|
بتعملوا كدا ليه ؟!!!
السلام عليكم ورحمة الله وبركاته أنا بحب الصراحة والوضوح وأتمني من الجميع تقبل كلامي بصدر رحب وبدون أي حساسية . منذ أيام قليلة , كان اسم هذا القسم هو ( القسم العام ) وكان معظم الأعضاء يلتبس عليهم اسم القسم والهدف من وجوده بالمنتدي . مما جعل العديد من الاعضاء تضع موضوعاتهم به وكلها تقريباً مخالفة لهدف القسم . وتم وضع موضوع مثبت بالقسم لارشاد كاتبي أو ناقلي الموضوعات عن الأماكن المناسبة في المنتدي لوضع موضوعاتهم به . ولكن مع الأسف , الغالبية لا تكلف نفسها مجرد النظر لهذا الموضوع حتي تضع الموضوع في المكان المناسب له . ووضع موضوع مخالف هنا في هذا القسم جهل لا عذر له ( لوجود موضوع يوضح المكان المناسب لكل موضوع ) فلا عذر بجهل في هذه الحالة !! وأشبه هذا الأمر بوجود لافته تقول مثلاً ( ممنوع الانتظار هنا ) ومع وجود رجل المرور أيضاً , إلا أن الشخص يركن سيارته ولا يريد أن يعطيه رجل المرور مخالفة , بل يطالبه بأن يبلغه بهذه اللافتة الموجودة أمامه دون تحرير مخالفة له لأن هذا حق له !!!!!! وحالياً تم تغيير اسم القسم إلي ( قسم النقاش الهادف ) والقسم هدفه واضح جداً حتي من مجرد اسمه , ومع ذلك بقي الوضع كما هو عليه . معظم الموضوعات لا يوجد بها أي نقاش من الأساس . هذا بخلاف الموضوعات الخاصة بأقسام أخري في المنتدي وليس منها هذا القسم !! واذا قام أحد المشرفين بنقل أو غلق موضوع , يغضب صاحب الموضوع ويثور ويطالب بابلاغه عن نقل موضوعه أو غلقه ! كيف يحق للعضو المطالبة بهذا الأمر ويجزم بأنه حق له , وهو وضع موضوعه بالمكان المخالف ولا عذر له في ذلك . لم يكلف نفسه معرفة هدف القسم سواء من خلال الصفحة الرئيسية للمنتدي ( تحت اسم كل قسم جملة توضح الهدف من هذا القسم ) أو عن طريق قراءة الارشادات الموجودة والمثبتة داخل القسم !! ماذا يريد العضو ايضاحاً أكثر من هذا حتي يضع موضوعه في المكان المناسب له ؟ أريد أن أعرف أراء الأعضاء بخصوص هذا الأمر . وما هي الايضاحات التي تنقص العضو حتي يضع موضوعه في المكان المناسب ؟ وما هي مبررات من يضع موضوع مخالف للقسم ؟ |
اتفق معك تماماً في كل ما قلته لم يعد هناك مواضيع للنقاش الهادف في القسم و اغلب الاعضاء فاهمين القسم غلط و بيحطوا اي حاجة و كلها منقولة ما شاء الله !! مفيش تقريبا موضوع بيناقش كلام مهم الموضوعات اغلبها شبه تافهة و اعتقد ان افضل حل هو نقل الموضوع الي مكانه الصحيح و وضع رد يفيد سبب النقل مع رابط للموضوع الارشادي المثبت و بالوقت اتمني ان يفهم الاعضاء مغزي القسم و نجد مواضيع مفيدة هادفة ولا اظن ان هناك انسان يفهم سوف يشتكي لان اكبر دليل حتي اسم القسم " النقاش الهادف " يارب الناس نعقل بقي |
الاعضاء بتفضل تحط هنا مواضيعها فى القسم ده
لانه بيكون اكثر مشاهدة وبالتالى الموضوع بتاعه ناس كتير هتشوفه وده االلى بيخلى العضو يحط موضوعه فى القسم العام مع ان العضو بيكون عارف قوانين القسم كويس جدا لكن بردو بيحط موضوعه عشان ناس كتير تشوفه ولو اتحذف موضوعه بيحاول يبرر لنفسه ان موضوعه نقاشى ميه المية بس ارجع واقول لحضرتك يا مستر لو احنا معملناش كده منبقاش مصريين :d |
اقتباس:
مستر على الامر لا يتعلق بجهل او غيره بل ان كل عضو دايما بيحب موضوعه الكل يشوفه ويرد فيه ونظرا ان القسم العام اكثر الاقسام لدى الاعضاء حبا لذا فالكل يضع مواضيعه فيه دون النظر الى الهدف واظن ان دور المشرفين تنسيق القسم بس الموضوع كله اننا نحط وحضراتكم تنقلوا او تحذفوا ده عملكم اصلا وانا الصراحة بقترح ان الادارة تعمل قسم جديد مفتوح اى حد يحط الى عايزه يبقى شامل ده الموضوع ليس اكثر مش كارثة يعنى |
