|
تغيير في منهج الصف الثالث للمره الثانيه علي التوالي
سمعت أن هناك تغيير في مناهج الصف الثالث الإعدادي في مواد الدراسات والعلوم واللغه العربيه وهذا الخبر شبه أكيد حيث أن أمينة توريدات المدرسه حينما توجهت لمخازن الإدارة لإستلام كتب التيرم الأول قال لها أمين المخازن أن هذه المواد كتبها محجوبه لأن بها تغييرات جذريه في مناهجها للعام المقبل وأكد لي الكلام أحد المدرسين زملائي من مدرسه أخري له صله بهذا الموظف ( أمين المخازن ) حيث أطلعه علي فاكس الوزارة له بعدم تسليم تلك الكتب وحتي الآن بالنسبه لي الموضوع شائعة قويه طالما لم أري بعيني خطابا رسميا بذلك فهل هناك من الزملاء الأغضاء هنا بالموقع من له دراية بهذا الموضوع أو لديه أية مستندات أو أخبار أرجو ممن لديه أخبارا بهذا الشأن أن يمدنا بها وجزاه الله عنا خيرا |
إيه تغيييييييييير مناهج تاني
و إيه كماااااااان جذرية أنا همشي من الصفحة أحسن عشان مقولش لفظ وحش |
حسبى الله ونعم الوكيل
|
لا أعتقد أن الظروف التى تمر بها البلاد تسمح بذلك
|
أعتقد أن التغيير فى كتاب العلوم عبارة عن نسخة جديدة من نفس المنهج بعد تعديل الأخطاء الواردة فيه
|
تمام
اقتباس:
|
لازم التغير علشان الاخطاااااااااااااااااء
|
الكلام دة أكيد فعلا واحنا تم تبليغنا بة
|
اقتباس:
بتصحيح الأخطاء و لا حذف أجزاء من المنهج و لا إضافة أجزاء و لا تغيييييييييييييييير المنهج كله من تاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
ياأستاذ هشام ليه الحده فى الكلام
الناس بتخبرك بخبر حقيقى ليه التهكم على الناس |
لو كان مجرد تصحيح أخطاء كان نظرا لظروف البلاد الحاليه وقلة الفلوس
كانوا وزعوا الكتب عادي وبعدها نزلوا نشره بالتصحيح زي كل مره أو طبعوا كتيب صغير فيه التصويبات إنما المتوقع تعديل في المنهج وانا شخصيا متوقع تبديل التيرمين مكان بعض لكن الله أعلم طبعا والفاكس زمايلنا شافوه بعنيهم مكتوب فيه ممنوع التعامل في كتب العلوم والدراسات واللغه العربيه للصف الثالث ده معناه ايه طيب |
انا اعرف مندوب المديرية هتصل بيه واكتب الرد لحضراتكم وان شاء الله ميكونش في لخبطة تاني
|
هل هناك عناوين للدروس المقترحة كما هو موجود فى مواقع مختلفة
|
يا جماعة والله انا شفت الكتاب الجديد بعينى
التعديلات تصحيح اخطاء فقط |
اقتباس:
أنا مقصدش تماماً التهكم على اللي كاتب الكلام ده ( أنا لا أعرفه و لا يعرفني ) ده جزاه الله خيراً إنه بيأكد لنا المعلومة و سؤالي مجرد إستفسار مش أكثر و بعدين حضرتك جاي تهدي النفوس و لا إيه ؟؟؟؟؟؟ لكن بالنسبة لحده الكلام اللي حضرتك لاحظتها فهي من النار اللي بتغلي جوايا و جواك و جوا كل مدرس من الوزارة اللي بتغير المناهج و كأنها ورق كوتشينة بقالنا سنيييييييييييييين بنكتب في مذكرات و نعملها على أكمل بتعب و سهر و معاناه من أخطاء الكتب المدرسي و بعدين بكل بساطه كده تترمى في الزباله زهقت زهقت زهقت بقة من التغيييييييييير كفاااااااااااااااااااااااااااااااية |
