|
مايحدث فى العباسيه
فوجئ المتظاهرون المتجهون فى مسيرة سلمية من ميدان التحرير إلى المجلس العسكرى، بخروج مجهولين من الشوارع الجانبية بالعباسية وإلقاء زجاجات بها سوائل ذات رائحة نفاذة وكميات من الحجارة على المشاركين فى المسيرة، وهو ما أدى إلى وقوع نحو 10 إصابات بين صفوف المتظاهرين، وحضور سيارة إسعاف لنقلهم إلى إحدى المستشفيات وسط هتافات "متعبناش متعبناش الحرية مش ببلاش".
فى الوقت نفسه، أطلقت الشرطة العسكرية الرصاص فى الهواء بهدف فض المسيرة، غير أن المتظاهرين أكدوا على أن المسيرة سلمية وطالبوا إبعاد المدرعات حتى يستكملوها. فيما خرج شباب مجهولون من حى العباسية وهم يحملون سواطير وأسلحة بيضاء وشوم وعصى حديد، غير أن المتظاهرين هتفوا "يا أهالى العباسية المسيرة دى سلمي |
السلام عليكم لم يحدث هذا .....انا من العباسية وروحت الميدان في الوقت ده
|
اقتباس:
|
اقتباس:
لان الكلام ده حصل فى القاهرة من اكتر من مصدر |
https://fbcdn-sphotos-a.akamaihd.net..._3857277_n.jpg
رصد | خاص | مراسلنا :أحد المصابين من المتظاهرين فى العباسية منذ قليل#RNN#SCAF#MASSIRA https://fbcdn-sphotos-a.akamaihd.net...4_828351_n.jpg رصد | خاص | مراسلنا :ما يقرب من 10 مدرعات يقطعون الطريق أمام مسجد النور بالعباسية#RNN#SCAF#MASSIRA |
ربنا يستر بجد اللهم احفظ مصر والمصريين
|
الحكومة والجيش عايز ايه !!!!!
|
ربنا يستر على مصر
لغة الجيش اتغيرت مع المسيرات |
يا أخى انت عارف المسيرة السلمية كانت رايحة فين ؟؟؟؟؟؟؟؟
وزارة الدفاع !!!!!!!! ويتكرر سيناريو ضرب اقسام الشرطة وحرقها ونبقى لا شرطة ولا جيش يا اخى التظاهر الاسلمى لا يضر منشآت البلاد وليس معنى التظاهر السلمى وقف حال الناس وأرزاقهم وغلق محلاتهم حسبى الله ونعم الوكيل ........... مصر كنانة الله فى ارضه من ارادها بسوء انقصم ظهره |
السلام عليكم ....شاهد علي احداث العباسية
اولاً ان بيني وبين ميدان العباسية محطة ساكن في مكان اسمه الوايلي انا نزلت النهاردة لان الهدف من مظاهرة النهاردة كان اسقاط الجيش في يوم 23 يوليو مثلما حدث مع الشرطة في يوم 25 يناير وذلك للاسف مثل ما طلب عدد من النشطاء علي الفيس بوك مثل اسماء محفوظ ....... المهم توجهت للميدان من ناحية ميدان العباسية وجدت عدد كبير من المصفحات تسد كل مداخل ومخارج الميدان للسيارات توجهت مترجل الي مطلع كوبري العباسية وجدت اجنود القوات المسلحة يقفون في صفوف امام مطلع الكوبري وقاموا بوضع اسلا شائكة امامهم واهالي المنطقة وليسوا البلطجية كما يزعمون كانو محتشدين خلف القوات المسلحة وبجوارهم وامام مسجد النور احتشد المتظاهرون وهم يرددون الشعب يريد اسقاط المشير عدد المتظاهرين لم يكن كثير كما زعم لا يتعدوا 1200 واحد المهم كان بعض من الاهالي يقف في نهاية شارع غرب القشلاق ويرد علي هتافات المتظاهرين (عباسية _ عباسية) و ( الشعب والجيش ايد واحدة) ثم بدا المتظاهرون في محاولة ازالة الاسلاك الشائكة والتعدي علي جنود