اتفق مع حضرتك تماماً القسم ممتلئ بالمواضيع المخالفة ودا زي مافرح قالت عشان اكبر قدر من الاعضاء تشوفه .. واغلبية الاعضاء مش بتشوف القوانين او بيعملوا نفسهم مش شايفين وكأننا اعتدنا على الفوضى اواننا لازم يكون حد يوجهنا ويعدل ورانا ..! |
جزاك الله خيرا ع الموضوع
بس من رأيى حتى لو الموضوع مخالف..لازم المشرف يخبر العضو بأنه مخالف وينقله للقسم الذى يليق به..لان لو نقل كل المواضيع لارشيف الموضوعات المتكرره ..الاعضاء هيملو ومش يضعو مواضيع جديده تانى ممكن يكون جهل يعنى محتار يحط موضوعه فين ف بيحطه فى القسم العام # |
اقتباس:
أغلب الاعضاء فاهمين القسم غلط : تم توضيح هذا العذر الواهم لدي البعض . - اسم القسم أصبح الهدف منه واضح جداً . - الصفحة الرئيسية تحت اسم القسم مكتوب الهدف منه . - داخل القسم موضوع مثبت يوضح المكان المناسب لكل موضوع . أين يوجد الفهم الخطأ ؟ أتفق معكي في نقل الموضوع لمكانه المناسب له مع وضع رد يفيد بالمكان المنقول إليه . أما وضع رابط الموضوع الارشادي فلا أري في هذا الأمر جدوي أو نفع ( يجب علي العضو كاتب الموضوع أو ناقله أن يقرأ الارشادات أولاً قبل أن يضع موضوعه , ولن يستغرق الأمر معه أكثر من دقيقتين ) شكراً علي مرورك العطر . |
اقتباس:
معني كلامك انه قاصد وضع موضوع مخالف للقسم !! وبالتالي من يتعمد المخالفة , يجب توقيع عقوبة عليه . معاكي حق يا فرح , هي دي طباع أغلب المصريين . عارفين الغلط كويس ومع ذلك بيعملوه , ومحدش عايز لا عقاب ولا لوم . والأدهي من كدا انه عايز حد يطبطب عليه وعلي طول كمان !! شكراً لمرورك يا فرح . |
اقتباس:
لكنه يقصد يحط موضوع والناس كلها تشوفه بغض النظر عن مخالفته للقسم |
اقتباس:
يعني ايه الاعضاء تحط موضوعاتها أياً كانت داخل القسم , وعلي المشرفين نقل الموضوعات إلي المكان الصحيح أو حذفه ؟ ألا يوجد تعاون من الأعضاء ؟ هل الأعضاء أطفال أو قاصرة في الفهم ؟ لماذا نبتغي الراحة لأنفسنا ونطالب الغير بالمشقة ؟ القسم الأن به 404 موضوع . عارفة كام موضوع فيهم مناسب للقسم ؟ لا يتعدي 150 موضوع !! كما أن عمل المشرفين والادارة هو فرض عليهم وليس تفضلاً منهم , نفس الأمر بالنسبة للأعضاء . يجب علي كل عضو احترام قوانين المنتدي وقوانين كل قسم . ومفيش حاجة اسمها الكل يشوف موضوعه . والدليل علي كدا ان معظم الموضوعات المخالفة والموجودة حالياً نسبة المشاركة فيها ضعيفة جداً جداً جداً ( ما هي الفائدة التي عادت علي صاحب الموضوع ؟) بالنسبة لاقتراحك , فوجهة نظري فيه بأنه مستحيل تطبيقه . فيه حاجة اسمها قسم بتاع كله ؟!! ما هي فائدة الأقسام بالمنتدي اذاً ؟!! خلي بالك ان رأيك دا اذا اتعمل بيه , يبقي بيأكد ان احنا شعب بنحب الفوضي ! شكراً علي مرورك الجميل . |
احنا كده الشعوب العربية الممنوع مرغوب
ونحب حاجة اسمها عدم النظام :mad: وده سبب تاخرنا :mad: احنا ليه منلتزمش بالقوانين مع انها واضحة زى الشمس والصراحة انا من يوم ما رجعت من الاجازة مش بعمل حاجة غير نقل مواضيع وحذف مواضيع هو مش من حق المشرف انه يشارك ويعمل مواضيع مش المشرف عضو بردو وكمان زى ما حضرتك قولت اسم القسم بقى واضح جداا واكيد مش محتاج قوانين توضحة لانه واضح من اسمه واتمنى من الاعضاء انهم يلتزموا بالقوانين اكتر من كده |
وعليكم السلام ورحمة الله وبركاته موضوع جميل يا استاذ على شكرااااااااااااااا على هذا المجهود الكبيـــــــــــــــــــــــــــــــــــــــــــــ ــــــــر |
اقتباس:
ما الأعضاء تشوفه في مكانه المناسب له . ولا هي واحدة بايرة ومش لاقيين عريس يتجوزها ؟!! ينفع اننا نطبخ الأكل في حجرة الصالون علشان الضيوف تشوف الأكل اللي بينطبخ ؟ ينفع الواحد يعلق الجزمة علي الشماعة ويحط هدومه في الجزامة ؟! اذا كان هو حابب يعمل كدا , فمش من حقه ان يفرض علينا نعمل زيه ! ولما والده أو والدته يلطشوه علقة علي غلطه دا , ميزعلش ويجيب الغلط عليهم هما !! انتي يا فرح شايفة ايه اللي المفروض يتعمل مع الموضوعات المخالفة ومع أصحاب هذه الموضوعات ؟ |
اقتباس:
يعني ايه مش شايفين القوانين ؟ القوانين محطوطة في القسم ومثبتة كمان . قصدك العضو مش عايز يعمل بالقوانين دي ويلتزم بيها ( زي ما انتي قلتي بيعملوا نفسهم مش شايفين ) يبقي علي الأقل ميزعلش ويقوم الدنيا لما يلاقي موضوعه اتنقل أو تم اغلاقه ! يعني أبقي أنا الغلطان وأحمل غلطي دا علي غيري ؟!! حد يوجهنا ويعدل ورانا ...... للمشرفين دور في هذا الأمر , ولكن للأعضاء دور أيضاً وهو حسن التعاون . شكراً علي المرور يا نقاء . |
اقتباس:
ان صاحب الموضوع المخالف يتوقف اسبوع عشان يحرم يحط موضوع مخالف :stickjo4: وغيره ياخد عظة عشان ميعملش زيه مع ان انا عارفة ان اعضاء كتير هتزعل من كلامى لكن بصراحة هو ده اللى بينفع مع المصريين لازم نشد شوية عشان نتعدل :( |
اقتباس:
ههههههههههههه عارفة يا شروق أنا بضحك ليه ؟ لأن ردك اكد ليا ان كان معايا حق لما قلت ان الاعضاء هتتعود علي وضع الموضوعات المخالفة بالقسم . وكلامك دا بيأكد اني معايا حق . لأن القسم منذ فترة ووجود الموضوعات المخالفة فيه واضح للكل , اعتاد الاعضاء علي وضع أي موضوع بالقسم , ولما الموضوع يتحذف أو يتنقل لمكانه المناسب , العضو بيشعر ان المشرف مضطهده ومتعمد غلق أو حذف أو نقل موضوعه وبلا سبب !! زي ما الواحد وهو ماشي بيبص علي الطريق كويس علشان يعرف هيحط رجليه فين والا هيقع علي الأرض , بردوا لازم العضو يبص الأول علي هدف موضوعه ايه وفين مكانه المناسب في المنتدي . والله الحكاية بسيطة . شكراً علي مرورك يا شروق . |
اقتباس:
انتي مشرفة القسم يا روز . انقلي الموضوعات إلي القسم المناسب لها دون اخبار صاحب الموضوع بأي شيء . فقط اكتفي بذكر المكان المنقول إليه الموضوع داخل الموضوع نفسه ( يعني مشاركة ) والعضو اللي عايز يعرف موضوعه راح فين , يدخل ملفه الشخصي ومنه إلي ( الموضوعات التي كتبها العضو ) ويشوف موضوعه راح فين . واذا لم يستطع الدخول لمكان موضوعه أو لم يجده في ملفه الشخصي , يعرف من كدا ان موضوعه اتحذف . ولو عايز يعرف السبب , يبعت هو رسالة لمشرف القسم ويسأله فيها عن سبب الحذف أو الغلق للموضوع . خليكي حاسمة وحازمة في التعامل مع كل الموضوعات وكل المشاركات وانقلي واحذفي كل المخالف , واعملي الكلام دا مع كل الأعضاء ( ما عدا أنا :d:d ) شكراً لمرورك يا روووووز . |
اقتباس:
مفيش مجهود خالص يا محمد . أنا كنت عايز أقول أد كدا عشر مرات :angry2::angry2: بقالي قرابة شهرين مش عارف أشارك في القسم من كتر موضوعاته المخالفة والتافهة كمان . الموضوعات الهادفة في القسم بقت عاملة زي ما يكون الواحد بيدور علي ابرة في كوم قش :blush::blush: شكراً لمرورك يا محمد . |
اقتباس:
أنا أول الأعضاء اللي هيزعلوا يا فرح :(:( وقف مرة واحدة كدا ؟؟ مينفعش . المخالفة من النوع دا لا تستدعي هذا العقاب من أول مرة . يتنبه عليه مرة واحدة . المرة التانية ياخد مخالفة أو انذار . المرة التالتة كمان مخالفة وينقل موضوعه إلي الأرشيف بعد غلقه. المرة الرابعة يبقي وقف العضوية أسبوع . وكدا يبقي حصل تدرج منطقي وطبيعي في العقوبة ( علي قدر الخطأ ) ويا ريت روووووز تكتب الكلام دا في قوانين القسم المثبتة في القسم بعد عرضها علي ادارة المنتدي . |
اقتباس:
طيب والله انا لحد الوقتى لسه بنقل مواضيع مع ان القسم واضح من عنوانه هو انا هقضى حياتى انقل واحذف مواضيع يعنى مش هعرف اشارك :( حاسة انى هموت على الحال ده طيب وليه ميكنش العضو مسئول زى المشرف ويخففوا عنا شوية وساعات بحتار انقل الموضوع فين !!! شكلى كده مش على قد المسئوليه يعنى المواضيع اللى فيها فيديو تتنقل فين !!! وزى ما حضرتك قولت ان العضو يشوف موضوعه راح فين من طريقة حضرتك (مش معقول انى هكتبها تانى :d) وكمان هحتاج وقت انى اكتب مشاركة فى الموضوع عشان يعرف موضوعه راح فين :angry2: انا ما بصدق انى بنقل شوية مواضيع :o ههههههههههههههههه ما عدا حضرتك على عينى حضرتك اول عضو مع ان حضرتك ماشاء الله بتحط الموضوع فى المكان المناسب :d اسبكم شوية لما اروح انقل شوية مواضيع :stickjo4: |
جزاك الله خير على الموضوع يا مستر بجد قمة الإستهتار والتساهل فى وضع المواضيع بالقسم حتى بعد تعديل الإسم بقى واضح جدا الهدف من القسم ولسه برضه أغلب المواضيع الموضوعه لاتمس هدف القسم مش عارفه هو وضع الموضوع فى القسم المناسب بيجيب لهم حساسيه ولا إيه بالظبط يعنى حتى لو العضو مش هيكلف نفسه ويقرأ قوانين القسم من إسم القسم أصلا هيقدر يفهم موضوعه تبع أى قسم سياسة بقى إن ده شغل المشرفين والعضو يحط موضوعه فى أى قسم وبعدين المشرف ينقله فى القسم المناسب ده تفكير عقيم ومش معنى كده إن مشرفى القسم يزورو القسم كل كام يوم مره ويلقوا بالمسئوليه على الأعضاء ولو إحنا شعب فعلا اتعود على الفوضى وعدم النظام ده الوقت المناسب اللى نحاول نغير فيه نفسنا وحكاية ان العضو بيحط الموضوع فى القسم ده عشان يتشاف أكتر مش مبرر على الإطلاق ده عدم ثقه ...... لإن لو موضوعه فعلا مهم وهادف ومحترم هيتشاف فى أى قسم وهيكون فيه مشاركه كتيره بس ده لو موضوع يستحق لإن أصلا بقت مواضيع كتيره منقوله وتافهه ومتكرره أنا اسفه إنى طولت بس بجد كنت منقوطه من مواضيع القسم ده:mad: |
اقتباس:
أجاوب انا . علشان بتعملي نقل جزئي للموضوع . اعملي نقل كلي للموضوع ( بدون اعادة توجيه ) لأن النقل الجزئي بيخلي الموضوع موجود في قسمين . - موضوعات الفيديو انقليها لقسم ( أخبار مرئية ) وأهو القسم هناك يشتغل . ويكون الموضوع في مكانه الصحيح . - انتي قد المسئولية يا روز , واذا اختلط عليكي الأمر في نقل موضوع لمكان ما , عندك الارشادات في القسم , وعندك أفراد الادارة ( وكلمة في سرك بس اوعي تقولي لحد , أنا كمان موجود :d ) - مفيش وقت ولا حاجة يا روز لما تكتبي مشاركة داخل الموضوع المخالف وتقولي فيها مثلاً ( ينقل إلي قسم .... ) هذا هو المطلوب فقط . - اوعي أكون أول عضو تحذفي له :(:( أنا عارف حقوقي وواجباتي كويس . أرفع عليكي قضية وأقدم فيكي بلاغ للنائب العام :stickjo4::stickjo4: |
بصراحه كلام حضرتك مظبوط طبعـــا وانا تقريبا كلامى زى كلام نقاء والصمت الحزين الناس بتحط الموضوع هنا فى القسم العام او بمعنى اصح قسم النقاش الهادف علشان ينال اكبر قدر من المشاهده والردود ، هو اينعم لو الموضوع اتعمل فى مكانه الصحيح مش حيكون فيه ربع عدد الردود والمشاهدات اللى حتكون فى القسم العام بس برده ، وزى ما نقـــاء قالت هما بيعملوا نفسهم مش شايفين ممكن الواحد يغلط مره او اتنين ويحط موضوع غلط بس مش على طول يعنى ومسؤليه المشرف ان يتعامل مع الموضوع ده وينقله للقسم المناسب ويحذر العضو ده او بمعنى اصح ينبه مره ولو اتقررت ينبه مره تانيه وبعد كده يكون فى قرار حازم لان كده الموضوع حيكون بقصد بس انا عايزه اقول حاجـــــه : الناس ليه مابقتش تعمـــل مواضيع فى القسم هنـا ؟ والمواضيع اللى بقت تتعمــل بقت عاديــه اوى ومش ليها اى هدف او متعه فى الحوار زى الاول وكمـــا مكانـهـا مش مناسب للقسم هنــا هو الاعضـــاء راحوا فيـــن؟ بس موضوع حلو اوى يا مستر وياريت كل الاعضاء يدخلوا الموضوع ويشوفوا الكلام ده |
