|
ساعدونى انا طالب بالمرحله الاولى وحصلت على 90.7% هل ممكن الحق هندسه
السلام عليكم ورحمه الله وبركاته
ارجوا المساعده من اخوانى فى الله طلبه كليه هندسه انا فى 2 ثانوى علمى ومجموعى 90.7% وباذن الله هاكمل علمى رياضه هل ممكن الحق هندسه العام القادم ام لا ؟؟ ولو ممكن كيف ؟؟ ياريت لو فى حد كان نفس ظروفى دى يرد على وينصعنى نصيحه لوجه الله ارجوكم ساعدونى .. انا احتاج لمساعدتكم |
ممكن بس شد حيلك فى تالتة و شوف نقط ضعفك فى تانية و قويها
بالتوفيق ،،،،،،، |
طب انا جايبه 92,4 كدا هلاقيلي مكان السنة دي في هندسة و لا ايه
انا خلاص خلصت ثانوية و عامه و عاوزة اعرف المجموع دا مرتاح لهندسه و لا ايه؟؟؟؟؟ |
شكرااا لردك عبد الرحمن
اتمنى ان حد ذو خبره او تجربه ينصحنى اعمل ايه بالتفاصيل |
انا قدك بردو يا جميلة بس انا كان نفسى فى طب بس هكمل رياضه لانى جبت 94 بصى الموضوع عايز مزاكرة من نار وانتظام جامد وصلى استخاره بردو وربنا يكرمك متفكريش عموما فى هندسه فكرى ازاى تزيدى الاول
|
اقتباس:
طول مانت حاطط هدف قدامك هتوصله ان شاء الله بس اهم حاجه انك متكسلش خااااااالص وتكون واثق من قدراتك وحاجه تانيه مهمه جدااااااااااااااااااا اوعى ماده تيجى على حساب ماده تانيه لانك غصب عنك هتلاحظ انك بتذاكر رياضه وفيزيا اكتر من اى حاجه تانى فحاول على قد ما تقدر انك تخلى كل المواد متساويه مش فى وقت المذاكرة فى المعلومات اللى بتذاكرها وطبعا اهم حاجه انك تختار المدرسين اللى هتبدأ معاهم ان شاء الله وانصحك انك تبدا بدرى مش بعد رمضان هتكسب وقت هينفعك جامد اوى اخر السنه وان شاء الله تحقق حلمك وتخش هندسه يا باشمهندس |
هندسة بترول السويس
لو سمحت ممكن تطمنى انا فى تانيه ثانوى وجبت 97فى الميه بس والله لان كان عندى ظروف وانا ناوى ان شاء الله فى تالته اذاكر كويس واجيب 99.5 لان نفسى فى بترول السويس وعاوز اعرف رايك فى رياضه 2 والفيزياء لان سامع كلام يخوف ولو سمحت ايه احسن ماده للمستوى الرفيع وشكرا
|
اقتباس:
مكدبش عليكى صعبة جدا اذا مكنتش مستحيلة |
اقتباس:
|
اقتباس:
|
اقتباس:
شكرااا كتييييييييييييييير لردك واهتمامك بس انا برده محتار جدااا لان انا ترتيبى على الجمهوريه على شعبه علمى 115224 ترتيب وحش طبعاااا مش عارف هل ممكن الحق هندسه ولا لاء ؟؟!!! ياريت اى حد ذو خبره يرد عليا ويعرفنى راسى من رجليا بالتفصيل لو سمحتوا |
متخافش ... انت شد حيلك بس وربنا هيوفقك
انا السنة اللى فاتت كنت جايب 90.7 % زيك بالظبط والسنة دى جبت فى التوتال 94 % ان شاء الله خير وتقدر تجيب مجموع كبير السنة اللى جاية ... كمل علمى رياضة وعلى بركة الله :) |
شكرااا لاهتمامكم جميعاااا
