|
كل اللى فى ترجمة فورية او لغات وترجمة يفيدنى بليييز
انا جديده معاكو ف المنتدى
انا جيبت 97 ونص الحمد لله السنادى وانا ادبى وعاوزة ادخل لغات وترجمة قسم ترجمة فورية انجليش ياريت كل اللى فيها يفيدنى موادها ايه فى اول سنة وسهلة ولا صعبة ؟ لو اخدت كورسات هتفيدنى دلوقتى ولا لا؟ عاوزة كل المعلومات عشان انا نفسى فيها اوى الكلية دى من زمان بس عاوزة اعرف كل حاجة عنها |
اولا الف مبروك المجموع رائع جدا بسم الله ماشاء الله ...... بالنسبة لكلية اللغات فأنا هقولك علي اللي فيها بالنسبة للبنين ولاأدري هل الأمر يختلف بالنسبة للبنات ولا لا ..... مواد سنة اولي 7 مواد علي السنة كلها يعني مفيش امتحانات تيرم المواد هي ( أدب وفرنسي وترجمة وقواعد وقراءة ومقال ومحادثة ( الإختبار في المحادثة شفويا ) وعموما سنة اولي مفيهاش قران اما بالنسبة لكون انها سهلة ولا صعبة اعتقد انك مش هتلاقي اي صعوبة بما انك جايبة 97 واعتقد بردة الكورسات هتفيدك جدا خاصة في عملية الاستماع في المحاضرات ....... وفي النهاية مبروك مرة تانية
|
ميرسى جدا انت افدتنى اوى والله بس
عاوزة اعرف باه بيتذاكروا بسهولة ولا لا وايه المفروض اعمله ف اول ايام الكلية |
بالنسبة لطلبك معرفة كل شئ عن كلية اللغات انا بقولها تاني انا مش طالب في كلية اللغات علشان كده بطالب الناس اللي في كلية اللغات انها تدخل وترد علي استفساراتكم ..... عموما كلية اللغات من الكليات المرموقة جدا في جامعة الأزهر ومن الكليات التي تصنف ضمن كليات القمة وخريج كليات اللغات من جامعة الأزهر علي وجه الخصوص يحظي بسمعة عالية جدا بعد تخرجة ويكون له الأولوية في التعيين من بين نظرائه في كليات اللغات الأخري ...... تنقسم كلية اللغات الي قسم ادب انجليزي ودراسات اسلامية بالاضافة الي الترجمة الفورية للغة الانجليزية فقط بالنسبة للبنين وللغات الاوروبية اضافة للانجليزي بالنسبة للبنات ..... قسم الأدب أربع سنوات وبقية الأقسام خمس سنوات ..... تدرس في كلية اللغات جميع انواع الترجمة ( قانونية واقتصادية وسياسية واسلامية وتتبعية ) الدراسة في كلية اللغات في السنة الأولي تكون صعبة في بدايتها ولكن سرعان ماتذوب هذه الصعوبة بعد تعرف الطلاب علي نظام الكلية ودخولهم في جو الدراسة الجامعية ........ أنصحك بالحصول علي كورسات من الان لأن هذا سيفيدك جدا خاصة في الاستماع والتلقي من الدكاترة كما ذكرت من قبل .... وطبعا أحسن مكان للكورسات هي الجامعة الأمريكية بس غالية جدا 850 للمستوي لذلكـ أنصحك بكورس معهد القوات المسلحة حوالي 350 للمستوي والدراسة به علي حد علمي رائعة كما سمعت ...... بالنسبة لسهولة المواد او صعوبتها والله انا علي اللي شفته بالنسبة لطلبة تمهيدي المواد سهله جدا ولكن الطلبه هي اللي بتصعب العملية علي نفسها او علشان مظلمش الطلبة تقريبا الطلبة والدكاترة لاني علي كلام اصدقائي ان الدكاترة بيعاملوهم علي اساس انهم قمة في الانجليزي لكن زي ماقلت الصعوبة بتتلاشي كلما تعمق الطلاب في الدراسة ومعرفتهم اسس الترجمة الصحيحة .... وبالنسبة لموضوع الترجمة أنصحك انك من اول يوم يكون معاكي قاموس علشان تترجمي الكلمات الصعبة ويقال ان اكسفورد وكامبريدج هما افضل القواميس ...........
