|
هـام إلي طلبة العلمي علوم ( مرحلة 2 )
التوبيك دا يا شباب لزمايلي و اخواني و اخواتي في الكفاح المسلح ( علمي علوم - مرحلة 2 ) :039uw8: ياريت كل واحد يدخل , يكتب لنا توقعه للحدود الدنيا لكليات القطاع الطبي و العلوم , كـالـتـالي ,,, طب بشري : ( - ) طب جراحة فم و اسنان : ( - ) صيـدلـة : ( - ) طب علاج طبيعي : ( - ) طب بيطري : ( - ) علومـ : ( - ) ===> التوبيك دا مش للحالة المزاجية :040vk0: ,,,, اصل فاهم انا الحركات دي :d ,,, ياريت اللي يجاوبنا ,,, يكون عنده ع الاقل خلفية بالارقام و التنسيق بتاع الخمس سنين و كدا ,,, :078111rg3:مشــــــكورين مقدماً:078111rg3: :049gc0: |
:)
انا عن نفسي هبدأ ,,, و اقولكوا اللي قدرت استخلصه من اخر الاخبار اللي سمعتها في المساء طب بشري : 402 - 403 طب اسنان : 399- 400 صيدلة : 395 - 396 علاج طبيعي : 393 بيطري : 389 - 390 علوم 377 - 380 :excl:( انا مش متاكد اوي من العلوم ... عشان بصراحة معرفش السعة الاستيعابية لها ,,, بس انا قلتها كدا تقريبيا مقارنة بالسنين اللي فاتت مش اكتر ):excl: |
ازيك يا دوك ابانوب ليك وحشه يا ابني والله ايام انهار بقي "كانت ايام" عن رأيي حسب المنشور ف المسا هو قال 3% فوق 97 معتقدش ان دي درجات 2 و 3 total اعتقد دي 3 من غير جمع المستوي لانهم صحيح خلصوا ف الكنترولات جمع بس معتقدش لسه وصلوا للمجاميع النهائيه عموما حتي لو كان ده 2+3 مش مشكله "النسبه هيا هياها اصلاً كانا ف2 10 الاف السنادي توتال 10 برضه مفرقتش" بس اكيد من غير مستوي يعني بالمستوي بنلعب ان ال3% دول 98 يعني 402 طيب منهم 4 رياضه علي ادبي علي شهادات معادله يعني كده 6 علوم فوق 98 والطب هياخد السنادي 5800 قابله ل 6700 "قول 6 بس" يعني كده الحد الادني في رأيي لاقل طب 401 دي متأكد منها 100% الباقي معرفش النسب بالظبط للي تحت كده بس هتبقي ف الحدود دي مش هتزيد يا دوك |
اقتباس:
واحشني بجد يا دوك ,,, بس فكرتيني بايام انهار - الله يكرمها - ههه ! تصدق كان اكتر درس زي ما بروح زي ما برجع تقريبا !! كنت بطيخة اصلي يعني هههه ام هنز ,,, انت حللتها ع اسس رياضية منطقية اوضح مني ,,, الف شكر يا دوك ,:friendsxs3::friendsxs3::friendsxs3: =-=-=-=-=-=-=-=-=-=-=-= بالمرة كدا ,,, سمعت التراك دا لرامي عصام ( الجحش قال للحمار ) تعليقا ع جيمي و مبارك و ثورة العزة http://www.youtube.com/watch?v=WbmXz...eature=related الجحش قال للحمار *** يابا اديني الحنطور يابا انت سنك كبر *** و وجب عليا الدور كح الحمار كحة *** فزعت لها الركاب مش يابني بالصحة *** ده كل شئ بحساب وسواقة الحنطور *** محتاجة حد حكيم وانت عينيك فارغة *** همك علي البرسيم قوللي تسوق ازاي *** والتبن مالي عينيك ده حتي حبل اللجام *** واسع يا ابني عليك اعقل وبطل طمع *** لاتسخن الركاب ما تجيش يا واد جنبهم *** لاتبقي ليلة هباب دول صنف ناس جبار *** قادر مالوهش امان يبان عليهم وهن *** لكنهم فرسان يابا دا نومهم تقل *** وبقاله يابا سنين كل البشر صحصحوا *** ولسه دول نايمين يا جحش بطل هبل *** وبلاش تعيش مغرور ركابنا مش اغبيا *** ولا عضمهم مكسور بكرة حيصحولك *** ويزلزلوا الحنطور وتلاقي في قفاك *** تمانين خازوق محشور |