اقتباس:
ريحتني بجد :av4056bb7jp3::av4056bb7jp3::078111rg3::078111rg3: و شكراً مرة تانية لحضرتك |
انا يا جماعة شغال مع بتوع كتاب الامتحان فى التاليف
والله الكتاب تصحيح اخطاء بس |
اقتباس:
بما إن حضرتك شغال مع بتوع كتاب الإمتحان متعرفش إذا كان هيبقى في تغيرات في منهج أولى ثانوي الجاي و لا لأ ؟؟؟؟؟؟؟ |
عارف والله كل حاجة عندى بفضل الله
كلمنى على اميلى افضل |
إنت عارف يأستاذ / هشام
إللى إحنا بنعلمه للطلاب والدروس والمذكرات وكل مايتم فى التربية والتعليم تدمير لعقول شباب مصر وتخلف مابعده تخلف هل ده تعليم الذى يعتمد على الدرس والمذكرة والكتاب العقيم والتقويم الغير مجدى والله حرام لكن التدمير ده بيشارك فيه ولاة أمورنا بدفعنا دائما للحاجة لزيادة متطلبات الحياه وعدم كفاية أجورنا فأجر الفراش فى أى بنك أفضل منى ومنك وحياته أحسن |
شكرا لك يا استاذ ايمن فلحضرتك الفضل بعد الله فى تهداه النفوس التى كانت سوف تشتعل من الحيره
ولكن نرجوا التوضيح من فضلك هل سيتم تغير منهج كمياء 1 ث كليا |
شكرا للجميع
برجاء الرد أستاذ أيمن هل هناك تعديل فى مناهج الكيمياء والفيزياء للصف الأول الثانوى أم لا ؟ |
عدم تغييييييييييير مناهج أولى ثانوي نهائياً هذا العام
طبقاً لكلام أ / أيمن حماد |
شكرا لكم جميعا فانتم خير الناس والله وفريق واحد يعمل كله من اجل نجاح الفرد
واتشرف ان تعتبرونى زميل صغير بالجوار منكم |
يا جماعة المناقشة اللي دايرة في الصفحة دي فكرتني بشهور طويلة من الحيرة نقضيها كل عام . وناس تنزل مواضيع ونقعد نكتب في ملازم ونبدء شرح اجزاء من مناهج وهمية . واخر الشهر منرضاش ناخذ فلوس من الطلبة لاننا كنا بنشرح في وهم . ياه ثلاث سنوات من العذاب المتواصل بداعي التغير وفي النهاية ياتوا الينا بمناهج زبالة مثل منهج ثالثة اعدادي سواء الترم الاول الغبي بتاع نظريات نشاة الكون ولا الترم الثاني المتخلف بتاع اختصارات الكيمياء . انا زهقت وعاوز اشتغل شغلة تانية احسن من المرمطة دي
|
والله شىء محير ياجماعة
|
السلام عليكم
انا بستمتع للحوار الذى يدور بينكم الان كما فعلتم من قبل قبل ظهور المنهج الجديد فى العام السابق فعلتم ما فعلتم والبعض من السادة المدرسين نزل مناهج غير صحيحة وللاسف ناس اشتغلت منها والنتيجة مكنش فية مصداقية عند الطلاب انا بطلب من كل واحد عايز يقول اى خبر يتاكد منة صحتة الاول ارجوكم ارجوكم بلاش الشائعات البلد مش ناقصة والناس اعصابها مش مستحملة انا المعلومات اللى عندى لن يتم تغيير اى منهج ما عدا دراسات 3 اعدادى تغير بسيط فيها وكذلك تاريخ الثانوية العامة انما باقى المواد لن تتغير ومزكرات المحلة نزلت على منهج السنة اللى فاتت يعنى بدون تغيير ارجو التاكد اولا قبل كتابة اى كلمة هنا وجزاكم الله خير |
الله المستعان ... والله لو كنا بنعلم كلاب من 17 سنة لكنا بقينا من الأعيان .. أو كما قال نجيب الريحاني
