|
لو سمحتوا هى كلية تخطيط عمرانى ايه نظامها واعمل ايه عشان ادخلها
انا فاقد الامل تماما والله ونفسيتى تحت الصفر
ممكن جد يقولى لو سمحتوا هى كلية تخطيط عمرانى ايه نظامها واعمل ايه عشان ادخلها انا جايب 90.49 |
ده عن الكليه عامة
نبذة تاريخية عن الكلية •بدأت الدراسة بها في العام الجامعي 1978/1979 في مبناها القديم بشارع الجلاء بالقاهرة ثم أفتتح مبناها الجديدي عام 1991 في الحرم الجامعي حيث تغير إسمها بقرار جمهوري من معهد إلى كلية التخطيط الاقليمي والعمراني . •تعتبر كلية التخطيط الإقليمي والعمراني هي الكلية المتكاملة الوحيدة في مصر في مجال التخطيط الإقليمي والعمراني والتي تشمل أربعة أقسام متخصصة في هذا المجال ألا وهم :- 1. قسم التنمية الإقليمية 2. قسم التخطيط العمراني 3. قسم التصميم العمراني 4. قسم العلوم الأساسية •ويحصل كل خريج منها على لقب مهندس ويصبح عضوا مسجلا في نقابة المهندسين ( مهندس عمارة ) ويتسع المجال بالنسبة للخريجين ليشمل الوزارات المختلفة والمكاتب الاستشارية في مجال التصميم والتخطيط والوحدات المحلية والمحافظات بالإضافة إلى الهيئات العامة والخاصة المحلية والعالمية في مجال التخطيط العمراني والتنمية الدرجات العلمية التي تمنحها الكلية أولا : درجة البكالوريوس في التخطيط العمراني مدة الدراسة بالكلية لنيل درجة البكالوريوس خمسة سنوات عبارة عن عشرة فصول دراسية. ثانيا : دبلوم الدراسات العليا في : 1. تخطيط المدن والأقاليم 2. تخطيط التنمية المحلية 3. إقتصاديات العمران 4. تخطيط البنية الأساسية 5. تصميم البيئة العمرانية ثالثا : درجة الماجستير في التخطيط الإقليمي والعمراني : 1. التخطيط الإقليمي 2. تخطيط المدن 3. التجديد والحفاظ العمراني 4. تصميم البيئة العمرانية رابعا : درجة الدكتوراه في التخطيط الإقليمي والعمراني ----------------------------------------------------------------------------------------------------------------------------------------- الملخص ،،،، الكليه دي من أندر الكليات و أكثرها تميز لأنها الوحيده في مصر و نها تلاته بس في الشرق الأوسط القاهرة ،،،،،،،،،،،،،،،، الدمام ،،،،،،،،،،،،،،،،،،، تل أبيب زي مهو مكتوب فوق فيها أربع أقسام ...... و انت بتختار قسم واحد من الأقسام دي بعد أربع سنين من الدراسه يعني مش زي الهندسة العاديه طب إيه نظامها ؟؟؟؟؟ نظامها انك بتحضر محاضرات اللي بيديها الدكاتره و السكاشن اللي بيديها المعيدين و سهل فيها انك تجيب تقديرات مادام انت بتحضر و ملتزم فيها مفيهاش كتب ولا مقررات و لا ملازم و لا الهم ده كله خاااالص و لا حتى دروس فيها طب أصلا يعني التخطيط العمراني ؟؟؟؟؟ التخطيط العمراني بتدرس فيها تخطيط القرى السياحيه و المدن و القرى و كمان بتضع خطط على المستوى القومي لو تعرفو مدينتي و الرحاب و المدن الجديده زي التجمعات و 6 أكتوبر و العاشر و المدن دي كلها بتتم تخطيطها من قبل الكليه دي يعني انت بتتخرج من الكليه عشان تخطط مدن زي دي ،،،، أو بتخطط قرى سياحيه زي مارينا و غيرها طب نظام الدراسه فيها إزاي ؟؟؟؟؟؟ سعات بيتطلب منك أبحاث أو شيتات تحلها في البيت و الأهم من ده كله حاجه اسمها مشروع إيه المشروع ده ؟؟؟؟؟ دي حاجه انت بتسلم مننها جزء كل أسبوع و في أخر الترم بتلم كل اللي انت سلمته و بتصلحه تاني من الأخطاء و بتسلمه تاني و هي عباره عن خرايط تتتطلب منك ترسمها و تلون أو تحط عليها حاجات بتبقى مطالبه منك و اللي بيشرح إزاي تعمل المشروع هو معيد المادة و دائما المشاريع دي بيتم الشغل فيها بصوره جماعيه .... يعني انت و 3 أو 4 بيبقو معاك في المجموعه و كلكو بتشتغلو في المطلوب تسليمه ***** اللي بيميز الكليه دي عن باقي الكليات انك تقدر توصل لأي معيد أو دكتور مش زي طب و لا هندسه و لا تجاره ،،،، و كمان كل اللي في الكليه كلها بالخمس دفعات 1000 طالب يعني سهل انك تتعرف عليهم كمان الكليه من النوع الإجتماعي يعني كله بيحتاج بعضه و تقدر تسأل أي حد أكبر منك في أي دفعه و يفيدك بحكم الخبره اللي اكتسبها من الكليه ده كمان بالإضافه انك مكن تدرب في أجازه الصيف عشان لما تتخرج تبقى عندك خبره كافيه و تقدر تدخل مجال الشغل من دون أي تعب و لا مجهود و انت ساعتها اكتسب خبره هتفيدك كمان فيها كمان فيها شغل بالكمبيوتر كتير برامج فوتوشوب و اوتوكاد و إسكتش أب و الجي أي إس و غيرها اللي هتفيدك في الكليه و مجال العمل في الخارج و أي استفسارات انا تحت الخدمه و انا طالب في الكليه دي أصلا |
طيب ممكن اعرف الكليه بتقبل من كام اصل انا جايب 91.5%
ممكن الحقها ولا صعب |
هو حسب شده الإقبال عليها
بس في الغالب تاخد فوق 90 أو 91 % و الكليه دي مبتفرقش معاها التوزيع الإقليمي يعني الكليه واخده من أول مصر لآخرها |
اقتباس:
|
وبتاخد كام طالب كل سنه
|
تفائل بالخير و إن شاء الله في أمل
و الكليه بتاخد 150 ل 250 طالب في السنه طبعا معادا السنه اللي فاتت عشان سنه الفراغ بس السنه دي في نيه لأنهم ياخدو 70 طالب بس بيتهيألي انه مستحيل |
ياخدوا 70 طالب بس كتاب ده ولا ايه
|
اقتباس:
|
لو سمحت هى لازم امتحان قدرات عشان ادخل الكلية
|
الكلية التخطيط دية مجالها مفتوح في الوقت الحاضر
|
اقتباس:
|
اقتباس:
يعني المجال مفتوح قدامك لأنها الكلية الوحيدة في مصر زي العلاج الطبيعي |
لو سمحت عايزة اعرف هل ممكن بعد سنة احول منها لهندسة المنصورة انا جايبة 93%
|
اقتباس:
|
اقتباس:
يعني ممكن التحويل بجد لاي هندسة في اي مكان منها |
اقتباس:
|
طيب سؤال ....
انا جايبة 93.8 ممكن ادخلها ..ولا لأ وهل ان انا لو دخلتها ممكن احول المنصورة فى حالة انى اكون جايبة تقدير جيد جدا او امتياز ولا مش شرط التقدير يعنى انجح و بس وانا لو حولت لكلية تانية ممكن الكلية اللى انا حولت لها دى يشيلونى فيها مواد و الكلية دى كام سنة ..يعنى الدراسة 4 ولا 5 سنين |
اقتباس:
|
اقتباس:
ممكن تدخليها و بعدين تحولي للمنصورة بس قسم عمارة فقط ده لو انتي تبع المنصورة اما بالنسبة للتقدير مش شرط المهم تنجحي في كل المواد و لو حولتي ممكن يشيلوكي مواد و الكلية دي ممكن تدرسيها في 5 سنين أو 4 سنين و نص أو 7 سنين حتى ..... هتقوللي إزاي يعني 4.5 سنة و 7 سنين أقولك ان الكلية بتتبع نظام جديد اسمه نظام الساعات المعتمدة زي ما بتسمعو في الجامعات الخاصة فممكن تدرسي المواد عادي فتخدي الكلية في 5 سنين أو تخدي مواد من السنة اللي بعديكي مع سنتك الحالة فتوفري سعات انت كنتي هتحضريها في السنة الجاية و ممكن تخلصي الكلة فيها بدري و النظام ده اتطبق عشان الشهادة اللي تدهالك الكلية تبقى معتمدة على مستوى العالم و تقدري تكملي دراسة بره مصر في أي مكان منغير ما يطلبو منك أي امتحانات أو معادلة للشهادة بتاعتك |
جامدددددددددددددددددددده الى جايب 93.7 يلحقها مرحلة تانية ؟؟
|
انا جايبة 92.32 ممكن الحقها ام لا؟ وهى فين فى القاهرة بس؟ اصل مكتوب فى الحد الادنى للقبول بالكليات ان التخطيط العمرانى من 92.9 هل ده صح؟:o:o:o
|
مين اللى قلك ان شاء اللههتاخد من 90 ويمكن اقل
|
فين فى القاهرة
|
كلية التخطيط في القاهرة داخل الحرم الجامعي " يعني اللي فيها القبة و آداب و حقوق "
بجانب المكتبة المركزية " داخل الجامعة " |
يعني انا جايب 91.5 كده مش هلحق ولا تخطيط عمراني ولا حاسبات؟
يااااااااااااااااااااااااااااااارب |
يعني انا جايب 91.5 مش هلحق ولا تخطيط عمراني ولا حاسبات؟
