|
اقسم بالله مكنا عارفين قيمه زكى بدر !!!!!!!!!!!!!!!!!!!!!!!!!!!!!
سلام عليكم اولا ............. طبعا من العنوان بس تقدروا تعرفوا انا اقصد !!!!!!! تفتكروا ان دى حاجه كويسه ان الدنيا كلها تجيب فوق ال 98 % واكتر كمان !! يعنى السنه اللى فاتت كله قال ع الامتحانات صعبه ورغم كدا كتير جابوا مجاميع عاليه جدااا ( اللى يستحقوا كدا بس ) لان امتحانات السنه اللى فاتت هى اللى يتقال عليها امتحانات !! انما السنه دى ( .................................................) والله العظيم حرام لان بالطريقه دى اللى جايب 94 .. 95 .. 96 .. مثلا بالطريقه دى هدخل كليه زى اللى جايب فى ال 80 !!!!!! لان مش هيبقى ليه كليه من كليات القمه بالشكل ده !!!!!!!! ولا انا غلطان ؟؟؟؟؟؟؟؟؟؟؟؟؟؟؟؟ ( عن نفسى الحمد لله مجموعى حلو ومش قلقان من التنسيق ) ............................................. |
بص ياباشا ( ان الله لا يضيع اجر من احسن عملا ) فسواء جات الامتحانات سهلة او صعبة للمجتهد نصيب واللى بيغش نصيب .... طبعا المجتهد ربنا بيكرمه وبيسهله فى كل شىء....اما اللى غاشش فده ربنا ما بيديلوش اهم حاجة و هى ( الرضا عن النفس ) فعشان كده دى مسألة نسبية يعنى سواء الامتحانات سهلة او صعبة التنسيق بيتظبط على اساسها وبياخد المجتهد نصيبه والغاشش ربنا بيوديه اماكن ربنا مايورى حد ..
واسف على الاطالة |
اكيد طبعا
كلامك مضبوط بس اكيد ربنا لا يضيع اجر المجتهد وان لم يحالفه التوفيق فى الدرجات بالتوفيق للجميع |
لما تلاقي ان فيه 19 واحد ف تانيه جايب 205 من 205 مع ان اينشتاين مكنش يجيبها يبقي انت اكيد ف عهد جيمي لما تلاقي ان واحد امور (يا فرحه امه بيه) جيب 202 وترتيبه 30 الف ع الجمهوريه ع ان نفس الدرجه كانت ال 1500 يبقي انت اكيد ف عهد جيمي لما تلاقي ناس خارجه م اللجان فرحانه وفي البيت بعد التنسيق بتنتحر يبقي انت اكيد فعهد جيمي لما تلاقي ناس قفلوا العربي يعني عندنا 19 ابو الاسود الدؤلي والخليل بن احمد وهما مبيفكوش الخط يبقي انت اكيد ف عهد جيمي لما تلاقي الضغط يتضرب ف pa لاول مره ف التاريخ وانت مش فاهم حسبوها صح ليه يبقي انت اكيد فعهد جيمي لما الف تتحسب صح الاتنين والجمهوريه كلها تتحسبها صح وانت تتحسبلك غلط عشان انت تبع العينه العشوائيه يبقي انت اكيد ف عهد جيمي لما تلاقي طب خد من 100% السنه الجايه يبقي انت اكيد ف عهد جيمي فينك يا زكي يا بدر البدور |
اقتباس:
جيمى ده هيخرب الدنيا صدقنى المشكله ان الناس بتفرح بالمجاميع وتيجى تتظبط فى التنسيق وكده الوزير يبقى فى التمام محدش يقدر يبصله وده نفس سلوك معظم الوزراء فى الوزارة الحاليه ..... بيفرح الناس بالمجاميع العاليه ... بس يتصعقوا بالتنسيق اللذيذ وعلى فكره فى حته مهمه نسيناها ... الطالب الشاطر راح فى الرجلين وسط الزحمه دى وكل اللى هيدخلوا الكليات ... كان الانسب ليهم انهم يتخصصوا فى مجال الجرارات أو اللحام مش هتفرق طول ما احنا ماشيين بالنظام ده .... نظام التعليم هينزل للأرض ... |
اقتباس:
هو خربها فعلياً يا ابني نص البلد جايبه 98 ايييييييييه ده والله لو جت كده السنه الجايه لطب ياخد من 100% وممكن اكتر دي مجاميع باستهبال |
خد بقه الثقيله والله اقسم بالله انى -بعد اراده ربنا _المفروض على الاقل من غير المستوى اجيب98%والاقينى جايب مجموع قليل عن ثانيه بالرغم من ان مذاكره ثانيه كانت ضعيفه جدا بالنسبه لثالثه اقول اننا اكيد فى عهد جيمى