انا رايي ان الطب 400.5 و الاسنان 398 و الصيدله 396 و العلوم معرفش اقول اي حاجه عنها
|
اقتباس:
|
تصدق بالله انت قصيدتك دي زي العسل هههههههه انت فله
|
انا مش شاغله نفسي بالتنسيق دلوقتى
|
اعتقد ان الحد الادنى لكلية الطب ممكن يكون 402
وقد يصل الى400 بسبب زيادة المقبولين بهذه الكليات بنسبة 15% |
ان شاء الله الطب مش هيزيد عن 98.5 ومش هيقل عن 97 يعني هيلعب في الحدود دي زي السنين الي فاتت 2002 و2003 و2004 و2005 استبعد 2006و2007 والناس الي بتقول التنسيق زي 2009 الدفعه دي مفيش حاجه كانت صعبه عندهم غير رياضه1 في 2008 الامتحانات كانت واضحه وسهله في 2009 وناس مستشارين الي حطوا الامتحانات السنه دي شكلهم بيبعوا بطيخ مش اسئله ناس عاقله وخصوصا العربي والاحياء واالانجليزي وان شاء الله طب الاسنان الحد الادني 96 والصيدله لحد 94.5 وان شاءالله كلامي هيبقي صح وبكره نشوف والله العظيم التنسيق السنه دي هيبقي فله خالص علشان السنه الي فاتت |
انا عايزة اعرف انتو مطمنين كده ليه وايه التفاؤل ده ممكن الطب يقل بس ممكن المجموع يقل اكتر الامتحانات السهلة تصحيحها مش مضمون
|
اقتباس:
بسيطه كل نموذج اجابه هتلاقيه هنا واحسبي عليه اقتباس:
97 دي انسي انها تكون حد ادني لطب يعني 7 الاف واحد علمي جايبين 98 "97%+1%(مستوي)" وعايز طب ينزل ل 97 صعبه دي انا رأيي طب 401-401.5 بالكتير اسنان 399-400 صيدله 396-397 طبعاً ممكن يقل عن كده لان مش كل الي فوق 98%=طب بشري فيه هيخشوا صيدله وفيه اسنان لكن ده حد اقصي يعني بعون الله 401.5 |
ان شاء الله خير
نتفائل خير واللى مكتوبلك هتشوفه |
اقتباس:
ماشي انا قصدي كدة مليش دعوة دلوقتي بالمستوي انا بكلمك في العادي 97 بالمستوي 98 ووممكن يبقي 97 بالمستوي والله العظيم يا بني شي مش بعيد عن ربنا بس لازم نبقي ايمانا كبير بربنا وان ربنا مش هضيع تعبك وتعب الي ذاكر وربنا يوفق الجميع والي عايز يوصل لحاجه وربنا كاتبله الخير فيها يوصلها |
اقتباس:
|
اقتباس:
كدا دماااار شامل يعني مستحيل يبقا التنسيق بالشكل دا |
اقتباس:
ليه دا كدا ممتااااااااااز والله اقل من 2009 كمان وصدقيني مش هيقل عن كدا بشكل كبير "بحدود نص او درجه بالكتير" |
دي كلها توقعات
لكن التنسيق الحقيقى هنعرفه الاسبوع القادم باذن الله |
ارتفاع المجاميع.. في ثانوية الثورة ثلث الناجحين حصلوا علي أكثر من 95%
اقتباس:
