|
نتيجه مظاهرات اليوم
يا جماعه ماحدش عرف ايه نتيجه المظاهرات اللي عاملوها طلاب الثانويه العامه النهارده ., وهل اسفرت عن اي نتائج ؟؟؟؟؟ |
علي المستوي الرسمي مفيش
بس فيه إشاعات كتير زي اللي قالته الجمهورية في جرنال النهارده |
ااااااااااااااااااه وبعدين ........ حرااااااااااااااااااامـ انا مرعوبة انا جايبة 383 ومش عرفه حدخل هندسة او حاسبات باذن الله و لا لآ يا رب ارجـــــــــــوكـ
حرااااااااااااااااام اللى عملوه ده والله |
تقريبا مافيش اى فايده
ياللا الحمد لله ويعوض على دفعة السنه دى ربنا |
نجددها يوم الثلاثاء ادخلوا على صفحة احنا اتظلمنا
|
يا ندي ازاي يا جماعه باين كده ان التنيسيق فعلا نزل يعني طب بقي 97.4 زي ما قالوا بدليل ان الوفد اقرت هذا الكلام ولا ايه ادخلوا علي الوفد وانتوا تشوفوا الكلام ده
|
ايوه بس ده مش الحكومه هي اللي اقرته وقالته يعني كلام جرايد ولا ايه ؟؟؟؟؟
ممكن معلش تجيب اللينك . |
انا عن نفسي منزلتش و مش هنزل
و لا حسيت ان كان في تظاهرات اصلا و لا في اي موقع اتكلم عن الكلام ده و ياريت لو حد نزل يبقي يوريلنا الصور |
فعلا الوفد اقرت الكلام ده بس الله اعلم الحقيقة فين
|
اقتباس:
http://www.alwafd.org/index.php?opti...#ixzz1Sriap9Oz |
اقتباس:
انا بابا نزل وشافهم |
اقتباس:
اقتباس:
شكرا فين الصور علشان نشوف الاعداد |
اقتباس:
اهو http://www.facebook.com/sawratansik#...type=1&theater |
اقتباس:
بس اتمني متكونش المصالح شخصية |
لو سمحت ممكن اعرف اصلا ايه مطالب المظاهرات دى ؟! يعنى ايه الفكرة انا مش شايف ظلم ولا حاجة امتحنا عادى والنتيجة طلعت والتنسيق نزل وبيكون حسب سعة الكليات ومقدار الاقبال عليها وكل واحد يرضى بنصيبه واللى حاسس انه مظلوم يروح يكشف على الورق بتاعه مش يغير التنسيق ولو حد عنده وجهة نظر مختلفة (اخلاف الرأى لا يفسد للود قضية) !!!!!!
|
اقتباس:
هو التنسيق نزل ؟؟؟؟ يعني الحكومه اقرته :039uw8: ؟؟ |
اقتباس:
فعلا اختلاف الراي لا يفسد للود قضيه ., بس يعني ايه طالب جاب 98 % ومايلحقش طب وانا الحمد لله فوق 93% وملحقش هندسه ., طيب هنقول عادي ونصيب ., بس فيه ناس غشت كتير وده بيثبته كتير من المدرسين ., يبقى احنا ذنبا ايه ان في ناس غشت واخدت اماكنا ., بمهنى انه لازم يكون فيه عدل ., طبعا ربناهو العادل وهو اللي بيدي كل ذي حق حقه مش البشر بس اديها محاوله لكل اللي ذاكر انو يخش الكليه اللي عايزها طبعا في حدود المعقول زي ما ذكرت . |
لا حول الله يا رب
|
حسبى الله ونعم الوكيل
|
لو سمحت ممكن اعرف اصلا ايه مطالب المظاهرات دى ؟! يعنى ايه الفكرة انا مش شايف ظلم ولا حاجة امتحنا عادى والنتيجة طلعت والتنسيق نزل وبيكون حسب سعة الكليات ومقدار الاقبال عليها وكل واحد يرضى بنصيبه واللى حاسس انه مظلوم يروح يكشف على الورق بتاعه مش يغير التنسيق ولو حد عنده وجهة نظر مختلفة (اخلاف الرأى لا يفسد للود قضية) !!!!!!
