نداء الى كل من حصل على 95%
 

يا جماعة انا جايب 95% ومحتار جامد اكمل علمى علوم ولا احول رياضة حد يقولى ضرورى ويا ريت اللى جايبين زى يقوليلى هيعملوا اية ؟ انا نفسى فى كلية من كليات القمة يا ترى لو كملت علوم اجيب صيدلة او طب اسنان

da enta momkn tegeb 101 felmia ya 3am salli 3al naby ya ragl kaml 3elom madam 3ayzha :)ana lesa me5als 3 snwi el7l

ايوة طبعا توكل على الله وكمل علمى علوم وفعلا قدامك فرصة السنة الجاية ان شاء الله تجيب اعلى مجموع بامر الله وربنا يوفقك ويكرمك يـــــــــــــــــــــــــــــــــــــــــــــــــ ارب

اه وانا كمان بس جبت94.6% بس هاكمل علمى ان شاء الله عشان انا بحب العلوم اصلا
وربنا يكرمنا يارب

انا نفس الكلام
وبأذن الله علوم
لكن البشاير مش كويسة لان الغش كان في كل حتة ولي صحابي متوسطين جابو 98%

كمل علمى رياضه و شد حيلك جامد فى تالته لان التنسيق هيكون عالى جدا لو كملت علوم ممكن متلحقش حاجه و خدها عن تجربه و متسمعش الا كلام المجرب و انت حر اولا و اخيرا

رياااااااااضه تضمن هندسه او حاسبات

وعشان التنسيق بتاعكووا هيبقة عااالي جدااااااااااااا

انت عايز ايه؟؟؟؟ لو اي حاجه يبقي رياضه

انا جبت 95 بس هدخل رياضة بعد تفكير كتير و بعد ما سألت كل المدرسين لان لو دخلت علوم لازم اجيب 100 % او 99 % فى 3 و دا مش مضمون عشان نلحق كليه قمة لكن فى رياضة فى فرصة كبيرة جداااااااااااااااااااا لهندسة عشان لو مجبناش اللى يدخلنا كليه قمة فى علوم هنندم اننا مدخلناش رياضة و كان قدامنا فرصة كبيرة اوووووووى حتى لو قلينا فى 3 ودا مش بيحصل الا قليل هندخل هندسة ان شاء الله الفرصة كبيرة اووووى

انا جايب 97.5 وهكمل رياضة انشاء الله

كلو ان شاء الله هيبان السنة الجاية

ان الله لا يضيع اجر من احسن عملا

مجاميع المرحلة التنانية عالييييييييييية جدا واوعى تتوقع ان الامتحانات ممكن تيجى سهلة او متحطتش مجال للتوقع ركز واختار صحححححح وربنا معااااااااااااااااااااااااااكم

انا راى تدخلى رياضه اضمن
تدخلى هندسه مرتاحه حتى لو ثبتى ع المجموع ده
بدل متدخلى علوم وتستنى تزيدى
متضمنيش الامتحانات صعبه ولا
والتنسيق شووووووووور هيولع ف سنتكوا بجد دى نصيحه وانتى حره اذا كان انا كنت جايبه 97 ف 2
وجبت 96.5 ف 3
يعنى نقصت
وبقول يارب صيدله ادخلى هندسه اضمن وربنا يوفقك

كملي علوم الكليات هناك اكتر طب بشري واسنان وصيدله وعلاج طبيعي

رأى الثانوية مسئولية وعشان نتجنب الخطأ . كمل علمى رياضة واضمن هندسة عشان التنسيق مش حيبقى عالى دا حيبقى ناااااااااار وحتبقى فى حيرة المجاميع عالية جداااااااااااااا وصعب تقدر تكمل وتوصل صيدلة مثلا.

بص يا اخ انا جايب زيك باظبط 95 فى الميه ومتوقع ان التنسيق السنه الجايه هيبقى عالى زى 2007 والصيديله هتاخد من 97 ونصف لو الامتحنات جات زى ديه انت احسنليك تخش ريااضه عشان تضمن هندسه او حاسبات

انا كنت جايبة السنة اللى فاتت 94% و الحمد لله جبت السنادى 96%
طبعا الحمد لله
انا اصلا كنت احياء فى تانية
و من رايى ان 95% مش وحش خالص بس ركز فى تالتة و على فكرة تالتة مش صعبة اوى زى ما كنا فاكرين
اهم حاجة اعصابك تبقى حديد و تذاكر من اول يوم و يكون عندك هدف
و على فكرة السنادى كتير جايبين 100% و 99% و 98%كمل علوم و ان شاء الله ربنا حيكرمك