انتهت اعمال التقدير لمواد الثانوية العامة بمرحلتيها الاولي والثانية في القطاعات الأربعة القاهرة ــ الاسكندرية ــ المنصورة ــ أسيوط وكنترول الإسماعيلية. تبدأ اللجان صباح اليوم في تطبيق قواعد الرأفة للطلاب المعرضين للرسوب في مادة أو اثنتين بحد أقصي ثلاث درجات للمادة وذلك طبقا للقواعد التي حددها د. أحمد جمال الدين موسي وزير التربية والتعليم. اكدت المؤشرات النهائية عن مفاجآت حيث تبين زيادة عدد المتفوقين في المواد التي كانت مثار شكوي ويتابع الوزير اولا بأول النتائج النهائية ونسب النجاح وشرائح الدرجات للثانوية العامة. أشار مصدر مسئول إلي أن المؤشرات الأولية تؤكد أن نتيجة أول ثانوية عامة بعد ثورة 25 يناير ستكون افضل الاعوام السابقة بكثير. كما أن الحاصلين علي مجاميع 97% فأكثر لا تتعدي نسبتهم 3% من جملة طلاب المرحلة الثانية في حين ترتفع نسبة الحاصلين علي 95% حتي 96.5% إلي حوالي 13% في حين تصل نسبة الحاصلين علي 93% حتي 94.5% إلي حوالي 18% من جملة الناجحين ونسبة الحاصلين علي اكثر من 95% في المرحلة الأولي حوالي 16%. |
اقتباس:
دي شوية ثورجة ع شوية ليبرالية كدا لحد ما النتيجة تظهر ,,,, اهه الواحد يتسلي بدل ما يولع في نفسه من الزهق ,,, او يولع في الميدان من الغيظ و القهر ( عشان معرفناش ننزله ال18 يوم ) ههههه طب بص دي كمان كدا مصطفي سعيد - يا مصر هانت و بانت و كلمات : الشاعر المصري الفلسطيني تميم البرغوثي ( ع فكرة دي بئا اتقالت من قلب الميدان نفسه خلال الثورة نفسها ) http://www.youtube.com/watch?v=B2rqO...eature=related يا مصر هانت و بانت كلها كام يوم نهارنا نادي و نهار الندل مش باين الدوله ما فضلش فيها غير شوية شوم لو مش مصدق تعالا عـ الميدان عاين يا ناس مافيش حاكم إلا من خيال محكوم واللي حـَ يقعد في بيته بعدها خاين إللي حـَ يعقد كأنه سلم التانيين للأمن بأديه و قاله همه ساكنين فين وصلت لضرب الرصاص عـَ الخلق فـِ الميادين حتى الجثث حجزوها اكمنهم خايفين يا مصر أصبحنا أحيا و ميتين مساجين فاللي حـَ يقعد في بيته يبقى مش مفهوم واللي حـَ ينزل إلهي حارسه صاين يا مصر هانت وبانت كلها كام يوم نهارنا نادي ونهار الندل مش باين نهارنا نادي و بأيدينا علي فكره الصبح عنده فضول راح نعمل إية بكره إيده علي الباب وخايف يلمس الأكره ادخل يا أستاذ براحتك والبلد حره إحنا زهقنا نشوف الصبح من بره ادخل و خرج بقايا العتمه بالمره الناس دي حره و جنود الأمن مضطره يا صبح طلعت روحنا لجل تيجي يا خَي طالعين نجبيها أهوه فى كل حاره وحي حتى لو ضربونا بالرصاص الحي شوف المداين كده مفروشه خلق وضي دايما مفاجأة و دايما وقتها معلوم الحكم لينا و ليكي الحق يامداين يا مصر هانت و بانت كلها كام يوم نهارنا نادي و نهار الندل مش باين يا صف عسكر بدال الدرع شيلوا اتنين خمسه و عشرين يناير يا شباب فاكرين كان فـِ انجليز و وزير الداخليه تخين كان عنده برضه عساكر زيكم جامدين سابهم يموتوا علوله لم سأل فيهم كانوا شبهكم أساميكم أساميهم يا عسكري البهوات إللي بتحميهم ممكن يردوا عليك لما تناديهم يا عسكري أنا أصلي بس بستغرب لو لاقي تأكل وتشرب قوم ياعم اضرب اضرب عشان الوزير من ضربتك يطرب لكن حـ تشتغل إية لما الوزير يهرب أما الشديد القوي القادر أبو القادر برميل تلامه و نشع علي مصر مـ الآخر لو شافته معدده تكتب