اقتباس:
جزانا واياكي يا مروه . بسم الله ما شاء الله عليكي يا مروه . واضح انك متابعة القسم وان شاء الله يرجع القسم في أفضل صورة ( اما بالذوق والالتزام بقوانين القسم أو بالعافية وتوقيع العقوبات المناسبة ) أتفق معكي في كل ما ذكرتيه بلا أي استثناء . هي مشاركتك دي طويلة يا مروه ؟ امال مشاركاتي أنا تبقي ايه ؟ :o:o شكراً علي مرورك ومشاركتك الرائعة . |
اقتباس:
اها عارفه بس موضوع واحد اللى نسيت اعمله بدون اعادة توجيه :dولحد الوقتى مش عارفه انقل مواضيع تانية لانى عندى مشكله بما ان حضرتك خبرة فى المواضيع دى ممكن تحلها لما انقل موضوع تانى يظهرلى الموضوع اللى كنت عملته نقل جزئى ومش عارفه انقل التانى ايه الحل :excl::excl: |
اقتباس:
- خطأ العضو أكثر من مرة في وضع الموضوعات المخالفة للقسم هنا , قلت رأيي فيه وطلبت من روووووز عرض هذا الأمر علي ادارة المنتدي وان وافقت عليه , يتم وضعه داخل قوانين القسم . وعلي جميع الاعضاء الالتزام بعدم المخالفة وتكرارها والا فعلي العضو تحمل تبعات مخالفته واصراره عليها . - فعلاً معاكي حق في ان حتي الموضوعات المناسبة للقسم هنا أغلبها منقول وليس مكتوب من قبل الأعضاء . أعضاء القسم العام ( قسم النقاش الهادف ) طفشوا منه من كثرة الموضوعات المخالفة فيه والموضوعات التافهة , وأنا أول هؤلاء الأعضاء . بمسك نفسي بالعافية من اني أدخل الموضوع واكتب بمنتهي الصراحة والوضوح انه موضوع غير نقاشي أو موضوع تافه أو موضوع في غير مكانه المناسب ) لأني لو عملت كدا , صاحب الموضوع هيفهم كلامي غلط وأكيد هيقول اشمعني الموضوع الفلاني والفلاني والفلاني و .... !! شكراً علي مرورك ومشاركتك يا عزة . |
ههههههههههههه ... رووز .. انا اتعمل فيا المقلب ده من الادارة فى قسمى ... لغوا قسم من اجل مصر .. و قالولى شيل معلم .. تعامل .. مسحت بتاع 122 موضوع و نقلت اكثر من 230 موضوع .. و امتى .. قبل الامتحان بأيام قليلة ... ^^ .. و كل يوم خناقة لحد انهارده ..
كان الله فى عونك ... و بخصوص موضوعك يا مستر على .. انا كنت بحب اعمل مواضيع اوى .. انما دلوقتى .. بقيت بكسل اعمل موضوع واحد .. بسبب المأساة اللى حضرتك ذكرتها .. |
اقتباس:
مش فاهم كلامك كويس يا روز . نقل الموضوع ( مع اعادة التوجيه ) يجعل الموضوع كما قلت موجود بقسمين . لو النقل ( بدون اعادة توجيه ) وعلق معاكي , اعملي تسجيل خروج من المنتدي . وارجعي ادخل تاني وانقليه , وهيتنقل معاكي . لو المشكلة غير كدا , ابعتي ليا رسالة وفهميني المشكلة ايه بالظبط . |
اقتباس:
كان الله في عونك يا أمجد . بالفعل قسم اشرافك معقد ومملوء بالمشاكل ( أنت عارف أنا مسميه ايه . قسم الخناقات ) وأكيد ادارة المنتدي هتعين مشرف أو اكتر معاك في القريب العاجل ان شاء الله . قلت لك قبل كدا يا أمجد ان موضوعاتك رائعة بالفعل ولا ينقصها سوي أمرين :- - تبطل تختصر في الكلام يا أمجد . ولا انت بتكسل تكمل الكلمة ؟ :(:( - أطلب رأي الأعضاء داخل موضوعاتك ورد عليهم وتفاعل معهم ( ردود غير تقليدية - ناقش العضو في تعليقه وهو يرد عليك ويناقشك , وبكدا الموضوع يكون فيه تفاعل كبير والاعضاء تستفيد منه أقصي استفادة ممكنة ) شكراً علي مرورك يا أمجد يا يوزرنامو ( هو لسه نامو ولا دلوقتي صحيوا ؟ :d:d ) |
اقتباس:
همـــا طفشوا من قليل بص يا مستر انا مسجله هنا فى البوابه من 2008 ومن قبلها كمان وانا دايما افتح وادخل على القسم العام اينعم ماكنتش بحب اشارك بس كنت بحب ادخل كل المواضيع واقرأها كلها عارف ليه يا مستر؟ علشان كانت مواضيع فعلا تستاهل تكون هنا فى القسم العام وفى البوابه وناس كانت قمه فى الروعه والجمال حاليا ناس كتير اوى منهم مشيو واختفو كمان وحتى الموجود منهم مش بيدخل القسم العام ولا بيعملوا فيه مواضيع اصلا ليه انا مش عارفه ممكن علشان زى ما حضرتك بتقول والمواضيع اللى بتتعمل عمد وبالغط هنـــا فى القسم مش عارفه ده جزء من رد أمجـد عايزه اعلق عليـه اقتباس:
بتكســـل ، ولا مش عايز تعمــل علشان مش حيبقى ليه قيمه زى الاول؟ تعرف يا امجد كل ما أسـال ناس من الحلوين اللى دايماً ينورا القسم العام انتوا فين ومش بتدخلوا القسم ليه القيهم كلكم مكسلين ومش عايزين يعملوا مواضيع الكل بقى كده ليـــه؟ فى الفتره الاخيــره حسيت بكســـل رهيب فى المنتدى كله ماعدا القسم العام * النقاش الهادف* بس دلوقتى الحمد لله الكسل انتشر فى جميع ارجاء المنتدى |
طيب ماشى عشان خاطرك يا مستر انت و عزة ... انا هعمل موضوع و هحاول اجمع الناس تانى ننشط القسم صح ..و كمان مش عشان خاطركم و بس لا .. لانى انهارده يوم خاص بالنسبة لى .. انا حلقت ذقنى بعد ما ربيتها لمدة 27 يوم ^^ ... كنت عايش دور الاكتئاب .. بس حاجة محيرانى و الله .. ليه مش بينفع اعمل ساكسوكة زى الكبار .. انا بحقد عليهم ... المهم بالمناسبة دى ان شاء الله فى غضون يوم كده اكون عرفت فكرة موضوع جميل ^^ مش عارف حاسس انى اهبل !
|
اقتباس:
باقي الأمور التي تخص المشرفين والتي ذكرتيها , لن أعلق عليها ( سبق وأن قمت بالتعليق عليها من قبل في أكثر من موضوع ) كما أن هذا الموضوع الهدف منه هو الاعضاء في المقام الأول وان كان للمشرفين دور أيضاً . لكن لو اتكلمت عن المشرفين هنا باستفاضة , سيتحول الموضوع عن مساره تماماً . اتكلمت عن الادارة من قبل واتكلمت عن المشرفين أيضاً . والأن حان دور الأعضاء وواجبهم تجاه كل قسم في احترام قوانينه والالتزام بها حتي يحدث تعاون بين الجميع ( عضو - مشرف - ادارة ) وان شاء الله القسم يعود كما كان وأفضل ويعود كل اعضاؤه ويشاركوا فيه . |
اقتباس:
وشكرا على تفهمك وجهة نظرى على الرغم انى اختلف معك ولو تحب انافق اوك بس انا بحب اقول الحق والحقيقة ومش لازم دائما نتفق فى الرأي |
اقتباس:
اختلفي معي كيفما يحلو لكي , ولكن قولي كلاماً يقبله المنطق والعقل . لم أري أنكي تحدثتي مطلقاً في مشاركتك علي واجبات العضو . هل العضو يفعل كل ما يحلو له ويثير الفوضي في كل قسم من أقسام المنتدي ولا يحترم ولا يلتزم بقوانين كل قسم , ثم نطالب المشرفين بأنهم مجبرين علي ترتيب كل قسم دون المساس بأي عضو ؟! هل هذا هو ما يقبله العقل والمنطق ؟ أخبريني عن واجبات العضو . ما هي هذه الواجبات ؟ لم تجيبيني علي سؤالي : ما هي فائدة أقسام المنتدي اذا كان قسم واحد فيه يمكن وضع أي موضوع به ؟ وبما انك قلتي انك بتحبي الحق والحقيقة . هل تعلمين ما معني نقاش هادف ؟ لن أذكر موضوعات لأعضاء أخرين , بل سأذكر موضوعك أنتي ( بكل صراحة أنا غيرت ديني ) وبصرف النظر عن العنوان ( علي اعتبار أن الموضوع منقول ) هل هذا الموضوع نقاشي ؟ الاجابة داخل موضوعك نفسه . كل التعليقات تقليدية وكذلك ردودك عليها . فهل هذا الموضوع مناسب للقسم هنا ؟ أم أن مكانه المناسب هو قسم ( حي علي الفلاح ) أو ( البنت المسلمة ) ؟ ان كان يوجد نقاش داخل موضوعك , أتمني أن تذكري لي ذلك . موقف عايزك تتخيليه : تخيلي أن الأقسام التعليمية تحولت كلها لقسم واحد ( وزي بعضه خليها لكل سنة دراسية ) وقام المدرسين في كل المواد المقررة علي هذا الصف الدراسي بوضع موضوعاتهم داخل هذا القسم الواحد . هل يكون هذا القسم منظم أم في حالة فوضي ؟ |
