|
لو مفقوع من الغش خش
يا جدعان أكيد فينا ناس مفقوعة من الغش وقرفه وسنينه....
طيب مش هنفضل نتحسبن...والله حرام ياخدوا أماكن ناس تعبت وبمجهودها...؟ طيب عايزين.حل...؟ والله الا قالى الحل دا مدرس كان بيصحح الرياضة والله دا حصل... .. .. .. قالى بالحرف الواحد قالى 75 ف المية من الطلبة غشوا...؟ والمدرسين مش هبل ولا عبط...يعنى هيعرفوا يطلعوا الا غش يعنى هيطلعوه....؟ والترتيب المتتالى للورق والله هيطلع؟ المهم وبعدين ؟ لو الوزير قال من بكرا للمدرسين طلعوا كل واحد غش يبق نسبة 90 ف المية من الا غشوا هيطلعوا..... .. .. . انا عملت جروب ع الفيس أسمه طلاب شرفاء عايزين حقهم لو مقتنع بالفكرة خش مش مقتنع مش تخش.. .. . سامع الا بيقولى وبعد ما ندخل ؟ هقولك ياعم الجنتل... لو بقينا عدد خلال يومين هنقدر نتكلم بجد ونطالب بحقنا... .. .. . محاولة مش هنخسر حاجه وشكرا :028ja7::028ja7: |
ماشى هندخل
بس ايه الهدف يعنى غشاش وجاب 100% هنعملوا ايه هيقسمونا فريقين مستحيييييييييييييييييل شكرا على الفكرة |
اي كلام
اللي هيغش هيجيب اخره 90في المية وكل اصحاب المجاميع العالية دول ناس تعبت مش مشكلتهم انهم اجتهدوا و جابو مجاميع عالية و بالتالي التنسيق بقى عالي مش يجي واحد بعد كدة عايز التنسيق على مقاس مجموعه يتهمهم بالغش بدون دليل حرام و الله |
مش تقولى ان الا يغش اخره 90 ف المية ؟
لاء والله صدقنى لو هو مستواه فعلا يجيب 90 وغش اختار ف كل امتحان هيعدى 95 :040vk0: |
هيعدى 95 كمان احنا كل الاوائل عندنا كانو بيغشو وانا كنت معاهم ف اللجنه بس دى اخرت الضمير باه الحمد لله
|
ايوا فعلا عندك حق في ناس اه كويسة بس غشت فكملت علي اللى عملته وجابوا مجموع كبير اوي
|
ف 99 ف المية من المدارس كان فيها غش :040vk0::040vk0: بس الغش كان فيع السنة دى |
مش هتصدقوا ناس اعرفهم ميجيبوش حاجه خالص وجايبين في تانيه في الخمسينات
جابوا والله 99 و97 ايــــــــــــــــــهـــــــ ده |
يا حبيب طبعا فكرة جيدة لكن عمرهم ما هيرجعوا الورق تاني و يقولك انت غشيت و لا ما غشتش يعني ايه الاستاذ مخاوي مثلا
و بعدين دول نا صدقوا خلصوا من التصحيح و كل ما نملكه حسبي الله و نعم الوكيل |
اقتباس:
أنا طبعا مضايق من الغش بس هو مضرنيش أوي لأنني كنت مذاكر كويس جداً من اول السنة و جبت 99٪ و ده مجموع استحاله يتجاب بالغش اقصي مجموع يجيبه الغش مع طالب متوسط 96٪ و أنا جايب اعلي من كده بكتير بفضل الله اولا و مذاكرتي ثانيا |
حلو اوى الكلام دة سيبونى عليه
بسم الله الرحمن الرحيم (ان الله لا يضيع اجر من احسن عملا)
