|
كلية التخطيط الإقليمي و العمراني
دي عن الكليه عامة
نبذة تاريخية عن الكلية •بدأت الدراسة بها في العام الجامعي 1978/1979 في مبناها القديم بشارع الجلاء بالقاهرة ثم أفتتح مبناها الجديدي عام 1991 في الحرم الجامعي حيث تغير إسمها بقرار جمهوري من معهد إلى كلية التخطيط الاقليمي والعمراني . •تعتبر كلية التخطيط الإقليمي والعمراني هي الكلية المتكاملة الوحيدة في مصر في مجال التخطيط الإقليمي والعمراني والتي تشمل أربعة أقسام متخصصة في هذا المجال ألا وهم :- 1. قسم التنمية الإقليمية 2. قسم التخطيط العمراني 3. قسم التصميم العمراني 4. قسم العلوم الأساسية •ويحصل كل خريج منها على لقب مهندس ويصبح عضوا مسجلا في نقابة المهندسين ( مهندس عمارة ) ويتسع المجال بالنسبة للخريجين ليشمل الوزارات المختلفة والمكاتب الاستشارية في مجال التصميم والتخطيط والوحدات المحلية والمحافظات بالإضافة إلى الهيئات العامة والخاصة المحلية والعالمية في مجال التخطيط العمراني والتنمية الدرجات العلمية التي تمنحها الكلية أولا : درجة البكالوريوس في التخطيط العمراني مدة الدراسة بالكلية لنيل درجة البكالوريوس خمسة سنوات عبارة عن عشرة فصول دراسية. ثانيا : دبلوم الدراسات العليا في : 1. تخطيط المدن والأقاليم 2. تخطيط التنمية المحلية 3. إقتصاديات العمران 4. تخطيط البنية الأساسية 5. تصميم البيئة العمرانية ثالثا : درجة الماجستير في التخطيط الإقليمي والعمراني : 1. التخطيط الإقليمي 2. تخطيط المدن 3. التجديد والحفاظ العمراني 4. تصميم البيئة العمرانية رابعا : درجة الدكتوراه في التخطيط الإقليمي والعمراني ----------------------------------------------------------------------------------------------------------------------------------------- [font="times new roman"]الملخص ،،،، الكليه دي من أندر الكليات و أكثرها تميز لأنها الوحيده في مصر و نها تلاته بس في الشرق الأوسط القاهرة ،،،،،،،،،،،،،،،، الدمام ،،،،،،،،،،،،،،،،،،، تل أبيب زي مهو مكتوب فوق فيها أربع أقسام ...... و انت بتختار قسم واحد من الأقسام دي بعد أربع سنين من الدراسه يعني مش زي الهندسة العاديه طب إيه نظامها ؟؟؟؟؟ نظامها انك بتحضر محاضرات اللي بيديها الدكاتره و السكاشن اللي بيديها المعيدين و سهل فيها انك تجيب تقديرات مادام انت بتحضر و ملتزم فيها مفيهاش كتب ولا مقررات و لا ملازم و لا الهم ده كله خاااالص و لا حتى دروس فيها طب أصلا يعني التخطيط العمراني ؟؟؟؟؟ التخطيط العمراني بتدرس فيها تخطيط القرى السياحيه و المدن و القرى و كمان بتضع خطط على المستوى القومي لو تعرفو مدينتي و الرحاب و المدن الجديده زي التجمعات و 6 أكتوبر و العاشر و المدن دي كلها بتتم تخطيطها من قبل الكليه دي يعني انت بتتخرج من الكليه عشان تخطط مدن زي دي ،،،، أو بتخطط قرى سياحيه زي مارينا و غيرها طب نظام الدراسه فيها إزاي ؟؟؟؟؟؟ سعات بيتطلب منك أبحاث أو شيتات تحلها في البيت و الأهم من ده كله حاجه اسمها مشروع إيه المشروع ده ؟؟؟؟؟ دي حاجه انت بتسلم مننها جزء كل أسبوع و في أخر الترم بتلم كل اللي انت سلمته و بتصلحه تاني من الأخطاء و بتسلمه تاني و هي عباره عن خرايط تتتطلب منك ترسمها و تلون أو تحط عليها حاجات بتبقى مطالبه منك و اللي بيشرح إزاي تعمل المشروع هو معيد المادة و دائما المشاريع دي بيتم الشغل فيها بصوره جماعيه .... يعني انت و 3 أو 4 بيبقو معاك في المجموعه و كلكو بتشتغلو في المطلوب تسليمه ***** اللي بيميز الكليه دي عن باقي الكليات انك تقدر توصل لأي معيد أو دكتور مش زي طب و لا هندسه و لا تجاره ،،،، و كمان كل اللي في الكليه كلها بالخمس دفعات 1000 طالب يعني سهل انك تتعرف عليهم كمان الكليه من النوع الإجتماعي يعني كله بيحتاج بعضه و تقدر تسأل أي حد أكبر منك في أي دفعه و يفيدك بحكم الخبره اللي اكتسبها من الكليه ده كمان بالإضافه انك مكن تدرب في أجازه الصيف عشان لما تتخرج تبقى عندك خبره كافيه و تقدر تدخل مجال الشغل من دون أي تعب و لا مجهود و انت ساعتها اكتسب خبره هتفيدك كمان فيها كمان فيها شغل بالكمبيوتر كتير برامج فوتوشوب و اوتوكاد و إسكتش أب و الجي أي إس و غيرها اللي هتفيدك في الكليه و مجال العمل في الخارج و أي استفسارات انا تحت الخدمه[/font] |
de m3lomat kwisaaaaaaaa gdn bgd tslm 3leha
bs lw 7d y3rf hata5d mn kam el sana de yareeeet ytmny rbna y5lekooooo bgd nfsy ad5lha yaraaaaaaaaaaab ad5lha |
في الغالب هيكون فوق 89 % أو 90 %
لو جبتي نسبه أكبر من النسب دي فرصتك عاليه في دخولها |
bgd thx awy l7drtk
ana gbt 91.6 |
بالتوفيق إن شاء الله
|
طب ممكن حضرتك تقولي هيا فيها تخصصات ايه ولا مفيهاش؟؟
ومعلش سؤال كمان هل دراستها وشغلها مناسبين للبنات يعني ولا متعبه للبنت ؟ ميرسي مقدما لحضرتك عشان انا حبيت الكلية دي اوي |
ياريت نعرف اي مدى الشغل فيها وهل وظائفها مضمونة
ومناسبة للبنات ولا لأ ؟ |
ما هي التخصصات هي الأقسام
تصميم عمراني تخطيط عمراني تخطيط إقليمي تخطيط بيئي و بنيه أساسيه بس في مجال العمل ما بيبصوش انتي تبع أي قسم لأن انتي أصلا في الأربع سنين بتدرسي مواد الأقسام كلها يعني بتبقى عارفه كل قسم بيتكلم عن إيه و فيها إيه و بتفرق بس في أخر سنه اللي انتي تحددي فيها القسم بتاعك اما بالنسبه لمجال العمل فهو مضمون جدا لأن الكليه نادره و الوحيده في مصر و الأقدم في الشرق الأوسط يعني ليها شغل في مصر و كمان لو هتروحي بره مصر برضه هتلاقي شغل و أما إذا كانت مناسبه للبنات ولا لا ........... 80 % من المعيدين في الكلية بنات |
اقتباس:
ميرسي لحضرتك ع الرد وانا حبيت الكلية دي جدااااااا طب هو اكيد كل الدراسة بالانجلش صح؟؟؟ ومعلش كمان سؤال هيا صعبه زي هندسة كده والناس بتشيل فيها وتدبلر وكده كتييير ولا نسبة نجاحها اكتر؟؟؟ معلش هتعبك معايا :) |
اقتباس:
بالنسبه للدراسه بالإنجلش .................. لا طبعا مفيش درسه بالإنجليزي خاااالص اما بالنسبه للدبلره ....... فيها نظام انك تشيلي الماده معاكي للسنه الجايه مش تعيدي السنه كلها و اهم حاجه في الكليه الإلتزام ،،،، لو التزمتي في الكليه و عملتي كل اللي بيطلبوه منك يبقى متفكريش حااالص في حاجه اسمها سقوط كمان الكليه دلوقتي في طريقها للإعتماد يعني انك لما تخرجي من الكليه تقدري تكملي دراستك بره من غير ما يعملولك أي امتحانات أو معادلات و انا جاهز لأي استفسارات |
ربنا يكرمك يا بشمهندس
لأن صراحة فى فترة تنسيقنا مكناش نسمع عنها إطلاقًا فأكيد فى ناس هتستفاد و جزاك الله خيرًا |
اقتباس:
و ربنا يخليك |
ممكن اعرف بتقبل من كام تقريبا
وموجودة فين |
اقتباس:
طمنتني جداااااااا شكلها كلية جميلة اوووي بجد معنديش استفسار كمان بس ميرسي حضرتك افدتني جداااااااااااا |
اقتباس:
العفو و إحنا تحت الخدمه |
اقتباس:
و هي موجوده جوه الحرم الجامعي لجامعة القاهرة " بجانب المكتبة المركزية " يعني مش لوحدها زي كليات الهندسه |
