|
انا تعبااااااااااااااااااااااااااااااااااااااااااااااا ااااااااااانة
السلام عليكم ورحمة الله وبركاته
انا تعبااااااااااااااااااااااااااااانة اوووى ياجماعة كان نفسى افرح ماما وبابا لكن جبت 91% فى تانية ومش عارفة اكمل ايه ومش عارفة هل لو دخلت رياضة ممكن اجيب هندسة ولا لا لان التنسيق اكيد هيبقى عالى السنة دى وهيعلى السنة الجاية خاااااايفة اووووى وانا مش بحب الرياضة اوووى بس جبت فيها مجموع كويس نوعا ما حد يساعدنى حد يصبرنى ياجماااااااااااااعة انا مش عااارفة اعمل ايييه وانا خلاص فقدت الامل فى انى اجيب كلية كويسة |
اقتباس:
مادام انتي مش شايفة نفسك في رياضة مجبرة انك تكملي فيها ليه ؟ |
يا باشمهندس بانزر كنت عايزه اعرف هل فعلا اقسام هندسة عمارة بيقعدوا لحد بالليل وكدة وهل اول سنة انا بحتاج مسطرة و ايه النظام ؟ انا ناوية بأذن الله هندسة عين شمس وقريب من بيتى هندسة المطرية وانا عايزه ادرس فى عين شمس فكنت عايزة اعرف موضوع التأخير وكدة بارك الله فى حضرتك الرجاء الجواب نى حاولت اسأل هنا لكن ما من مجيب |
مش عارفة اقولك ايه ؟؟؟ بس الدرجة دى مش هتنفع فى علمى علوم انا بقولك الحقيقة
بس علمى رياضة تنفع بس مش عارفة هل هتلحقى هندسة بيها ولآ لا؟؟ لكن ممكن تلحقيها لو شديتى حيلك السنة الجايه وعوضتى كويس بس انتى مش قولتى انتى كنتى حاطة فى مخيلتك ان انتى عايزة تكملى رياضة ولآ علوم ؟؟؟؟ والله الموفق ضــــــــــــى الفجر |
اقتباس:
عمارة بيتاخروا بس مش كل الايام طبعا يعنى معظم الايام بيبقوا زى باقى الكلية لكن لو فيه مشاريع بيتاخروا بس كل شوية اصحاب قريبين من بعض بيتصرفوا و يروحوا مع بعض او واحدة باباها يوصلها هى و اصحابها بتتحل يعنى ان شاء الله و اول سنة كله بيحتاج مسطرة علشان رسم اعدادى بس بتكون مسطرة 80 مش 120 زى بتاعت عمارة |
اقتباس:
زي ما وضحتلك كدا بشمهندسة رحاب كدا كدا المسطرة حتحتاجيها مع اعدادي وحتشتغلي بيها في الاقسام كمان زي في ميكانيكا ومدني وعمارة عمارة اصلاً بتعتمد على الرسم مش على المذاكرة (كنسبة يعني مش بشكل تام) فعشان كدا هما معظم وقتهم بيبقى في الكلية وغالباً بيخلصوا كل رسمهم في الكلية اسهل ما يفضلوا يروحو باللوح وكدا بس في ناس بتروح عادي يعني مفهمتش قصد حضرتك في "نقطة التأخير" |
بصى انا كنت جايبه فى تانيه 91.5 وتالته جبت 97.8 بقا كله 94.6 ومستنيه تنسيق بس ان شاء الله عندى امل الحف هندسه وكنت ناقصه فى تانيه 5.5 فى رياضه وكنت متعقد وحولت مجبره بس حبيت رياضه 2 غن واحد والحمد لله جبت فيها درجه حلوه
|
على فكرة أنا كنت جايب فى سنة تاني 89% وكملت علمي رياضة زي ما انا وشديت حيلي وربنا وفقني وكرمني وجبت 98 فى تالته