انا علطول بتنرفز من اللى بيغشو ويحسسوك انها حاجة عادية وكان الموضوع زمان كام واحد بيغش دلوقتى بسم الله ماشاء الله كله الا من رحمه ربى وكل ما بقول لحد ان ربنا مش هيبركله حتى لو جاب 100% وعدى من الثانوية العامة ودخل من اعلى الكليات هيفشل فى الكلية ولو مش فشل فى الكليه هيفشل فى شغله يعنى من الاخر ربنا بيدى من ناحية وياخد من ناحية تانية ان الله ليس بظلام للعبيد عمره ماهيساوى اللى اجتهد مع اللى نام طول السنة وغش فى الامتحانات والله هى حكاية ضمييييير لو كل واحد عنده ضمير وكان رقيب على نفسه قبل ما يكون ربنا رقيب علينا كان كل واحد اتصلح حاله البلد دى هتبقى من اوائل الدول المتقدمة بس مش كل واحد يستسلم ويقول ما هو كله بيغش لالالا ان الله لا يغير ما بقوم حتى يغيروا ما بأنفسم * هذا الكلام طبعا موجه ليا اولا وبعدين ليكو * والله لو كل واحد فينا مش بأه سلبىلازم يبلغ على حالة الغش ويقول ومش يخاف انا كنت بخاف سعات وكانوا بيقوليلى هيقطعوكى وكدة واسكت بس الساكت عن الحق شيطان اخرس يعنى لازم كل واحد فينا مش يسكت على الحالات دى وكمان يا عم الحاج الغش فى الكليه صعب وفيها بوى للى هيغش وكفايه انه هيفضل طول عمره بياكل حراااااااااااااااااااااااام ويأكل عياله حراااااام انه اخد المكان اللى مش يستحقه بالغش مساااااااااااااء الفل علينا وعليكم موضوع جميل يا برنس والله الموفق ضــــــــــــى الفجر |
انا مش مفقوعه انا هولع كويس انك عملت الجروب ده ان شاء الله العدد يزيد وصوتنا يتسمع ونقضي علي الظاهره البشعه ديه
|
كلامك جميل والله ..
بالنسبة الا بيقول الاستاذ مخاوى وعهد ربنا المدرسين يقدروا يطلعوا الغششين لو فى جزر القمر |
اقتباس:
طب كويس المدرسين بتوعنا طلع عندهم امكانيات مكناش نعرفهم اهو :p |
كلامك تريقة ولا جد ؟ :049gc0:
|
اقتباس:
لا ده و لا ده بهزر خهههههه |
اه اذا كان كدا ماشى ظلمتك هع هع هع :022yb4::022yb4::022yb4:
|
انا عندي اصحابي في نقس اللجنة الثلاثة حنب بعض الثلاثة 28.5عربي و23 انجليزي واثنين50اقتصاد
|
بمجهودهم طبعا :022yb4::022yb4:
|
ياااااااااااااااااااااااااااه ده حلم اكيد ., عمره ما هيحصل انا والله مش قاصده التريقه على صاحب الفكره ., بس مستحيل بجد ., انا مدرستي متفوقات وكتيررررر غشوا او معظمهم وكانوا بينزلوا الحمام ويكلموا من التليفوووون ., انا جايبه 93.4% رياضه ولا طايله هندسه ., بس الحمد لله على ايه كليه هتيجي ., بس بردوا مش معنى كده ان اي واحد جاب مجموع عالي يبقى غشاش في ناس اجتهدت بجد ., |
احنا بنقول نسبة 75 ف المية ......غشوا مش الكل...:040vk0:
|
طب والله العظيم والكلام دا من بؤ ابلة الانجليزى بتاعتى بتقولى واحد طالع على مدرسه مشتركة الاول جايب 406.دا بدون المستوى هو واصحابه وغاشين الامتحان بالموبايل من استاذ الدرس بتاعهم واهو جاب 100% حد عرف يكلمه ولا يقوله انت كنت بتغش طب هات الاثبات اللى عندك وهو يحط فى عنيهم الشهادة بتاعته انا عن نفسى جبت98.5 بمجهودى
|
اقتباس:
|
انا والله مخنوق جدا لان ده ظلم للناس اللى جابت مجاميع حلوه و انها مش حاسه انها عامله انجاز لان فى ناس غيرها كتير جايبين مجاميع عليه بطرق غير مشروعه انا اعرف ناس جايبه 95+ و مكنتش بتذاكر
لا حياه لمن تنادى |
للأسف انت في مصر مش هتاخد حاجة
بس تأكد ان انت اللي صح وبإذن الله رزقك هو اللي حلال في اي مجال تدخله وحسبنا الله ونعم الوكيل |
وهنفضل لأمتى نقول أحنا ف مصر......
