس:
اه بس انتى جايه متاخر اوى كده ليه التنسيق بدا والامتحانات القدرات خلصت |
مشكورررررررررررر
|
| جميع الأوقات بتوقيت GMT +2. الساعة الآن 11:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.