|
هام إلى كل من نجح فى الكادر 1/4فى أسيوط
النهاردة روحنا المديرية وسألنا على اسماء الناجحين فى كادر 1/4 وصلت ولا لأ قالوا فى الإحصاء إنها وصلت بس فى المطبعة لكن بتوع التعينات قالوا عند المحافظ بيمضيها يمكن تطلع بعد 15 يوم طيب إحنا هنفضل ساكتين وشيفين المحافظات التانية اللى تعلقت أسمائهم واللى استلموا جواب التعيين إن كانت الأسماء عند الباشا المحافظ وعبال ميتكرم على اللى جبونا ويمضيها يكون عدى علينا شهر 7 زى ماعملوا قبل كدة مع الدفعة اللى فاتت |
انت تبع اي اداره يا ريس محمد
احنا في ادارة نبروه ةكأن علي رؤؤسهم الطير لا جديد تحت الشمس |
و أنا أسيوط أيضاً.. المحافظ بتاعنا بيستهبل و ماينفعشى نسكت له.
هل أسيوط كالعادة متخلفة و متأخرة فى كل ما يخص حقوق الموظف ؟ فين الأسايطة بقى ؟ |
مافيش حد من أسيوط هنا ؟
|
أسيوط....... آلو آلو .......... محدش بيرد.......
|
يا أسيوط .. محدش فى أسيوط عنده نت و لا ايه ؟ يا جماعة هنفضل نتفرج كده؟
|
طيب حد راح المديرية ؟ ها .... برضه محدش بيرد
|
طيب انا هنام و لما تقوم القيامة .......... ابقوا صحونى...... باى سلام
|
يعنى خلينا صابرين ......... طيب لامتى ؟
|
المنتدى مافيهوش اسايطة ... بح
|
احنا من ادارة اسيوط وللاسف العزاء قاصر على القبر
|
طالما الاسماء وصلت عند المحافظ فهذا خير فى حد ذاته.
لأن المحافظ بالكثير لن يؤخر القرار لأكثر من يومين إن شاء الله. |
يا مسهل يا رب ,, اتحرك يا ابراهيم حماد
|
السلام عليكم ورحمه الله وبركاته
ياجماعة والله العظيم
اسيـــــــــــــــــــوط بالذات اكثر الناس حقدا وكرها لاى انسان ناجح الموجهين مبيعرفوش غير انهم يضللوك وكذلك المدير العام السابق الله ينتقم منه وحتى شئون العاملين وما ادراك ما التعيينات وحتى الماليات والادارة كلها على بعضها المفروض تتطور وتتغير مش بس علشان التعيين ولكن لهدف الصالح العام |
لازم من التكاتف والتحرك كل المحافظات اتحركت ومضت القرار و الحمد لله وعقبال الاسايطه
|
انا من اسيوط (طيب محولتش ليه تشوف او تسال حد من بتوع المطبعه ) علي الاقل كنا اتاكدنا مين اللي صادق في كلامه بتوع الاحصاء ولا بتوع التعيينات (بس انا من رائي ان المحافظ مضاها وخلص ) المشكله دايما بتبقي مع بتوع المديريه والاداره ميحبوش الشغل وميحبوش يسمعوا اي خير للحد ( علي العموم ربنا يسهل)
|
ربنا يحنن قلب سعادته علينا ويمضى والا فمفيش غير ......................................
