يا جدعان خفوا حرام عليكوا
 

بصوا بقى معلش في الكلمتين دول ...أنا شايف ان المنتدى محتاج يتعمله تفويرة بمعنى يتظبط من الاول بمعنى كل المواضيع القديمة البايخة دي تتمسح ...كل الاعضاء الي عايزين يتظبطوا من الاول يتوقفوا...عايزين تجديد في المنتدى وياريت الاعضاء تخف من المواضيع الهايفة المنتدى خلاص هاينفجر من كتر المواضيع الي فيه وللاسف050% من المواضيع دي هايفة ومالهاش لازمة ....انا مش بحب اكون عيل وارجع في كلمتي انا قولت ان الموضوع الي هاعمله اكيد هايغير حاجة في المنتدى لكن للاسف بالطريقة دي الموضوع هايترمي وخلاص على كدة......

هوه مش كان اتقفل

إيه اللي فتحه تاني ؟؟

ولا ده من ضمن خطوة التطوير

ولا ده من ضمن المفاجات المنتظرة ..؟؟

ده من خطة مصر للفوز بغانا 2008:D

ربنا يكرمك...مشكور

انت قصدك على جرس الفسحة....ياعم فكك هي جات عليه أي نعم هو مشكلة المنتدى الكبرى موجودة في جرس الفسحة بس مش مشكلة احنا عايزين نصلح حاجات تانية كتيييييييييير

والله الواحد لما بيكون مخنوق ويدخل يلاقي ناس زي العسل كدة بيرتاح شوية.

تريقة دى ولا بجد يا تيمو;)

لأ والله جد انا عمري مااقدر اتريق منورين الموضوع...

هنقول
الكلام
على اللى خفيف الظل
اوك

اى حد هيتريق القى ردو
سخيف
هيتوقف عضويته
من باب تلاته وتلت

الا ايه هو باب تلاتة وتلت يا مصطفى؟:p

اية يا معلم هو حد اتريق ولا قال حاجة غلط....؟

بيقولوا في نسخة المنتدى الجديدة ضمن خط التطوير هيعملوا زرار جديد جنب اضافة الرد السريع اسمه الإيقاف السريع
:-p
وجنب اسم العضو بدل ارسال رسالة خاصة هيحطوا حذف سريع

في بقه هاك جامد للمنتديات اسمه هاك العقاب ده برضه من ضمن خطة التطوير ( الهاك ده موجود بجد ومش تريق ابقى شوف الموضوع يا مصطفى )

هوه انا بتكلم ليه ؟

أنا آسف يا جماعة

ابقى احذف الرد يا مصطفى

المنتدي فعلا عوز تعديل
والاستاذ صوت الحق عمل فكره و6 بس اللي ردو
كلو بيقول جددو ومحدش بيعمل حاجه
كلو بيقول نظمو
ومحدش بينظم حاجه
استنوا لما حاجه تتعمل وبعدين كملو

سؤال برئ بس

هو ايه المشكله اللى فى جلرس الغسحه يعنى

اصل انا حسه ان المفروض مواضيع تكون نقاشات سياسيه يعنى

حاجه عجيبه اوى

انتي يا بنتي مش كنتي من اللي بيأيدوا إغلاقه رغم انك مشرفة عليه وقولتي اغلقوه وشيلوا اشرافي :confused::confused::confused:

بالنسبة لي بأه .. مش حاسس ان اغلاقه هيطور كتير .. لأن الردود فيه قلت اوي وبأه زيه زي اي قسم .. وهو مطلوب وجوده كمان للترفيه .. بس ترفيه بمعنى الكلمة .. مش نخش نعد من 1 لـ 10 ونقول انا الملك والملكة فلانة ... ولا نقول وردة لفلان !!!!!

تم التعديل

فى الأول بس اعتقد ان الموضع ده بيتكلم عن كل المنتدى مش جرس الفسحه بس يعنى
3بالنسبه لموضوع انى وافقت ان القسم يتقفل فنا عمرى ما وافقت على كده

امال بالنسبه انى قولت شيلو اشرافى انا قولت كده اه ولسه بقول كده عشان انا شكلى كده اصلا مش بعمل حاجه فى القسم ومليش اى لازمه يعنى

وعلى فكره اغلاق جرس الفسحه شم هايفيج فى اى حاجه ده هيضر لأن فى اعضاء كتير مش بيدخلو

على العموم براحتكو المنتدى بتاعكو

على فكرة يا ايمان انا مش معترض على جرس الفسحة كاقسم
انا معترض على موضيعه اللى كلها شبه بعض وبتختلف فى الاسامى
يعنى القسم ده ممكن يكون جميل لو حاولتى تظبطى مواضيعه وتعملى حصر للمواضيع المكررة اللى فيه او المتشبها وبتختلف فى الاسم

والله لو حد يعرف اللى انا فيه يا اسلام محدش كان قال حاجه انا امتحاناتى يوم 13 وبدخل عشان المنتدى