طيب ما الثورة قامت عشان تغير ما نغير احنا كمان ...:) |
احنا ليه منعملش ثورة في ميدان التحرير
ولا الواضح ان انا بحلم شوية ^_^ |
ومين قال ان في حاجة اتغيرت بعد الثورة ؟
ماهي الحكومة لسه لأفشل ناس من فئة كبار السن , يعني حتى مش جايبين اللي بيفهموا .. عادي يعني |
اساسا لازم عشان التغيير يحصل فى البلد لازم احنا اللى نتغير و بصراحة موضوع الغش ده بقى حاجة تقرف اوى ولازم نلاقى حل لينا
فى الجامعات وللى فى المدارس بس مش معقول حد يقعد يقارنى بحد جاب 99%وانا عارفة انه غاشش بقى شىء يدايق اوى |
واقسم بالله امتحان الفيزياء ف لجنتي كان ولا حصة النشاط والمدرس غايب ده انا اتلحيت عالمراقب عشان مش عارفة اركز بس العيال بيرغوا والمراقبين كمان والله انا شطبت مسأله بسببهم وعدتها وكلهم درجاتهم هاي أوي ف الفيزيا والله كلهم ورقهم نسخة كربون وخفت اعمل مشكلة عشان وقت الامتحان حسبي الله ونعم الوكيل بس ربنا مش هيساوي اللي غش بالانسان المحترم
|
وف امتحان الكيميا المراقب قاللي لو عايزة حاجة اسألي زميلتك وعلم النفس كمان كان سايب أوي
|
هو دا التعليم ف مصر ياريت الكل يخش الجروب عشان نوقف وقفة بجد :022yb4::022yb4:
|
ربنا يجازى كل شخص غش
|
ما هو لحظة........ فى امتحانات الثانوية فى تكات فى الامتحان لو كل واحد عايز يغش التكات ديه و باقى الامتحان بيكون عادى يعنى اى واحد يعرف يحله و بعد لما يغش التكات يبقى اكيد هيقفل المتحان ...... هبسط كلامى لو واحد مستواه ان هو يجيب 95 % و غش التكات يبقى اكيد اكيد هيجيب 97% و اكتر و فى ناس فعلا مجتهدة و ربنا يباركلهم ان شاء الله و انا مش بعمم بس المعظم عمل كده و انتو اكيد كنتوا بتشوفوا فى اللجان ايه اللى كان بيحصل بس ان شاء الله كله هياخد حقه السنة الجاية و كل اللى غش هيعرف ان الله حق و معلش على الاطالة
|
ده حتى رئيس اللجان مكنش بيهتم و حسبى الله و نعم الوكيل بس كل اللى مغش ربنا هيكرمه فى اى حاجة حتى لو هيدخل اقل كلية فى مصر و ربنا معاكم و معانا ان شاء الله
|
بس محدش ينسى ان الورق اتصحح والنتيجه طلعت
ومهما حصل مظنش ان حد هيسمعنا بس والله نفسى الورق يتصحح تانى وكل واحد ياخد حقه بدل الهبل ده |
أن مش هسكت عن حقى.... غيرنا مات ف ميدان التحرير عشان مجرد أنه يعيش عيشة كريمة..
ودا مستقبلنا حرام.... دا الجروب ..http://www.facebook.com/groups/141200515961398#!/groups/141200515961398 |
والله عندك حق في كل الي بتقوله ربنا علي الظالم
حسبي الله ونعم الوكيل |
| جميع الأوقات بتوقيت GMT +2. الساعة الآن 09:45 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.