الاستاذ عاشور فين وهيرجع والا لا (وصلونى للادارة بسرعة ثبتوا الموضوع لو سمحتم)
 

انا واحد من قراء المنتدى بس لسه مسجل انهاردة عضو جديد
المهم كان فيه مشرف بيكتب اسمه باللون الاحمر اسمه عاشور بس مختفى الان تماما هو فين
انا بسال عليه لان موضوعاته كانت رائعة وخصوصا بتاع الدرجات

تم إعفاء الأخ الأستاذ محمد عاشور مؤقتاً من الإشراف لوفاة والده
للفقيد الرحمة ولأهله الصبر والسلوان

يعنى خلاص معدش مشرف خلاص والا ايه

كلنا معاك ياعاشور يعني هو دجه جزاته يعني الراجل يرجع من عزا ابوه يلاقي نفسه متشال من الاشراف


متضامن مع عاشور

لا ياجماعة إنتم فهمتوا الموضوع غلط
الموضوع وما فيه إنه هو اللي طلب اجازة علشان حضراتكم عارفين قسم المعلم المساعد لازم يكون له أكثر من مشرف
وهو راجع إن شاء الله .... بس الظروف وكل واحد وظروفه

هيرجع بعد العزا يلاقي نفسه متشال من الاشراف وحشة

احنا عايزينه يرجع يلاقي نفسه برضو باللون البرتقالي الجميل

لما يلاقي ناس بتقدره وواقفة جنبه وتخرجه من المود الوحش بعد وفاة باباه

أكيد يا لوجين كلنا هنكون بجانب الأستاذ محمد عاشور
واكيد مكانه محفوظ كما هو..... مع إحترامي للاستاذ محمد الشربيني الأستاذ الفاضل
فالأستاذ محمد عاشور هو اخ في منتهي الاخلاق والسمعة الحسنة
وانا شايف إن الإدارة مسهله الموضوع علي كله

دعوة وطلب من الادارة
اعيدوا لنا مشرفنا صاحب الموضوعات الهامة
والله انا سجلت مخصوص علشين خاطره
شخص مهذب جدا
اه انا عاوز اوصل الى الادارة ازاى

كلنا مع عاشور قلبا وقالبا

عايزينه يرجع بالبرتقالي

يعنى عاشور هيرجع والا فهمونى
هل الاستاذ الشربيني مكانه بصفة مؤقتة والا نهائية

ان شاء الله يرجع قريبا بعد عزا باباه

بلغيهم على لسانى
لو سمحتم انتم شيلتم عاشور ليه ده كان اخباره وموضوعاته رائعة وكان مهذب جدا وجبتم مكانه الاستاذ الشربيني ده جزاء عاشور برده راجعوا موضوعاته حرام كدة
وبلغى عاشور
ارجع المنتدى من غيرك مالوش طعم
شكرا اختى لوجين

هو إنتم يا جماعة هتعملوها كمان مشكلة
قلنا قبل كده الاستاذ محمد عنده ظروف واعتذر بصفة مؤقت وتم تعيين الاستاذ محمد الشربيني بدلاً منه
وبعد كده مكان الأستاذ محمد عاشور محفوظ زي ماهو
فياريت نقفل الباب وفيه حاجات مهمة غير كده ...ومش شرط إن الشخص يكون مشرف ولاّ حاجة
الإشراف تكليف وليس تشريف
ياريت نقفل الموضوع ده والإدارة حره في تصرفاتها طالما مفيش حد من الإشراف اشتكي
أرجو أن يكون كلامي مفهوم ....
تحياتي لكم

مش المشكلة فى حدرتك احنا عاوزين عاشور

حاضر وشكرا لك

وايه المشكلة لما يفضل مشرف من غير مايكون موجود؟
احنا كاعضاء نتمنى نشوف مكانه المحفوظ ده
ممكن؟
واكيد طبعا كلامك مفهوم
فى انتظار رد الادارة

عارفة اخت لوجين مش اشراف بس
مثال اول واحد قال اننا بلا درجة مالية والناس هاجموه والا تاكدت اننا بلا درجة مالية وعرف الاعضاء وله موضوعات تحفه
خصوصا فى منتدى الابتدائي له موضوعات مثبته منذ اكثر من عامين
دروس الصف السادس الصوتية وغيرها
فماذا فعل لتقصيه الادارة
وماذا فعل غيره ليلخذ مكانه
وكيف تم التضحية به بهذه السهولة

