|
هل نستحق دخول ثانوية عامة اصلا؟
سؤال فى دماغى هل نستحق دخول ثانوية عامة اصلا؟.....انا مشترك فى المنتدى من زمان و قعدت اتفرج على الخلاف فى الفترة الماضية ازاى مستوى طلبة فى ثانوى او جامعات يوصل الحوار بينهم ايا كان الخلاف للمنطقة دى بنشتم بعض و اتهامات و كلام كتير على بعبع احنا و اهالينا خلقوه ....اللى جايبين مجاميع تضمن لهم كلياتهم بيقولوا احنا و الباقى لا و اللى جايبين اقل بيقولوا غشاشين و ماحنا احسن و الاتنين مش فاهمين ...او مش عارفين يتكلموا بموضوعية و بيستخدموا السخرية كحل ليهمو مش فاهمين ان كلنا مش متعلمين انا و انتم ...انا جايب 98 رياضة لكنى مش متعلم مش علشان الكلام الفارغ المحدود عن الغش و غيره لا انامعملتش بحث واحد عن الرياضة البحتة او فيثاغورث ده التعليم اللى لما حاولوا يقلدوه الطلبة بقوا يشتروا البحوث .....فكروا بره الصندوق بيل جيتس مخدش ثانوية رفض علشان يتعمق فى دراسة شاف فيها مستقبله ....مارك زوكر برج اللى احنا بنفعه على الفيس بوك كون ثروة 7.5مليار دولار فى 7 سنين علشان عمل حاجة بيحبها مش علشان اهله يا ريت تحاولوا تقروا كتاب السر و اتمنى ان الردود تكون موضوعية |
ما شاء الله
انا متفقه مع حضرتك بالتوفيق يارب |
بكل موضوعيه كلامك ممتاز جدا لكن انت مش تكلمنى عن بيل جيتس قبل ما تكلمنى عن المدارس الثانويه فى مصر احنا ما عندناش الامكانيات دى احنا عندنا عقول بشريه والله نفسها تبتكر وعلشان كده احنا لازم نحاول نفكر بموضوعيه ونقول ان اللى حصل فى الجامعات مش هنغيره احنا وبعدين لو الاخ اللى جاب99 واللى انتوا زعلانين منه قوى خايب فعلا طب عمل ايه فى ثانيه ثانوى رغم صعوبه الامتحانات غش برضو؟
|
شكرا اخى على الموضوع ... وفعلا نظرة صادقة وموضوعية وواقعية ... ولكن السؤال موجه للأشخاص غير المناسبين ...
أن أسلم - بل كلنا نسلم - بأن التعليم فى مصر لا يحتاج إلى تعديل بل إعادة تعمير ... الموضوع لا يخصنى أو يخص طالب الثانوية وإنما هى مسئولية الكبار ... |
هوا بردو الطالب ضحيه
ضحيه لنظام تعليم فاشل ضحيه لمجتمع مش مثقف بالدرجه المطلوبه ضحيه لفساااااااااد مالي البلد بس بردو فيه ناس ربنا بيكرمها وربنا يكرمنا معاهم بالتوفيق للجميع |
اقتباس:
|
صراحة أدب الحوار أهم حاجة ، واحترام وجهة النظر الأخرى ، وفعلا أنا على أمل اني أخلص التعليم الفاشل اللي بدأناه وضيعنا عمرنا فيه مثلا يعني ايه بدرس انجليزي 9 سنين ومش فاهمة جملة على بعضها بينطقها واحد أجنبي , يعني ايه أدرس فرنساوي بطريقة عجيبة ولما أقول للأستاذ الفرنسيين مش بينطقوا كدة يقول هو ده الفرنساوي الصحيح,
لما أسمع فيلم أجنبي و أشوف الطلبة بتطبق الفيزياء ازاي في حياتهم بمعنى الكلمة ، الكلام كتير لكن أنا ان شاء الله ناوية أكون مختلفة. |
اقتباس:
|
قمة الاتفاق معاك وانا فى مشكلة بتواجهنى عشان الموضوع ده برده انا عاوز ادخل علوم وهنا عاوزينى ادخل طب والحمد لله انا جايب 99.6 يعنى المشكلة كلها فى الاختيار!!!!!!!!111
|
اقتباس:
|
اقتباس:
|