وانا اصلا كل ماحذف ولا اعدل رد ليه وليه بقى ورسايل خاصه اد كده

هدلنا النفوس يا عم اسلام

اهم حاجة علشان مووضوعنا يبقى حلو
كلام يبقى فى محله
ومنطولش
وتبقى مناقشه
حلوة

علشان منقفلش الابواب

ليتس جو

يغووووووووووور طبعاً
عادل بيبقى اعد يذاكر

انا بس كل اللى مدايقه منه ان اى كلام على المنتدى يتقلب على جرس الفسحه

طب وانا ذنبى ايه:(

عموماً هحاول مع انها كتير

اية دة كله يا جدعان اولا مشكورين على المشاركة وبالنسبة لجرس الفسحة كلنا مشتركين في الظيطة الي بتحصل فيه مش ايمان بس و بالنسبة للاقتراحات الاخرى الي قالها يوري ان هي موجودة ياريت يكون دة تمهيد مش اكتر لأن لو هي دي بس الاقتراحات يبقى خلاص برضوا باظت احنا عايزين حلول في الاعضاء في المشرفين ..يعني حلول جذرية ....مشكورين ومنورين الموضوع

يا جماعة مينفعش فعلا اللي بيحصل ده
وحكاية قسم جرس الفسحة .. مينفعش نقفله عشان فعلا هوا قسم الترفيه
لكن في نفس الوقت مندلوش اهتمام كبير اوي زي ما احنا شايفين كدا
خصوصا في الوقت اللي احنا فيه ده
خلاص الوقت أزف والامتحانات ع الابواب.. ومش عاوزين الابواب تتقفل في وشنا !!:(
أنا نفسي المواضيع تخف شوية من الأقسام التانية ونتجه بقا للقسم التعليمي
ماشي مانسيبش الاقسام التانية خالص
لكن يبقا تركيزنا الاساسي على القسم التعليمي
ده حتى المنتدى اسمه بوابة الثانوية العامة
فأنا طلبي دلوقت اننا نخف شوية من الاقسام التانية (مش بقول نسيبها خالص ) ونروح بقا للأقسام التعليمية ونفوق

وفي حاجة كمان
في فعلا مواضيع كتير مكررة وهايفة وملهاش اي قيمة ولا اي موقع من الاعراب خالص
فياريت المشرفين يشوفولنا حل في الموضوع ده

وميرسي أوي يا تيمو خالد على طرحك للموضوع ..وجزاك الله خيرا:rolleyes:

بالنسبة للمواضيع القديمة اللي انت بتطالب بحذفها

اتحداك اخي الفاضل ان تأتي بموضوع جديد يشبه القديم في مضمونه وحوارات اعضاؤه ومناقشاتهم

المفروض اللي يتحذف كل ما هو تافه وليس ذو قيمة

عارفين امتى المنتدى ده هيتعدل

لما ميبقاش فيه ديكتاتورية
لما ميبقاش شخص واحد هو اللي بيتحكم في الاف

لم يكون في ادارة بتهتم بمواضيع الاعضاء وطلبهم

مشكورين على الرد..وبالنسبة للاستاذ زيزو ...صدقني المواضيع المكررة كتييييييييييييير لكن طبعا الي بيكرر بيغير حاجة في الموضوع يعني يشيل كلمة يحط كلمة لكن الموضوع هو ة هوة...و طبعا المشكلة ان شخص واحد هو الي بيتحكم في المنتدى كله وكمان للاسف شخص واحد لسة مش عنده خبرة في الحياة بمعنى 25 أكيد مش زي حد عندة 45 او 5خ او اكتر..وكمان الشخص دة مش بيحاول يحل او يربط..

بصوا بقى من الآخر كدة عشان الواحد خلاص اتخنق... انسوا موضوع أشرف و انسوا موضوع علي وخليكوا معايا دلوقتي.. المنتدى مش هايتغير لو فضلنا نعتمد على الادارة زي ما احنا شايفين. يبقى الحل في ايه؟؟؟
احنا عندنا :
( الاستاذ عصام )
( الاستاذ حسام)
نعتبرهم الادارة .........
و عندنا ((((( احمد رضا _ السادات _ المرشد _ ميدو _ Crazy Boss _ الاسطورة _ المجاهد _general)
كفاية علينا الي عايز حاجة يطلبها منهم و بالنسبة لأي حد من المشرفين الي ممكن يظيط في الموضوع و يعمل أي حاجة و يحذف موضوع من دماغه أو يسيب الحال مايل...خليه يعمل الي هو عايز يعمله كفاية شكله ادام المنتدى....
_______________________
و بالنسبة لباقي المشرفين الي أنا ماذكرتش اسمهم..آسف والله وانا مش باقلل من قيمتكم وانتو على راسي من فوق و ماقدرش اقول اي حاجة غير كدة .... لكن دة رأيي و انتوا فيكم الي بيتساهل وفيكم المتميز جدا لكن انا ذكرت دول بس عشان هما من زمااااااااااااان في المنتدى و شايف ان اشرافهم تمام و هاعمل رد تاني ان شاء الله افرق بين الكويس والوحش فيكم.... مشكورين

ولا حاجه هتحصل :(

مبقتش فارقه خلاص

ليه لأ .... اشرف دخل و بدا يحل شوية حاجات و يارب يكمل الباقي ان شاء الله ..... وحتى لو ماكنشي عمل كدة الشخصيات الي انا ذكرتها ادها وادود.... لكن خلاص هو دخل امبارح وبدا ينفذ شوية مطالب وبالنسبة للمشرفين الغير كفء احنا هانبعت للاداريين اسماءهم وهما هايبعتوها للادارة(أشرف)و هايغيرهم..........ربنا يسهل ونكمل المشوار دة للآخر