اي استفسارت انا حاضر ولكن اتمني ان يرد طلاب اللغات لان ردهم سيكون اوفي واقطع ..... بالتوفيق ان شاء الله |
لو سمحتوا انا جايبه 92% أدبى
ونفسى ادخل لغات وترجمه ادب انجليزى لكن انا مش سوبر فى الانجليزى لكن كويسه هل همشى فيها ولا لا أنا محتاره جدا ارجوكم افيدونى؟ |
ممكن تاخدي كورسات من دلوقتي وعموما الموضوع متوقف عليكي انتي ادري بنفسك لو هتقدري تجتهدي في الكلية يبقا ليه لا ..... وعموما كل الكليات محتاجة مجهود وطالما انتي كويسة يبقي توكلي علي الله وربنا يقدملك اللي فيه الخير ..........
|
طيب هل يشترط درجه معينه فى الانجليزى ؟
وهل يوجد قسم فرنساوى؟ |
هى ايه الكورسات دى؟
|
بتهيالى لازم تكونى جايبه 75% من مجموع الانجليزى يعنى45 من 60 لو انتى ادبى بتهيالى يعنى وانا جايبه فى الانجليزى 47 والله المفروض اجيب اكتر من كده بس الحمد لله انت جايبه كم. بس شكلك محتاره زى بالظبط مش عارفه لغاية دلوقتى احدد ادخل ايه ايه رايك نساعد بعض انتمن اى محافظه
|
والله انا محتاره جدا وياريت نساعد بعض
أنا للأسف جايبه 42 فى الانجليزى مش عارفه نازله فيه ليه ومش عارفع اعمل ايه؟ |
انا من محافظة كفر الشيخ وانتى؟
|
أنا عايزة أعرف شرط دخول كلية اللغات والترجمة هى إنى أجيب75% فى الانجلش ولا شرط المجموع الكلى يكون مرتفع
|
اقتباس:
وميرسى جدا ع معلوماتك وسورى لو ارهقتك ف المعلومات |
على فكرة مش بياخدوا بمجموع الانجليش بس دول بياخدوا كمان الفرينش وبيكون شرطه 80 ف المية زى الانجليش 75 فى المية كدا
ياريت كل اللى عنده اى ملعومة مهما كانت يقدمها بس فى حوار الصعوبة وكدا لو حابة المجال هتبدعى فيه عشان دى فرصتك انك تكونى حاجة ف المستقبل متهيالى حتى لو صعبة هتتحملى عشان انتى بتحبيها صح ؟ |
يعنى انا لا اقبل فى الانجلش؟
|
علي فكرة بالنسبة لموضوع شرط الفرنسي كلية اللغات لا تشترط فرنسي نهائي .... اما بالنسبة لموضوع شرط الانجليزي هو في البنين 75 % يعني 45 أدبي 30 علمي ..... بس انا علي حد علمي ان الشرط في البنات يقال انه 70 بس مش 75 .....وكمان الشرط بيكون في الانجليزي بس يعني اللي جايب ااقل من 45 ممكن يكون لا يحق له انه يدخل قسم انجليزي انما يحق له دخول اي قسم اخر وده طبعا لان البنات ليهم أكتر من كلية للغات بعكس البنين علشان كده ببشر الناس اللي قلت عن 75 في البنات انهم ليهم الفرصة انهم يدخلوا لغات بس هل ليهم قسم انجليزي ولا لا ده اللي مش متاكد منه ......