أدب ساخر ثابت يقول للهرم يا كابتن اتاخر و لم يزل معتقد إن الهرم حـَ يقوم آدي الحجر والبشر قايمين يا سيد القوم و الدين حـَ يترد يا اللي عشت متداين يا مصر هانت و بانت كلها كام يوم نهارنا نادي ونهار الندل مش باين ده حكم أسرة و لا خوفو و لا خفرع و لا وجع بطن يتعالج بزيت خروع عمل مسوجر بعيد عنك و لا يطلع جربنا فيه كل شىء مالقينا شىء ينفع ما طلعش بالأدوية جربنا ألف طبيب و لا بعطارة شيوخ ليهم بلح و زبيب ولا بجحفل مغولي و ضرب بالقباقيب عمل مسوجر و سفلي شغل تل أبيب و شغل أمريكا متغلف و ختمه عليه ضيف زارنا يا عم من غير دعوه لابس بيه قعد تلاتين سنه ما بيقولش قاعد ليه و النيه يديها لابنه النابغه بعديه و يقول قضا و قدر بين البشر محتوم قولنا له طيب و مين قال القدر معلوم و ايش عرفك يا فخامتك بالذي كاين يا مصر هانت وبانت كلها كام يوم نهارنا نادي ونهار الندل مش باين |
اقتباس:
تصدق يا بوب انا الي مزعلني "مع اني بعون الله بنسبه 99% هجيب اعلي من الحد الادني بكتير" ان مجموع السنه الي فاتت هو الي هيشيل السنادي عندي يعني احتمال انقص بتاع 4 او 5 السنادي للاسف هوووووووووووووووولع ف نفسي والله يلا خير بس كده احنا ف الsafe side علي فكره فوق 97 عدد طلا علمي رياضه 3500 طالب بالظبط يعني 6 ونص علوم فوق 97 %=98"بالمستوي" يعني طب من 402 او 401.5"ودي الاوقع" |
اقتباس:
:blush: دا في اليوتوبيا ,,, معلش كلامك مش منطقي ابدا عشان كل الشريحة الاولي كلهم بياخدوا مستوي رفيع و معظمهم بيجبوا ال1% بتاعه |
انت متوقع لنفسك كام يا ابانوب انا عن نفسي لو اتعلم ورقي بضمير 407 او 406.5 لو اتنفخت نفخاً "توكيد بالمفعول المطلق" 404.5 وممكن بقي العب في حدود دول يعني معاك 406 -405.5- 405 عشان فيه حاجات انا مش فاكر عملتها ايه بالظبط فبفترض اني نسيتها او عملتها غلط "الاسوأ" |
اقتباس:
:excl: يا دوك انت بتتكلم عن الطب البشري ,,, متخليش برج من دماغي يطير ,,,, انا عايز افهم ظروف الاسنان اصلها سنة تطلع و سنة تنزل ,,,, بالتبادل مع الصيدلة احيانا !! عاملة زي عفريت العلبة ملهاش قاعدة محددة !!! انا برضة ممكن انقص زيك كدا و بالمستوي يبئا ناقص 2 ,,, حطهم ع ال6 بتوع السنة اللي فاتت ههههههه ,,,, يبئا شلت فدان بطيخ ,,, قول كمان نسيب درجتين عشان الحسد كدا ,,, يعني احتمال الحق الحد الادني للاسنان بالعافية ,,, كويس اهه نلحق السبنسة شغاااال |
اقتباس:
قول يارب 200 بدون مستوي + 3 مستوي يبئا كله 203 203 + 199 = 402 و قول لو لعبوا شوية كدا ,,, يبئا 400 ,,, يعني بقولك احتمال نشبط في السبنسة ان شاء الله |
اقتباس:
اه صحيح المستوي الe كان ازاي انا واحد صاحبي جايب 204 خارج بيقول هصلي تراويح لو جبت فيه 7 العربي كان لووووووووووووز لو الراجل علملي بالمنفاخ هجيب 9.5 لو واحد غلبان ممكن اقفله بعون الله |
:bosyht9::bosyht9::bosyht9:
|
اقتباس:
ليه 5 ليه ما انتا مراجع معانا وزي الفل بسم الله ما شاء الله بص عن نفسي التوقات المرئيه: عربي نص e لو غلبان نص نفس هههههههه بعون الله مفيش فيزيا اتشليت م المعلم بسببه ممكن والله انقص ييجي درجه ونص الله يخرب بيته احياء قول درجتين (هيدورولي وربنا :039uw8:) وقول المستوي 9.5 انا واقعي و3 م الي فاتت يعني 414.5-(3+.5+.5+1.5+2) = 407 ده لو بزمه لو عجلاتي هيدورلي بقي هو وربنا يكون ف عونه |
اقتباس:
علي فكره التوزيع الجغرافي عادي واحده جارتنا سألتها كانت 2008 جابت 398.5 ولحقتش طب بنها دخلت عين شمس وحولت |
بقولكم ايه وربنا الحكايه ماهى ناقصه !!!!!! يعنى الناس كلها مش زيكم كدا ( اللهم لا حسد ) انتوا بالطريقه دى بتتعبوا ناس كتير وبيخافوا اكتر من الخوف الطبيعى !! وغير كدا انتوا ماالتزمتوش بالموضوع .... عايزين تتكلموا ايه المانع يبقى على الخاص او اتكلموا ع الميل اسف لو كلامى هيضايقكم بس دى حقيقه . ودى مجرد نصيحه مش ااكتر ...... ............. |
اقتباس:
ده علي اعتبار اننا يعني مرتاحين و واثقين من نفسنا دنا بصحي علي كواااااااااااابييييييييس كل يوم والله |
اقتباس:
الحقيقة معاك حق -_- .................................................. .......................... بس بتعجبنى ثقة الطالب فى نفسه بجد يعنى .. مش زيى خيبة تقيلة ع راسى انعداااااااام ثقة خالص :006et4: .................................................. .......................... ومتقلقوش يا جماعة الخير ( قال يعنى انا مش قلقانة :mellow: ) قل لن يصيبنا الا ما كتب الله لنا ^_^ |
يا جماعة خير ان شاء الله
انا حاسة ان شاء الله ربنى يوفقنى وادخل طب |
اقتباس:
معلم ,,,, انت لو تعرف ( مش طالبا ) دا عايش ازاي اليومين دول ,,,, هتحمد ربنا و تبوس ايدك وش و ظهر ,,, احنا بنحاول ننسي شوية مود الستريس دا ,,, كفاية ايام المذاكرة و الامتحانات ,,, مش طالبا كمان ايام النتيجة ,,, يعني بجد كنا هنموت ,,, و كل واحد عمل اللي عليه و ربنا شايف تعبنا و ان شاء الله هيعوضنا خير انا كنت بنزل اغاني ثورية ,, عشان افك شوية معاكوا ,,, بس بما انها ضايقتك ,, خلاص انا اسف ,, مش منزل حاجة تاني ,,, و خد بالك ان في طلبة اشطر منا بكتير و ميتين من الرعب عشان مش فاهمين حكاية التنسيق اوي ,,,, صدقني في ناس متخيلين ان الطب البشري هياخد من 407 !!و الاسنان 405 !! و الصيدلة 403 !!!! فالتوبيك دا احنا بنفكر بصوت عالي مع بعض ,,, عشان منا نطمن شوية ,,, و منا بنفيد اخواتنا دول ,,,, كون ان حضرتك شايف ان دا غرور !!! فدي مش مشكلتنا احنا ,,, لاننا فعلا - و الحمد لله - مش مغرورين ,,, لاننا مفقوعين :040vk0: ==- يا زميل twilight ,,, انا فاكر مشاركاتك و اسئلتك و اجاباتك في قسم الفيزياء و الاحياء ,,, يعني باذن الله هتخش كلية كويسة جدا بناء ع مستواك دا ,,, كلية اعلي كمان من اللي انا بحلم اشبط في السبنسة بتاعتها |
يا جدعان ارحمونا بقه
قرفتونا فى عشتنا :stickjo4: استنوا التنسيق كده كده راح الحلم وراحت ايامه :( وانا مستغرب من (الناس)* الى بتقوم على كوابيس ما انا اهو فى السلانكتيه وعادى :006et4: =-=-=-=-=-=-=-=-=-=-=-=-= *مجاز مرسل علاقتة الكلية :p |