اخوانى لقد تم إعفاء الاخ الغالى / محمد عاشور من الإشراف مؤقتآ و بمجرد رجوعه سيكون بينكم باللون البرتقالى مشرف مميز و محبوب كالعادة

و أشكركم جميعا على إخلاصكم و عرفانكم بجميل أخ غالى مثل الاستاذ محمد عاشور

هو مشي من المنتتدى ليه

الله يطمنك مستنينه يرجع ان شاء الله

الادارة مش هترد والا ايه

شكرا أختى الغالية على ذوق حضرتك

هو ده حضرتك رد الإدارة و أنا رأييى فى مثل هذه الامور تكون إلا إنعكاس لرأى الإدارة

الأخ الغالى محمد عاشور فقد عزيز عليه و هو والده رحمة الله عليه و أدخله فسيح جناته

و قد قامت الأخت ام شاهندة بعمل موضوع مثبت بذلك و ذكرت انه سيتم إعفاؤه من الاشراف لحين رجوعه لنا بالف سلامة يعنى ان شاء الله نحن كإدارة موقع نتشرف بوجود الاخ محمد عاشور معنا فى الاشراف و نتمنى وجوده دائما . لكن لابد من مراعاة ظروف الآخرين

إخوانى الأحرى لنا ان ندعوا للفقيد بقلوب صافيه طالبين له الرحمة و المغفرة و سكنة الجنان .. و ندعوا لاخينا محمد بالصبر و السلوان و ان يؤحره الله فى مصيبته

فى امان الله

دى لغة حوار
والله انا مسجل اليوم جديد
وفى ناس قديمة مسجلة جديد خايفة من بطش المشرفين
وبعدين احنا عاوزين عاشور ده مشرف المنتدى

سيبك منه اللى يتكلم يتكلم كل واحد ورائيه
بالنسبة للأخت لوجين20 انت عاجبك الأسم تدفعى كام واديلك الباسورد؟

ما المشكلة أستاذنا الفاضل ؟
الراجل نظرا لوفاة والده طلب من الإدارة إعفاءه لبعض الوقت نظرا لأن الإشراف مسئولية ويتطلب المتابعة المستمرة للمنتدي . فما المشكلة في ذلك ؟
ومع احترامنا لحضرتك فلن تكون أقرب إليه منا بحكم العشرة والزمالة بل والقرابة أيضا .
أستاذنا الفاضل موضوعك هكذا خرج من مجرد اطمئنان علي زميل ؟
ما الداعي لتثبيت الموضوع ؟ وقد أوصلنا إليك ما تطلب الاستفسار عنه ؟
أسئلة كثيرة إجابتها عند حضرتك وحدك .
وتحت أمرك في أي وقت .

ملحوظة : اضطررت إلي هذه المشاركة لأن الفاضل كاتب الموضوع معطل خاصية الرسائل الخاصة ،والتي هي أفضل في ردود المشرفين علي الأعضاء .
كذلك للعضو المحترم لو أحببت كلمني علي الخاص ، أو فعل خاصية الرسائل الخاصة ،وسوف أكتب لك رقم هاتف الأستاذ محمد عاشور لتكلمه بنفسك ،وتطمئن منه علي أن هذا تم بناء علي طلبه .
بعد إذن حضراتكم جميعا سيتم غلق الموضوع حيث إننا أوضحنا للعضو الفاضل وفي أكثر من مشاركة ومن كذا مشرف ما يسأل عنه .

ههههههههههههههههههههههههه
بانت ياجماعه كل حاجه على حقيقتها
الموضوع واضح اوووووووووووووووووووووووى
ههههههههههههههههههههههههههههه

يا جماعة
المفروض بقى من الإدارة الموقرة أن تتعاطف مع جميع الأعضاء ما دام لهم هدف فلا داعى للماطله
الأعضاء لهم هدف واحد وهوان ينال الأستاذ عاشور حقه " واعتقد هذا طلب عادى "
وكمان بيروا أنه لازم ينزل اسمه كمشرف حتى لو غير موجود
واعتقد ان ذلك ايضا سهل ميسور
من فضلكم استيجيبوا لرغبة عدد كبير من المشاركين
وإلا اتهمناكم بعدم الحيادية

لالا طبعا مش هاتقدرى واثبتيلى ذى ما بتقولى