:.:.رجاء..رجاء..رجاء..كل من لديه معلومات عن التثبيت يتفضل.:.:
 

انا معاااااااااااااااااااااااااااااااك فى كل كلمة






http://www.thanwya.com/vb/life/statu...er_offline.gif




http://www.thanwya.com/vb/images/icons/icon1.gif هام وعاجل للمتعاقدين اخر اخبار التثبيت الحقيقى</STRONG>
الاخوة المتعاقدون
اولا : اقسم لكم هذا ما حصل
اتجهنا 28 فرد الى الدكتور احمد الطيب فى منزله بالاقصر ( ساحة الطيب ) يوم الجمعة و قد قابلناه و عرفنا كل شىء حقيقى عن موضوعالتثبيت و هذه خلاصة ما حصل
1- لم يتم تثبيت اى متعاقد فى الازهر الى الان
2-انه خاطب وزير المالية السابق( سمير رضوان ) فى موضوع تثبيت متعاقدى الازهر وقد ابلغه وزير المالية ان اعداد الازهر كبيرة جدا ولن يستطيع تثبيت كل هذا العدد
3- اقترح الدكتور احمد تثبيت دفعتين وهم 2005 و 2006 حتى يطمئن باقى المتعاقدين فى بقية الدفع و يجدد التعاقد لباقى الدفع ورد عليه الدكتور سير رضوان ان هذا الام سوف يستفرق شهرين ثم بعد الضغط على سمير رضوان قال له هنشوف ممكن نقدر نعمل ايه بعد اسبوع وهرد عليك فى امكن والا مفيش لو فى كان بها لو مفيش جدد العقود تانى
4- تم اقالة الدكتور سمير رضوان بالامس ( وضاع معه وعده لشيخ الازهر )
5- الدكتور احمد قال بالحرف الواحد انه لم يتم تثبيت اى متعاقد فى الازهر الى الان و عن الشائعات التى تنتشر كل يوم فى الجرائد والازاعات عن تثبيت متعاقدى الازهر قال بالحرف الواحد انا مش مسئول عن اى تصريح لا يخرج على لسانى و لو حصل و كان فى تثبيت انا اول واحد هعلن الخبر فى كل مصر لان دا شىء اتشرف به
6- ردا على احد الزملاء فى سؤال موجه للدكتور احمد ان متعاقدى الازهر سوف يقومون بعما اضراب عن التجديد فى حالة عدم التثبيت رد بالحرف الواحد بصراحة مش عارف اقلكم ايه هوا حقكم بس مقدرش اقلكم حاجة و انا والله متضامن معاكم و عارف ان فيه ظلم واقع عليكم

خلاصة الكلام ان الاخوة اللى بيقولوا فيه تثبيت و بيجيبوا ورق غير صحيح ارجو منهم عدم اللعب بمشاعرنا لاننا فهمنا الحقيقة كاملة و ذلك لعدة اسباب
الاول : لو كان فى تثبيت اصلا كان صدر قرار عام و له صيغة معلومة لدى الجميع و له رقم و على الاقل كان وصل لجميع المناطق
الثانى : ان يس الشيخ حينما قال ان الاسماء سوف تعلن فى جريدة الازهر الخاصه به
الثالث : كان شيخ الازهر فعلا عمل مؤتمر اعلن فيه التثبيت
طيب اسؤال اللى بيطرح الان ليه الازهر عمل الكذب والخدع دى ؟
الاجابة واضحة زى الشمس الازهر كل اللى يهمه الان هو الانتهاء من جميع اعمال الامتحانات و بعد كدا اخبطوا راسكم فى الحيط
الحل انه لابد من تنظيم اكبر اعتصام للمطالبة بحقوقنا و اظن انتم رايتم ماذا فعل شباب الثورة فى الايام اللى فاتت بس الوقفات لابد ان تكون صحيحة يعنى اما جهاز التنظيم والادارة و جهاز التنمية الادارية و كمان المناطق بتعتنا
لابدللجميع ان يشارك لانه ليس هناك ما نبكى عليه
ملحوظة هامة : هناك بعض من الاعضاء من العاملين فى الازهر مسجلين هنا باسماء وهمية للحد من الاعتصامات و لفض التجمعات و هى مهمتم الاولى وانا اعرف ناسى شغالة فى منطقتنا موجودين هنا للمتابعة و نقل الاخبار
ارجو الرد بعقل وعدم الاستعجال فى الرد و التدقيق فى كل كلمة واى واحد مشككك فى نقلى للحوار او اللقاء اللى تم انا هقله كلمة وحدة بس هات عكس الكلام و انا نفسى هصدقك
وشكر لحضراتكم