أولا: عايزة أقول لحضرتك مينفعش تحكم على طلبة الثانوية كلهم من خلال خمسة ستة شوفتهم بيتابدلوا الألفاظ أو كدة مع انى لسه مشوفتش بس حبيت أوضح مينفعش نحكم على فئة كاملة من خلال ستة شوفناهم بيشتموا بعض
ثانيا : عايزة أوضح لحضرتك حاجة غايبة بردو محدش يقدر ينكر ان كان فيه غش كتييييييييييييييييييييييييييييييييييييير السنة دى واللى ينكر يبقى بيكذب على نفسه بس مش معنى كدة ان كل اللى جايب 98 و 99 غش هنا بردو مينفعش نعمم ممكن قلة قليلة فعلا غشوا وربنا عمره ما هيوفقهم ف حاياتهم وى مشكلة المفروض متشغلناش |
اقتباس:
|
و الله كلام حضرتك كلام محترم للغاية و حضرتك يعني اتفرج علي طريقة كلام الطالب مع المعلم او اهله و انت تعرف مستوي تدني الاخلاق او حتي اقف في البلكونه
و الكلام اللي حضرتك بتقوله اعتقد ان كلنا عارفينه و اللي مكنش يعرف كده اكيد ظالم نفسه و اكبر دليل علي كده ان كلنا ابسط مثال بنفكر هناخذ كورسات ايه و للاسف احنا اصلا معنجناش وقت نعمل فيه ابحاث لاننا بنتعامل مع واضعي امتحان مستواهم سطحي بيتبعوا اسلوب الهوجة دون اي معاير يعني عندك مثلا الفيزياء ده منظر امتحان!!!!!!!!!!!!!!!!!!! انا و احد من الناس مثلا نسيت سؤال للاسف مشفتوش و انا عارف اني غلطان مع ان الفيزياء دي اكتر ماده كنت بحبها جدا و متعمق فيه لكن لما اشوف الاقي معظم مصر جايبه 50 و اكيد معظمهم يستحقوا لكن مثلا لو كان الامتحان فيه افكار كان اللي مستواه متوسط يقع في حاجه فيبقي كل واحد ظهر مستواه لكن كده في ناس جابت مجاميع مكنتش تتصور انها تجيبها في يوم و بقي في دماغهم انهم كده خلاص عباقرة و يستحقوا كليات قمة كلهم و انا مش قصدي حد و الله |
اقتباس:
|
اقتباس:
لا متقلقش خالص من ناحية الموضوع ده الفكرة من دماغى انا وقريت تجارب ناس تانية والموضوع متملكنى للغاية وتقريبا تعمقت فى الكلية حاليا اكتر من الناس اللى دخلوها حتى انا بجد بعشق الكلية دى بس للاسف هى مش وخادة حقها خالص هنا فى مصر بس على الاقل لو انا استفتحت الموضوع بعد كده غيرى واكتر كمان هيعملوا زيى وشكرا على النصيحة وهبقى اشوف كتاب السر ده باذن الله |
أنا عارفة قدراتى ومواهبى كويس بس مش وقت ما أقرر أشغلها هاروح أشغلها !! كنا فاكرين مصر ف تطور بعد الثورة اكتشف انوا لألألألألألألألألألألألألألألألألألألألألألألألألأ لألألألألألألألألألألألألألألألألأ مصر هيا مصر
|
اقتباس:
|
علا فكرة الكلام كلوا جميل جدا وفى منتهى الموضوعية
وبجد الناش مش مقدرة كلية علوم العالم احمدزويل خريج علوم وهو من اكبر علماء العالم بس تفتكر انوا لو كان هنا فى مصر كان هيقدر ع الابداع ده والاختراعات دى الاجابة ببساطة لأ احنا هنا فى مصر مش عندنا الامكانيات اللى تقدر تستغل العقول وانا متاكدة ان فى ملاييين احمد زويل فى مصر بس للاسف احنا مش عارفين نستغلهم ومش عندنا الامكانيات ومش معنى ان واحد جايب فى اول التسعينات انوا مش كويس وان 99 بس هما المتوفقين مع احترامى ليهم جميعا والف مبروك للجميع بس كلوا واحد موهوب فى حتة ويقدر يبدع فى حتة ولازم يكتشف فى نفسة ايه اكتر حاجة بيحبها انا مثلا برسم حلو وكنت عاوزة ادخل فنون تطبيقية بس ماقدمتش ع امتحان القدرات للاسف لانها كلية ماحدش بيقدرها