القوات المسلحة اللي واقفين في مطلع الكوبري وسدين الطريق اللي رايح من العباسية الي المجلس العسكري دخل الاهالي اللي كانوا واقفين في نهاية شارع غرب القشلاق امام المتظاهرين لعمل حائط صد امام الجنود مرة واحدة لقيت الناس بتجري في كل اتجاه بصراحة جريت معاهم لقيني مش عارف ايه اللي بيحصل وقفت في نهاية شارع غرب القشلاق الناس حدفوا علي المتظاهرين طوب وبعد كدة لقيت الناس بتجري منهم وناس معاهم سيوف ومطواي بيجروا ورا الناس لغاية ما جم شباب من وسط شارع غرب القشلاق ومعاهم سيوف ووقفوا ليهم ابتدت الجزايز تتحدف من الجانبين ثم الملوتوف من الجانبين المتظاهرين كانوا متركزين عند مسجد النور وعند كلية الطب المشكلة انهم دخلوا من شوارع غرب القشلاق الجانبية وهاجموا الناس وحرقوا عربية وموتوسيكل وكسروا قهوة في شارع جانبي الجيش كان بيضرب نار في الهواء ان شوفت في البداية قبل المدبحة عساكر امن مركزي لكن معرفش دول كانوا بيعملوا ايه صحيح اما حصل الضرب حاول المتظاهرين دخول مسجد النور لكن الجيش في البداية منعهم لكن بعد كده سمحلهم بالدخول لو عايز تتاكد يرجي الرجوع لشبكة رصد او ياريت تسال حد تعرفه من سكان المنطقة وبلاش الدستور لانه موقع سافل لا ينقل الحقيقة |
|
حسبى الله ونعم الوكيل ( مسيرة سلمية ايه يا مولانا ) ( هوة ميدان التحرير مش مكفيهم هما ليه بيتحركو الى وزارة الدفاع دول كل همهم مش البلد دول محدش عارف عاوزين ايه الاول قالو الدستور اولا وبعدين تغير المادة الثانية من الدستور وبعدين سقوط الداخلية وبعدين اسقاط الجيش وبعدين احتلال اسرائيل ( خليكو نايمين )
خافووووووووووووووو على بلدكم ( مصر فى خطر اتقو الله فيها ) اللهم احفظ مصر وأهلها مكن الفتن ما ظهر منها وما بطن |
ماتت الشرطة فى يوم عيدها واليوم يريون قتل الجيش فى يوم ثورته هذه مخططات واضحة وكفاية و6 ابريل عملاء اللهم ارحم مصر
|
ياجماعة لازم نحترم القوات المسلحة ونقدر دورها فى إنجاح الثورة ولا نعطى الفرصة لاى احد لتفتيت مصر بلدنا
ليس هذا رأيى فقط وإنما راى ملايين المصريين وعاشت مصر حرة |
فى موقعة الجمل قالوا ان الى ضرب التظاهرين هم فلول الحزب الوطنى طيب ياترى مين الى ضرب المتظاهرين فى موقعة العباسية عارفين مين فلول ورثة الحزب الوطنى دا كان معاهم سيوف ومولوتوف واسلحة بيضاء
دى مشكلة كبيره نخلص من الحزب الوثنى يطلع لينا ورثة الحزب الوثنى دا احنا مش ها نخلص ابدا من الموضوع ده وسيظل دائما هناك فئة تعمل على قمع المتظاهرين لماذا ؟؟؟؟ ولمصلحة من ؟؟؟؟ اشاعات كتير كتير مثل اشاعات قبل خلع مبارك مش عارفين نصدق مين ولا مين ولا مين |
خطة خبيثة فعلاً تخطيط صهيوني .....شعبيتهم انخفضت ومليونياتهم بقت الفية قالوا نعمل اي حركة نكسب بيها تعاطف الناس ...واكيد قنوات التوك شو بتاعتهم هتبين ان اللي حصل زي موقعة الجمل مع ان لو اي واحد كلف نفسه وسال اي حد من سكان العباسية او نزل وشاف المحلات اللي اتكسرت والعربيات اللي اتحرقت في الميدان هيعرف شكل المتظاهريين السلميين كان ايه