سوري بس ممكن حد يساعدني ويقولي الحد الادنى لطب بشري وطب اسنان وصيدلة في تنسيق 2007 كان كام؟ انا مش عارفة اجيبه
|
اقتباس:
|
اقتباس:
.... ربنا مع الكل أهم حاجه الواحد يعرف ان كل شىء مكتوبله |
اقتباس:
:049gc0: باشمهندس ,,, انت اية اللي جابك هنا ؟؟؟ احنا بنقول علمي علوم :slap1qk6: لازم نتغابي يعني و نحرجكوا هههههه - دوك ارابيان دا بيصحي ع الكوابيس من غير حاجة ههههه هو عايش حياته كلها في كابوس اساسا ,,, انت عارف دا مسافر دلوقتي و يعتبر انه مشهيص - دا المفترض - و لكن رغم كدا الكوابيس متابعاه ههههه ... احترفها بئا |
اقتباس:
https://www.tansik.egypt.gov.eg/appl...LimitE2007.htm بيان بالحد الأدني للقبول بكليات ومعاهد المجموعة العلمية لعام 2007 الكلية الحد الأدنىطب شبين الكوم406.5بترول وتعدين السويس406.5طب طنطا406طب الاسماعيليه406طب بنى سويف406طب اسيوط406طب المنصوره405.5طب الزقازيق405.5طب بنها405طب سوهاج405طب الاسكندريه404.5طب المنيا404.5طب الفيوم404.5طب القاهره404صيدله عين شمس404طب عين شمس403.5طب اسنان المنصوره402.5طب اسنان طنطا402.5طب اسنان عين شمس402طب اسنان الاسكندريه402صيدله طنطا401.5طب فم واسنان القاهره401.5طب اسنان الاسماعيليه401.5طب الاسنان المنيا401.5صيدله الاسكندريه400.5صيدله المنصوره400صيدله القاهره400صيدله الاسماعيليه400صيدله الزقازيق399.5صيدله حلوان399.5صيدله بنى سويف399صيدله اسيوط399صيدلة المنيا399علاج طبيعى القاهره398.5اقتصاد وسياسه القاهره398اعلام القاهره397.5طب بيطرى المنصوره397.5طب بيطرى كفر الشيخ397طب بيطرىدمنهورج.اسكندرية397السن عين شمس397طب بيطرى بنى سويف397طب بيطرى الزقازيق397طب بيطرى بنها396.5السن المنيا396.5طب بيطرى م. السادات396.5طب بيطرى القاهره396.5طب بيطرى الاسكندريه396طب بيطرى الاسماعيليه396طب بيطرى اسيوط396طب بيطرى قناجنوب الوادى396 الباقي في اللينك قدامك ,,, |
الجحش قال للحمار *** يابا اديني الحنطور
يابا انت سنك كبر *** و وجب عليا الدور كح الحمار كحة *** فزعت لها الركاب مش يابني بالصحة *** ده كل شئ بحساب وسواقة الحنطور *** محتاجة حد حكيم وانت عينيك فارغة *** همك علي البرسيم قوللي تسوق ازاي *** والتبن مالي عينيك ده حتي حبل اللجام *** واسع يا ابني عليك اعقل وبطل طمع *** لاتسخن الركاب ما تجيش يا واد جنبهم *** لاتبقي ليلة هباب دول صنف ناس جبار *** قادر مالوهش امان يبان عليهم وهن *** لكنهم فرسان يابا دا نومهم تقل *** وبقاله يابا سنين كل البشر صحصحوا *** ولسه دول نايمين يا جحش بطل هبل *** وبلاش تعيش مغرور ركابنا مش اغبيا *** ولا عضمهم مكسور بكرة حيصحولك *** ويزلزلوا الحنطور وتلاقي في قفاك *** تمانين خازوق مح |
