انا خايفة اوى ومحتارة جدااااااااااااااا
 

دللوقتى انا جايبة 398ونص يعنى 97.2 دلوقتى انا نفسى ادخل صيدلة ف اى حتة بس المشكلة ف اهلى يعنى اخرى حلوان المهم دلوقتى انا كتبت رغباتى بدات بصيدلة عين شمس وقاهرة وحلوان
طب لو مجموعى بقى بعد الشر مجابش صيدلة وجاب علاج طبيعى ادخل علاج طبيعى؟؟؟؟؟؟؟
وسياسة واقتصاد احسن ولا علاج طبيعى احسن ؟؟؟؟؟؟؟؟
عشان لو كده بفكر ابدل علاج طبيعى بسياسة واقتصاد ايه رأيكم؟:unsure:

حد يرد يشاركنى ف الفكير بجد محتارة انتو فيييييييييين؟؟؟؟؟؟؟؟؟؟؟؟؟؟؟؟

ان شاء الله تجيبى صيدلة مرتاحة لأن الصيدلة فى أسوأ الاحوال مش حيزيد حدها الادنى عن 97%:av4056bb7jp3:

ان شاء الله تلحقي صيدلة مرتاحة جدااااااااااااااااا :)
بس لو لاقدر الله مجتش يبقى سياسة لو ليكي في النظري عشان كلها نظري..أو علاج طيبعي أسهل بكتير بقى

"ربنا يسمع منكم ياااااااااااارب" طب كمستقبل علاج طبيعى حلوة ؟؟؟؟؟ وبيدرسوا فيها ايه
وشكرا ليكم اوى تعبتكم معايا:bosyht9:

علاج طبيعي كمستقبل حلوة جدا مقارنة بسياسة
ممكن تشتغلي في مركز تخصصي أو مستشفى...ده غير انها سهلة و ما شاء الله باين عليكي شاطرة و ممكن تتفوقي فيها و تتعيني في الجامعة ( اللهم لا حسد :d :d )

على فكرة احنا عاووزين نرفع دعوة على الوزير الجديد دا سايب اولياء الامور يتحرق دمهم ورايح يصيف اية رايكم

ما حد يرد على انا محتارة جدا اااااااااااا انا جبت 97

انتى ان شاء الله تلحقى صيدلة بس لاقدر الله لو ملحقتيش يبقى علاج طبيعى بدون تفكييييير ياقمر مضمونة فى الشغل عن سياسة واقتصاد وبعدين حرام مجموعك الجميل دة يترمى فى سياسة واقتصاد علاج طبيعى مطلوبين فى المستشفيات او ممكن كمان تبقى دكتورة تخسيس وتنجحى جامد ربنا معاكى

*** الكل حمراء فاقع لونها

ههههههههههههههه ماااشى لا احسد براحتك الواحد اصلا متعقد من الكلام الغريب اللى بيسمعه كل يوم ف الجرايد والله تعبت من كتر التفكير حسسونى انى جايبة درجة زى الزفت وربنا يخليك ع مشاركتك دى ريحتنى شكرااااااااا

واضح ان الوزير ده جى يهرج بس المشكلة انى حاسة اننا مهما عملنا برضو اللى هايعملوه هايعملوه لانه مش بايديهم هما ملتزمين بعدد معين بالكليات
وبرضو اكيييييييييييييييييييييد بيعملوا حساب للجامعات الخاصة حسبى الله ونعم الوكيل فيهم

يااااااااااااااارب ادخل صيدلة ربنا يسمع منك ربنا يخليكى يااااارب ويوفقك ف حياتك باذن الله متشكرة ليكى اوى

يااااااااااااااااارب الحق صيدلة ان شاء الله خير اناسيباها لربنا وزى ماتيجى والخير فيما اختاره الله ومتشكرة ليكى اوى يادكتورة ربنا يوفقك ان شاء الله

:

ان شاء الله يجيلك صيدلة يارب

اكتبى بعديها علاج طبيعى...