|
أتفق معاك فى الرأى يا عبدالله ............ بسم الله الرحمن الحيم (قل لن يصيبنا إلا ماكتب الله لنا) صدق الله العظيم
اقتباس:
|
عندك حق جدا والله العظيم انا حاليا دلوقتى بقول ان احمد ذكى بدر كان احسن وزير جه فى تاريخ التعليم كله ولو كان كمل شوية كانت الدنيا اتظبطط وكنا هنبطل نشوف ال 100% والكلام الغريب اللى بسمعه تصدق ان انا جايبة مجموع عالى وخايفة ملحقش طب اسنان بسبب الاعداد المهولة اللى جايبة اعلى منى والله بجد حاجة تخنق يعنى الواحد يبقى معدى ال98 اللى من سنتين كانت تدخله اى حاجة عاوزها ودلوقتى ممكن ال 98 دى متدخلهوش بطرى حتى حاجة مؤسفة بجد احساسى ان التنسيق هيبقى عالى اوى مجننى بجد هموت من الرعب ربنا يسترها يارب
|
y3ne andk msln ana da5l mtafi w knt el mafrod ageb 99 aw 99.5 da3 el tb ya gemy 7raam 3lek amthan el physics al 3bet dah dah masr klha gayba 50
|
قلنالكو كدا زمان محدش كان مقدر قيمة الراجل ده :d
|
طب يا جماعة بالنسبة لادبى المجاميع مرتفعة كده برده زى علمى ولا ايه الكلالالام ؟؟؟؟؟
يعنى 96.5 ادبى تدخلنى سياسة واقتصاد ولا تزيد عن كده ؟؟!! ارجو الرد |
اقتباس:
بالمدفع;) مبرووووووووك يا سياسي واقتصادي :) |
والله العظيم ان د/ أحمد زكي بدر احسن من دا مئة مرة
|
اقتباس:
|
يا جدعان برده بدر كان في عيوب كتير منها أن في حاجات هو بيعملها كده وخلاص يعني مثلا كان خانق المدرسين وبتوع الابنية التعليمية غير كده يا جدعان أن الوزير مبيدخلش في عمل الامتحانات يعني مبيديش أوامر أن الامتحان يجي سهل أو صعب ..
|
حسبنا الله ونعم الوكيل
والله الوزير ده والامتحانات بتاعت السنادى بوظت الثانوية اقسم بالله يعنى ايه انا اتعب طول السنة والاقى ناس فى مدرستى مش اعرفها اساسا ولا سمعت عنها ابدا جايبه فى العالى خالص واللى بيصيع طول السنة جايبلى فوق اال 90 مش ده حرام وانهم يهبلوا فى كل حاجة فى التصحيح ويعدوا بالهبل ده ايه يعنى حسبنا الله ونعم الوكيل |
اقتباس:
علي العموم الحمد لله --------------------------------------------------------------------- و فعلا علي الاقل في عهد بدر مشفناش المجاميع الهزلية دي بس برضه احمد جكال يحسبله انه عمل امتحانات في ظل هذه الظروف علي الرغم من خلافي معاه و ياري بلاش جيمي دي عيب كده الراجل في سن و الدنا |
[quote=twilight_twilight;3703262]
سلام عليكم اولا ............. طبعا من العنوان بس تقدروا تعرفوا انا اقصد !!!!!!! تفتكروا ان دى حاجه كويسه ان الدنيا كلها تجيب فوق ال 98 % واكتر كمان !! يعنى السنه اللى فاتت كله قال ع الامتحانات صعبه ورغم كدا كتير جابوا مجاميع عاليه جدااا ( اللى يستحقوا كدا بس ) لان امتحانات السنه اللى فاتت هى اللى يتقال عليها امتحانات !! انما السنه دى ( .................................................) والله العظيم حرام لان بالطريقه دى اللى جايب 94 .. 95 .. 96 .. مثلا بالطريقه دى هدخل كليه زى اللى جايب فى ال 80 !!!!!! لان مش هيبقى ليه كليه من كليات القمه بالشكل ده !!!!!!!! ولا انا غلطان ؟؟؟؟؟؟؟؟؟؟؟؟؟؟؟؟ ( عن نفسى الحمد لله مجموعى حلو ومش قلقان من التنسيق ) ............................................. كلامك مضبوط طب انت جبت كاام |
فعلا والله عندك حق ف كل كلمة
الامتحانات بتاعة تانية السنة دى اسهل بكتير من امتحاناتنا السنة اللى فاتت وعندنا فى المدرسة الدرجات مووووت اللى يستحق واللى مش يستحق كمان نفسنا فى واحد زى احمد زكى بدر علشان يظبط الامتحانات زى سنتنا |
