الاجازات والاجراءات
 

هل للمعينيين 1/3/2011 بقرار 53 الحق فى الحصول عى اجازات دون مرتب ام لا
ياريت نعرف لان فى الغربية ممنوعة من المديرية بحجة اننا دون درجة مالية
وقاوا ان 6 شهور حجة لعدم توافر الدرجات المالية

الموضوع ده الغرض منه استفسار ليس اكثر , وليس به اي معلومات او ما يفيد المعلمين المساعدين
فلماذا التثبيت ؟!!!!!!!!!!!!!!!!!!
يبدو ان الامر يخضع لحسابات اخري !!!!!!!!!!!!!!!!!!!!!!!!!!!!!!!!!!!!

على فكرة ياباشا انا اشكر المشرفين على تثبيت هذا الموضوع لانة يهم ناس كتير جدا وياريت ياجماعة اى حد عندة اجابة مايبخلش علينا بيها

شكرا للمشرفين

انا سئلت فى الادارة عندنا فى الشرقية قالوا لازم يمر ست شهور امتحانى كان 1/4 والتعين بتاعنا 1/7

طبعا شكرا للمشرفين على ثثبيت الموضوع لاهميته
موضوع 6 شهور ليه معظمنا شغال من 2008

طيب دي حجات بديهية ويعرفها اي حد شغال في الحكومة ولا هما يعني غيروا قوانين الاجازات مع الدستور بلاش نسأل ونستفسر علي كل نقطة وندوش ونصدع المسئولين ولما حد ميردش منهم بنصرخ ونقول الحقونا المسئولين بيتجاهلونا المسئولين بيطنشونا !!!!!!!!!!!!!!!!!!!!!!
ده احنا ناقص نسأل نلبس ايه ونأكل ايه
بعدين الي ميعرفش قوانين الشغلانه الي بيشتغلها يبقي خلاص بلاش منها ويدور علي حاجه بيفهمها

كان هناك موضوع فى منتدى المعلمين الجدد اكدوا فيه ان زملاء لنا تعيين 1/3/2011 حصلوا بالفعل عى اجازات
دون شرط 6 شهور

ياجماعة احنا فى اسيوط ارادت زميلة النقل الى الاسكندرية بقسيمة الزواج رفضوا وقالوا لما تنزل الدرجة المالية وهى تعيين 3/2011 مع العلم ان قانون الست شهور لا ينطبق علينا لاننا اشتغلنا بالتعاقد 3 سنوات

نفس الكلام والله فى الغربية لانقل خارج المحافظة ولا اجازات حين صدور الدرجة المالية
واكدوا ان 6 شهور دى حجة حين صدور الدرجات لو صدرت يعنى

يا جماعه انا من المنيا ومتاكد ان التعيين لم يكتمل الا بالحصول على الدرجه الماليه ودى هتيجى باذن الله فى شهر 8 وده كلام اكيد

احنا عاوزين نخاطب الوزارة بهذا الكلام عشان نتأكد و يبقى رد واحد مش كل واحد من الموظفين اللى مش فهمين يفتى

يا جماعة تعين 1/3 لو دخل الى صحيفة الاحوال او قاعدة بيانات المدرسة سوف يجد انه معين على الدرجه الماليه الثالثة ده قرار 53

ماعنديش حاجة اضيفها
انا متابعة فقط للموضوع
وابدى استغرابى للتثبيت

لوجين انا من طالبت بتثبيت الموضوع لاهميته وراسلت الاستاذ عاشور والاستاذ الشربيني لتثبيته

متوى 1981 انا ابديت استغرابى
وفرحت اما رديت
ميرسي متوى واتمنى وجودك يكون مكثف اكتر من كده
مشاركاتك حلوة ومواضيعك كمان
بس حاول تضيف معلومات تكمل الموضوع حتى ولو عملت فيها اقتباس
وموضوع ال 6 شهور ده انا سمعت ومش عارفه حكايهانك اشتغلت قبل كده بالعقد هاتلغى الشرط ده عشان تاخد اجازاة والا لا؟
حاول تفيدنا من مصادر موثوق منها
نايس توبيك

حاضر يا لوجين مشكورة عى الكلمات الرقيقة كعادتك
اتمنى مشاركة الاستاذان عاشورر وطعيمة فى الموضوع

http://www.thanwya.com/vb/showthread.php?t=341112
http://www.thanwya.com/vb/showthread.php?t=341857

انا زهقت والله من القرف اللى احنا فيه مازال ناك خداع ومماطله وقلة ادب من المسؤولين ولف ودوران اعتقد اننا محتاجين نعمل نقابه خاصة بينا من خلالها نقدر ننادى بحقوقنا المسلوبه