|
المتظاهرين السلميين اللي رفضوا يقذفوا علي الناس الطوب زي ما واحدة اسمها اهداف سويف بتقول شوفوا بيعملوا ايه في الفيديو ده
http://youtu.be/tHhccy08Ik4 |
يعنى الاتهامات اللى المجلس الاعلى بيوجهها بدون ما يطلع دليل هو اللى يخلى الناس تهدى؟ - كرامة -
او التباطؤ فى كل شئ - تباطؤ فى محاكمة القتلة والمجرمين من الشرطة والنظام الساقط والشرطة تعود الى سابقى عهدا من قلة ادب و اهدار لحقوق المواطنين - كرامة - او الموازنة اللى اعتمدوها وهى طبق الاصل الموازنة بتاعة السنة اللى فاتت "سمير رضوان = يوسف بطرس غالى"- عدالة اجتماعية - او الاعلامى اللى بيقول كلمة انتقاد ضد المجلس الاعلى بيتحقق معاه فى النيابة العسكرية - حرية - و تيجى بعد كده تتكلم عن اهداف الثورة اللى انت بتسعى الى تحقيقها بتضحك على مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
و الله دى قلة ادب
التحرير مفتوح ريحين فين بأة فيهم ناس مأجوره |
|
اقتباس:
حضرتك بتقول في ايه .....ليا سؤال عند حضرتك انتا متاكد ان الناس اللي كانت متظاهرة امبارح كانت دي طلباتها الناس دول طلباتهم تفكيك المجلس العسكري ومجلس رئاسي مدني معين من التحرير يحكم مصر سنتين بدون انتخابات ودستور جديد يعملوه علي مزاجهم ....هل انتا موافق علي كدة لو افترضنا ان اعضاء المجلس العسكري شياطين فهما هيسلموا الحكم بعد 4 اشهر لسلطة منتخبة من الشعب كمان ايه السيناريو المتوقع للهجوم علي المجلس العسكري لاما انقلاب عسكري من الرتب الصغيرة (حاولوا يعملوا كده يوم 8 ابريل والخطة فشلت) او تدخل اجنبي لحماية المتظاهرين و الاقليات ...معتقدش ان فيه مصري واحد يرضي باي اختيار من الاختيارين دول الا بقا لو كان هدفه تحقيق اي اختيار من الاتنين وخاصة التاني لان في ناس كتير نفسها ده يحصل وبيعلنوا كده بصراحة اه احنا عايزين حماية دولية |
لا تضعفوا شباب الثوره العظيم و تحرضوا ضدهم الراى العام و ما قاموا الا ليكملوا اهداف هذه الثوره و قد قاموا بانجازات رائعه خلال اسبوع واحد لم تقوموا انتم باى منها خلال 80 سنه ومنها:
1- انشاء صندوق تعويضات اهالى الشهداء و المصابين 2- علانيه محاكمه الظالميييييين 3- تخصيص دوائر للمحاكمات لسرعه احقاق الحفوق للشعب 4- اعاده السلطه لرئيس الوزراء المختار من الشعب 5-ازاحه الوزراء الذين ظلموا الشعب و ضيعوا حقوقه من زبانيه مبارك و مازال هناك الكثير يمكن تحقيقه لمصلحه الشعب مثل اقرار الحد الادنى و الاعلى للاجور و غيرها --- فان لم تكونوا معنا فلا تكونوا ضدنا و استمتعوا بانجازات هذا الجيل الفريد من الشباب الرائع و انتظروا الانتخابات علشان تقفذوا على كراسى البرلمان واتركوا الشرف و النضال لاهله |
هما رايحين العباسية يعملوا ايه هو خلاص يعنى صوتهم ماكنش مسموع من ميدان التحرير ومن حق الجيش لو لاقى اى تجمع داخل على موقع عسكرى يضربه وده فى اى دولة فى العالم ورغم كده الجيش ماضربش