ودايما بياخدوا بكليات القمة انا مش فاهمة يعنى كليات القمة كل واحد يدخل كلية هو بيحبها ويبدع فيها اعتقد ان هى دى كلية القمة وياما بيدخلوا كليات طب وهندسة علشان ياخدوا شهادة ولان اهاليهم عاوزين كدا وتلاقيهم بيدرسوا اعلام او مسرح واو اى حاجة تانية بالنسبة لمصر بعد الثورة هاتبقى احسن كتيييييييييييييييييير صدقونى وانا متفألة وكمان نظم التعليم اكيييد هاتتغير لان ده طريق التقدم واسفة ع الاطالة |
اقتباس:
|
معك حق والله ..كنت اود ايضا التعليق عن هذه النقطة
فليس كل من حص على درجة عالية غش وهكذا بالفعل يوجد ناس كذا وحسبي الله ونعم الوكيل فيهم لكن فيه كتيير مجتهدين وربنا اكرمهم .. والمفروض كلنا نساعد بعض . . المهم اننا يكون عندنا هدف حقيقي وليس مجرد كلية والسلام بالنسبة لكتاب "the secret" لا ادري ان كان هذا ماتقصده الكتاب الذي اشتهر ولكن كانت اختى اخبرتنى بنشر رد عن المشاكل العقائدية والاخطاء التي به ... والله يجزيك كل خير ويبااارك فيك ..اصبت |
بجد انا لما قرأت اللى حصل من سب واهانات لبعض وبمين بالاهالى كنت حاسة ان خلاص مصر بضيع بس الحمد لله ان شفت ناس محترمة بجد كله بيناقش فكرته بموضوعية وبيلاقى رد محترم من الاخر وبجد رجعلى الامل تانى بان مصر هتبقى احسن بينا ان شاء الله
|
السلام عليكم جميعا
بصراحة انا مبسوطة جدا ان فيه عقول زى دى في السن ده الحمد لله فعلا انا معاكم طبعا ان المفروض يتغير اسلوب التفكير في ان اللى مش في كليات القمة يبقى فاشل فعلا هو اسلوب تفكير سلبي جدا وفرحت جدا لما لقيت ناس جايبين مجاميع عالية جدا بفضل الله بس بتعافر عشان تحقق هدفها ومش في كليات القمة بس الناس دى عايزة تحقق حلمها في اي مكان المهم انها تتعلم اللى هى عايزة تتعلمه بالاسلوب اللى هى تختاره مش بس انا عايزة ادخل الكلية دى عشان هى كلية قمة انا مثلا جايبة99.3والمفروض انى ادخل طب بس انا رفضت واهلى نفسهم في صيدلة وانا نفسي في كلية دار علوم (كلية ادبية بتقبل مجاميع قليلة جدا)ولولا انى لقيت ان صيدلة مش هاتأثر على حلمى بمعنى انها هتأخرنى كام سنة بس لكن بعدها ممكن باذن الله ادخل الكلية اللى انا بحبها واكمل واحقق هدفي باذن الله لو كانت صيدلة هتبعدنى عن دار علوم كنت عمرى ما فكرت انى اشوفها اصلا مش كمان اضيع5سنين فعلا بدون الجيل اللى هيصبر ويحقق هدفه حتى لو الكل عارضه بدون الجيل ده هنفضل بلد متخلفة وعمرنا ما هنتقدم يعنى لما مثلا علوم يدخلها ناس كان حلمهم طب ولا صيدلة عمرهم ما هينتجوا فيها بالعكس ولو حتى اجتهدوا واتعينوا معيدين برضو هيبقوا ولا كانهم درسوا حاجة اخرهم هيبقوا دكاترة لكن اختراعات وابتكارات يستحيل كذلك الاداب و دار علوم كل الكليات المبدعة دى لو دخلوها اللى جايبين حاجة وسبعين ولا اقل مين هيبدع ده فيه ناس في دار علوم واداب مبيعرفوش يقروا كويس هيبقوا ازاى ادباء ومفكرين انا بصراحة نفسي الكليات دى تبقى زيها زى الطب والصيدلة يعنى تبقى اعلى في المجاميع والا هنفضل متخلفين زى ما احنا |
| جميع الأوقات بتوقيت GMT +2. الساعة الآن 11:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.