هى ليه مش ظاهرة فى تنسيق السنوات السابقة
|
الكلية موجودة فى تنسيق 2009 وبتاخد من 93 مش 90 او 89
|
اقتباس:
بس السنة دي ممكن تتغير و تبقى 90 % غير السنين اللي فاتت 93 % 92 % و على فكره 96 % من طلبة الثانوية العامه متعرفش عن الكلية دي و 90 % من اللي في الكلية دخلوها بدون رغبتهم يعني كانو حطينها كملئ فراغات بس اندمجو فيها زي كده انا مكنت أعرفها و كنت حاططتها خانة 37 في التنسيق و سبحان الله حبيت الكلية جدا و اتمنى اني استمر فيها للنهاية |
اقتباس:
|
بس تنسيقها كل سنة 92 93 ثابت يعنى
|
يااااا ايجنت :))
|
طب هل مهندس التخطيط العمراني يقدر يكون مهندس مدني أو معماري بعد التخرج؟ وإيه فرص العمل فيها؟
|
طب هي بكالريوس هندسة ؟
|
اقتباس:
|
ايجنت حبيب تخطيط :d
|
اقتباس:
و بيشتغل زي المعماريين او في الشركات اللي بتعمل قرى سياحية و كده |
اقتباس:
|
اقتباس:
|
اقتباس:
|
اقتباس:
دلوقتي في السعودية شغالين تعمير في الصحرا و كمان تعمير في منا و المناطق اللي بيروحوها الحجاج مطبعا لازم يحتاجو لمخططين و في الغالب بيحتاجو لمخططين من عندنا ده غير طبعا اللي في الإمارات و الدول التانية اللي بادئة تعمر في الصحرا |
اقتباس:
معلش أنا بتقل عليك |
السؤال المهم أوي أوي أوي بقي يا بشمهندس..هل ممكن أحول لهندسة عادية ؟ ولو ممكن ده بيكون بعد أول سنة ولا إمتي؟
|
هى هتاخد اعلى من 384 يعنى 93.7 يا ريت الردددددددددد ؟؟ظ
|
الكلية هتاخد من 93.5 شكل 2009
|
اقتباس:
انا أعرف ناس في حاسبات و حولو لتخطيط و ناس بتتمنى تحول لتخطيط أما بالنسبة للتحويل التحويل فيها بعد سنة أولى و لازم تنجح في جميع المواد و لما تحول هتحول لعمارة بس يعني مش هتعرف تحول لأي قسم غير عمارة |
اقتباس:
انا ليا زمالي دخلوها بـ 92 % انا دخلتها بـ 96 % |
إنت بني آدم محترم .. تسلم والله ربنا يجازيك كل خير
|
اقتباس:
|
معلش ممكن سؤال ما شاء الله مش شايفة حضرتك قصرت
اكيد طبعا هى كليه معنمده صح فعلا ممكن احول لكليه هندسة هة ما فيش اى فرع تانى غير اللى فى القاهرة |
اقتباس:
لا الوحيدة بس اللي في مصر و في القاهرة عشان كدة لو انت بره القاهرة هتحتاج تروح مدينة جامعية أو سكن طلاب |
معلش تقلت على حضرتك يعنى ممكن احول لكليه هندسة بعد سنة اولى كده عادى
|
اقتباس:
و لازم تنجح في كل المواد في سنة أولى |
اولا ... ازيك يا ايجنت واحشني جدي ..
ثانيااااا .. الكبيييير عبدلله وحسام الدين ..واحشني جدييي برضوه ثالثا اسمحلي ياااااخالد اتكلم معلش انتا عاملهم من الحبه قبه ... اناااا معااااااك في كل اللي قولته انها كويسه وشغلها موجود ..واحب اطمن الي كان بيسأل علي الشغل اقوللو ممر التنميه بتااااع فاروووووق الباز داااا كل اللي هيشتغلو فيه مخططين او اغلبهم المهم انتا لااااااااااااازم تعرفهم انها مش صعبه اه لكن متعبه قوي قوي قوي قوي كماااااااان ولا عشان انتا اشطر واحد فينا يعني |
اقتباس:
ع العموم هي فعلا كلية متعبة بس في تعب حلو و في تعب وحش زي الكورة انت بتتعب فيها بس بتحبها و نورت المنتدى يا سيكو و يشرفني ان تكون أول مشاركة ليك في الموضوع بتاعي |
اقتباس:
الاولانى احجزوا معاكم لشيكا فى ممر التنميه التانى فطار الولد ها يكون على حسابكم معلش ها تقل عليكم شويه :d |
انا عايز اعرف يمكن التحويل لهندسة عمارة ولا لا بعد اول سنة
|
| جميع الأوقات بتوقيت GMT +2. الساعة الآن 04:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.