|
مرتبات المعينون الجدد بالشرقيه ولنا الله
السلام عليكم انا اخوك من محافظه الشرقيه(اداره شرق ) تعيين 14/2/2011 احب ان اوضح ان المرتبات الجديده اتعملت على الاساسى واحد لكل المعينون حتى الحصه والمكافاه الشامله وهو 219ج واللى يفرق الحصه والمكافاه عن اللى امتحنوا الكادر هو فقط بدل الاعتماد باختصار مرتب الحصه والمكافاه الشامله المعينون 370ج مرتب المعلمين الجدد 450ج +اضافه العلاوه الاجتماعيه للمتزوجين يصل الى 456ج يابلالالالالاش اما بالنسبه ل200 فى الميه فالكلام غير مستقر ناس بتقول هناخدها من شهر 8 وباثر رجعى من 7 وناس بتقول ملناش فيها وفى النهايه هى ده مصر ام الدنيا اللى دايما مبهدلنا وحسبى الله ونعم الوكيل فى كل ظالم يرضى بان تعيش اسره كامله 456ج ملحوظه توضيحيه :- بتنزل فى شهر 7 من كل عام ملزمه فيها اسماء كل المعينين فى كل اداره تعليميه مكتوب فيها الاسم والدرجه الماليه والاساسى ياريت كل واحد يبقى يشوف اسمه ويطمن . ورجاء من كل المعينون بالقرارت المختلفه توضيح محافظته والاساسى بتاعه واجمالى المرتب علشان نفهم احنا رايحين على فين ووضعنا ايه ؟ مع العلم ان مفيش مفردات مرتب بتنزل لان موظف الماهيات اللى فى المدرسه بيشتغل على الاساسى اللى فى الملزمه اللى جاى من المديريه .هذا للعلم اسف على الاطاله وشكرا |
عندنا في الادارة فعلا وصل الكلام ده الاساسي 219 بس المتعينين بالقرار 75 هيخدو 420 مش 370
|
طب وانت إسمك نزل في الملزمة ولا لأ لإني إدارة بلبيس واسمي ما نزلش
|
الله
طب والكادر والحد الادنى وحافز الاثابة |
اقتباس:
ازيك يااسلام اخبارك ؟ انا اسمى موجود فى الملزمه وقدامى الدرجه الثالثه والاساسى ياعم ده حتى بتوع الحصه والمكافاه اسمائهم نزلت على فكره فى ملحق للاسماء متقلقش وكمان واحد زميلى من الاساسيين تعيين قديم ملقاش اسمه راح جابه من التسويات فى الاداره اما بخصوص الناس اللى امتحنوا 1/4 مفيش اى حاجه عنهم خالص لان لم يصدر قرار تعينهم حتى الان والله اعلم |
الكلام ده صح قبل بس قبل القرار الجديد بتاع حافز الاثابه
والقرار واضح جدا ومش لازم ندى فرصه حد يقول هتاخد ولا مش هتاخد حافز اثابه لان القرار واضح وصريح ان المعلم هياخد دون المساس بالكادر والمكافأه....اظاهر الثوره علمتنا منصبرش |
اقتباس:
ده المرتب بالكامل بالكادر حافز الاثابه ناس بتقول من 8 باثر رجعى من 7 وناس بتقول مفيش الحد الادنى فى علم الغيب |
اقتباس:
ماانا وضحت الكلام ده وقلت ان الموظف قالى من شهر 8 باثر رجعى من 7 يعنى لم ااخطا |
اقتباس:
طمنتني يا راجل وبالذات بموضوع إن اسمك مكتوب قدامه الدرجة الثالثة وإن شاء الله هشوف موضوع الإسم في الإدارة الف شكر |
اقتباس:
بص انت تروح الى الاداره بتاعتك قسم التسويات وتقلهم ان اسمك سقط من الملزمه وهم هيدوك ورقه فيها كل حاجه او هيدلوك تعمل ايه ؟ وبعين موضوع كتابه الدرجه من عدمه لا يهم فالدرجات غير موجوده ولكن معلم يوازى فى الكادر الدرجه الثالثه انت فاهمنى طبعا :( |
الصبر مفتاح الفرج
|
اتقوا الله شوية بقى
احنا داخلين فى السنة التالتة ب100 جنية مفيش ولا جنية زيادة انتم اتعينتوا وبتاخدوا مرتب احسن مننا بكتير وكمان بتتامروا صحيح الانسان مش بيملى عينة غير التراب |
لا حول ولا قوة الابالله
|
اقتباس:
|
انا تابع ادارة غرب الزقازيق التعليمية وعينت معلم مساعد بتاريخ 24 -5 -2011 وعملت استمارة قبض شهر 6 والله العظيم وطلع الاجمالى بالظبط 325 جنيه فقط لاغير وكان الاساسى بالظبط 183 جنية والحوافز 45 جنيه والاجمالى 325 جنيه ..
