|
ال ايه حظك اليوم
السلام عليكم ازيكم يارب تكونوا بخير فى ظاهرة غريبه جدا ومستفزة وعبيطه فى نفس الوقت وهى ظاهرة الابراج وحظك اليوم واحد يقولك انا برجى كذا والتانى يقول برجى كذا ايه برجك دا يعنى نفسي افهم ؟؟ يعنى واحد كاتبلك فى الجرنال اى كلام تصدقه وتقول انا هيحصلى كذا النهاردة ومش هيحصلى كذا ايه الكلام العبيط دا ؟؟؟؟ فى واحد مثقف محترم يصدق التفاهات والكلام الفارغ دا انا باستغرب فعلا ان الجهل وصل بينا لهذه الدرجه ولا تلاقى بتاعه الابراج ولا حظك اليوم طالعه فى التلفزيون تحسسك ان هى عارفه ايه اللى هيحصل وانها عارفه كل حاجه فى الدنيا والاغرب من كدا ان تلاقى الناس تتصل بيها "بعد اذنك يا طنط انا خطيبى مولودفى يوم مش عارف ايه كدا شهر كذا ( المهم تقولها تاريخ الميلاد ) وانا مولودة ( وتقول نفس الحكايه وياريت تقوليلى احنا متوافقين ولا لا اصل انا خايفه خالث " بذمه دا كلام !!!!!!!!!!! يعنى هى لو قالتلك مينفعش خلاص هتفسخى الخطوبه ولو انتى متجوزة هتطلقى ولا ايه ؟؟؟ نفسي افهم وفى ناس بتتفركش الجواز عشان هذا الكلام ولا واحد يصح من الفجر قبل لمايروح الشغل عشان يشترى الجرنال مخصوص عشان يشوف ال ايه حظك اليوم حظك اليوم ايه دا اللى تقراه دا كلام كله فاضي وللاسف فى ناس كتير بتصدق التفاهات والكلام الفاضي دا ولو جيت تكلمه يقولك دا علم علم ايه اللى بيعرف الغيب؟؟؟؟؟ علم ايه اللى يحدد اذا ما كنت هاتجوز ولا ولا ؟؟؟ (كذب المنجمون ولو صدقوا) يا ريت يا جماعه تقولولى رايكم فى هذه الظاهرة الغريبه المستفزة ؟؟؟؟ وايه رايك فى الناس المغيبه اللى بتصدق الكلام الفاضي دا ؟؟؟؟؟ وايه فى رايك السبب فى تفشى هذه الظاهرة ؟؟؟؟ وهل انت/ى من الناس دول ؟؟؟؟ ولو انت /ى منهم يا ريت تقولنا وجهه نظرك؟؟؟ منتظر ردودكم |
كذب المنجومون وان صدقوا
والانسان اللي بيصدق الكلام الفاضي ده وبيروح لعرافين سمعت انه بيكون كافر انا احيانا لما بمسك الجرنال بشوفها لمجرد التسلية بس ما بصدقش الحاجات دي والكلام ده كذب اصلا انا صحبتي يوم النتيجة لقيت مكتوب فيما معناه ان اليوم ده مش هتكون مبسوطة وسبحان الله النتيجة بالليل فرحتها خالص يعني ده مجرد كلام بيالفوه وعاملين فيها علماء فلك |
اقتباس:
طبعا كذب المنجمون ولو صدفوا والانسان المؤمن يعرف انه لا يعلم الغيب الا الله وانا اعتقد ان الظاهرة قلت شوية يمكن زمان كانت منتشرة جدا واقلب الفنجان اشوف بختك واقرالك الكف ولو خرجت النهاردة هيتصك حمار والكلام دة اكيد العاقل لا يصدق هذا وجزاك الله كل خير على التوبيك |
اقتباس:
واحنا علينا النصيحة وربنا يهدى الجميع |
آه فعلاً ,بعض الناس بيصدقـــــــوا الحاجات دى ...