يااااااااااااااااااااااااااارب وتنسيق المرحله الولى هتبدا امتى |
السلام عليكم ورحمه الله وبركاته اخي بعد اذن حضرتك كنت عايز استفسر من حضرتك عن حاجة وارجو من حضرتك ان تفيدني بالنسبه لكليه التخطيط العمراني ------------------ اول استفسار : هل تقبل شعبه فنيه ( صناعيه ) دبلوم فني 5 سنوات ولا ثانويه عامه فقط لا غير ؟؟؟ ثاني استفسار: لو بتقبل الدبلوم الفني ال 5 سنوات بتاخد من كام % ؟؟ ولا مجرد عدد والاقبال وتنسيق والكلام ده ؟ ثالث استفسار: حضرتك بعد اذنك التقديم بيكون ع النت طبيعي ولا لازم اروح الاول اعمل اختبارات؟ ((بالنسبه حضرتك للشعبه الفنيه))؟؟؟؟ ---------------------------------------------------- وارجو من حضرتك افادتي ف اسرع وقت ممكن يا ريت لاني التنسيق بتاعنا ع وشك انه يفتح وعايز اعرف ايه نظامي وليا رغبه اني ادخل الكليه دي لاني حابب المجال ده ومتشوق ليه جدااااا وعموما الموضوع ممتاز جدا وبشكر حضرتك مقدما ومستني رد حضرتك ^__^ |
اقتباس:
للأسف الكلية بتاخد بس من الثانوية العامة |
عموما الف الف شكر لحضرتك ع اهتمامك بس كنت عايز اقول حضرتك انت متأكد؟؟؟ اخر كلام عشان معشمش نفسي |
ممكن ايميل حضرتك عشان انا جالي تخطيط عمراني وعاوز اعرف شوية معلومات كده ده بعد اذنك طبعا ؟؟
|
اقتباس:
|
الحمد لله انا دخلت الكليه وبجد فرحان اوي مع اني رقم 212 والكليه واخده السنه دي 220
|
اقتباس:
زي ما هتلاقي فيها اللي تدايقك برضه هتلاقي اللي تبسطك و تريحك و لو عايز تتواصل مع طلبة الكلية خش ع اللنك ده و هتلاقينا كلنا تحت أمرك في أي حاجة https://www.facebook.com/groups/137213936362760/ |
اقتباس:
|
هي فيها رسم هندسي زي الهندسة العادية؟
|
سلام عليكوا
انا عايزه اسال هى كليه التخطيط العمرانى بتقيل السنه ديه من اول كام فى الميه او بتبدا من كام فى المجموع . |
لو سمحتم انا طالب درست الثانوية بالسعودية وحصلت علي المجموع النهائي الا وهو 94.30% هل لي في التنسيق السعودي الألتحاق في هذه الكلية "التخطيط العمراني" ؟؟
|
الرجااااااااااااء الرد سريعاً للاهمية القصوى
|
طيب هو ايه الفرق بينها وبين قسم عماره اللى فى الهندسه العاديه
وبيتكتب فى البطاقه معايا بكالوريوس هندسه ولا ايه؟؟ |
اقتباس:
طب هى كان لازملها امتحان قدرات ولا ممكن ادخلها بمجموعى عادى ؟؟ انا جبت 94.6 بس مدخلتش امتحان قدرات |
ممكن اعرف بتاخد من كام ؟ وهى فى محافظات اييه ؟ودى بنكتبها فى الرغبات ولا ايييييه؟
|
ودى ليها امتحانات قدرات؟
|
انا جايبه 93.3 انا ممكن الحقها ولا
|
ربنا يستر يااااااااااااااااارب
|
اقتباس:
لا كلية التخطيط العمراني مالهاش امتحان قدرات ... امتحانات القدرات لكليات الفنون المتخصصة بانواعها زي تطبيقية وجميلة وتربية فنية ... والمجموع الله اعلم لسه هيتحدد بعد نهاية تنسيق المرحلة الاولى هيبان المؤشرات العامة للموضوع ماشي ازاي |
اقتباس:
بعد مراجعة تنسيق السنة الماضية لقيتها خدت من 385 والله اعلم السنة دي هتكون اقل ام اكتر حسب العدد المتقدم عليها وحسب اتجاه التنسيق.... وعموما هيا اكيد هتكون متسجلة في الرغبات ككلية منفصلة كلية تخطيط عمراني وممكن تختاريها وفقا للمرحلة بتاعتك وهيا نازلة فيها ولا لا .... وهيا مفيش منها غير كلية واحدة على مستوى مصر تتبع جامعة القاهرة وعموما هيا مفيش منها غير كام كلية على مستوى الشرق الاوسط كله |
ممكن اعرف هيا خادت كام السنادى
|
يعنى هيا نزلت مرحله 2 ولا
|
هو فعلا ينفع اخد سنه اولى فيها واجيب تقدير واحول هندسة عادية
|
| جميع الأوقات بتوقيت GMT +2. الساعة الآن 04:00 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.