هو انا اروح احتك بيهم فى مواقعهم وبعد كده اقول الحقونى بيضربونى اسقطوا الشرطه وشوفوا البلد عامله ازاى من غير شرطه وعاوزين اسقاط الجيش شوفوا هيبقى حال البلد ايه كام الف واحد بيتحكموا فى بلد فيها 80 مليون واحد ويغيروا الحكومة واحنة مليون ونص ومش عارفين نطالب بحقنا انا مع الثورة بس بجد كفاية كده واصبروا الانتخابات ويبقى فيه رئيس وفى الوقت ده المجلش العسكرى هيسحب نفسه من الليله كلها ويرجع لمواقعه وشغله |
|
|
من وجهة نظرى طريقة تعامل العسكر مع المشكلات طريقة بدائية و غير فعالة .. شايفين أهالى الشهداء كل يوم اعتصام و سايبين قضايا الشهداء فى ايدى قضاة من إل ربنا يجازيهم بتوع مبارك و فلوله شايلين هم علاج مبارك و سايبين مصابى الثورة لعند دلوقتى مخدوش حقوقهم و لا إهتموا بعلاجهم.. شايفين أزمة الأجور و خايفين على دخلهم المليونى و مش عاوزين يعملوا حد أقصى و شايفين الناس بيموتوا من الفقر و رفعوا - فى لحظة - أجور إل موتوهم من التعذيب و بالرصاص .. عملوا بلبلة للناس لما عملوا استفتاء على مواد الدستور عشان ميعملوش اعلان دستورى ثم عملوا اعلان دستورى طلعوا اشاعة إن مبارك هيعتذر للشعب علشان السماح و علشان يشوفوا رد الفعل .. بصراحة المشير عمره ما هيفكر ياخد إجراء حاسم مع مبارك ، لأنه تلميذه و صديقه و كل خفايا صفقات الأسلحة معاه .. و أنا لو مكان المشير عمرى ما أسبب لأستاذى و صديقى أى أذى حتى و لو كان قاتل .. دى طبيعتنا كبشر ... العسكر عيشونا فى بلبلة و جو رمادى و ماشيين بطريقة ارتجالية بدون خطة و حسب الظروف .. و مفيش دولة بتمشى كده .. و كل شوية يأجلوا الإنتخابات و ربنا يسهل و يكون شهر أكتوبر هو آخر تأجيل... عاوزين نخلص و نشوف ورانا ايه .. دا الشعب كله تايه بسببهم مش المعلمين بس !!!!
|
|
اقتباس:
حسبنا الله ونعم الوكيل في كل واحد ميقولش كلمة حق يقابل بيها ربنا يوم القيامة |
ربنا يستر والله البلد فى طريقها الى الإنتهيار والسبب وجود رؤس الأفعى حتى هذه اللحظة على قيد الحياة
|
اقتباس:
يعني المتاريس مكانها محسوب والناس اللي في الشوارع الجانبية مجهزين نفسهم والسيوف متبيته. المجلس العسكري هوه المسؤول عن كل الكلام ده. ينفذ المطالب ويطبق الحدود الأقصي والأدني للمرتبات عشان يطبق العدالة الإجتماعية ويقضي علي الفئويات ويلم البلطجية ويحاسب الظباط اللي مش عايزه تشتغل دي ومسرحة البلطجية وكل حاجه تبقي بالإنتخاب المباشر زي حركة المحافظين والمحليات والمحاكمات تبقي سريعة وعلنية أمام قضاة محترمين لا خلاف عليهم ونزع الفلول والفاسدين من المراكز القيادية وملاحقة أعضاء الحزب الوطني ..... ساعتها نتفض من المواويل دي ونخلص وكل واحد يشوف شغله أو يكن في بيته ... وبعد كده اللي هايثير الناس هيبقي باين ومعروف وتتقص رقبته ... وعلي فكرة كل الكلام اللي فوق مابياخدشي وقت .. هما إسبوعين لو أخلصنا النية بس مين يسمع ... فيه ناس عايزه الفوضي دي شغالة عشا محدش يفضي يحاسبهم. |
العباسية طلعت إخوان وسلفيين؟؟؟ ألف مبروك يا شباب اتفهمت بس متأخر.