مفيش تثبيت ولا اى حاجه عشان سلبية المتعاقدين اللى خايفين يعتصموا ويطالبوا بحقهم

والله عندك حق وانا قدمت طلب قبل كدا للمنتدى ان مفيش اى موضوع يفضل خاص بالتثبيت مادام بدون ورق رسمى
الادارة المحترمه قالت لو شلنا هنتعرض للنقد

الف سلامه على الازهر وضاعت هيبة الازهر

ياجماعة نرجو من سيادتكم ان توضحوا لى نقطة
ماذا يدل المنشور لتجديد 2009
أليس يدل على التثبيت وشكرا
وأنا حزين على ماوصل اليه المنتدى
من تضارب في الاقوال حول التثبيت

يا جماعة موظف التعيينات فى منطقتى ( الموفية) قال لى بالحرف يوم أمس :
ألف مبروك قرار تعيينكم وصل
و كل الاسماء اللى بعثناها مصر جاء قرار بها

والله أعلم هو صادق أم لا

تفاصيل الأخبار
http://www.alazhar.gov.eg/News/images/page_09.jpg قائمة الأخبار ...

الجهاز المركزي بدأفي تثبيت المتعاقدين بالأزهر تعيين 4586 متعاقدا بمناطق المنوفية وشمال سيناء والسويس كدفعة أولي

06 يوليو, 2011



وافق الجهاز المركزي للتنظيم والإدارة علي تثبيت 4586 من المتعاقدين بالأزهر الشريف كدفعة أولي بمناطق المنوفية وشمال سيناء والسويس وقطاع المعاهد الأزهرية ومجمع البحوث الإسلامية ومشيخة الأزهر بقطاعاتها
وأعلن يس الشيخ رئيس الإدارة المركزية للشئون الإدارية والأفراد بالأزهر انه تم حصر العمالة المؤقتة التابعة للأزهر والمنطبق عليها الشروط الواردة بالكتاب الدوري وتبين أن العدد الإجمالي الذي استوفي الشروط بلغ 70 ألف من العاملين بالأزهر بمختلف المجموعات النوعية بجميع قطاعات ومناطق الأزهر بصفة مبدئية
وقال ان الجهاز المركزي طلب بعض الوقت لمراجعة البيانات الواردة بتثبيت العمالة وإعلان ماتم الانتهاء منه تباعا وهو ماتم بالفعل حيث تمت الموافقة علي تعيين المتعاقدين بالمناطق المذكورة
واشار إلي ان تعليمات فضيلة الإمام الأكبر الدكتور احمد محمد الطيب شيخ الأزهر كانت واضحة بضرورة الانتهاء في اقرب وقت من جمع البيانات وإرسالها الي الجهاز إضافة إلي متابعته المستمرة للجهاز وتأكيده علي سرعة الانتهاء من تعيين المتعاقدين بالأزهر
وسوف يتم إعلان الأسماء بجريدة صوت الأزهر بدأ من الأسبوع المقبل

بس ايه مصلحته فى انه يكذب ؟ ؟

احنا مبنقلش يكذب ولا ميكذبش

احنا بنقووول رقم القرار قبل اي كلام

عشان يبقي مفيش مجال للشك

مفيش تثبيت
 

يعم انت بتوهم نفسك عيش الحقيقة بئة واصحى
مفيش تثبيت

ياجماعه الخير العضو كلامه واضح ولايحتاج تفسير
يريد حد يطمنه بالادله وليس سمعت او شاهدت
انتم كده بتزودوا حيرته من معاه دليل لايحتاج شك اهلا وسهلا
لايوجد دليل لاداعى للتعليق

احنا بندور على رقم وتاريخ القرار ياولاد الحلال رقم وقرار التعيين ضايعين حد لقيهم اللى يلقاه ليه الحلاوه وهى انه يتثبت

