|
استفسار بسيط
يا جماعة أنا جايب 96.6 و محتار بين حقوق انجليزي و صيدلة فإيه الأحسن؟؟؟؟؟؟؟؟؟؟؟؟
|
يا جماعة ردوا ربنا يخليكم
|
هو انا فى 2 ثانوى وجبت 97 % ورائى صيدلة احسن بس شوف انت بتحب اية ويارب انا السنة الجاية اخش طب اسنان
|
ربنا يوفقك يا دكتور
|
يا جماعة افيدوني
|
لو لحقت صيدلة اصلا يبقى افضل بالنسبة لى بس حسب رغبتك
|
بص هتلف وتدور مش هيهون عليك اهلك وهتدخل الكليه اللى هم عوزينها اللى هيا صيدله طبعا
انا حاسه بيك لانى فنفس موقفك |
بعد ما كتبت الرد النت فصل
اوووف بكره الحركات دى ما علينا .. انت بتقارن بين مجالين مختلفين تماما ف كل حاجه الناس تقارن بين طب و صيدله و اسنان ماشى تجارة وحقوق ماشى انما صيدله و حقوق انت لو ليك ف جو المذاكرة بقى و عشرميت امتحان ف الترم و مرواح كليه م الساعه 8 سكاشن ومحاضرات بتحب الكميا و التفاعلات والمواد و تحب تفهم عامه يبقى صيدله لو انت بقى عايز تكبر دماغك وتختصر الطريق بلا وجع قلب ملزمتين ليله الامتحان واقلب وبتحب الحفظ والقانون وكده يبقى حقوق فبتختلف م واحد لواحد ياعنى انا حقوق دى كانت ف البلاك ليست مع طب مابحبش ولا بعرف احفظ وماعنديش اي ادنى استعداد انى اقعد احفظ ف قوانين ودستور والحاجات دى بالنسبه للشغل بردو لو انت عندك امكانيات انك تفتح صيدله لما تخلص او ليك حد ف شركه ادويه ليك ف شعل الميديكاال ريب عايز تسافر برة يبقى صيدله حقوق انا ماعرفش كتير عن مجالات الشغل بس اعرف ان بيبقى فيها مجالات كويسه اوى برستيج و مرتب عالى وكده بس لازم طبعا واسطه فلو ليك حد ف المجال ده وبعرف يشغلك يبقى اتوكل ع الله حقوق و صلت م طريق اقصر و اريح ليا واحده قريبتى زمانها مخلصه صيدله دلوقتى كنت قابتها وهى كانت لسه ف كليه كانت بتقولى لو يرجع بيا الزمن كنت دخلت حقوق بلا صيدله بلا هم رغم انها كانت ماشاء الله شاطرة وبباها فاتحلها صيدليه م قبل ماتتخرج بس عشان بباها كان مستشار فكان هيشغلها ف النيابه الاداريه فانت احسبها كده م جميع النواحى وصلى صلاة الاستخارة وربنا يعمل اللى فيه الخير |
طيب و راي حضرتك ايه؟؟؟؟؟؟؟؟؟
|
انا رايي الصيدله احسن طبعا كمستوى اجتماعى وليك امكانيه كبيره انك تسافر بره وتاخد مرتب كويس
بجد حرام تبقى جايب المجموع ده وتروح حقوق اللى بتاخد70% وعموما انت ادرى برده بكل الظروف |
يا جماعة انا هكتب الرغبات بكرة حد يفيدني
|
ده مستقبلك ماينفعش حد يحدده غيرك
انت ادرى بظروفك شوف الحاجات اللى قولتلك عليها انت ميال لايه اكتر وكمان الشغل عشان انت ولد وهيبقى مطلوب منك حاجات كتير ولو عايز تسأل ف حاجه تانى |
أنا هدخل حقوق علشان خاطر بابا
بس و الله انا نفسي في صيدلة بس علشان خاطره و لرضااه مع انه مضغطش علي بس انا حسيت كده راي حضرتك |
لا لا ادخل صيدلة.. حتندم! حتفضل تقول أنا كنت جايب مجموع صيدلة أنا مش فاشل!!! ممكن تقلب بعقدة نقص.. لأنك حتلاقى نفسك مع ناس مستواهم الذهنى اقل منك بكتير و مش واخدين المذاكرة على قلبهم زيك.. عليك بالاستخارة طبعاً..
|
دي حقوق انجليزي
ايه رايك؟؟؟؟؟؟؟؟؟؟؟؟ |
بص من الاخر يا معلم :
الف مبروووك اولا على المجموع وبجد سبحان الله مجموهك مش هيدخلك غير الصيدلة سبحان الله بجد اكتب فى رغباتك 11 صيدلة ثم الاقتصاد والعلوم السياسية انجلش ب 7000 فى السنه بس والله اقسم بالله المستقبل ليها ثم الاقتصاد والعلوم السياسية عربى ثم الحقوق انجلش بردو مجالها كتير بس الاقتصاد احسن ثم التجاره انجلش اه لو اشتغلت فى بنك اجنبى بجد هتاخد بالدولار يا باشا الباقى اكتب علاج طيعى او بعد الصيدلة لو حاببها والباقى املاه بالتجارة والعلوم بس انا متاكد هيجيلك صيدلة يا علاج طبيعى يا سياسة واقتصاد مبروووووووك ربنا يوفقك بجد والله |
ادخل حقوق واعد ذاكر كويس جدا واطلع وكيل نيابة او قاضى بجد دا احسن حل عشان ترضى ابوك بس من رايى الصيدلة ممكن تسفرك بره مصر
لكن الحقوق تحفه والله ناس كتير اعلى منك ودخلينها والله حيرتنا معاك ربنا يقدملك الى فيه اخير |
يعني ادخل حقوق انجليزي وخلاص؟؟؟؟؟
و حضرتك جايب كام؟؟؟ |
بص لو متاكد ان حد هيساعدك تكون وكيل نيابة او قاضى يبقى حقوق انجلش دا لو متاكد 100 % ان عندك حد و لو ملكش حد فيها يبقى صيدلة اكييييييد
انا بترووول السويس تعدين وبترول اسمى احمد وجبت 100.1 % بفضل الله بس زى ما قولتلك الى جايب زيك دا وداخل حقوق واثق 50000 % انه ليه حد وكده |
استخير ربنا وركز اوى عشان ده اهم قرار فى حياتك وعشان متندمش فى يوم من الايام وربنا معاك
|
صيدلة.. مضمون انك مش حتندم
حقوق.. عايزة ثقة بالنفس و مذاكرة من نار علشان تثبت انك شاطر |
| جميع الأوقات بتوقيت GMT +2. الساعة الآن 11:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.