لعنة الله علي الكراسي والساعين إليها |
اقتباس:
|
اقتباس:
الكلام اللى انت بتقوله ده غير صحيح يعنى ايه يفككوا المجلس الاعلى اصلا ؟؟ انت فاهم حاجه من اللى انت بتقولة وقبل كده عاملى موضوع ان الناس تنزل روكسي علشان مصر ما تتقسمش 3 دول بذمتك انت مصدق نفسك ؟؟؟؟؟؟؟ دلوقتى فى مطالب للثورة هل اتحققت ولا لأ ما اتحققتش ليه بقى ايه الموانع من محاكمة اللى قتلوا الناس بعد 6 شهور ايه الموانع من نقل مبارك للسجن بعد 6 شهور من اتهامة سوزان مبارك ازاى طلعت من السجن جمال وعلاء لسه فى السجن ولا خرجوا ولو لسه ما اتحاكموش ليه الموازنة الفاشلة اللى بتدل على اننا لسه زى ما احنا مافيش اى تغيير المستشارين اللى بياخدوا 22 مليار جنيه من موازنة البلد لسه زى ما هما الشرطة رجعت تعامل الناس اسوأ من الاول كل ده ويطلع طنطاوى يقول احنا مع الثوار ونحقق مطالب الثورة ازاى بقى ان شاء الله ياريت يقلع القناع ويتكلم بصراحة وبعدين يعنى الروينى يطلع يخرف فى التليفزيون ويقول 6ابريل خونة واتدربوا فى صربيا وبياخدوا فلوس من امريكا وحركة كفاية مش مصرية اصلا وانه عارف الكلام ده من 2009 طب طالما انت عارف كده ليه ماقدمتوش الكلام ده للنائب العام او المخابرات ما قامتش بدورها ومسكتهم باعتبارهم خونة كما يزعم اتفرج على الفيديو ده علشان تعرف الروينى بيتكلم ازاى و طريقة تفكير المجلس العسكرى http://www.facebook.com/l.php?u=http...ed&h=oAQCIIQRg دول بيضحكوا علينا وعايزين العملية تمشى زى ما هما عايزين وخلاص ويقولك احنا شرعيتنا من الاستفتاء استفتاء ايه اللى بيتكلم عليه هل الاستفتاء كان على شرعية المجلس العسكرى ولا على تعديل مواد فى الدستور؟ شرعية المجلس العسكرى جاءت عندما تخلى مبارك عن الحكم لهم ووافق على ذلك جموع من كانوا فى التحرير وميادين مصر بتوع مصطفى محمود اللى اتحولوا لروكسي ويقولوا احنا اسفين ياريس ودلوقت مسميين نفسهم الاغلبية الصامته ويقولك بتوع التحرير ما بيتكلموش باسم مصر لما 12 مليون ما بيتكلموش باسم مصر هاتكونوا انتوا اللى كام الف اللى بتتكلموا باسم مصر ؟؟؟؟؟؟؟؟ ياراجل حرام عليك لو انت ضد الثورة ثول كده مباشرة وبلاش لف ودوران وتخوين للشرفاء |
اقتباس:
ده كلام غير حقيقي اللى ضرب الناس فى العباسية بلطجية الله اعلم مين اللى جابهم وبكام وده بشهادة الناس اللى فى العباسية وسكان المناطق اللى حواليها |
اقتباس:
ثانياً : انا متفق معاك تماماً في ان المجلس العسكري مخطئ و اعتقد ان كلامي كله لو انتا قرات موضوعاتي بيقول كده .....لــــــــــــــــــــــكـــــــــــــــــــــ ــــن ..... ايه البديل للمجلس العسكري الوحش ده اللي كده كده هيسلم السطة لمدنيين بعد 4 شهور ؟؟؟؟؟؟؟ ايه البديل من وجة نظرك؟؟؟؟؟؟؟؟؟؟؟؟؟؟؟؟؟؟؟؟؟؟ ثالثاً : تفكيك المجلس العسكري دي كانت هتافات المتظاهرين اللي كانوا رايحين امام المجلس العسكري رابعاً :فعلاً الشرعية مش من التحرير الشرعية من صناديق الانتخابات اللي يقدر كل مواطن مصري يدلي بيها برايه لكن لو الشرعية من التحرير خلاص ممكن واحد يدفع لناس فلوس ويقولهم انزلوا ميدان التحرير واعتصموا وطالبوا بمجلس رئاسي اكون انا فيه مش ممكن ده يحصل...اللي عمل الثورة هو الشعب المصري وليس الثوار اللي مات في جمعة الغضب الشعب المصري وليس من يطلقون علي انفسهم ثوار احداث العباسية بتاعت امبارح الناس كانت بتضرب في بعض وبتوع 6 ابريل والنشطاء كانوا مستخبيين في مسجد النور وبعد كده يقولك ثوار ويتكبروا علي الناس ويقولوا لولانا كنتم لسه عبيد خامساً انا فعلاً دعيت لوقفة روكسي لمساندة جيش بلدي ودي حاجة تشرفني كمان مين اللي قالك ان اللي في روكسي هما بتوع مصطفي محمود يا اخي اتقي الله اذا كان ممدوح حمزة نفسه قال اللي في روكسي ليهم نفس مطالبنا وعايزين يحاكموا الفساد ملخص الكلام : جيش مصر مش هيقع ..... مصر مش هتتقسم........ مصر دولة مدنية بمرجعية اسلامية |
اقتباس:
|
| جميع الأوقات بتوقيت GMT +2. الساعة الآن 04:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.