طيب وايه رايكم بعد قرار عدم التخفيض فى اعداد المقبولين وكمان فى الاعداد اللى هتقبلها القاهرة وسوهاج (الموضوعين دول هنا فى المنتدى) الحقيقة انا خلاص حاسة ان كل شئ راح والحلم اللى كنت عايشة ليه انهار انا مش ممكن هدخل اى كلية غير الطب او الاسنان والصيدلة والعلاج وبالشكل ده خلااااص كله راح
|
اقتباس:
طيب بصي يا دوك ,,, خليني الاول افهمك حوار التخفيض دا الاول و جه ازاي اولا النظام الغبي دا اللي عمله ابن ال ,,,, هاني هلال , وزير التعليم العالي اللي فات , عشان يقلل عدد المقبولين في كليات المجموعة الطبية بنسبة 5 % كل سنة !!! يعني التخفيض بيحصل كل سنة !! ,,, و دا عشان يقلل الاعداد ( و بيدعي انه كدا بيحسن جودة التعليم في الكليات دي ) , فيرفع التنسيق ,,, فيضطر الناس انها تدخل كليات و جامعات خاصة و دا طبعا الحقيقية هي انها كانت مصالح و بيزنس مش خوف ع اداء التعليم الجامعي و البحث العلمي في مصر ,,, لان اغلب نزلاء طرة لاند دلوقتي اتضح انه كان لهم في بيزنس التعليم الخاص دا اوي اوي اوي فبالتالي الدكتور عزت سلامة ,, تفضل مشكوراً السنة دي و قال ان سياسة التخفيض دي مش هتحصل السنة دي و لا بعد كدا خلاص ... لانه مينفعش اصلا يستمروا في كوارث النظام البائد فدا يعتبر مؤشر ايجابي جدا ,,, و بناء عليه احنا عملنا توقعاتنا للتنسيق بناءا ع شرائح المجاميع المعلنة مبدئياً ,, و السعة الاستيعابية لاخر سنة 2009 . اتمني كدا تكون الصورة وضحت |
شكرا يا ابانوب يعنى كدة اتطمنت شوية
|
اقتباس:
:d انتي فهمتي غلط خااااااااااالص "بالشقلوب" هما مقللوش عشان التنسيق ميعلاش ل 99% "وكان ممكن يبقي اعلي " والزياده بواقع 50 طالب بس مش اكتر |
اقتباس:
دا حضرتك بالنسبة لطب بنها بس ,,, عشان السعة الاستيعابية له متقدرش تستحمل اكتر من 300 كحد اقصي تقريبا ,,, صححني لو غلطان يا دوك بس في كليات خدت اعلي من كدا عشان السعة الاستيعابية لها اكتر;) |
خير ان شاء الله يا دكاترة
ادعوا ربنا وان شاء الله يكون تنسيقنا كويس |
اقتباس:
هههههههههههههههههههه يا دوك انا كنت داخل انكشكم بس ----------------------------- وواضح ان القاضى قفش وزعل كمان :friendsxs3: |
اقتباس:
انا ازعل منك ؟!!! عيييب يا حمو والله ربنا يعلم غلاوتك عندي:d بس الي مدايقني بس ام النتيجه الي مستنيين اهلها يوم السبت او الجمعه وربنا دماغي بتودي وتجيب |
علمت الوفد الالكترونية من مصادر بوزارة التريبة والتعليم أن اعداد الفائزين بالمراكز الأولى فى الثانوية العامة قفز لأكثر من 36 طالبا وطالبة، حيث اشترك أكثر من طالب فى نفس المركز بسبب المجاميع التكرارية.
أوضحت المصادر ان الطالب الفائز بالمركز الأول فى القسم العلمى شعبة علوم حصل على أعلى مجموع للدرجات، وتراوح الفارق فى الدرجات بين الطلاب الذين تضمهم لوحة الشرف الأولى بمقدار 2.5 درجة فى جميع المراكز الأولى . اقرأ المقال الأصلي علي بوابة الوفد الاليكترونية أوائل الثانوية أكثر من 36 طالبا وطالبة ربنا يستر |
| جميع الأوقات بتوقيت GMT +2. الساعة الآن 06:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.