|
ايه اللى اتغيـــــــــــر
السلامـ عليكمـ ورحمة الله وبركاته انا اول مرة اكتب موضوع واناقشه هنا فى القسم ولكن ما امر به زاد عن حد كثيرا فى البداية بسال لنفسى سؤال كل يوم وهو ايه اللى اتغير اولا : ايه اللى اتغير مفيش احترام الكبير للصغير والعكس فاييه اللى اتغيرر فى كده ثانيا: ايه اللى اتغير المشاكل زادت اوى فى المنتدى وده بسبب اعضاء كتير اتوقفوا ورحلوا وما نعرف عنهم اى شئ ثالثا : ايه اللى اتغير رحيل كتير من الاعضاء ومفيش جديد فى المنتدى ومحدش بيعمل حاجة ايجابية رابعا : ايه اللى اتغير ضميرنا لسه مش موجود خامسا: ايه اللى اتغير فين كرامتكم واحترامكم لبعض سادسا : ايه اللى اتغير فين اخلاقكم وتعاملكم مع بعض كاخوة متحابين وان مفيش مشاكل تفرق ما بينا بصراحة حبيت اكتب ده لانى بعد اللى بشوفه فى المنتدى بنهار بجد وده كله بسبب عضو غادر المنتدى ولكنه لم يرحل فى قلوب الملايين وزادت اوى المشاكل والاهانات لكتير من الاعضاء الكرام فانا لا ارضى ان ارى احد بيتهان ا واسكت وكتير اوى من الاعضاء هيتركوا المنتدى وكتير تركوه وبهذ الشكل سينهار المنتدى فماذا فعلت بنا الثورة وماذه غيرت فينا فاين هو الحب والاخلاص والوفاء والمحبه والود لماذا كل هذا الجدال على شخص رحل وقرر بعدم عودته مره اخر ان اتمنى ان يعود ولكن ما بيدنا حيله فما علينا الا ان ندعو له لكن دفاعنا عنه فلن يفيد بشى بل سيزيد مشاكلنا اكثر واكثر فهل من جديد فى ذلك هل سارى المنتدى فى احسن احواله هل سارى المنتدى كما كان من قبل هل سيحدث هذا قريبا ام اننا سننتظر طويلا لكى نرى منتدى افضل تحياتى ليكم ومنتظرة تفاعلكم أسيرة الصمت الحزين جودى |
اقتباس:
أولا: يشرفني أن أكون أول من يرد على هذا الموضوع موضوع تحفة, وأنا كنت ناوي أكتب موضوع شبيه ليه:d ثانياً: هو الموضوع اجابته ببساطة شديدة "إن الله لا يغير ما يقوم حتى يغيروا ما بأنفسهم" واحنا مغيرناش من أنفسنا ولكن غيرنا أشخاص فقط يبقى إزاي هييجي العدل, والحرية, والكرامة وكل الكلام ده في حين أن الكلام إللي أنا كاتبه في توقيعي بيحصل سيدي القاضي لا يمكن أن يختلط الزيت بالماء:d وشكراً ليكي يا جودي والله موضوع مميز |
اكيد طبعا عندك حق فى كل كلامه يا جودى
لسه حالا كنت بقرا رد فيه تجاوز بشتيمه اظن شتيمه مش ليا بس بلغت عنها عشان ده مش يليق بالمنتدى اما موضوع العضو الى رحل كل واحد المفروض يعمل الى يريحه يعنى الى شايف راحته فى الرحيل خاص راحته اهم شئ و احنا كمان يهمنا رحته انما ماما نغم محدش يقدر يهنيها |
بصراحه يا جودى كل كلمه قولتيها عندك فيها حق واحد يهين واحده كلنا بنحترمها وبنحبها وبتعبرها فعلا ام لنا وناس تمشى وناس عايزه تمشى والناس اللى بنحبهم كمان يمشوا ومافيش حد بيحترم حد ومش بيراعى الاكبر منه فى الحوار حاجه بجد تحزن بس حنعمل ايه؟ ولما بتدخل على المنتدى حتلاقى اللى كان موجود امبارح هو اللى موجود انهارده ومافيش جديده ومافيش مواضيع هادفه ومافيش ناقشات ولو فى حتلاقيها مش كويسه والحوار فيه تتطاول بجد حاجه تزعل بس اللى فى ايدنا اننا نتمنى ان الوضع يرجع احسن من الاول |
اللى اتغير ان هنا ناس فى المنتدى بتصمم ان رأيها صح .. و ان الرأى الاخر فجور و عصيان .... و هذا غير صحيح !