اقتباس:
درجاتنا قول عاليه بس مش بعبط امال تانيه يعملوا اييييييييييييهههههههه الي جايب 98.5 طالع ال30 الف ع الجمهوريه هههههههههههه حاجه تجيب السكر والضغط دا الي كان جايب 95 بس السنه الي فاتت كان ال25 الف مش ال30 الف |
عندك حق فى ده
بس اسمحلى المجاميع اصلا عالية من السنة اللى فاتت و ناس كتير اتظلمت فى التصحيح حتى التظلم ناس مخدتش درجات فيه مكنش كويس و لا حاجة طبعا الامتحانات كانت سهلة السنادى و هيا السبب فى رفع المجاميع برده انا عن نفسى جايبة 96% و مش حلحق حاجة بس ربنا يوفق الجميع |
ربنا يستر
ويكرمنا بوزير عدل |
انا مش عارف انت عايزنا ننتحر و لا ايه
بصراحة ااحنا فى المدرسة كان فيه لجنتين بيغشوا لكن محدش منهم عدى 85 والامتحانات مكنتش سهلة اوى زى ما حضرتك شايف ( عدد قليل وليس الكل ) لكن التصحبح مكنش دقيق وانا بقولها كلمة الطب ايتحالة يزيد عن 403 واعلم ان الله لا يضيع اجر من احسن عملا |
ربنا يوفق الجميع ان شاء الله خير
|
يا جماعة بالنسبة للادبى المجاميه هيبقى ايه نظامها
يعنى الى حولوا من السنة الى فاتت من علمى لادبى وجايبين مجاميع عالية يا ترى هيضر للى هما ادبى من الاول ياريت حد يطمنى يا جماعة انا بجد قلقانة |
ربنا يوفق الجميع ان شاء الله خير
|
اقتباس:
ده كان اللي يجيب 98 يبقي طاير م الفرحه دلوقت الجمهوريه كلها 98 والنبي ايه الهبل ده الامتحانات السنه دي مبينتش طالب مزاكر من طالب بيلعب |
اقتباس:
مش فاكرة تقريبا فى دفعة 2007 اخر طب كان 403 يعنى اللى كان جايب اقل من كدة مش لحق طب انا طبعا قصدى طب بشرى |
هههههههههههههههههههه اقسم بالله العظيم السنة دى بعتبرها سنة البزرميط
انا عارف واحد كان مقضى طول السنة بلاى ستيشن و نت و جاب 97 و انا احسن منه و ذاكرت اكتر منه و فى الاخر اجيب 93 بالعافية يعنى مجموعى الكلى 91.5 يعنى من الاخر حدخل هندسة خاصة بس ممكن كدة احسنلى على الاقل الكليات الهندسة الخاصة على الاقل عادت احسن من الحكومى بيييييييييييييييييييس يا مااااااااااااااااااااااااااااااان |
اقتباس:
|
الصراحة انا مبكرهش حاجة فى حياتى اد الامتحانات الهايفة والله كان نفسى الفيزياء تيجى طحن موت لكن مفرقتش الحمدلله على كل حال ده السنة دى الدرجة النهائية متتعدش
|
علي كده انا فااااشل انا جبت 200 يعني 97.5%
|
احب الاول ابدى اعجابى بالموضوع انا كنت دايما بقول احنا مينفعش معانا غير احمد زكى بدر هو اللى كان هيظبطنا البلد كلها معدى ال 98 مش عارف ايه ده والله انا اعرف ناس فى المدرسه عندنا هبل والله هبل مبيفتحوش كتاب جايبين 97 واعلى حاجة فعلا غريبه انا حاسس ان الشطار السنة دى ضاعو فى الرجلين يعنى لما يكون الامتحان كلو تافه وفيه حتة كدة حلوة ممكن الشاطر يتلغبط فيها وينقص وغيرو يغشها ويعدى يعنى انا مثلا ناقص فى الكيمياء فى مساله عبيطه اوى بتاعت طول الرابطه ونص القطر غيرى عشها وجاب 50 وانا جبت 48.5 حاجة فعلا غريبه السنة الجايه ياما الامتحانات هاتيجى صعبه لدرجة مش طبييعيه ياما التنسيق هايكون اسطورى |