ارجوا التواصل اخى _GhoSt_ ياريت لو تبعتلى رساله باميلك الشخصى للتواصل وشكراااا |
الصراحة مش هاتلحقى
|
انا اعرف واحد كان جايب 90 فى تانية و دخل هندسة ف تالتة
|
|
طبعا ممكن انا كنت جايب السنة اللى فاتت 91.2 والسنة دى جبت 99.5 يعنى السنتين مع بعض 95.3
والحمد لله لحقت هندسة وحققت حلمى بس لازم يكون فى تركيز وتشد حيلك من اول لحظة ومتفوتش دروس وتحط قدامك علطول هدف واى حاجة تبعدك عنه تبعد عنها لانه ان لم يشجعك هدفك فلا تنتظر ان يشجعك شىء آخر |
بص مفيش حاجة اسمها مستحيل طول ما ربنا موجود بص انا كنت جايب فى 2 ثانوى 185 يعنى 90.2 % بس لما حطيت هدف قدامى و قبليه ربنا طبعا الحمدلله جبت فى 3 ثانوى بس 101.22% (محدش ينوء ) و السنتين عملوا 95.7 % و الحمدلله جالى هندسة شبرا بس ادعيلى انى اعرف احول منها يااااااااااااااا رب
|
السلام عليكم ورحمة الله وبركاته
أنا كنت جايب في سنة تانية 91،4 تمام ؟ مجموع زباله المهم أخدت رياضة2 وقضيت أجمل وأمتع وأحلى سنة في حياتي سنة 3 ثانوي لا بتعصب اني لازم أجيب مجموع ولا أي حاجه الحمد لله جبت 97،4 في تالتة ثانوي وكان مجموعي كله ( 94،4 ) ودخلت هندسة أهو يا عم بالصبر والتركيز طبعا أيوه كله 4 من عشرة كده يعني أنا عايز أقولك لو في دماغك حاجه اعملها اي نعم كانت أعصابي هادية وبصبر ع الحاجه بس مش معناه انك تتعصب لما متفهمش حاجه عشان أعصابك مش هادية وخلي بالك أنا اللي نقصني العربي والانجليزي بس وربنا يوفقك يا باش مهندس باذن الله |
يا جماعة ارجوكم طمنونى لانى احبطت ع الاخر الاول سلام عليكم انا فى 2ث السنادى2011 وجبت 92% مجموع مش حلو للى انا عوزاة بس انا نفسى اكمل فى العلمى العلوم وادخل صيدلة او اسنان بس بسالكم لانكم خبرة اكتر منى هل لو شديت حيلى جامد ان شاء الله السنة اللى جاية احصل كدة ولا مفيش امل فى ظل المجاميع الفلكية دى وكمان كل الاساتذة بتوعى قالولى احول رياضة وحكاية 92 دى مستحيلة تلحق صيدلة بس هعمل اية ارجوكم ساعدونى
|
أولا صلي صلاة استخارة
بص أنا هريحك كمل رياضة اضمن هندسة أحسن وكلية الهندسة أجمل من الصصيدلة 1000000000000000 مرة (مع احترامي للصيدلة) طبعا لأنك لو جبت 100% هيكون مجموعك 96% كاملا تقدر تدخل هندسة ولو انت بئه علوم و أحياء ممكن أصلا متجبش 100% لقدر الله والله جارتي كانت 93% ف تانية قولتلها أنا هدخل رياضة 2 هي اتكبرت وأخدت أحياء واللوقتي هي ف تمريض وبتندم أشد الندم انها مسمعتش كلامي بالتوفيق أخي وأنا معاك باذن الله لأي سؤال ،،،،،،،،،،،،،،،،،، |
طبعا ان شاء الله تلحق
اعتمد علي ربنا وربنا ان شاء الله مش هيخذلك وابدا سنتك من البدايه باجتهاد وربنا ان شاء الله معاك |
آدعوآ آمتحآنتكم تجي صعبة , , , و تذاكرو اكتر و تجيبو مجموع عالي .