انت بتالف يااسمك اييه انت التنسيق لسة منزلش اساسا وبعدين احنابجد مظلوميين ولازم نعبر عن نفسنا وهننزل مظاهرااات وانت حر فى رايك بس ياريت متءلفش هى مش نقصاك اساسا |
بصو يا جماعة من البداية انا واحدة جايبة مجموع طب الحمد لله ومش عايزاها اصلا من البداية وهادخل باذن الله كلية كنت باحلم بيها بس مش معنى كده انى مكونش عادلة يعنى مثلا ازاى واحدة تبقى جايبة فعلا98ومتحصلش طب وياريت كده وبس واحدة جايبة96ومتحصلش صيدلة وكمان خايفة متحصلش بيطرى بالرغم انها مش طايقاها بس ليه كده فعلا
ممكن يكون الاخ عنده حق اننا امتحنا والنتيجة ظهرت والتنسيق على اساسه ظهر (مع ان برضو ده مش اخر كلام للتنسيق) بس ايه اللى هيحصل لو زودوا اعداد الطلاب المنتسبين لكليات القمة السنة دى خصوصا ان سنة الفراغ السنة اللى فاتت اخدت اعداد قليلة طبعا زائد انهم المفروض يرحمونا بمعنى اننا مرينا بامتحانات صعبة السنة اللى فاتت اينعم امتحانات السنة دى كانت سهلة وعوضت السنة اللى فاتت بس فيه ناس كانت اتحطمت نفسيا بعد مجموعهم السنة اللى فاتت زائد ان فيه ناس مننا ضاع وقتها في احداث السنة دى من الثورة وخلافه ياريت نكون عادلين في اراءنا وفعلا اللى عنده كلمة حلوة يقولها واللى معندوش ياريت يرحم باقى اخواته وميقولش مش حجر على اراءه لكن عشان فيه ناس هنا في المنتدى فعلا مش ناقصة لان احلامهم بسبب التنسيق اتدمرت |
اقتباس:
- اما عن طريقتك فى الكلام هى اللى مش كويسة مش هادية كانك عاوزة تضربينى مثلا وده يدل على فراغ مش اكتر:006et4: |
يا اخى الاخت متقصدش بس معلش فيه ناس كتيييييير مش مستحملة خالص اي حاجة وانا من الناس اللى مش عاجبهم التنسيق وحتى اللى جايب المجموع اللى بيتمناه برضو مش راضى ع التنسيق
فممكن يكون فيه ناس فهمت ان حضرتك عاجبك التنسيق ومعاه لمجرد انك ممكن تكون جبت المجموع اللى عايزه وياريت يا جماعة نهدا ونستحمل بعض واستعيذوا بالله من الشيطان الرجيم |
اقتباس:
|
اقتباس:
كلامك جميل بس ما باليد حيلة هيعملوا ايه فى التنسيق مسالة التنسيق ده قانون عرض وطلب سعة واقبال مش اكتر يعنى اللى جايب او جايبه 96 وبتقول ازاى ملحقش صيدلة ده عشان مجموعها نسبيا (اى بالنسبة لغيرها ولسهولة الامتحانات) ما يجيبش صيدلة للاسف زائد كلنا مرينا بنفس ظروف زكى بيك ومرينا بالثورة وكل حاجة نسبة وتناسب (كلامى جميل انفع اخش ادارة اعمال كش كده ؟؟؟؟هههههه:p:p:p) |
هو كل حااجة علمي و لااا ايه
ايه الاستفزااز ده مفيش كلياات تاانية مثلا غير الطب اللي هيمووتوا عليها و الصيدلة و الهندسة مفيش مثلا سيااسة و اقتصااد او اعلااام ده حااجة تقرف حتى في خبر جريدة الوفد مش جاايبين سيرة الادبي زي ماا علمي هايتجننوا علشاان ينزل تنسيق طب احنا كماان هانتجنن علشاان ينزل تنسيق اقتصااد و سيااسة |
اقتباس:
اولا جزاك الله تعالى كل خير بس على فكرة انا بنت مش ولد ثانيا انا ماقلتش انى اتظلمت وعلى فكرة انا جايبة99.3يعنى باذن الله ببساطة ادخل طب لكن انا مش هادخلها وبعدين انا مش باقول اننا ننزل التنسيق زى السنة اللى فاتت انا باقول ان الاعداد تزيد عشان نعوض اعداد طلاب سنة الفراغ ومش باقول كمان اننا مندخلش الا كليات القمة بس انا هاقول لحضرتك حاجة انا مثلا نفسي ادخل دار علوم كلية ادبية وبتاخد اقل المجاميع وده لانى بحب دراستها لكن اهلى نفسهم في صيدلة هل معنى كده عشان انا عايزة دار علوم يبقى احطم حلمهم وبالمثل كل طالب في ثانوية عامة بيبقى نفسه اهله يفتخروا بيه معلش الحلم ده مش حرام ثانيا انا مش مع المظاهرات بس هل معنى كده انى راضيه باللى حصل في اللجان او التصحيح انا مثلا مظلومة في درجات ومتاكده لكن انا متاكده انى مش هاخد ولا درجة لو عملت تظلم ومع ذلك دفعت فلوس وهاعمل تظلم مش عشان اخد درجات لانى مش محتاجاها لكن بس عشان انا مبحبش الظلم وعايزة اشوف هم ظالمينى في ايه انا لا اعترض على حضرتك بس حبيت اوضح |
اقتباس:
لكن كل واحد بيتكلم عن شعبته وهنا معظم اللى دخلوا كلهم علمى علوم او رياضة وبعدين ايه المشكلة ان حضرتك ادبي انا اهو علمى علوم ومع ذلك هاموووووت وادخل كليه ادبيه وبعدين احنا قلنا التنسيق عموما ومقولناش طب وصيدلة بس كل واحد بيتكلم عن اللى بيشوفه وبعدين اهدوا شوية انا حاسة ان معظم اللى في المنتدى على اعصابهم سيبوها على ربنا وربنا هيعطى كل واحد كل اللى بيتمناه باذن الله |
اقتباس:
- اولا انتى بتقولى انه مش حرام ان كل واحد يحقق حلم اهله عشان يفتخروا بيه طب ليه ميفتخروش بيه وهو فى تجارة وبيطلع الاول كل سنة ليه ميفخروش بيه وهو فى حقوق ويتفوق فيها وينافس اساتذته كمان ليه ميفتخروش بيه وهو فى علوم واتخرج منها بامتياز واتعين معيد ومسك طرف الخيط انه يبقى عالم كبير للاسف ده تفكير اباءنا اللى زرعه فيهم النظام القديم وجه دورنا نتبنى تفكير جديد ايجابى وموضوعى مش مسالة منظرة وعواطف وبس احنا لازم نفكر بعقولنا قبل قلوبنا (اقوللك انا جايب 99.6 وناوى ادخل علوم وبكافح معاهم فى البيت عشان اغير تفكيرهم القديم بفكر جديد وربنا يوفقنا كلنا باذن الله) |
^
هادخل في النص كدة بسس بماا انك مجموع جميل فالأولى انك تآخد باللي يرضيك و يرضي أهلك في نفس الوقت خد حااجة متوسطة احسسن .. فعلاا اناا بقيت احس انه طب كل ححد في اي حتة عااوز يدخلهاا .. حلوو قووي انك تبقى دفرنت و تغير و الأحلى انك تتفووق ربناا يسهل عليناا كلناا |
اقتباس:
وانا مع حضرتك ان اللى فى كلية وحتى لو اقل كليه بس بيطلع بتقدير ويتعين معيد افضل من اللى بيدخل كلية قمة وماشي فيها بالعافية بس انا هاسال حضرتك هل حضرتك واثق انك هتاخد حقك وتتعين معيد في علوم لو اجتهدت فيها للاسف الى الان مازالت كوسة وبس اولاد الدكاترة هم اللى بيتعينوا فيها ممكن حضرتك تتعين اكيد بس في احدى الحالات الثلاثة اولا ان يكون ليك واسطة ثانيا ان ميكونش معاك حد في الدفعة من اولاد الدكاترة وانك تبقى مجتهد جدا ثالثا وده محتاج وقت ان التغيير يحصل في الجامعات ويبطلوا الكوسة اللى هم فيها بس بجد علوم كليه رائعة ويكفى ان الدكتور زويل اتخرج منها وفعلا هى كليه صعبة وربنا يعينك |