السلام عليكم ورحمة الله وبركاته انا اختلف معاكوا " بعد اذنكوا طبعا " هل سياسة زكى بدر كانت مقبولة بين المدرسين ؟ مش حتى نقول الطلبة موضوع الترهيب اللى كان بيعمله والغياب وموضوع النقص العجيب فى درجات الطلبة بلا داعى باوامر سيادية يا شباب ان الناس درجاتهم ما تجاوزش حد معين ؟؟؟ هل ده صح ؟ هل صح لما يجى امر من الوزارة انتكون عدد معين من الورق هو اللى يقفل والباقى ينقص " شهاة اكتر من مدرس على كدة " ؟؟ هل لما نلاقى عدم تقدير الدرجات بشكل مظبوط بسبب الضغط على المدرسين وتفزيعهم كان صح ؟؟ والدة زميلتى مصححة فلسفة كان بيتقال ان عدد معين من الورق مث 50 ورق فى اليوم هم اللى يقفلوا والباقى لا !! سبحااااان الله احنا مش هيعجبنا حاجة عامةوخلينا نتفق على كده سواء زكى بدر او الدكتور جمال الدين موسى بارك الله فيكم وسامحونى لو اسأت |
احمد زكى بدر كان كويس ولكن مكنشي بيعرف يتعامل مع الاخرين يعنى كان ممكن يخلينا نروح المدارس من غير انو يخوفنا من الغياب
او طريقة تعامله مع المدرسين كانت شديدة للاسف احنا ميينفعشي معانا الشدة ولا الطبطبة اما امتحانات اسنادى كانت مهزلة الواحد لما كان بيفتكر امتحانات سنة تانية كان بيحس انها بتفرق بين الشاطر و المتوسط والضعيف اما امتحانت السنادى فكانت بتعلى الضعيف وتوقع الشاطر التنسيق هيكون عالى جدااااااااااا وده المتوقع و اظن ان امتحانات السنادى مش هتتكرر تانى وامتحانات السنة الجاية هتكون صعبة ان شاء الله |
ان شاء الله الامتحانات السنة الجاية هتيجى صعبة جداااا وانا هفضل ادعى بكدة علشان اللى حصل السنة دى مهزلة اساسا دة كل الفاشلين اللى مستواهم مايعديش 90 فى المية حتى لو غشوا جابوا 99 و98 وماشاء الله اللجن كانت فوق سهولة الامتحانات كله بيغش يعنى الكام حتة االى مايعدوش درجتين فى الامتحانات كلها الفاشلين غشوها وجابوا اكتر من المتفوقين طول السنة وسهرانين عالكتب....ربنا ينتقم من اللى حط امتحانات تانية زى ما سرق فرحتنا السنة دى بمجهودنا واللى ناقص بقا ان امتحانات السنة الجاية تيجى كدة او يسيبوا اللجن برضه علشان الطب ياخد من 101 وهيبقا قليل كمان ربنا يستر
|
طبعا مش عايزة كلام امتحان الفيزياء لوحده بتفاهته كان سبب رئيسى فى ظلم الناس اللى ذاكرت والارتفاع الجنونى للمجاميع الصراحة الواحد مش عارف اللى كان حاطت الامتحان كانت ل3 ثانوى ولا 3ابتدائى
|
انا بقول كده من السنه اللى فاتت ان الراجل ده كان رحمة لينا
الامتحانات السنادى بجد كانت مهزله الامتحانات تفاهتها بتضيع الناس اللى تعبت والامتحانات المفروض اقل حاجه20% تبقى اسئله مستواها عالى علشان تميز بين الناس مش اللى جايب50 مش فاهم فى الماده اى حاجه ده غير الغش اللى موجود اساسا وبيظلم ناس كتير ودلوقتى كل يوم يطلعولنا برقم جديد للطب انا مش فاهمه هو هياخد من كام يعنى ههههههههههه حسبى الله ونعم الوكيل |
صحيح زى ما قلوا ده شعب فرعونى ميعجبهوش العجب معلش ياجماعه لكن صدقونى كل الى غش عندنا مجبش مجموع واقسم بالله العظيم ما اخدت كلمه من حد ولا اديت حد هما صح فى ناس كانت فى القمه وشاطره وناس تحتها بشويه قليلين فى الذكاء يعنى والناس الى فى قمه ديه وممتازه جدا مجابتش اد الناس الى اقل منهم بشويه يمكن عشان الامتحانات كانت سهله جدا جدا وفى ناس متخصصه فى الصعب بس او مجابوش مجموع عالى اوى لعدم تركيز او لاصابه بالغرور يعنى اسباب كتير |
وعلى الرغم من انى جايبه 97 و6 من عشرا الا انى مهدده بالطرد من كليات القمه
عشان المجاميع العاليه ديه لسهوله الامتحانات وادينى بكرر لسهوله الامتحانات فقط لا غير وايضا لسهوله التصحيح وبس وربنا ادا كل واحد على كد تعبه وتركيزه |
مش عارفه اذا كانت حاجة تزعل ولا تفرح..