ومجموعي اللي بقى 93.3% ودخلت هندسة بالظبط وعملت تحويل لهندسة اسكندرية واتقبل لحكاية كلها بترجع للي الواحد حابه وللتوفيق |
طبعا علمي رياضة لان الهندسة خاص كتيرة ورخيصة حتى لو مالحقيش حكومى وفى الاخر ببرضه مهندسة مبروك توكلى على الله
|
اقتباس:
انا كنت جايب السنه اللى فاتت زيك والحمد لله السنه دى جبت 94.4% واعتقد انه مش هيبقى التنسيق اعلى من السنادى كملى وان شاء الله نقولك يا باشمهندسه |
اقتباس:
اه اصل انا ناوية عمارة وخايفة من موضوع التأخير ده قوى هو انا هجيب مسطرة 120 من اول السنة وارتاح وخلاص ولا ده مش هينفع ؟؟؟ وكمان هل قسم عمارة يتطلب من الواحد انه يكون بيرسم حلو جداا ؟ ولا الواحد بيتعلم فى الجامعة مع العلم انى رسمى فى الفراغية السنة اللى فاتت والتظليل كنت بعمله كويس بفضل ربنا داخل المجسمات علشان احسس اللى قدامى انها مجسم بالفعل اصل انا هدخل بأذن الله عين شمس وجنب بيتى المطرية وخايفة انى الاقى عين شمس فى عمارة اتأخر فيها قوى وارجع بالليل هى دى المشكلة شكرا جدا يا باش مهندسة رحاب :) اقتباس:
انا افضل حاجة اجيب روترنج صح ؟ وهى سعرها كام ؟واللوح كمان سعره كام ؟ وهل فى منه انواع ؟ وكمان فى جزئية تانى يا باش مهندس بانزر هو الطلبة بيرسموا فى الكلية كمان ؟ يعنى مش كل شغلهم فى البيت وكدة يعنى انا كدة هبقى مضطرة اشيل اللوح والمسطرة بأذن الله رايح جاى :d انا اقصد حضرتك فى نقطة التأخير ان انا ساكنة جنب هندسة المطرية بس انا مش حاباها خالص اخويا كان فى هندسة عين شمس بحس ان الدكاترة فيها عايزين ناس يذاكروا علطول ودى حاجة انا شايفاها كويسة على عكس هندسة المطرية اعرف واحد كان مقضيها مذاكرة على خفيف جداا وكان قسم ميكانيكا بيجيب جيدا جدا وا متياز ! يالا ربنا يوفق الجميع شكرا لحضرتك يا باشمهندس بانزر على الاهتمام والرجاء الاجابة على باقى الاسئلة شكرا جدا :) |
اقتباس:
روترنج في منها بلاستك وفي خشب يعني في حدود 50 .. 60 ج حاجة كدا اللوح دي حتجيبي منها كتير متقلقيش منها دلوقتي والانواع حسب اللى متوفر مش حتكون معضلة يعني كان في موضوع هنا قديم شوية في تفاصيل لجميع ادوات اعدادي بس مش فاكر فينه *** شور حنرسم في الكلية وحيطحن ابونا وكل حاجة :d امال ازاي المهندس يبقى مميز وهو ماشي في الشارع ؟ اكيد من مسطرته ومثلثاته :d |
اقتباس:
ده حضرتك اكيد بتبشرنا خير ان شاء الله :049gc0: اقتباس:
كويس ان حضرتك طمنتنى فى موضوع تعليم الرسم وكدة . هو انا اقدر اجيب الادوات قبل الدراسة ولا لازم الدكاترة هم اللى بيحددوا ؟ اصل انا اخواتى بيقولولى الدكاترة هيقولوا فى اول محاضرة ليهم . لما حضرتك قلت اللوح افتكرت اللوح " البوردة " اللى بيترسم عليها مش اللوحات اللى بيترسم فيها معلش بقى وحضرتك ما جاوبتنيش على سؤال هو انا اقدر اجيب مسطرة120 واريح دماغى منها استخدمها اعدادى ومنها استخدمها ان شاء الله فى عمارة؟ وياريت حضرتك تقولى على الموضوع بتاع الادوات وكدة ربنا يبارك فيك حلو اوى موضوع المهندس يبقى مميز والكلام ده عقبالنا :av4056bb7jp3: ان شاء ربنا يرزقنا بدكاترة فى عين شمس يرحمونا وما يخنقوناش وكدة معلش تعبت حضرتك فى الاسئلة ربنا يرزق حضرتك تقدير عالى وتجيب امتياز ان شاء الله :022yb4: |
بصراحة وبعد المجاميع ده صعب شوية تلحقى حاجة كويسة فى علمى علوم او رياضة لان انتى بتقولى انك مش كويسة اوى فى الرياضة وكمان فى فرق كبير اوى بين رياضة 1 ورياضة 2 عشان كدة حرام تضيعى المجهود ده فى حاجة مش مضمونة فكرى تحولى ادبى وتدخلى كلية من كليات القمة فيه (اقتصاد وعلوم سياسية,السن ,اثار )لان بسهولة عتجيبى مجموع فى تالتة بس فى النهاية ده مستقبلك وانتى اللى تحدديه واللى انا قولتو ده مجرد وجهة نظر وبالتويق ان شاء الله
|
اقتباس:
مكسل ادور بصراحة :d |
اقتباس:
خير ان شاء الله اقتباس:
اقتباس:
سمعت ان البوردة فى الكلية للى يلحق :d يعنى اللى بيجي متاخر يحتاط وياخد معاه البوردة بتاعته ؟ باذن الله اجيب واحدة اقتباس:
اقتباس:
كويس جدا كدة ده كان تفكيرى ردو حاضر هجيب المثلثات والمساطراكبر حجم اقتباس:
معلش انا متأسفه جدا تعبت حضرتك شكرا جدا على مساعدتك بارك اليه فيك :) |
ادوات اعدادى لو رحتى اى مكتبة من اللى جنب الكلية و قلتلهم انا اعدادى هيجيبولك كل حاجة حتة الاستيكة , هما عارفين اكتر مننا
بس متجيبيش من سمير و على البوردة لازم تروحى بدرى علشان تنقى واحدة محترمة "الكلام دا فى اعدادى" لكن لو اتاخرتى عادى مش مشكلة هتاخدى واحدة متربة او شكلها مش اوى فيه ناس بس بتجيب بوردتهم فى الامتحان علشان انضف و مش محتاجة تكونى بترسمى حلو لكن لو معندكيش خيال و بتعرفى تتخيلى حاجات جامدة و يدوب طبقتى اللى بتاخدوه و خلاص هتمشى فى عمارة على جيد |
اقتباس:
ربنا يبارك فى حضرتك يا باش مهندسة رحاب على مساعدتك ليا والباش مهندس بانزر :) لكن استفسار صغنون اوى هو انا اخد معايا فلوس كام وانا رايحه المكتبة علشان اعمل حسابى ؟ لانى اسمع ان فى حاجات الطلبة مش بيحتاجوها زى اسطمبة الدوائر وكمان الفوطة الصفراء بتاعة التنضيف لكنى ساكنة قريب شوية من الميرلاند وممكن اجيب من سمير وعلى وحضرتك قولتى الا سمير وعلى طيب ليه ؟؟ وفعلا انا اسمع ان البوردة بتبقى نضيفة للى بيجوا بادرى ربنا ييسرليا الصحيان بدرى ياااااارب ان شاء الله اطبق اللى باخده وامشى عليه شكرا جدا لحضرتك وارجو الرد على الاستفسارات اللى فوق ؟ :d هو حضرتك فى جامعة ايه ؟؟ |