وبيرتبوا عليهاآ حيـــــــآتـهم وده طبعاً شـركـ لأنـه لا يعلم الغيب إلا الله سبحانه جـزآكــــــم الله خيراً على الموضوع الهادف... |
فعلاااااااا و للأسف في ناس كتير بيصدقوا التفاهات دي و بيمشوا و راها و كمان بيرتبوا حياتهم على أساسها مش عارفة ليه مقتنعين بالكلام الفارغ ده في حين أنه لا يعلم الغيب إلا الله طبعا الظاهرة دي السبب الأساسي فيها و من وجهة نظري هو طبعا البعد عن الدين و بجد الناس اللي بيصدقوا الخرافات دي أنا باعتبرهم مغيّبين عقليّا ربنا يهدي جميع المسلمين أشكرك أخي على الموضوع الرائع بارك الله فيك |
طبعا كله كزب وتاليف
وبيضحكواا بيه على الناس والانسان لازم يضع له قاعده وهى ان مافيش اى حاجه هاتحصللك الا لما يكون ربنا كاتبهالك |
اكيد كذب المنجمون ولو صدقوا
|
اقتباس:
بس فى حاجه عايز اقولها ان بردوا ماينفعش نقرا ولو حتى فى سبيل التسليه او للتفاؤل دا مجرد رايي شكرا لكى على المرور |
اقتباس:
شكرا لكى على المرور ج |
اقتباس:
فى ناس الجوازات تتفركش عشان حاجات لا اساس لها من الصحه جزانا واياكم شكرا لكى على المرور |
الناس غايبت عقلها وبعدت عن دينها
خلاص مش بقى ف عقل احسن حل اننا ندعى للناس اللى بنعمل كدة وندعلها ربنا يرجعلها عقلها انشاء الله وشكرررا |
عادي يا جماعة الابراج علم وانا مؤمنة بيه
و الكلام الي بيتقال فيه كله صح و بعدين الواحد ما يتكلمش عن حاجه من غير ما يعرف عنها حاجه اقرو في الموضوع الاول و بعدين قرروا و بعدين الي بيؤمن بي الحاجات دي مش كافر ولا مشرك الان دي ظاهره علمية و العلماء مختلفين عليها الي بيؤمن بيها والي مش بيؤمن |
اقتباس:
كان الواحد دخل تنجيم وخد فيها الدكتوراه من زمان :d الايمان بالغيب مش كفر ولا شرك طبعاً لكن الايمان بمن يعلم الغيب ده الشرك بعينه |
اقتباس:
انا معاكى يامريم فى كلامك ده علم فعلا زى اى العلوم والعلم ده كانت بداياته عند الفراعنه وفعلا حاجات كتير فيه صحيحه بس المشكلة ان الناس بتصدقه اوى واوقات بيحصل الامر عندهم لحد الجنون وكفر بالله لان الغيب لا يعلمه الا الله واكيد لو اعتمدنا على الابراج فى معرفة الغيب اكيد ده اكبر شرك بالله دى النقطه بس انا عن نفسى بحب اسمع عنه واقرأ عنه بس كعلم فقط |
يا جماعة ده مش علم خااااااااااالص هو ممكن الحاجة الوحيدة اللى تصدقيها ف الابراج هو الصفات بتاعة الناس اللى مشتركين ف نفس البرج واحيانا مش كلها صحيحة لكن انك تصدقي مجرد كلا م واحد او واحدة فاضية هى \هو ألفه الصبح وهو \هى بيفطر علشان يتنشر ف جرنال وكتييييييييير اوى يمشوا وراه ده العبط بعينه فى حاجه اسمها القدر والانسان مسئول عن قراراته
|
اقتباس:
مش عارف ازاى فى ناس بتصدق كدا ازاى ربنا يهدى الجميع شكرا لكى على المرور ملحوظه : ان شاء الله مش انشاء الله |
اقتباس:
انا عمرى ما سمعت عن علم اسمه الابراج وانا متاكد مليون فى الميه ان معظم الكلام غلط يعنى لو كاتبلك فى الجرنال ستجدى اليوم شريك حياتك تروحى الجامعه تلاقيه موجود ولا يقولك ستفرح اليوم يبقى هتفرح معظم الكلام ان لم يكن كله خطا واللى بيقول كدا واحد بيالفه اى كلمتين وانا متاكد من كدا وبعدين بعد اذنك تجاوبى على سؤالى ازاى علم مهما كان يقدر يقولك ايه اللى هيحصل ؟؟؟؟ وهل لما حضرتك بتقرى الكلام دا بيحصل فعلا ؟؟؟؟؟؟؟؟؟؟؟؟ |
اقتباس:
فينك من زمان ابعتلى الاكونت بتاعك عالفيس فى رساله بعد اذنك؟؟؟؟؟؟ |
اقتباس:
يا جماعه نفسي افهم حاجه واحده بس !!!!! اللى بيتقال فى الجرايد دا يبقى علم ازاى !!!!!!1 مع العلم انى الحمد لله مش ببص فى حظك اليوم دى ابدا بس ممكن ابص كدا نظرة عموميه واشوف كلام لا اساس له من الصحه وبعدين ما هو لما واحد يقرا ويصدقه يبقى دا اسمه ايه ؟؟؟؟؟؟؟؟؟؟ |
اقتباس:
وكمان الصفات ممكن تكون غلط لان بردوا محدش يقدر يقولك الصفات شكرا لكى على المرور |
اقتباس:
انا مش بتكلم علي حظك اليوم انا بتكلم علي الابراج الان دي حاجه ودي حاجه مش عارفه ليه الناس ديما بتخلط بنهم لكن الابراج فعلا صح و علم و واضح ان حضرتك متعرف اي حاجه عن الابراج و مينفعش تتكلم عن حاجه انت مش عارف عنها حاجه لكن انا مظطره اشرحلك الابراج مجموعه من النجوم علي اشكال معينه بتاثر علي الانسان علي الارض و علي صفاته زي القمر لما باثر علي المياه الموجوده علي الارض في المد والجزر و كمان المياه الموجوده في جسم الانسان و عشان كده لما بيحصل جزر العلماء بيحظرونه علشان مستوي المياه الي في جسم الانسان حينخفض و انا شخصيا كل الي بقراه بيطلع فعلا ينطبق علي صاحب البرج ده و انصحك تقرا عن الابراج علشان تبقي فاهم انت بتكلم علي ايه مش بتكلم وخلاص مع احترامي ليك طبعا |
اقتباس:
ثانيا : انا مفيش حد يقولى اقرا ولا ماتقراش عن حاجه وانا مش عايز اعرف ايه هو علم الابراج وان شاء الله مش هاقراه ابدا لانى سمعت تقريبا حرام انى اقرأ الحاجات دى ثالثا : ربنا يهدينا جميعا رابعا وبكررها : شكرا جدا على ذوقك وزى ما الاعضاء قالوا طبعا الظاهرة دي السبب الأساسي فيها و من وجهة نظري هو طبعا البعد عن الدين و بجد الناس اللي بيصدقوا الخرافات دي أنا باعتبرهم مغيّبين عقليّا |
اعتقد انة قلة دين عندنا لان من قواعد الايمان الايمان بالقدر
|
اقتباس:
ثم انا مش مغيبة عقليا انا انحمد لله بصلي و عارف ديني كويس و علا قتي بربنا كويسه ( و لا يسخر قوما من قوم عسي ان يكونوا خيرا منهم ) و بكررها تاني انا اتكلمة باسلوب محترم و ان كان اسلوبي ضايقك انا اسفة |
ادى يا فندم المشاركه الاولى
لا مع احترامى لحضرتك انا عمرى ما سمعت عن علم اسمه الابراج وانا متاكد مليون فى الميه ان معظم الكلام غلط يعنى لو كاتبلك فى الجرنال ستجدى اليوم شريك حياتك تروحى الجامعه تلاقيه موجود ولا يقولك ستفرح اليوم يبقى هتفرح معظم الكلام ان لم يكن كله خطا واللى بيقول كدا واحد بيالفه اى كلمتين وانا متاكد من كدا وبعدين بعد اذنك تجاوبى على سؤالى ازاى علم مهما كان يقدر يقولك ايه اللى هيحصل ؟؟؟؟ وهل لما حضرتك بتقرى الكلام دا بيحصل فعلا ؟؟؟؟؟؟؟؟؟؟؟؟ ثانيا : انا قولت انى ان شاء الله وعمرى فى حياتى ما هاقرا حاجات زى دى ثالثا : انا بقول ربنا يهدينا جميعا ربنا يهينى ويهديكى ويهدى كل الناس رابعا : انا جايبلك احد مشاركات الاعضاء مش مشاركتى وانا بكلم فى العموم مقصدش حضرتك وانا الحمد لله مش بسخر من حد خامسا : حتى لا يتجول الموضوع وياخد مسارا اخرا بقول لحضرتك انا اسف ان كنت ضايقت حضرتك ودى ان شاء الله اخر مشاركه فى هذا الموضوع |
اقتباس:
طبعا وانا اسفة جدا لحضرتك يا استاذ محمد |
| جميع الأوقات بتوقيت GMT +2. الساعة الآن 01:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.