السلام عليكم
بالنسبة لل6 شهور عندنا في محافظة الوادي الجديد لما استلمنا جواب التعيين كان بالفعل مكتوب فيه ال 6 شهور لانه كان ورق مطبوع من زمان لانه زي ما الكل عارف من زمان مكنش فيه تعيينات ومكسلين يطبعوا دفتر جديد المهم .
واللي جا بعدنا واستلم التعيين ممن مر عليه 3 سنين بداو يشطبوا حكاية الست شهور دي ويقولوا انها مش مطبقة علينا .
وفيه ناس اخدت اجازة رعاية طفل عادي وقالوا انه الاجازة بدون مرتب عادي .
وبرضه سمعت كتير بيقول انه دا تثبيت وانه ملناش درجة مالية وكلام كتير من النوع مش عارف اللي بيكتبه مش قادر يصدق انه اتعين ولا ايه ؟ بالفعل اللي اتعين في 1/4 على درجة مالية وحتى في المرتبات وغيرها زادوا العلاوة الدورية 4 جنيه ولو مش على درجة مكنوش زودوها

سألنا امبارح في قسم الاجازات بإدارة المنيا عن اجراءات الأجازه بدون مرتب والمطلوب:
عقد سفرموثق +صوره منه
اقرارالقيام بالعمل(من المدرسه)
صورة من جواب التعيين

ملحوظه الموظفه قالت لنا مفيش شرط ال6شهور

والله مش عارف واضح ان موضوع الاجازات يختلف من محافظة لاخرى
حتى المنيا عندنا مشاركتين مختلفتين فيها
يارب تكون اهمية الموضوع بانت

المنيا

[quote=سألنا امبارح في قسم الاجازات بإدارة المنيا عن اجراءات الأجازه بدون مرتب والمطلوب:
عقد سفرموثق +صوره منه
اقرارالقيام بالعمل(من المدرسه)
صورة من جواب التعيين

ملحوظه الموظفه قالت لنا مفيش شرط ال6شهور [/quote]

الدقهلية



الوادى الجديد

الواضح انها حسب الدرجات
فالمناطق اللى نزلت بها درجات مالية وتم التغيير فى صحيفة الاحوال الى معلم تقدر تاخد اجازة

اما اللى ما خدش الدرجات المالية ولسه معلم مساعد فى صحيفة الاحوال يستنوا لما تنزل الدرجات

طيب انا سالت النهارده عندي في الاجازات في دسوق وقالتلي مفيش اجازة لنا بدون مرتب اصلا وانا اتعينت 1-7 اللي فات
وليا استفسار عند حضرتك معلش
الكلام ده فعلا يطبق حاليا ؟ وعلى مين بالظبط اللي اتعينو قبلنا ولا الكل ؟
ولازم العقد ده يعني مرافقة زوج لا ؟
واقرار قيام بالعمل اللي عملنا للتعيين بتاريخ 3-7 ولا واحد جديد ؟
وصورة جواب التعيين ده اللي هو طلع من التوجيه ؟
اسئلة كتير معلش اتمنى ترد عليا ولك جزيل الشكر

بص لما رحنا والزملاء
الى التنظيم والادارة بالقاهرة بعد ما ضحكوا علينا لما قلنا الدرجات بتنزل فى محافظة ومحافظة لا قالوا ما فيش درجات نهائى نزلت
للقرارات 53 / 74 او اى قرار اخر وقلنا الناس غيرت صفحتها قالت وماله تتغير تانى دون درجة وبعدين احنا مالنا احنا اللى بنصدر قرار
الدرجة
ممكن اجيب لحدرتك الدليل انه ما فيش ولا درجة نزلت
ادخل علي الرابط http://www.caoa.gov.eg/Templates/ComplaintsReplies.aspx
و اكتب الرقم 9988


ده اعتراف اننا لنا حق فى الدرجات الثالثة اللى ما نزلتش الى الان
متنطرين التعليقات
الشكوى:9988موضوع الشكوى:السادة الأفاضل تحية طيبه وبعد , لقد تم تعيينى بقرار رقم 133 بتاريخ 30/3/2011 الصادر من محافظة الدقهلية مديرية التربية والتعليم شئون العاملين تعيينات والذى ينص على تعيننا على الدرجة التخصصية الثالثةوبأقدمية فى التعيين بتاريخ 30/3/2011 . وسؤالى هل بذلك احصل على كافة حقوقى من علاوات واجازات مثل المعلم الدائم .؟ وان كان بإمكانى الحصول على اجازة مثل المعلم الدائم فمتى يتم ذلك بالنسبة لنا فى محافظة الدقهلية . وشكرا جزيلا الرد:تم دراسة الشكوى والرد عليهاالتعليق:فيما يتعلق بالدرجة المالية للمعلم والذي يتم تثبيتة عليها بالوزارة فهي تعادل الدرجة المالية الثالثة مع استصحاب اقدميه سنتين ومنحه بدل اعتماد بمقدار 50% وذلك وفقا لجدول معادلة وظائف التعليم المرفق بالقانون 155 لسنة 2007وكافة الأوراق والمستندات التي تقدم بها المعينين الجدد لوظيفة معلم بالقرار رقم 53/2011 يتم استلامها ومراجعتها بكافة قطاعات الترتيب بالجهاز المركزى للتنظيم والإدارة لتوفير الدرجات وإرسالها إلى وزارة المالية لتوفير الدرجة المالية لذا يرجى الانتظار0000تاريخ الرد:04/07/2011
السؤال الادرات غيرت ازاى