|
لالا بياخدوا الفرنسى كل المسترات بتوعى قالولنا كدا اما الانجليش فلازم 45 او اكتر عشان يدخلوا قسم انجليزى او فرنسى
لكن ممكن يدخلوا لغات تانية زى المانى واسبانى وتركى وكدا |
كويس انا جايبه فى الفرنساوى 38 من 40 انتو جابين فيه كم
|
يا بنات حد عارف اى معلومات عن التنسيق هينزل امتى وكده
|
التنسيق هينزل بعد امتحانت الدور الثانى شهر 9كدة
|
ده امتحان الدرور التانى فى شهر 9 انا سمعت انا شيخ الازهر اجله لـ9 عشان رمضان
|
اقتباس:
|
اه ما التنسيق بينزل بعد نتيجة امتحان الدور الثانى
وربنا يستر لكن تقديم الرغبات قبل ذلك طبعا |
يمكن بس انا قلت كدا ع اساس اللى هما قالوه يعنى
وعموما انا الحمد لله جايبة ف الفرينش 40 والتنسيق فى شهر 9 ان شاء الله |
انا جايبه 81,78 ادبي ازهري وعايزه ادخل لغات وترجمه الماني وعرفت انها السنه دي بتقبل من 80,48 بحد ادني للمجموع 507 وانا جايبه 515 ياتري ممكن تجيلي؟؟؟؟ وهل يشترط حتي لو داخله الماني اجيب 45 في انجليزي
|
السلام عليكم
انا طالب في كلية اللغات والترجمة سنة ثانيه مبدأيا مبدا التحويل من العام للازهر في كلية اللغات موجود ومتفق عليه للبنات فقط وليس للبنين حق التحويل ثانيا شروط الالتحاق بالكليات انا مش اعرفها بالضبط بس لازم يكون المجموع في المجمل عالي ودرجة الانجليزي عاليه جداااا ثالثا بخصوص المواد بيكون اغلبها عن القسم بمعني مواد زي قواعد وانواع تراجم كتيييييييييير ولغويات ومسرحيات وادب انجليزي وحاجات تانيه كتيييييييييير بس طبعا ده كله مش في سنة واحده ده متقسم عالخمس سنين رابعا الكلية ليها 4 فروع 1- تفهنا دقهلية 2-مدينة نصر القاهره 3- العاشر من رمضان شرقية 4- طيبة الاقصر خامسا للي في ثانوي عام افضل انهم يروحو اليومين دول مش عشان يقدمو ولكن عشان يعرفو هم ينفع يقدمو وللا لا بالعربي الشروط بتاعة القسم هتمشي عليهم وللا لا سادسا للي في الازهر التنسيق كل سنة بيكون غبي ومكار بس البنات العلمي بيكون اعلي من 90 والادبي بيكون من 85-90 اما الولاد فده بالحظ لانه في سنتي انا اللي هي قبل اللي فاتت كان التنسيق من 87 والسنة اللي فاتت كان من 67 يعني مالهوش امان ( نظام الدراسه) نبدا بالشرعي واللغوي عشان خايفين منه في تمهيدي مفيش لا شرعي ولا لغوي ولا قران من اولي لرابعة بتاخد مادتين لغوي ومادتين شرعي في كل سنة والقران كل سنة خمس اجزاء مواد الانجليزي بقي في المجمل بتدور حوالين الترجمة والقواعد والمسرحيات والادب والشعر والصوتيات واللغويات وانواع تراجم كتييييييييييييييييير كلهم متقسمين عالخمس سنين طبعا في تمهيدي 7 مواد بس السنة كلها كل سنة 12 مادة شامله الانجليزي واللغوي والشرعي والقران متقسمين عالترمين ارجو اكون افادتكم اخوكم وضاح فضل |
هل يشترط درجة الانجلش فى اى قسم؟
|
في البنين درجة الإنجليزي مشترطة في جميع الأقسام أما في البنات فأعتقد انها مشترطة في قسم الإنجليزي والفرنسي فقط .... وعلي فكرة أعتقد ان الشرط في البنات ااقل من 75 % أعتقد انه 70 فقط .......