اللى اتغير ان الاعضاء عايزة تخالف قوانين المنتدى .. عافية و محدش يكلمها ... و ع ما اعتقد هذا غير صحيح ..! اللى اتغير ان بعض المشرفين يستخدمون سلطاتهم على الاعضاء بدون وجه حق .. و هذا غير صحيح ! اللى لازم يحصل .. ان العضو يفهم ان المشرف ليس إلا لون يقوم بحذف المشاركات و المواضيع الخالفة و خارج قسم اشرافه هو عضو ليس إلا بل بالعكس .. اضعف من العضو .. اى غلطة عنده بتبينه مش كويس و غير اهل بالاشراف ... و المشرف لازم يعرف و يفهم ان العضو احسن منه ع الاقل احنا بنمسح بس و قليل اما نعمل مواضيع انما العضو بيعمل مواضيع و بيفيد المنتدى .. يبقى مين احسن !؟ المنتدى جميل و احساس الاخوة بيملاه .. يكفى انى عندى منه اخوات بل اكثر من اخوات منهم (( الثلاثى المرح )) :p :p :p ياريت يفضل جميل كده ^^ |
اقتباس:
إزيك يا أبو الأمجاد:078111rg3: أنا عايز أعرف الأول مين إللي أهان الأستاذة نغم؟!! بالنسبة لكلمة فجور وعصيان, أنا سئمت من هذا الكلام يا أمجد أقسم بالله لا يمكن لأحد أن يكفر أحد أو أن يحجر على رأي أحد أدخل سيادتك على قسم ملفات وقضايا عربية, وشوف كم المخالفات, والسباب إللي على الناس إللي بيكفروا^_*" أنا هقولها ورزقي على الله هناك ازدواجية في الرؤية والمعاملة |
اقتباس:
شكرا لحضرتك على المرور نورت التوبيك واسعدنى ان الموضع اعجب حضرتك اسعدنى مرور حضرتك :blush: |
اقتباس:
|
اقتباس:
و الله انا كنت مسافر و معرفش بس اكيد .. محدش هيرضى الاهانة لماما نغم ربنا يعلم احنا بنحبها اد ايه ... بخصوص قسمى .. انا يومياً بمسح سباب كتير .. عشان المصريين مش بعرفوا يتعاملوا دون لسانهم السليط .. و ده مش عيب ناس المنتدى ده عيب شعب بقاله كده 7000 سنة بيستخدم لسانه قبل عقله .. و عمتاً حار هخش السم امسحلى 2000 مشاركة كده و اجى |
اولا شكرا لكم جميعا
الظاهر انا اخر من يعلم هو فين الموضوع ؟ ياريت اعرف الرابط ومين هو الذي اهان مامتكم:d انا فرحانه عندي اولاد احبهم ويحبوني وهذا يكفيني ولو هناك اهانة لي من اي شخص فانا ارد عليه بهذه الايات الكريمة من القران الكريمه وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ [فصلت : 34] الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ [آل عمران : 134] وَجَزَاء سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ [الشورى : 40] نحن لن نعمر في هذه الدنيا لأن الموت مصير كل حي فإذا إندفنا تحت التراب فسينفعنا عفونا للناس لأننا حققنا رضا الله شكرا وتحياتي للجميع |
اقتباس:
وده اللى بنتمناه ان منتدانا يبقى اعظم المنتديات واحسنهم ويبقى افضل مما هو عليه الان شكرا لمرورك الرائع يا زوزا ولمشاركتك الرائعه :d |
اقتباس:
يا ريت واتمنى ان يكون افضل من هذا نورت التوبيك وشكرا على مشاركتك الجميله :d |
اقتباس:
شكرا على المرور والرد وارجو ان ردى لا يزعج حضرتك تقبل مرورى :blush: |
اقتباس:
اشكر حضرتك على المرور يا ماما نغم حضرتك انسانة عظيمة وكلننا بنحترمك وبنحبك جدا شكرا لمرورك الموضوع نورتينى اوى :blush: بنتك جودى :d |
لا يا جودي أنا لما قلت لأمجد يدخل القسم, عشان أنا عارف أنه مشرف عليه:)
..................................... ده غير أن أنا لا أقصد أي تدخل في شئون الأخرين (وأرفض التدخلات الأجنبية:d, وكمان أرفض الرقابة الدولية على الانتخابات:d) |
اقتباس:
هههههههههههه واضح بردو ان حضرتك مش تتدخل شكرا على المرور :d |
انا عايزة اسال سؤال اللى بيسيب المنتدى بيسيبه ليه اى كانت الخلافات ليه بتسيبوه بجد حرام اوى
|
هل تعلموا ماذا تغير فى مصر منذ الثورة الى يومنا هذا ...... تغير شىء مهم جدا
التوقيت الصيفى !!!! ويجعله عامر . |
للاسف عدم تقبل الرائ الاخر وفرض الاراء على الاخرين هو اللى اأدى لكده وكأننا عايشين فى المدينة الفاضلة ولازم رائ واحد هو اللى يبقى موجود طيب لو مفيش رائ تانى ونقاشات مفيش هيبقى فى تفاعل ولا مواضيع وبعدين حاول تقنع اللى قدامك ما اقتنعش خلاص انت عملت اللى عليك وهو حر هو انت اللى هتحاسبه ولا ربنا |
اقتباس:
ههههههههههههههههههه.. هرد ع موضوعك يا جودي ..ف وقت تاني بس حلوه اوي يجعله عامر دي..:d تسجيل متابعه.. |
أه بجد فعلا اانا ملاحظة ان حاجات كتيرة جدا في المنتدي اتغيرت
وناس كتيرة بقت تتخانق والي عايز يسيب المنتدي وياما هو ياما التاني طيب وهيجرا حاجة لو هما الاتنين بقوا ف المنتدي وكل واحد في حاله بس نرجع ونقول في نــــــــــــآس طيبة وكويسة وبتحب الخير للبــــــــــــآقي آشكرك ع موضوعك يآ جودي تقبل مروري |
اقتباس:
|
نادراً ما بقيت الاقي موضوع يستحق الرد .................
انا رأيي ان في اسباب كتير للي بتقولي عليه ده زي عدم تقبل الرأي الاخر و الاهم من كده هو ان مبقاش في حسن ظن في الاخرين خاصةً ان الاوضاع الحالية خلت فكرة الشك في انسان سهلة حتي بنلاقي الخناقات بتكتر و شكوك الناس اكتر و ده بشوفه بعيني يمكن المنتدي من فترة مفكرش انه يعمل حاجة جديدة اي اقصد ان الادارة لم تعد خلاقة في افكارها يعني مبقيناش نشوف فكرة جديدة تحمس الاعضاء انهم يعملوا اي حاجة و الملل بيولد الضجر بطبيعة الحال فأتمني اني اشوف شيء جديد علي صفحات المنتدي يحمسنا و يحمس بقية الاعضاء اقترح مثلاً اننا ندخل نظام نقاط التقييم في المنتدي و دي هتتيح حاجات كتير في المنتدي بعد كده ...... و تقبلي مروري جودي علي موضوعك الرائع |
اقتباس:
ده حتى خانة المتواجدين داخل الموضوع اتشالت عشان الموقع يخف تقولي نضيف كمان :d |
اقتباس:
عقبال ما تتشال كده يارب |
الفلوس غيرت بعض الناس
والشهره والموضه وحاجات كتيييييييييييييييييير اوى والله ما عارفه ايه اللى بيحصل فعلا مشكوره على الموضوع الرائع.... |
| جميع الأوقات بتوقيت GMT +2. الساعة الآن 09:45 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.