ان شاء الله ماانا عملت كده وكتبت بعدها علاج طبيعى وربنا ييسر اللى فيه الخير ان شاء الله

اهم حاجة ان الناس الحلوة اللى عمالة تتطالب دلوقتى ان التنسيق ينزل متجيش تعيط بعد كده لما الكلية تبقى زحمةوميلقوش مكان يتعلموا فيه :)

ومش نلاقى بعد بدء الدراسة ناس رايحة التحرير علشان مش لاقية مكان

لما انتوا يا بتوع العلمى هتخشوا سياسة واقتصاد

امال سبتوا ايه لبتوع الادبى ؟؟؟ :d :d

شكل البلد دى اصلا من بعد ثورة 25 يناير مش هاتبطل مظاهرات مصر عشان ترجع زى الاول تانى قدامك خمس سنين قدام ورغم اللى بيحصل ف مصر انا بعشقها وخابفة ع البلد اوى من اللى بيحصل سيبك بقى لا تنسيق ولا بتاع ولا شغل ولا التفاهات دى المهم بلدنا والله نحافظ عليها ونقدر نرجعها زى الاول والله مافيش حب زى حب بلدى بعشقها ع الرغم من ان الوحش فيها كتير بس برضه بحبها واحنا اللى هانغيرها ونبقى دكاترة ومهندسين يخدموها ويعلوها ان شاء الله

انا عاااااااارفة ان لو عليا مش عايزة سياسة واقتصاد اصلا ودده اللى حارق دمى بعد مذاكرة فيزيا واحياء وكيميا ووجع دماغ وعدم راحة بال ف الاخر ادخل كلية ادبى ليه حرام كنت اخدتها من قاصرها وادخل ادبى بس الحمد لله انا ثقتى ف ربنا كبيرة وان شاء الله هاكون صيدلة باذن الله ربنا مش هايكسفنى

شكرا ليييييييييك اوى ربنا يسمع منك يااارب والله يبارك فيك ويوفقك ان شاء الله

أنا جايب نفس المجموع وكتبت
صيدله
علاج طبيعى
طب بيطرى
سياسه و اقتصاد

اكتب سياسة قبل البيطرى او تجاره انجلش يا معلم

انا رايى كده برضو طب بيطرى مش حلو انا كتبت رغباتى

صيدلة
طب اسنان
طب بشرى
علاج طبيعى
سياسة واقتصاد
اعلام
السن
علوم
اثار

وربنا يوفقنا يارب وندخل صيدلة وكل واحد يدخل الكلية اللى نفسه فيها

بسم الله الرحمن الرحيم

السلام عليكم

بصى يا كتكوتة

اكتبى كل صيادل الجمهورية واسمعى كلامى

ولو مجتش كلية من اللى جنبيكى اعملى توزيع جغرافى

ولا علاج طبيعى ولا سياسة واقتصاد

مبروك يا دكتورة

ماانا عملت كده ككتبت كل صيدلة باقاليمها واملى ف ربنا كبير ان شاء الله انى ادخل صيدلة وشكرا ليك اوى

اولا هذا كله بسبب الغش الذى حدث فى بعض المحافظات والجبن الذى سيطر على الملاحظين فى بعض اللجان وهذا كله حدث بعد الثورة كان لا بد من تاجيل امتحانات هذا العام حتى يعود الامن والامان

فكان هناك لجان فى السويس والعريش وكفر الشيخ اكن الغش فيها جماعى وليس من الكتاب بل كان هناك حل نموذجى عن طريق بعض المدرسين قليلى الضمير يتم توزيعه على الطلاب

وهذا كله لتخريب التعليم فى مصر

ان شاء الله هتدخلي صيدلة وربنا معنا يارب ويحققلنا اللي نفسنا فيه ما عليكي سوا الدعاء لله لانك عملت اللي عليكي وربنا مش هيضيع تعب حد بس بالنسبة للترتيب انا عامة ا حتطته علاج طبيعي بعد طب وصيدلة واسنان لان حاسة ان اقتصاد شغلها مش مضمون وانا نهى وبتمنا كلنا ندعي لربنا يسهلهنا

متشكرة ليكى اوى انا فعلا ترتيب الكليات برضو كتبتاها كده بعد صيدلة وطب اسنان وطب بشرى وربنا ييسر اللى فيه الخير وكلنا ندخل اللى احنا عايزينه