يعني مثلا في ناس اتظلمت السنة اللي فاتت وكانت متفوقة جدا جدا بس مجموعها كان قليل لكن السنة دي ارتفعت ورجع لها الامل تاني.. وفي ناس عملوا اللي عليهم السنتين بس السنة دي مثلا جايبين 96 وقلقانين طبعا الا ميلحقوش كلية كويسة.. الحكم صعب اوي خصوصا اننا بنحب الخير لكل الناس..ربنا يدي كل واحد علي اد اللي عمله.. ويا رب الكليات تاخد اعداد كبيرة واللي عايز كلية يدخلها ويكون له خير فيها.. وبجد كلنا تعبنا حتي لو الامتحانات جت سهلة ده مجهود سنتين وفلوس ادفعت ووجع دماغ.. واكيد ربنا مش هيساوي بين اللي بيعمل اللي عليه وبين اللي مطنش وجت معاه كده حتي لو دخلوا كلية واحدة معلش صدعتكم وشكرا علي الموضوع |
كفاية ان في عهد احمد زكي بدر محدش فينا غش حرف وكان ده فعلا مجهود كل واحد. لكن السنة دي كانت فضيحة بكل المقاييس انا اعرف مدارس المدرسين سابوا اللجنة خالص وطلعوا برة والطلبة فتحوا الكتب في اللجنة والمدرسين في مدراس الصبيان كانوا بيقولوا حرام دول كانوا في لجان شعبية ويسيبوا اللجنة . في الاخر اهي جت على دماغ الوزير وعامل اجتماعات طارئة علشان يلاقي حل وهو كان فرحان اوي بالاكتحانات السهلة ويقول دي امتحانات الثورة . خليه بقى يفرجنا تنسيق الثورة حيبقى عامل ايه
|
بدر احسن وزير مسك التربية والتعليم
|
اقتباس:
|
فعلاا احنا ما بيعجبناش العجب
طول عمرنا هنفضل نقول اللى فات كان احسن يا خوفى لبكرة نقول فين ايام مبارك :o |
خلاص بقى بدر ولاغيره هوا الشعب المصرى دايما كدا يقلب ف اللى فات
فيزيا سهله رياضه تافهه وبرده مقفلتش حاجه و وواقعه ف تانيه وجبت السنادى 94.1 دى دخلنى هندسه !!!!!!!!!!! ياعالم والله الواحد اتخنق يعنى نفرح بالنتيجه ونتغم بالتنسيق واحنا اصا دفعه نحس من يومها حرام عليهم بجد خلاص ع اخرنا ايه ده احنا مدعى علينا |
بصراحه انا معاك فى حاجات بس احمد ذكى مكنش احسن ولا حاجه ده كان عملنا رعب انا بصراحه اول ما مسك قلت عليه العوض وكنت مرعوبه ياعم ده كان جاى يهددنا وبالنسبه للمجاميع معاك حق انا وواحده صاحبتى مع بعض من اولى اعدادى كل سنه انا اجيب اعلى منها السنه دى هى اللى جابت اعلى المهم ربنا معنا ويمكن حصلت الثوره عشان ربنا مقدر لنا ان كله يجيب مجموع حلو وميبقاش مستحيل
|
اخرتنا بيطرى ولا علوم مش مشكلة
|
عجباني حكاية الضغط الي اتضرب في pa
و الوحدة العضوية الي مشيت الاتنين و من دا كتير تقريبا الصح بيتحسب صح و الغلط برضوا بيمشي صح . . . ضيعتوا املي في بترول الله ياخدكم . لاء وانا الي جايب مجموع عالي و فرحان و مستحمي طلعت العيال السيس بتاعت الملخصات و ذاكر اخر اسبوع و الي بتغش جايبة زيي و اعلى |
| جميع الأوقات بتوقيت GMT +2. الساعة الآن 11:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.