حضرتك بتطلب تفسير لطبيعة من طبائع الشعب المصري
طيب ليه حضرتك الناس بتطلع من باب النزول في المترو مع ان مكتوب علي الباب و علامات علي الارض قد كده؟؟ لانه مش بيحب يلتزم بالحاجات البسيطة لكن حاجة زي منع التدخين في المترو الكل ملتزم بيها لان عليها غرامات و عقاب احنا كده لو اتعمل عقاب علي عمل موضوع مش في مكانه محدش هيعمل موضوع مش في مكانه و لو حد عمل هيتعاقب ولو حد اتعاقب الاعضاء هتعتبر لكده متسألش ليه يا استاذ...طبيعة للشعب المصري لكن علي اي حال من المفترض للمشرف انه يبلغ العضو بأنه نقله موضوع مش هتخسر يعني لكن اهه .................. |
تقريبا في 3 أنواع من الأعضاء نوع جديد ومش يعرف وفاكر ان المنتدي كله قسم عام او نقاشي.... ونوع تاني عارف بس ليه احط موضوعي ف قسم فيه عناكب !!! ونوع تالث...مش بيبقي عارف يحط الموضوع فين فيحطه والمشرف يبقي ينقل!! يعني هيفكر كمان ف المكان مش كفاية انه يكتب ... ربنا ييسر الأمور شكراا |
اقتباس:
فعلاً طبيعة الشعب المصري أو الغالبية منه هي عشقه الشديد للفوضي . ليس الأمر سهلاً كما يبدو للاعضاء بالنسبة لمشرفين بعض الاقسام وأولهم هذا القسم . المشرف ممكن في يوم واحد ينقل 20 موضوع أو أكثر . عايزه يبعت 20 رسالة وعلي الأقل نصفهم هيبعت له تاني وهو لازم يرد وهكذا !! يجيب وقت منين لمتابعة المشاركات داخل موضوعات قسمه ؟ دا بالاضافة إلي أنه من حقه أيضاً أن يشارك في الموضوعات . الوقت اللي يستغرقه المشرف في كتابة رسالة للعضو للابلاغه بنقل موضوعه , العضو يستغرق وقتاً أقل منه في الدخول لملفه الشخصي ومعرفة أين يوجد موضوعه . ليه عايزين نعمل مشكلة والحل في أيدينا نحن كأعضاء ؟ شكراً علي مرورك ومشاركتك يا أحمد . |
اقتباس:
اختلاف الرأى لا يفسد للود قضية واظن واجب المشرفين اجبارى عليهم واكبر من الاعضاء ألف مرة وده دورهم تنسيق المنتدى :angry2: |
طبعا الاطلاع على القوانين مش كل الناس بتحب تعمله بس انا عاوز اسئل هو القسم الجديد ليه قوانين جديدة ولو كان فعلا المفروض القوانين تكون قبل الانشاء او معه ................ اما بنسبة لموضوع فطبعا بيكون جهل من الاعضاء الجدد او ممكن حب فى الظهور اى كان ما يظهر به والبعض بيكون متعمد وكده يعنى ولكن الالتزم بالقوانين لازم يكون موجود وهو اساس الانضبط و هو الاكثر افادة لعضو المخالف فالالتزام بالقوانين يعطى لعضو الحجم المناسب لموضوعه مما يدفعه لعمل اكثر ان كان مقصر والاجتهاد اكثر ان كان مجتهد............................. وشكرا على الموضوع الجميل |
اقتباس:
ايه دا ؟ هو الميني باص وقف في المحطة دي ونزلتي هنا ؟ :o عوداً حميداً :angry2: النوع الجديد : قلت اسم القسم واضح - الصفحة الرئيسية تحت اسم كل قسم الهدف منه - داخل هذا القسم ارشادات يجب أن يطلع عليها العضو الجديد ( هي الارشادات وقوانين القسم محطوطة لمن ؟ العضو القديم ولا الجديد ؟ ) النوع التاني : نحط هنا في القسم دا تعابين وحيات علشان الأعضاء المخالفين يخافوا . النوع التالت : اشمعني يعني القسم دا ؟ كان قبل كدا بيتقال ان القسم العام هو أول أقسام المنتدي كله وعلشان كدا العضو بيستسهل ويحط موضوعه هنا . لكن دلوقتي مش هو أول الأقسام ولا حاجة . هي بقت عادة عند الأعضاء وخلاص . شكراً علي المرور والمشاركة يا تسابيح وعلي رأي الاعلان التليفزيوني : هما دول الـ 3 أعضاء اللي ..... 4 أعضاء ( النوع الرابع هو اللي بيحترم قوانين كل قسم وله مني كل تحية وتقدير ) |
اقتباس:
باين عليكي عنيدة وخلاص . مصرة انك علي صواب فيما قلتيه والخطأ به واضح وضوح الشمس . لكن هقولك ايه تاني ؟ أه . أقولك ؟ حطي أي موضوعك ليكي هنا في القسم , وهاتي موضوعات صحباتك وحطيها هنا كمان وأي حد يقابلك ويكون معاه موضوعات , هاتيها منه وحطيها هنا , وأهو المشرفين اللي هنا دول لازم نشغلهم . علي الأقل يعملوا بلقمتهم . اعملي كل حاجة زي ما انتي عايزة . |
اقتباس:
|
اقتباس:
القوانين كما هي يا أحمد . اللي اتغير هو اسم القسم فقط حتي لا يدعي بعض الأعضاء أن القسم العام ( بتاع كله ) القوانين دي موضوعة من أجل الأعضاء الجدد . كما أن العضو الجديد ان خالف في وضع موضوع في مكان غير مكانه المناسب , بيتم التنبيه عليه بعدم تكرار هذا الأمر وبأن ينظر لقوانين القسم والموضوعات المناسبة له . لكن المشكلة الحقيقية في الأعضاء القدامي . دول ايه عذرهم ؟؟ الاجابة : عايزين أكبر عدد يشوف العروسة , قصدي الموضوع . الي نفسي أفهمه , هو غلط أو حرام ان الأعضاء تتعاون مع المشرفين في تنظيم القسم والمحافظة عليه ؟ شكراً علي مرورك الكريم يا أحمد . |
اقتباس:
- ردي عادي جداً ولا يوجد به أي قسوة . انظر للمشاركات السابقة والردود عليها . لقد أوضحت الأمر للعضوة من جوانب عديدة ولكنها لم تقتنع بأي شيء . سألتها بعض الاسئلة , فلم تجيبني علي غالبيتها , والباقي الاجابة لم تكن واضحة . اذا لم يتبقي أمامي الا أن أقول لها أن تضع كل ما يحلو لها في المكان الذي يحلو لها . - يعني ايه العضو يشوف موضوعه من وجهة نظره ؟ يعني مثلاً تكتب موضوع ديني وتحطه هنا في القسم دا وتقولي الموضوع هادف ونقاشي ؟ وجهة النظر دي غلط . لو بصيت علي الارشادات , هتلاقي فيه أقسام دينية خاصة بمثل هذه الموضوعات . مثلاً تجيب صورة وبها موقف ما وتطلب من الأعضاء التعليق عليها وتقولي موضوع هادف ونقاشي ؟ بردوا غلط . يوجد في المنتدي قسم خاص بالصور والتعليق عليها . يعني مثلاُ أنت عضو قديم في المنتدي من سنة ( 2008 ) هل قرأت قوانين وارشادات هذا القسم وتعمل وتلتزم بما فيها ؟ لو كان هذا هو ما يحدث حقاً لكنت وضعت موضوعك ( أنا زهقان أنا نازل الميدان ) في القسم المخصص له في المنتدي وهو قسم ( ملفات وقضايا ) بعد الغاء قسم من أجل مصر . لا أقصد أن أقسو عليك أو أتهمك لا أنت ولا غيرك , فقط أوضح لكم الهدف من هذا القسم حتي نتعاون جميعاً في تنظيمه والمحافظة عليه . شكراً علي مرورك ومشاركتك . |
اقتباس:
واضح ان وجهة نظرى صح كان لازم اقولك اه والله حضرتك عندك حق وامدح لكن لما اختلفت بقيت عنيدة ربنا يهدينا جميعا |
اقتباس:
لم أطلب منكي أن تتفقي معي . ( انا كاتب موضوع عن هذا القسم وليس موضوع شخصي , وأنا عضو مثلي مثلك ) بل علي العكس تماماً . قلت لكي اختلفي معي كيفما يحلو لكي ولكن قولي لي كلاماً يقبله المنطق والعقل . ارجعي لكل المشاركات في هذا الموضوع ( كلها وليست مشاركاتك أنتي فقط ) واقرأيها وتفكري فيها بروية , ثم قولي ماذا رأيتي فيها . |
اقتباس:
احب ألفت انتباه حضرتك انى لم أرد عليك بنفس الأسلوب على الرغم من اتهامك انى عنيدة وعلى الاسلوب الساخر بتاع حضرتك ربنا يهدينا جميعا |
اقتباس:
رأيت ان معظمها مدح فقط ;) وكل واحد حر فى رأيه |
أه نسيت موضوعى اظن المشرفين طبيعى شفوه ولو مخالف كانوا نقلوه وانا لا اعترض على عمل المشرفين |
اقتباس:
طالما ان كل واحد حر في رأيه زي ما بتقولي كدا , يبقي انتي حرة تحطي موضوعك في المكان اللي يعجبك , وكمان المشرف حر انه ينقله أو يحذفه أو يغلقه . وبردوا المشرف حر انه يديلك مخالفة في حالة تكرار الخطأ . |
| جميع الأوقات بتوقيت GMT +2. الساعة الآن 01:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.