اقتباس:
الله يخليكى ده بس من ذوقك انا هوضحلك كام نقطة كده ههههههه : - انا دلوقتى مقدرش احكم ان الكوسة لسه موجودة فى الجامعات عشان الثورة لسه معداش عليها غير مجرد شهور بس يعنى حتى معاصرتش سنة دراسية كاملة فلازم نؤمن بيها عشان مجرد تفكيرنا فى فشلها يعتبر فشل فى حد ذاته وده اللى تتمناه ناس ودول كتير فلازم نفضل مؤمنين بيها. - لو اى كوسة حصلت تانى اعتقد ان خلاص حاجز الخوف اتكسر من زمان دلوقتى كله بيتكلم وساعتها باذن الله مش هسكت على حقى - اما بقى لو بعدنا عن الكليات دى خالص هتفضل الواسطة شغالة فيها عشان مفيش غير اللى فاهم هو اللى بيطاب بحقه بشكل سليم . - جه دورى اسالك انا سؤال بقى انت ليه عاوزة دار علوم ؟ وخصوصا فى كليات شبهها كتير اعتقد زى اداب او السن لغة عربية ؟! |
اقتباس:
انا مش معنى انى هادخل لاهلى صيدلة باذن الله انى الغى حلمى لا باذن الله لا لان حلمى ده اغلى حاجة في حياتى بس انا فكرت انى ليه مش ادخل صيدلة عشان اهلى وبعدين باذن الله ادرس في دار علوم واحضر ماجستير ودكتوراه واكون بكده حققت حلم اهلى وحققت حلمى في نفس الوقت انا عارفة ان المشوار طويل بس اللى بيبقى عايز حاجة ويراعى ربنا اكيد ربنا باذن الله مش هايخيب امله اسفة بجد على اطالتى |
اقتباس:
يعنى زى علوم كده بس دار علوم ادبي علوم فيها حيوان ونبات وكيمياء وفيزياء الخ لكن دار علوم فيها نحو وصرف وادب ونصوص وفلسفة اديان وحديث وفقه وعقيده وتوحيد يارب اكون وصلت كلامى |
اقتباس:
|
و الله انا شايف نقاش جميل بين اشخاص محترمين جدا
|
اقتباس:
|
اقتباس:
|
اقتباس:
|
انا جايب 94% يعنى مش هحصل هندسة
بس بصراحة الأمتحانات كانت سهلة يعنى طبيعى المجاميع عالية أنا ترتيبى 19655 على الجمهورية و هندسة طول عمرها بتاخد حوالى 18 الف بالنسبة للدفع الفراغ إمكانيات الجامعات ما تشيلش العدد الكبير فلو سمحتم نشغل دماغنا و بلاش عواطفنا 2007 الأمتحانات كانت سهلة جدا التنسيق كان عالى 2008 الأمتحانات كانت صعبة جدا التنسيق كان واطى والله العظيم أنتوا كده بتستغلوا الثورة و بتستهزأوا بأرواح الشهداء حرام عليكم يعنى الشهداء ماتو عشان يكون فى حرية مش كل واحد ليه مصلحة يعمل مظاهرة خليكوا قد المسئولية حرام عليكم |
اقتباس:
عندك حق بنستغل ارواح الشهداء |
اوك الي اعرفه ان التنسيق لازم يقل وباذن الله يقل انا مع اني 97.7 بس حاسس اني هدخل طب بشري مش عارف ليه بس اوعدكوا بعد التنسيق لو جالي طب بشري هبقي اقول ليه
|
الي عاوز يعرف اخبار التنسيق واخبار المظاهرات بتاعة التنسيق كلنا طلاب ثانوية مجتمعين في الموقع دة http://www.facebook.com/sawratansik
|
اقتباس:
|
اقتباس:
اقتباس:
|
| جميع الأوقات بتوقيت GMT +2. الساعة الآن 11:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.