الخبر اليقين في حوافز الاثابة
 

أحلى خبر لكل المدرسين جه عندنا الفيوم فاكس يفيد بصرف 140 في المية اثابة للتربية والتعليم كلها وده خبر اكيد وهيوصل كل المحافظالت واحد يقول الدليل هصور الفاكس وابقى اعرضه واحد يقول بطلوا اشاعات هو حر مايصدقش واحد يقل ادبه منه لله لكن والله العظيم من واحد عندنا فى الادارة الكلام ده وعلى فكرة دون المساس بشئ طيب اشمعنى 140 يوم لانهم حاسبين المكافأة 60 في المية واعطوا 140 يبقى 200

ربنا يبشرك بالخير

يا رب يطلع الكلام ده صحيح

يارب يكون أخر كلام في الموضوع دة
ربنا يبشرك بالخير
لكن صورة الفاكس تأكيد

امال حافز الأثابة 25‎%‎ مش محسوب . لوسمحت ارفع صورة الفاكس

يا رب يطلع الكلام ده صحيح

اكيد محدش هيصدق
لو صحيح الوزير كل شوية بالتليفزيون
ومش هيتكسف يعلن حاجه

صح كلامك يا أستاذ محمد أو حتي أي مسئول في وزارة التربية والتعليم أو وزارة المالية يطلع يقول الحقيقة t

لا لترويج الاشاعات

غريبة جدا الفاكسات تصل الفيوم قبل ان يعرفها من فى القاهرة عجبت لك يازمن:039uw8:

قد يكون هناك جني خفي يعرف الأخبار قبل أن يعلنها الوزراء

ان كان كلامك صدق فلك الف شكر
وان كان كذب
فاعلم انك كذبت على الاف الناس

فاكس فى الفيوم
 

اعرض الفاكس على الموقع واضح هانصدقك

امال حافز الأثابة 25‎%‎ مش محسوب . لوسمحت ارفع صورة الفاكس واشمعنا الفيوم بالذات الى يوصل ليها الفاكس وليه نستنى لحد بكرة ما ترفعه النهاردة ولا مش قادر ترفع النهم ده كلة تسكين مفيش تراجع عن الوقفة غدأً بطلوا بقا ممالطة زي الحكومة بقاحاظفا على كرامتك يا معلمين اتحركوا شوية بلاش ينضحك عليكم بكلمتين واحترامى للأخالفاضل ارفع الفاكس واقطع الشك باليقين وشكراً لمجهودك الرائع

معلش يعني القاهرة الاول يظهر فيها الاول ولي محافظة صغيرة زي الفيوم سيبك من الكلام دة انشاء الله احنا كلنا لازم نكون ايد واحدة علشان لو في حاجة ظهرت كانوا بداو في العمل بسرعة وشكرا

عندك حق لا تراجع والله العظيم لن ولم نحصل على شىء غذا لم نتحد ونقف وقفت رجالة

معظم الأعضاء الجدد للاسف .........
مش هكمل

فين صورة الفاكس يا أستاذ

المكافاه 60 يبقى هناخد 140 امال فين الحوافز الـ ( 25%) اللى بناخدها محسبهاش ليه

هل مصدرك موظف بالادارة يبقي عليه العوض دول مايعرفوش اي حاجة

اشاعة اين الفاكس كفى لعب بعقولنا

ارجو من المدرسين عدم تصديق هذا الكلام انه اشاعة لاحباط محاولة التظاهر انامعكم فى مظاهرات الغد

انا من الفيوم ولم يصل اي حاجه ويمكن الفيوم بتعته غير الفيوم بتعتنا ومفيش حل غير الايجابيه وبلاش السلبيه الي اتعودنا عليها ووصلتنا لما نحن فيه من مركز اجتماعي ونظره مجتمع اننا فئه اقل من المستوي

هههههههه شبعنا كلام فارغ وضحك على الدقون معال فاكس منزلتهوش ليه مش راض ينزل برضه
كلها اشاعات علشان ثورة الغد متتمش لكن ربنا حينصرنا على جميع الفلول وناخذ حقنا كااااااااملا

على فكرة انا كلمت عدد من المعلمين لا بأس به
موعدنا غدا امام الوزارة الساعة 1 ظهرا
لا لعم المصدقية بالأوراق
شكرا للمعلم الواعى
موعدنا غدا ان شاء الله

محدش يصدق الخبر ده
صاحب المشاركه هو فتحى فارس
الفلولى
ومتخفى فى عضويه اخرى

غدا الوقفة الاحتجاجية بالقاهرة لاتنسوا فلن نخسر أكثر مما خسرناه

ياجدعان والله ماهتعملوا حاجة بكرة انتم كلااااام وبس والخبر بتاعي هو اللي هيحبطكم طول عمركم بتاخدوا على دماغكم وتسكتوا طيب انا جالي خبر قلت افرحكم خلاص بقيت انا اللى بفرئكم طيب بلاش تصدقوا كلامي انسوه وورونى بكرة كام واحد هيروح 10 ولا 20 زي كل مرة

والله انتم خسارة الكلام معاكم ياشوية مدرسين والله ماهتعملوا حاجة فاكرين نفسكم حاجة مهمة وهيسلطوا واحد عليكم عشان يهديكم والله انتم هوا وبكرة تعرفوا انكم بق ياريت تروحوا وانا اولكم اولكم

انا من الفيوم ولم يصل اي حاجه ويمكن الفيوم بتعته غير الفيوم بتعتنا ومفيش حل غير الايجابيه وبلاش السلبيه الي اتعودنا عليها ووصلتنا لما نحن فيه من مركز اجتماعي ونظره مجتمع اننا فئه اقل من المستوي

انا من الفيوم ولم يصل حاجه ويمكن فيومنا غير الفيوم الفكس وبصراحه مفيش غير الايجابيه ونترك السلبيه الي جعتنا من اقل قئات المجتمع من حيث المركز الاجتماعي والمالي والادبي وانا برجع كل الي وصلنا ليه الي اننا فئه ضاله من غير نقابه والا لسان يتحدث عنا واصبحوا لسان يقف دائما ضددنا من اجل منصب و مكاسب ماليه

على فكرة المكافئة تمثل حوالى 84 %