لان لو جت سهلة السنة الجاية , التنسيق هيبقا نار و هندسة هتوصل حد ادنى ل 95 |
على فكرة انا جبت فى سنة تانية 88
وذاكرت فى سنة تالتة وتعبت وجبت مجموع سنتين 92 ودخلت كلية فنون جميلة يعنى مهندس ديكور زى الفل هههههههههههههه اهم حاجة ان سنة تالتة اسهل من تانية على فكرة بس ذاكر واتعب واجتهد وربنا هيكرمك خصوصا لو كنت مظلوم |
اقتباس:
اية يا بشمهندس دا احنا زمايل علي العموم انا ابن عمى كان معايا وجاب في تانية 82 وكان مظلوم بجد في التصحيح بس والله ما ياس وشد في تالتة وجاب في السنتين 90 % وللاسف طبعا ما دخلش هندسة ودخل علوم رياضة فياريت لو حد هنا عارف حاجة عن الكلية دى يقولها واية هى فرص العمل المتاحة بعد التخرج |
بص يا معلم انا جايب 89 في تانية وهكمل رياضة بص انا مش هقلولك انا مش قلقان لكن هقولك انا مطمن شوية وانشاء الله هحسن السنة الجاية لان مفيش غير هندسة وان ملحقتش هدخل مساحة وربنا معاك ومعايا
|
ان شاء نلحق ولو مافيش هندسه ف فنون تطبيقيه حلوة بردو وربنا يوفقنا
|
ar2007eg انا كنت جايب 90 % و شديت حيلى فى 3 و الحمد لله دخلت هندسة . و بالنسبة للفيزيا و الله اكتر ماده حبتها هى و رياضة 2 سيبك من الله بتسمعوا شد حيلك انت و مالكش دعوة بحد و ان شاء الله تجيب 100 %
|
سيبك من اللى بتسمعه ***
|
يا شباب واحد زميلي كان جاب 90 جااااااااااب في سنه ثالثه 99 .. ودخل هندسه ودلوقتي هو الاول عليناااااااااا...الشده
والله يا شباب الرياضه 2 مش صعبه .بس عايزه تركيز جامد وواحد متابع ... حل كثير في الرياضه المفتاح لطلاب ثانوي (كتاب المدرسه + نماذج وزاره+ امتحانات شامله) ==== تفووووق ان شاء الله خير بس دوووووسووو ...يا شباب سنه تعب ..وترتاح بعد كده |
اقتباس:
|
كلية علوم رياضة فيها قسمين ملهمش حل خااااااااااااااااااااااااااااااااااااالص قسم جيولوجيا البترول وقسم الجيوفيزياء الاتنين بيتخطفوا فى شركات البترول عاااااااااااااااالطول بس موصيش ابن عمك على التقديرات بس بصراحة القسمين اصعب من بعض بس المضظر يركب الصعب
انا بقى 88% ومكمل علمى رياضة فى 3 ثانوى واللى يحصل يحصل |
بصراحة من غير زعل مش هتلحق أنا قريبي جايب 90% في تانية بظبط وترتيبه 134.000 عالجمهورية وفيه منهم 12 ألف واحد ادبي يعني هتلاقي ترتيبه على العلمي بس 122.000 تقريبا يعني مثلا طب وصيدلة واسنان بتاخد كام 15 ألف بالكتير وهندسه 18 ألف وحاسبات الفين لو جمعت كل ده هتلاقيه بالكتير أوي 34 ألف يعني قول 90 ألف واحد من دول مش هيلحق كلية قمة بصراحة مستحيلة إنك تعدي كل الناس ديه .
حول ادبي أو حاول على حاسبات أو علوم رياضة ممكن أو تجارة انجليش ممتازة . |
هتلحق ان شاء الله بس بشرط رضى الله والوالدين والمذاكرة الجادة 0وربنا يوفقك
|
بص انا مش هضرب لك مثل لحد غريب انا كنت جايب 94% والحمد لله شديت حيلى ده طبعا بالاضافة للتوفيق من عند ربنا جبت فى تالته 100% فأصبح مجموعى 97% والله الكلام ده حقيقى
|
| جميع الأوقات بتوقيت GMT +2. الساعة الآن 01:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.