|
اقتباس:
|
على فكرة ياجماعة أنا روحت المديرية وحلفوا لى أن اسماء عند المحافظ بس هتقعد 15 يوم على الأقل وسألتهم وتكرموا بالرد بالعافية يعنى الكلمة بيطلعوها بالعافية سألتهم هل الأسماء تشمل كل الناجحين فى كادر 1/4 ولا اللى كمل ثلاث سنوات قالولى والله مانعرف أحنا معناش الكشوف ولم نراها هى عند المحافظ وانتوا عارفين أنهم كده اتكرموا وتعبوا قوى من كثرة أسئلتى المرهقة فأخذتها من قصيرها ومشيت
|
أنا ارى ياجماعة أن مشكلة المحافظ فى القلم اللى هيمضى بيه يمكن ماعندهوش أو أيده اليمين بتوجعه لمل تخف آخر الشهر هيقدر يمضى اسمة الطويييييييييييييييييييييييييييييييييييييييييييييي ييييييييييييييييييييييييييييييييييييييييييل المؤلم
|
لا .. المحافظ ده ما نسكت له.. لكن ننتظر كده كام يوم يعنى لغاية ما الملاحق تخلص.. و بعد كده ممكن نروح كلنا ديوان المحافظة ان لم يحدث جديد
|
ماتخافوش يا مدرسي اسيوط
مش انتو لوحدكم احنا كمان محافظة البحيره لسه مفيش حاجه فيه حد قال الاسماء جت بس سألت في الادارة التابعه لها قالولي لسه ادعولها توصل عندنا وعندكم بالسلامه |
<<<الفرج قريب بإذن الله>>>
|
يا جماعة لم يظهرو ا الاسماء لا بعد نتجة الثانوية العامة لان المظفين فى الاكنترول
|
لا توجد علاقة بالاسماء والكنترول
ولا توجد ايضا علاقة بينها وبين امتحانات الدور الثانى فالمحافظات الاخرى اظهرت الاسماء وطبقت القرار وسيكون التعيين قبل ذلك أن شاء الله |
يارب
اللهم يسر لنا الامور |
لما بتروح تسأل فى التعيينات أو تسأل فى الإحصاء ناس محترمة جداً وبتتكلم بمنتها الأحترام يقدمولك العصير ويرحبوا بيك آخر ترحاب معرفش ليه بس فى مشكلة عندهم إنهم ديماً حاسين إن إحنا بناخد حق مش بتاعنة أو بناخد الوظيفة من أبناء الموظفين فى المديرية علشان كده بيستقبلونا أحسن الاستقبال
|
لازم نتحرك فى اسيوط
فى كلام يا جماعه انى اللى القرار مش تثبيت ده مجرد تسكين على معلم مساعد والتثبيت هيكون للى عدى ثلاث سنوات اوكى مفيش مشكله لو عاوزين يطبقوا الكلام ده يضيقوا لينا سنوات الحصه اللى احنا اشتغلناها قبل التعاقد وبكده يكون العدل لان اغلبيتنا اشتغلوا بالحصه قبل التعاقد انا عن نفسى والله اشتغلت 4 سنين يبقى 4+2.5+=6.5ولا ايه رايكم
|
اتفقوا على موقف وانا معاكم
|
يا ناس واللة دة تعيين على معلم بلاش كلام وبس
|
هـــــــــــــــــــــــــــــــــــــــــــــــــ ــــــــــــــام
هذا قرار تعيين وليس تثبيت
وهو لا يشترط ثلاث سنوات والمحافظات التى نفذته نفذته بهذه الطريقة |
نرجو عدم الخلط بين التثبيت والتعيين
قرار244 هو قرار قرار تعيـيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــن |
نريد ان نتواصل دائما نحن ابناء اسيوط
ومن يذهب الى المديرية يخبرنا بالتطورات وبالجديد وبالتوفيق للجميع إن شاء الله |
نعم هذا تعيين.. الا لو أسيوط كانت ولاية مستقلة و لها حكم ذاتى و قوانين خاصة
بس فعلا يا ريت اللى يعرف حاجة يقول لنا. و ياريت تضيفوا الصفحة دى فى مفضلاتكم, علشان نتواصل دايما فيها نحن الاسايطة |
يا جماعة الصبر اللقمة خلاص بقت في بقنا .... هانت
|
يا مسهل يا رب
|
الله معاكم يا شباب اسيوط
|
كل يوم حد يروح يسال فى المديرية و يستحمل غلاستهم. ما هما عندهم اولاد و شباب برضه ..
|
صباح الخير
|
السلام عليكم ورحمة الله وبركاته اللهم اكرمنا جميعا يارب اشعر ان الفرج قريب بإذن الله
|
بدأ العد التصاعدى للمحافظات التى نفذت القرار
اسوان ثم الشرقية ثم سوهاج ثم بنى سويف ثم المنيا ثم البحر الاحمر ثم الاسماعيلية ثم اسيوط وباقى المحافظات إن شاء الله. |
أسيوط ستظل نائمة
|
بارك الله فيكم شباب محافظة اسيوط
انا كنت فى الادارة يوم الخميس 7 / 7 / 2011
وكان الحمد لله المدير العام متحول للتحقيق وهناك مشاكل جامدة بين بتوع الشئون القانونية طبعا لانهم بتوع وسايط وان شاء الله فى مظاهرة يوم الثلاثاء انا لا احب اسلوب التظاهر ولكن لابد ان يكون اسلوبنا متحضر وبذوق وللاسف ادارة اسيوط يجب ان تتغير من جذورها لان قياداتهم ليس عندها ضمير وحسبنا الله ونعم الوكيل بهدلونى من مبنى الى مبنى وفى الاخر لم يفيدونى بشئ |
| جميع الأوقات بتوقيت GMT +2. الساعة الآن 05:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.