|
هو بيتكلم صح اذا كان الاساسى فعلا 219 جنيه فسوف تجد الاجمالى بالظبط 370 جنيه وانا باصرف 100 جنيه مواصلات يبقى الاجمالى بتاعى 270 جنيه يعنى مرتب واحد شحات طبعا
|
في إدارة أبوحمص الأساسي 231 والمرتب 517
|
؟؟؟؟؟؟؟؟؟؟؟؟؟؟؟؟ة
اية ياعم انت وهو انا من اولاد صقر مفيش كلام من كلامكم دة الاساسى مازال 183.5 مش 219
انتوا جبتوا الكلام دة منين؟؟؟؟؟؟؟؟؟؟؟؟؟؟؟؟؟ |
الكل ميعرفش حاجة الرجاء الصبر
|
انا تبع ادارة ادكو في البحيرة لسه عملين كشف المرتبات الاساسي 219والاجمالي 438.6
|
اقتباس:
لانى متعاقدة من 2004 بس امتحنت الكادر 1/4 ولسه مش عرفه اسمى نزل ولا لا |
اقتباس:
|
اقتباس:
احنا ناس تعبت وشقيت عشان تاخد فالاخر 450 جنية فالاخر مش حرام ده يا اخى وال 100 جنية اللى انت زعلان انك بتاخدها بقالك 3 سنين انا قعدت 5 سنين باخدها احنا مش بنتأمر انت اللى كلامك باين فيه الحقد |
اقتباس:
|
السلام عليكم فى البدايه انا بشكر كل من علق على هذا الموضوع بالسلب او بالايجاب بصوا ياجماعه من غير نرفزه ولا عصبيه ولا مين قال ومين عاد ,استمارات المرتب هتتعمل على ا لاساسى183ج وانت اساسيك 219ج؟ ليه لان احنا كان اساسينا 183ج واضافه العلاوه 36ج بدون العلاوه الدوريه 4ج لانه لازم يمر سنه ميلاديه على تعينك لصرف العلاوه وعلى فكره الملزمه اللى بقولكم عليها ده مكتوب قدامها برده العلاوه الدوريه واحنا لا (المعينون الجدد ) خلى اى واحد فى الماهيات يعملك بقى مرتبك من غير دوشه وهتشوف انت هتقبض كام ؟ وضيف ليهم العلاوه الاجتماعيه المعروفه انا بس عايز افهمكم جزء بسيط ان احنا العام الماضى كان اساسينا 183ج وكنا بنقبض على الاساسى القديم 153ج واتعملنا كل حاجه على اساسى القديم ده فى كلتا الاحول الارقام اللى زى 508 او غيرها لن يصل ليها مرتب اى معين جديد والايام بينا انت اساسى 219ج وهيتعملك المرتب على اساسى 183ج كادر 91ج وبقيت الكلام الفاضى المعروف واعتقد ان مفيش محافظه هتختلف عن التانيه الا المحافظات اللى بتصرف بدلات للمناطق النائيه غير كده مفيش والله اعلم |
اما يبقى فيه تعيين الاول بعدها نشوف المرتبات
حرام عليكو !!!!!!!!!!!!!!!!!!!!!!!!!!!!!!!!!!!!!!!! |
يا جماعة انا مدرسة بالحصة و متعينة جديد منذ سنة تقريبا و مش معايا عقد لكن بيتعمل لينا ترخيص عمل و بيجدد كل سنه .
ايه مصيري من التثبيت ؟ ارجو الافادة ادارة بلبيس - الشرقية |
ما هو المرتب الجديد للمعلم المساعد بعد تعيينه معلم بعد تطبيق الحد الادنى
|
اقتباس:
مين اللى قال الكلام ده كل الحصه تم تعينهم طبقا للقرار ال75 وده حصل معانا فى اداره شرق محافظه الشرقيه وانا معايا ناس اتعينوا فى المدرسه كانوا بالحصه وربنا معاكم لا تسكتوا عن حقوقكم |
| جميع الأوقات بتوقيت GMT +2. الساعة الآن 08:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.