|
اعتقد اعتقد ياخويا هو يعني الكلام بفلووووووس
المهم ياض انا كلمت العميد عشان الحوار بتاع درجة الانجليزي وده كاااااان رده: "كلامكم صحيح جدا، ولكم مما نأسف له أن الجامعة لم تعد توافق على امتحان القدرات، لأن بعض الأساتذة في الأزمان الغابرة حولوا امتحانات القدرات إلى (كوسة) فقبلوا من لهم معارف ورفضوا من ليس لهم معارف بغض النظر عن مستوى الطلاب الحقيقي في اللغة الإنجليزية وصدق المثل: أولاد الحرام لم يتركوا شيئا لأولاد الحلال" |
يا جماعه عايزه كلام مؤكد ارجوكم
علشان احدد مصيرى القسم الالمانى مرتبط بالانجلش |
محدش هيفيدك بحاجه هنا حتي لو كانت بنت في الكلية عشان كده لازم تروحي بنفسك او تتصلي بالكلية
|
بين المنتدى مفيش فيه ولا بنت فى لغات وترجمه ايه يابنات روحتو فين ده البنات معروفين انهم منتشرين فى كل مكان يعنى
|
انا متاكد من وجود بعض الزميلات معنا في المنتدي ولكنهم يبخلون بالمعلومة
|
وعلى فكره بقى كلية اللغات والترجمه من الكليات المرموقه فى الازهر انا عايز اجاوب على حضراتكم بس التعليقات كثيره اوى والوقت ضيق المهم انا بفتح علطول واذا لم تجدونى فهذا رقم تلفونى لمن يريد الاستفسار بس ميكنش بيلعب علشان مش عايز لعب المهم رقم تلفونى اهو 0112769089
|
مش واضح خالص ان فى بنات موجده هنا فى لغات او شكلهم اعدين فى الكليه مستنين النتيجه ههههههه
|
السبت القادم 29_7_2011 سيبدأ تنسيق الشهاده الثانويه الازهريه
|
شروط قبول طالبات الثانوية العامة الراغبات فى الالتحاق بجامعة الازهر الطالبات الحاصلات على الشهادة الثانوية العامة يقتصر على الطالبات فقط للالتحاق بشعبة اللغات الاوروبية و آدابها و الترجمة الفورية بقسميها ( الانجليزيه و الفرنسية ) بكلية الدراسات الانسانية للبنات بالقاهرة و البنات الازهرية بطيبة الجديدة و العاشر من رمضان و كلية الدراسات الانسانية بتفهنا الاشراف دقهلية ( انجليزى فقط) للعام الجامعة 2011/2012 تقبل شعبة اللغات الاوروبية و آدابها و الترجمة الفورية القسمين العلمى و الادبى بنسبة لا تقل عن 85% من المجموع الكلى بالنسبة للغة الانجليزيه الاولى و85% مجموع اللغة الانجليزية . اما بالنسبة لقسم اللغة الفرنسية يقبل القسمين الادبى و العلمى و بنسبة لا تقل عن 75% من المحموع الكلى للدرجات و تحتسب درجة نجاح مادة المستوى الخاص فى اللغة الانجليزية الاولى ان وجدت ضمن درجات المجموع الكلى للطالبه وان تكون اللغتان الاجنبيتان اللتان درستهما الطالبة فى شهادة الثانوية العامة هما بالتحديد الفرنسية و الانجليزية و الا تقل الدرجة الحاصل عليها الطالبة فى مادة اللغة الاجنبية الاولى ( اللغة الفرنسية) عن 80% على الاقل من النهاية العظمى المخصصة لها المصدر :موقع جامعة الازهر منقول بالنص |
بالنسبه للطالبات الحاصلات على الثانويه العامه و عاوزين يدخلوا كلية الدراسات الانسانيه قسم الترجمه الفوريه لغه انجليزيه هل لازم يكون المستوى الرفيع انجلييزى.........وانا جايبه 89%و 42,5 ف الانجلش و الفرنساوى 43.....ارجو الرد بسرررررررررررررعه لأن التقديم بكررررررررره....وجزاكم الله خيرا
|
الكلام واضح يا اخت والمستوي بينحسب علي المجموع
اما نسبة ال85% فدي بالضبط لازم تكوني جايبة مجموع42.5 في الانجلش او اكتر التقديم اخره 18/8 بسرعة كده يادوب تلحقي نفسك وان شاء الله تنضمي للكلية |
| جميع الأوقات بتوقيت GMT +2. الساعة الآن 07:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.