ادارة شربين اللى اتعينوا معانا فى شهر3 الماضى صحيفة الاحوال بتاعتهم شفتها بنفسى معلم درجة ثالثة

واحنا ادارة بلقاس نفس التعيين لسه فى صحيفة الاحوال معلم مساعد
و سألت الاستاذ محمد رضا المسئول بالادارة قال بعد 6 شهورمن التعيين

برغم ان كلنا اتينا بنفس القرار

مش عارف اقولك ايه يعنى الادارات كل ادارة بمزاجها
غيروا ازاى ما ينفعش بجد والله التنظيم والادارة ما نزلش درجات
كيف تم التغيير ؟

كشف الدكتور صفوت النحاس، رئيس الجهاز المركزى للتنظيم والإدارة، أنه تم اعتماد الخطة القومية للتشغيل بالجهاز الحكومى والتى تتضمن حصرا للأوائل الخمسة بكل كلية منذ العام الدراسى 2002/2003، فضلا عن طلاب المنح والحاصلين على درجتى الماجستير والدكتوراه، مع استبعاد كل من تم تعيينه معيدا بالكليات.
قال النحاس فى تصريح لـ«المصرى اليوم»، إنه من المقرر الانتهاء من عمليات الحصر والتسكين خلال شهرين، بعدد 60 ألف خريج، بعد اعتماد الخطة منتصف الشهر الماضى. وأكد أن الجهاز يعكف حاليا على تلقى بيانات أوائل الخريجين تمهيدا لتسكينهم فى وظائف تتناسب مع مؤهلاتهم فى الجامعات أو المراكز البحثية التابعة للوزارات.
وأشار النحاس، إلى انتهاء المركزى للتنظيم والإدارة من تثبيت ما يقرب من 92 ألفا من المؤقتين بالحكومة، والبالغة أعدادهم نحو 400 ألف ممن تم تعيينهم بشكل مؤقت على الباب الأول أجور.

وهذا هو الرابط
http://www.akhbarak.net/articleview.php?id=2634715

بالنسبه لنا اقصد من تم تعينهم بقرار 14/2/2011
وقرار 163 فى 20/2/2011 للمحافظ فانا معى مستند من الاداره قادم من التنظيم والاداره يفيد انه من حقنا الحصول على اجازه بدون مرتب بدون اى شرط
ولكن احضار السبب الذى يدعو لالجازه

أولا
حضرتك اناأقصدقرار53 (14/2/2011)
وقرار74
ثانيا
والشروط اللي ذكرتها تنطبق علي اجازة العمل بالخارج أما مرافقة الزوج دي حاجه تانية معرفش اجراءتها إيه بس لوحضرتك في المنيا وقرار53 أو74كنتي تقدري تاخديها النهاردة لوحبيتي
ثالثا
بالنسبه لصورة جواب التعيين : حضرتك استلمتيه من قسم التعيينات بالإداره اللي حضرتك تابعه ليها
رابعا
امابالنسبه لسؤال حضرتك هل هذاالكلام يطبق حاليا أم لا
بالفعل لدي اصحابي حصلو علي اجازة سنه بدون مرتب للعمل بالخارج
اتمني ان اكون افدتكم...
وفقنا الله لمايحبه ويرضاه

محدش عارف حاجة الكل بيحاول يجتهد

ياريت يكون خير

ربنا يكون فى عونا

ا انا كنت اليوم في الادارة وكنت في الاجازات كل الي الموظف قاله ان انتم ليس لكم شيء عندنا ولا نعرف شيء علي الاجازة وكمان ملكوش اجازة دلوقتي ومجاش حاجة بخصوصكم يعني من الاخر مفيش اجازة بدون مرتب ولازم يكون فيه حل من المعلمين المساعدين المثبتين علي درجة معلم وبسرعة لان فيه تباطئ في الاجراءات بشكل متعمد من وكيل وزارة الغربية والمحافظ والتنظيم والادارة