|
انا مسمعتش خالص عن الموضوع ده ياريت اللي متاكد منه يكتب رد ولو كان في تغيير هيبفي ليه انا مظنش ان يبقي فيه حاجة المنهج لسه متغير السنة اللي فاتت
|
نفسى ابقى اى حاجة غير انى اكون مدرس فى مثل هذا البلد العقيم والوزارة الفاشلة حد يشفلى شغلانة تانية
|
لا إله إلا الله
|
الحكاية مش ناقصة بلبلة
|
وهو أنا لو متأكد يا أستاذ طنطاوي كنت فتحت التوبك بصيغة إستفسار ؟؟
|
حاجه تقرف حن زهقت
|
]انا كان نفسى اشارك معاكم وخلاص معنديش كلام اقوله
وياريت اللى يقول كلمه يكون واثق منها عشان احنا بنمشى وراه |
على فكرة يا جماعة أنا عندى نفس المعلومة
وأنا أكيد مع التغيير لأن كتاب العلوم بتاع السنة اللى فاتت وحش جدا وما ينفعش بنفعة من أوله لآخره مش بس وحدة النظريات لأن طريقة سرد المعلومة فيه مالهاش علاقة بالتربوية ومافيش أى روابط بين المواضيع وبعضها ولا أبالغ انى كنت أحيانا مش بلاقى ابط بين سطرين ورا بعض كان لازم نتوقع انه يحصل تغيير فى منهج العلوم المهلهل وكمان منهج الدراسات المكدس بس ندعى ربنا ان يكون ناس تفهم تربوى بجانب ماة علمية ويتم صياغة كتاب يليق بالشهادة الإعدادية |
بنتعب نفسنا ليه
اخوانى و اساتذتى الأفاضل حضراتكم نسيين التصريح اللى تفضل به وزير التربية و التعليم بعد توليه الوزارة و قال فيه ان المناهج لسه متغيرة هذا العام وانه لن يغير هذا العام سوى منهج الدراسات و كان ذلك فى اجابته عن تطوير المناهج
|
يا جماعة هي العملية عملية تصصحيح الاخطاء فقط
|
ممكن رقم موبايلك استاذ ايمن حماد
|
ريحتني
اقتباس:
انا شايف الناس كلها عماله تضغط عليك مش عارف ليه مع انك قولت اللي يرحي البال وخلاني بدعيلك من أمبارح لما قولت ان مناهج 1 ث مش ها تتغير وبشكر الأستاذ أيمن علي معلوماته علي فكرة أنا من قطور يعني بلديات |
طب هنشتغل ايه
اللهم بلغنا رمضان |
اقتباس:
|
اقتباس:
|
اقتباس:
نورت الموضوع و دي نمرة أ / أيمن حماد لمن يحب التأكد من المعلومة 0107609142 |
اتمنى أن يصدق الخبر ، لان فعلا المنهج في الترم الاول ليس جيدا و تشعر انه غير مرتب أو منظم .
و يحتاج بعض التعديلات الهامة و التوسع قليلا وحذف وحدة الكون أو صياغتها بأسلوب علمي آخر . كما اتمنى ان يتم ترتيب وحدة الانقسام الخلوي ( الترم الاول ) مع وحدتي التكاثر و الجينات ( الترم الثاني ) حتى لا تتشتت المعلومات و تكون مترابطة. |
المفروض يا حضرات المدرسين نتكلم بلسان واحد
المفروض لما المناهج تتغير احنا كمدرسين نعرفها قبلها بشهور ومش عشان تخلصوا المذكرات بتاعتكوا بدري لالا علشان نقرا المناهج ونتدرب عليا .عشان أنا شخصياً كمدرس كيمياء تعبت السنه اللي فاتت في تحضير وشرح الاجزاء الخاصة بمنهج الاحياء ( يعني المناهج الجديدة تحتاج لوقت للاطلاع ) |
اقتباس:
|
| جميع الأوقات بتوقيت GMT +2. الساعة الآن 07:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.