لو دخلتى رياضه وشديتى حيلك ممكن تلحقى هندسه ومجموعك حلو مش وحش بس انتى بس ركزى السنه ديه وهتجيبى ان شاء الله مجموع كبير ربنااااااااااااا يوفقك ويوفقنا كلناااااااااااااااا امين ياررررررررب ولاتيأسى واصبرى ان الله مع الصابرين ان شاء الله
|
اقتباس:
انتى على فكرة اخترتى اهم حاجتين و تقريبا ارخص حاجتين :d الفوطة الصفرا دى باتنين جنيه علشان لو البوردة متربة تنضفيها زى اللى بيتنضف بيها العربيات فى اشارة المرور :d اسطمبة الدواير بردو مهمة فى الدواير الصغيرة اللى متجيش بالبرجل او الكبيرة لو بتفبركى سمير و على بلاش علشان اسعارهم اغلى من باقى المكتبات فى الحاجات دى , هما كويسين فى الكشاكيل بس ادوات اعدادى و عمارة بعد كدا ان شاء الله الفرق كبير و نفس الماركات و الانواع و هاتى من عند الكلية لو تعرفى علشان هناك اللى بيكونوا عارفين انتى محتاجة ايه بالظبط الشارع كله مكتبات و ممكن تستنى اول اسبوع دراسة كدا كدا مش هتستخدمى غير قلم و كشكول اول اسبوع ان شاء الله معرفش تاخدى معاكى كام علشان مش فاكرة بصراحة و هتفرق لو هتجيبى الة جديدة أو بوردة رسم انا هندسة عين شمس |
اقتباس:
انا قولتهم على سبيل المثال وانا عارفة سعرهم كمان اى خدمة يا باش مهندسة :blush: اقتباس:
اها اقتباس:
اها لو ايه ... ؟؟ معلش يعنى ايه بفبرك ؟ اقتباس:
طيب كويس ان حضرتك قولتيلى اقتباس:
اه ما انا هستنى اول اسبوع لكن كنت حابة يكون عندى خلفية :d اها انا اخويا قاللى كدا بردو بس ما كنتش مصدقاه :bosyht9: اقتباس:
هو الالة ممكن ما تنفعهش انا معايا fx 570 es دى جبتها كدة من سنتين ؟ تنفع ؟؟ اقتباس:
معاكى ان شاء الله بالمناسبة هو مصاريف اتوبيس الجامعة كام ؟؟ انا عارفه تعباكى جدااا بس اعتبرينى ضيفة او اختك الصغيرة شكرااااا جدااااااا :022yb4: |
اقتباس:
سوال ؟ انا دلوقتى من بنها .. ينفع فى اى حال من الاحوال ادخل هندسة الثاهرة او اسكندرية لو جبت مجموعها |
اقتباس:
دي احد الصفات المميزة لطالب هندسة اللى مينفعش يكون مبيعرفهاش :d |
انا رايى انك تتوكلى على الله وتكمل علمى رياضة وتشوفى مدرس قوى فى الرياضة علشان يحببك فى المادة وشدى حيلك فى تالتة وكلى الكتب وان شاء الله تجيبى هندسة من بدرى وتفرحى بابكى ومامتك
|
اقتباس:
طالما مش بتحبي حاجة متدخليهاش |
يريت تجاوبوتى ضرورى
انا كتبت فى الرغبات هندسة اسون وقنا كل الهندسة اللى موجودة وانا خايفة تجيلى اى هندسة بعيدة انا من السويس ونفسى ادخل القاهرة او عين شمس وانا جايبة 386 وخايفة ان هندسة تبقى اعلى من كدا فيريت حد يقولى اعمل ايه لو جاتلى هندسة بعيدة وهل ممكن تاخد اعلى من كدا ولا لأ |
متقلقيش فى حاجه اسمها توزيع جغرافى
|
| جميع الأوقات بتوقيت GMT +2. الساعة الآن 08:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.