لو فيه قرار برقم وتاريخ خير مفيش يبقى ضحكوا علينا ومفيش حل غير الاعتصااااااام

حسبى الله ونعم الوكيل

الأسماء وصلت المنوفية وأنا شوفت اسمي ورقم سجل جديد لي ولكن لما سئلت علي القرار قالولي لسه مجاش من مصر وهيجي قريب ولكن اللي جه هو الأسماء فقط

ربنا يجيب القرار بالسلامه

هههههههههههههههههههههههههههههههههههه القرار لسه مجاش ادامه 9 شهور ان شاء الله ويجي ده قرار شقي اوي ههههههههههه

من الاخر ياجماعه كده بجد والله محدش يسمع كلام اي حد في المنتدي ولا يصدق اي خبر غير لما فعلاً يجي قارار التثبيت والي يقول شوفت ومشوفتش وسمعت وقيل ويقال دي والله اعلم كلها اشعات او ناس من المشيخة والمناطق الازهرية داخله تدي مسكنات وبنج لحد ما امتحانات الدور التاني تنتهي والله حاجه تكسف حتي موقع الازهر التعلمي الي المفروض يكون كلامه صدق كدب علينا ياتري بعد كده هنثق في كلام اي حد في الازهر حتي موقع الازهر التعلمي واقع حالياً والله حاجه تكسف

انا كمتعاقد بحب اشكر الازهر جداً جداً وخاصة الدكتور احمد الطيب شكراً جبتلونا احباط واكتئاب والله اعلم الضغط والسكر والقلب والمراره هتيجي لينا قريب وده هيأثر بالسلب علي التعليم الازهري لذلك نطالب الشيخ الطيب بمعالجة المتعاقدين علي نفقة الازهر

رقم ضايغ ضايع ياولاد الحلال الي يلقيه نديله ريال ههههههههههه

دو لو كان جاي في تكتك كان وصل

انا عاز اقول حاجة ولازم نتفق عليها لان فيها خير لينا ان شاء الله............ احنا مش زينا مثل مدرسي التري و التعليم تطبق علينا نفس القانون و نف مثلا التعاقد يعنى الباب الاول جور 2/3 مكافأة شاملة و مر علينا 3 سنوات مثلهم و حاجات كتير لا داعي للخوض فيها |......... المهم احا نجيب قرارت تثبيتهم من قرار وزاري او قرار من محافظ و نرفع بيها قضية و الله هو ده الحل ارجو منكم الرد و التعليق ارجكم .......... اخوكم zayed 012058891

انا عاز اقول حاجة ولازم نتفق عليها لان فيها خير لينا ان شاء الله............ احنا مش زينا مثل مدرسي التري و التعليم تطبق علينا نفس القانون و نف مثلا التعاقد يعنى الباب الاول جور 2/3 مكافأة شاملة و مر علينا 3 سنوات مثلهم و حاجات كتير لا داعي للخوض فيها |......... المهم احا نجيب قرارت تثبيتهم من قرار وزاري او قرار من محافظ و نرفع بيها قضية و الله هو ده الحل ارجو منكم الرد و التعليق ارجكم .......... اخوكم zayed 012058891

يا جماعة هي إيه الشروط

شروط ايه ياعشاق الازهر انت مش متابع خالص بقي لسه مفيش اي حد اتثبت لسه مستنينين القرار الله اعلم القرار ده هيوصل سيراً علي الاقدام ولا بالحمام الزاجل ولا هيجبه عباس ابن فرناس علي جناحته ولا جيش من النمل شايل القرار وجايبه ولا لسه هيعمولي ليه سحر عشان نحضر القرار ولا القرار لسه في بطن امه وهيتولد بعد تسع شهور ولا هيجبه فارس الاحلام علي الحصان ولا لسه قبلة قريش هتبعته مع فارس من الفرسان والله هم يبكي وهم يضحك حرام عليكم جبتولنا اكتئاب واحباط وده كله هنصدره للطلاب مع بداية العام الدراسي

ولا انت رايك ايه ؟

شعارنا
 

تمـــــــــــــــــــــــــــــــــــــــــــام

ياستاذ بيومى الاسماء رجعت تانى المشيخة
للشيخ الاسماء بها اخطاء
الدواء فيه سم قاتل
وسلملى عللى التثبيت

لا حول ولا قوة الا بالله

مفيش تثبيت مفيش تدريس

مفيش تثبيت مفيش تدريس

هو ده شعارنا حتي يتم التثبيت

ان شاء الله وبكره يشوفو